MUUNDO WA SERIKALI YA KISHETANI NA MASHETANI WANAOTAWALA SIKU

JUMAPILI: 11 JANUARY 2015 - UFUFUO NA UZIMA MOROGORO

SOMO: MUUNDO WA SERIKALI YA KISHETANI NA MASHETANI WANAOTAWALA SIKU

Na:   ADRIANO MAKAZI (RP)

RP Adriano akimkaribisha mama yetu ili
atupe salamu za Mwaka mpya 2015.

Utangulizi: Somo la leo linaitwa “Muundo Wa Serikali Ya Kishetani na Mashetani Wanaotawala Siku”. Shetani hayupombali nasi,bali yupo hapahapa duniani na utawala wake.

A: MAJINA YA SHETANI KATIKA BIBLIA

Biblia imemtaja shetani kwa majina mablimbali kama  vile ibilisi, muovu, mkuu wa ulimwengu n.k.

MATHAYO 4:1….[Kisha Yesu alipandishwa na Roho nyikani, ili ajaribiwe na Ibilisi.]….

MATHAYO 4:5…[Kisha Ibilisi akamchukua mpaka mji mtakatifu, akamweka juu ya kinara cha hekalu,]… Unaona ibilisi anadiriki kumchukua Yesu ambaye aliviumba vitu vyote hapa duniani.

MATHAYO 4:11…[Kisha Ibilisi akamwacha; na tazama, wakaja malaika wakamtumikia.]…

RP Happiness  Godson (Mama yetu) akiongea
na Majeshi ya Bonde la Maono- Morogoro
Jumapili 11/1/2015.  Ni raha sana kuwa naye.

Sehemu nyingine Biblia inamtaja shetani mahali pengine:

AYUBU 1:6..[Ilikuwa, siku moja ambayo hao wana wa Mungu walikwenda kujihudhurisha mbele za Bwana, Shetani naye akaenda kati yao.]…. Biblia inamtaja shetani.

Biblia inamtaja shetani kama muovu, na ndivyo alivyo. MATHAYO 5:37…[Bali maneno yenu yawe Ndiyo, ndiyo; Siyo, siyo; kwa kuwa yazidiyo hayo yatoka kwa yule mwovu.]….. Maana yake, ukisema ndiyo iwe ndiyo, na siyo iwe siyo.

Biblia inamtaja shetani kama mkuu wa ulimwengu. Yote unayoyaona duniani ni kazi ya shetani.

YOHANA 14:30…[Mimi sitasema nanyi maneno mengi tena, kwa maana yuaja mkuu wa ulimwengu huu, wala hana kitu kwangu.]….

YOHANA 16:11…[ kwa habari ya hukumu, kwa sababu yule mkuu wa ulimwengu huu amekwisha kuhukumiwa.]…. Huyu shetani,au ibilisi,  au muovu, au mkuu wa ulimwengu  ndiye anayefanya maisha yako yawe jinsi yalivyo leo.

YAKOBO 4:7…[Basi mtiini Mungu. Mpingeni Shetani, naye atawakimbia.]….Leo tutamkimbiza shetani aliyeshikilia afya yako naye atakimbia kwa Jina la Yesu. ukimpinga shetani atakimbia tu.

 

RP  Adriano akifundisha somo  Jumapili
tarehe 11/1/2015 Bonde la Maono - Morogoro.

Mahali  pengine shetani anaitwa ‘lusifa’, maana yake ni ‘mtoa nuru’. Watu wengi duniani humwendea lusifa kupata nuru ya biashara, nuru  ya utawala, nuru ya kazi n.k.

Hata Yesu naye aniatwa nuru. Kumbuka shetani hupenda kuigaiga.

YOHANA 1:9…[Kulikuwako Nuru halisi, amtiaye nuru kila mtu, akija katika ulimwengu.]… Maana yake, nuru halisi ilikuwepo, na kwamba nuru isiyo halisi (kutoka kwaw shetani) pia ipo.

 

UKIRI Bwana Yesu karibu kwangu kama nuru, ili giza la dunia hii lisiniweze kwa Jina la Yesu. Amen

 

 

Kusifu na Kuabudu katika Bonde la Maono -Morogoro, tarehe 11/1/2015.

Wachawi wanaweka giza katika  biashara za watu,  kiasi kwamba wateja wakipita kwenye hiyo biashara hawaioni. Hii ni saa ya kuinuka na kung’aa kwa Jina la Yesu.

Shetani anakaa hapa hapa duniani. AYUBU 1:6-7…[Ilikuwa, siku moja ambayo hao wana wa Mungu walikwenda kujihudhurisha mbele za Bwana, Shetani naye akaenda kati yao. 7 Bwana akamwuliza Shetani, Umetoka wapi wewe? Ndipo Shetani akamjibu Bwana, na kusema, Natoka katika kuzungukazunguka duniani, na katika kutembea huku na huku humo.]…Hata hapa kanisani shetani anaweza kuingia na kuwafanya watu wasinzie ili wasilisikilize neno. Ukiona usingizi unakupata,  mara moja mpinge shetani na utaona anakuachiilia kwa Jina la Yesu.

1 NYAKATI 21:1..[Tena shetani akasimama juu ya Israeli, akamshawishi Daudi kuwahesabu Israeli.]… Kama shetani anaweza kumshawishi Daudi mtu wa vita, je, mtawala wa nchi yako ambaye hata vita hajui ni mangapi ambayo ameshawishiwa na shetani na akayafanya?

UFUNUO 12:12….[Kwa hiyo shangilieni, enyi mbingu, nanyi mkaao humo. Ole wa nchi na bahari! Kwa maana yule Ibilisi ameshuka kwenu mwenye ghadhabu nyingi, akijua ya kuwa ana wakati mchache tu.]… Huu ni udhihirisho kuwa shetani yupo hapa hapa duniani (bahari na nchi).

 

KUMBUKUMBU 34:1-6…[ Musa akapanda kutoka uwanda wa Moabu mpaka mlima Nebo, hata kilele cha Pisga kukabili Yeriko. Bwana akamwonyesha nchi yote ya Gileadi hata Dani; 2 na Naftali yote, na nchi ya Efraimu na Manase, na nchi yote ya Yuda, mpaka bahari ya magharibi; 3 na Negebu, na uwanja wa bonde la Yeriko, mji wa mitende, hata mpaka Soari. 4 Bwana akamwambia, Hii ndiyo nchi niliyowaapia Ibrahimu, na Isaka, na Yakobo, nikisema, Nitawapa wazao wako. Basi nimekuonyesha kwa macho yako, lakini hutavuka huko. 5 Basi Musa, mtumishi wa Bwana, akafa huko, katika nchi ya Moabu, kwa neno la Bwana. 6 Akamzika bondeni, katika nchi ya Moabu, kukabili Bethpeori; lakini hapana mtu ajuaye kaburi lake hata leo.]….Pamoja na kwamba Mungu alimzika Musa, tunaona katika kitabu cha YUDA 1:9…[Lakini Mikaeli, malaika mkuu, aliposhindana na Ibilisi, na kuhojiana naye kwa ajili ya mwili wa Musa,hakuthubutu kumshitaki kwa kumlaumu, bali alisema, Bwana na akukemee.]…. Huu ni mwili wa Musa,  lakini kwa nini shetani  anataka kuuchukua huu mwili? Shetani ni roho, lakini jambo la kujiuliza,  kwa nini  shetani ahangaike na mwili huu? Hata wakati  wa Yesu, wale wanawake walipoenda makaburini wakaukosa mwili  wa Yesu, bila kujua kuwa Yesu amaefufuka, walianza kulia wakisema kuna watu wameuiba mwili wa Bwana Yesu. Hawa wanawake wasingeweza kuongea mambo kama haya endapo haikuwepo desturi ya miili ya waliokufa kuibiwa.

1YOHANA 5:19…[Twajua ya kuwa sisi tu wa Mungu; na dunia yote pia hukaa katika yule mwovu.]… Shetani anashikilia akili za watu. Ndiyo maana hata ukimhubiria mtu  habari za Yesu, utajikuta wewe unamwelkeza hivi, lakini fikra zake zikombali na wewe.

 

2KORINTHO 4:4..[ambao ndani yao mungu wa dunia hii amepofusha fikira zao wasioamini, isiwazukie nuru ya injili ya utukufu wake Kristo aliye sura yake Mungu.]….Injili  imefichwa kwa wanaopotea ili waendelee kupotea zaidi. Shetani anaitaawala dunia, lakini wewe na mimi ambao tumemwamini  Yesu Kristo hatupo chini ya utawala wa shetani.

 

UKIRI Ninakuja  kiunyume na mashetni wote wanaoitawala dunia katika Jina la Yesu, kwa maana imeandikwa mtiini mungu mpingeni shetani naye atawakimbia. Amen

 

Showers of Glory wakiimba wimbo "Mapambano" katika Bonde la Maono - Morogoro 11/1/2015.

 

B: UHAKIKA KUWA SHETANI ANA SERIKALI YAKE

EFESO 2:1-2…[Nanyi mlikuwa wafu kwa sababu ya makosa na dhambi zenu; 2 ambazo mliziendea zamani kwa kuifuata kawaida ya ulimwengu huu, na kwa kumfuata mfalme wa uwezo wa anga, roho yule atendaye kazi sasa katika wana wa kuasi;]….Serikali ya shetani haifanyi kazi kwa wale waliokoka. Anatenda kazi katika wana wa uasi. Shetani aliasi mbinguni,vivyo hivyo unapokuwa katika uasi ujue unakaa chini ya shetani. Kawaida, hukumu ya uasi ni kifo. Uasi huanzi ndani ya moyo. Kile unachowaza, hakuna awezaye kukijua. Watu wengi hawajui kwa nini shetani anaitwa mfalme. Watu maranyingine huonekana wakiwabusu wafalme,  au kuwainamia n.k. shetani naye hupenda kufanyiwa hivyo hivyo.

 

2 KORINTHO 11:12-15…[Lakini nifanyalo nitalifanya, ili niwapinge hao watafutao nafasi wasipate nafasi; ili kwamba katika neno hilo wajisifialo waonekane kuwa kama sisi. 13 Maana watu kama hao ni mitume wa uongo, watendao kazi kwa hila, wanaojigeuza wawe mfano wa mitume wa Kristo. 14 Wala si ajabu. Maana Shetani mwenyewe hujigeuza awe mfano wa malaika wa nuru. 15 Basi si neno kubwa watumishi wake nao wakijigeuza wawe mfano wa watumishi wa haki, ambao mwisho wao utakuwa sawasawa na kazi zao.]… Kama ukiimkuta kobe amezaa, hawezi kuzaa sungura. Kobe huzaa kobe. Ukimkuta kobe ana kitoto cha sungura, ujue amekaiba.  Shetani anaweza kujiegeuza na kuwa kama malaika wa nuru kumbe siyo.

 

Shetani anaitwa kuwa ni ‘baba wa uongo’.  Maana ya neno baba ni ‘mwanzilishi’. Hata tunapomwita Mungu kuwa ni ‘baba’ hatumaanishi kuwa Mungu ana jinsi ya kiume. Kwa hiyo, shetani anapoitwa baba maana yake ni mwanzilishi wa uongo.

 

YOHANA 8:44….[Ninyi ni wa baba yenu, Ibilisi, na tamaa za baba yenu ndizo mpendazo kuzitenda. Yeye alikuwa mwuaji tangu mwanzo; wala hakusimama katika kweli, kwa kuwa hamna hiyo kweli ndani yake. Asemapo uongo, husema yaliyo yake mwenyewe; kwa sababu yeye ni mwongo, na baba wa huo.]…. Maneno haya Yesu alikuwa anaongea na  Wayahudi. Maana yake shetani ana watoto na anaendelea kuzaa hadi leo. Kazi huwa inamshuhudia mtu. Ndiyo maana Yesu aliwaambia wayahudi  kuwa hata kama hawamuamini, basi wazisadiki kazi zake.

 

Zipo njia tatu za kuweza kubaini / kushuhudia mambo: La kwanza ni ‘Neno la Mungu’. Neno la Mungu huweza kumthibitisha mtu. Jambo linguine ni  ‘muda’.  Kwa kutumia muda, unaweza kumpima mtu afaaye na asiyefaa katika maisha yako (yawe ya ndoa, biashara,  kazi n.k).

 

1 YOHANA 3:9-10…[Kila mtu aliyezaliwa na Mungu hatendi dhambi, kwa sababu uzao wake wakaa ndani yake; wala hawezi kutenda dhambi kwa sababu amezaliwa kutokana na Mungu.10 Katika hili watoto wa Mungu ni dhahiri, na watoto wa Ibilisi nao. Mtu ye yote asiyetenda haki hatokani na Mungu, wala yeye asiyempenda ndugu yake.]…. Ina maana ibilisi ana watoto na Mungu ana watoto.

 

UKIRI Ninakataa kuwa mtotoo wa ibilisi kwa Jina la Yesu, Kwa kuwa imeandikwa Kila mtu aliyezaliwa na Mungu hatendi dhambi, nakataa klutenda dhambi kwa Jina la Yesu. Amen

 

Shetani katika serikali yake ana majeshi.  Ndiyo maana shetani  aliptimuliwa mbinguni alipigana vita. Kwa hivyo basi, vita ya kumpiga shetani si lelemama. YOHANA 12:7-9…[Kulikuwa na vita mbinguni; Mikaeli na malaika zake wakapigana na yule joka, yule joka naye akapigana nao pamoja na malaika zake; 8 nao hawakushinda, wala mahali pao hapakuonekana tena mbinguni. 9 Yule joka akatupwa, yule mkubwa, nyoka wa zamani, aitwaye Ibilisi na Shetani, audanganyaye ulimwengu wote; akatupwa hata nchi, na malaika zake wakatupwa pamoja naye.]….Hapa tunaziona timu mbili: Timu ya malaika Mikaeli na ile ya Joka (Lusifa). Shetani (Lusifa) alikuwa mwimbaji mzuri tu  mbinguni na hata hivyo akawa na mbinu za kupigana. Iweje mtu leo hii anajiita mwimbaji, lakini hajui kupigana vita vya kiroho? Katika mstari  wa 8 imeandikwa “nao hawakushinda, wala mahali pao hapakuonekana tena mbinguni.” Lazima shetani ashindwe kwenye familia  zetu, ukoo, kazi n.k. ili ashindwe duniani na awe ameshindwa kwenye maisha yetu.

 

EFESO 6:12…[Kwa maana kushindana kwetu sisi si juu ya damu na nyama; bali ni juu ya falme na mamlaka, juu ya wakuu wa giza hili, juu ya majeshi ya pepo wabaya katika ulimwengu wa roho.]… Kwa hiyo serikali hii ya shetani inaonekana kuwa ni ya kijeshi jeshi tu.

 

UKIRI Ewe shetani uliyejenga katika maisha yangu, achia maisha yangu kwa damu ya mwanakondoo. Amen

 

Shetani anaitwa mfalme, na chini yake ana falme ambazo anazipa amri  ya kipi kifanyike. Yesu naye ni Mfalme wa Wafalme,  kimaanisha kila mfalme na ufalme vyote vipo chini yake. MATHAYO 9:28-32 ….[Naye alipofika ng'ambo, katika nchi ya Wagerasi, watu wawili wenye pepo walikutana naye, wanatoka makaburini, wakali mno, hata mtu asiweze kuipitia njia ile. 29 Na tazama, wakapiga kelele, wakisema, Tuna nini nawe, Mwana wa Mungu? Je! Umekuja kututesa kabla ya muhula wetu? 30 Basi, kulikuwako mbali nao kundi la nguruwe wengi wakilisha. 31 Wale pepo wakamsihi, wakisema, Ukitutoa, tuache twende, tukaingie katika lile kundi la nguruwe. 32 Akawaambia, Nendeni. Wakatoka, wakaingia katika nguruwe; na kumbe! Kundi lote wakatelemka kwa kasi gengeni hata baharini, wakafa majini.]….

 

LUKA 8:26-30 …[Wakafika pwani ya nchi ya Wagerasi, inayoelekea Galilaya. 27 Naye aliposhuka pwani, alikutana na mtu mmoja wa mji ule, mwenye pepo, hakuvaa nguo siku nyingi, wala hakukaa nyumbani, ila makaburini. 28 Alipomwona Yesu alipiga kelele, akaanguka mbele yake, akasema kwa sauti kuu, Nina nini nawe, Yesu, Mwana wa Mungu aliye juu? Nakusihi usinitese. 29 Kwa kuwa amemwamuru yule pepo mchafu amtoke mtu yule. Maana amepagawa naye mara nyingi, hata alilindwa kifungoni na kufungwa minyororo na pingu; akavikata vile vifungo, akakimbizwa jangwani kwa nguvu za yule pepo. 30 Yesu akamwuliza, Jina lako nani? Akasema, Jina langu ni Jeshi; kwa sababu pepo wengi wamemwingia.]…. Jeshi la pepo wachafu lilikaa ndani ya huyu mtu makaburini. Kila unapliona jeshi,  ujue kuna mtawala (mfalme). Mwaka huu wale waliokuzuia  kupita kuelekea hatimayako wataiachia hiyo njia kwa Jina la Yesu.

 

Serikali ya shetani imegawanyika katka sehemu kuu mbili:

(i).   Serikali ya shetani inayofanua kazi rohoni. Aina hii ya serikali huleta udhaifu, magonjwa n.k.

(ii). Serikali ya shetani kwenye ulimwengu wa mwili.  Hawanimashetani wanaovaa miili na kuwa mwanadamu.

 

MWANZO 18:2- ….[Akainua macho yake akaona, na tazama, watu watatu wamesimama mbele yake. Naye alipowaona alipiga mbio kuwalaki kutoka mlangoni pa hema, akainama mpaka nchi, 3 akasema, Bwana wangu, kama nimeona fadhili machoni pako nakuomba usinipite sasa mimi mtumwa wako. 4 Na yaletwe basi maji kidogo mkanawe miguu, mkapumzike chini ya mti huu. 5 Nami nitaleta chakula kidogo, mkaburudishe moyo, baadaye mwendelee, iwapo mmemjia mtumwa wenu. Wakasema, Haya, fanya kama ulivyosema.]…… Malaika wanaweza kuja na kula,kuoa n.k kama wafavyo wanadamu. Wenyeji wa Sodomana Gomora nao wakaona kuanza kuwatamani kufanya nao tendo la ndoa. Ina maana basi kuwa, kama malaika wa Bwana wanaweza kuvaaa miili, hata mashetani nao wanaweza kufanya vivyo hivyo.

 

MATHAYO 3:7….[Hata alipoona wengi miongoni mwa Mafarisayo na Masadukayo wakiujia ubatizo wake, aliwaambia, Enyi wazao wa nyoka, ni nani aliyewaonya ninyi kuikimbia hasira itakayokuja?]….Kumbe duniani hapa upo uzao wa nyoka; Mungu akupe macho ya rohoni ilikuweza kuawabaini wanaokuja  kwako lakini  kumbe ni wauzao wa  nyoka, kwa sababu hata katika uzao wa nyoka

 

LUKA 3:7…[Basi, aliwaambia makutano ya wale waliomwendea ili awabatize, Enyi wazao wa nyoka, ni nani aliyewaonya ninyi kuikimbia hasira itakayokuja?]…..

 

1KORINTHO 15:24-28…[Hapo ndipo mwisho, atakapompa Mungu Baba ufalme wake; atakapobatilisha utawala wote, na mamlaka yote, na nguvu. 25 Maana sharti amiliki yeye, hata awaweke maadui wake wote chini ya miguu yake. 26 Adui wa mwisho atakayebatilishwa ni mauti. 27 Kwa kuwa, Alivitiisha vitu vyote chini ya miguu yake. Lakini atakaposema, Vyote vimetiishwa, ni dhahiri ya kuwa yeye aliyemtiishia vitu vyote hayumo. 28 Basi, vitu vyote vikiisha kutiishwa chini yake, ndipo Mwana mwenyewe naye atatiishwa chini yake yeye aliyemtiishia vitu vyote, ili kwamba Mungu awe yote katika wote.]…

 

UKIRI Asante Yesu kwa ajili ya siku zetu, asnate Bwana kwa nunipa maaraifa ili niwe na silaha ya kumshinda adui yangu shetani. Asante RohoMtakatifu kwa Kunifundisha,kuniongoza na ukanikumbushe yote pindi itokeapo  vita mbele yangu ili nipate ushindi katika Jina la Yesu. Amen

 

C: MASHETANI WAKUU WATATU WANAOTAWALA DUNIA

Wa kwanza ni Lusifa mwenyewe.  Biblia imemuita majina tofauti tofauti (ibilisi, mkuu wa ulimwengu, muovu, shetani).

 

Wa pili ni Beelzebuli, ambaye ni mkuu wa mapepo. Huyu ni mwana wa iblisi. Ndiye anawatawala mapepo na kuwapa majukumu yao. MATHAYO 12:22-29 … [Wakati ule akaletewa mtu mwenye pepo, kipofu, naye ni bubu; akamponya, hata yule bubu akanena na kuona. 23 Makutano wote wakashangaa, wakasema, Huyu siye mwana wa Daudi? 24 Lakini Mafarisayo waliposikia, walisema, Huyu hatoi pepo, ila kwa Beelzebuli mkuu wa pepo. 25 Basi Yesu akijua mawazo yao, akawaambia, Kila ufalme ukifitinika juu ya nafsi yake, hufanyika ukiwa; tena mji au nyumba yo yote ikifitinika juu ya nafsi yake, haitasimama. 26 Na Shetani akimtoa Shetani, amefitinika juu ya nafsi yake; basi ufalme wake utasimamaje? 27 Na mimi nikitoa pepo kwa Beelzebuli, je! Wana wenu huwatoa kwa nani? Kwa sababu hiyo hao ndio watakaowahukumu. 28 Lakini mimi nikitoa pepo kwa Roho wa Mungu, basi ufalme wa Mungu umekwisha kuwajilia. 29 Ama awezaje mtu kuingia ndani ya nyumba ya mtu mwenye nguvu na kuviteka vyombo vyake, asipomfunga kwanza yule mwenye nguvu? Ndipo atakapoiteka nyumba yake.]…. Mwaka huu 2015 ndivyo amabvyo watu wengi wataulizia  kukuhusu wewe, wakistaajabu umewezaje kutoka na kwenda kwa Jina la Yesu.

 

Wa Tatu ni Ashtorethi: Maandiko yanasema ‘walijenga nguzo juu ya Ashtorethi’. Watawala wengi hujenga tawala zao juu ya huyu Ashtoreshi. Kanisa limejengwajuu ya mwamba ambaye ni Yesu Kristo. 1 WAFALME 11:5 …[Kwa kuwa Sulemani akamfuata Ashtorethi, mungu mke wa Wasidoni na Milkomu, chukizo la Waamoni.], na pia katika

 

 

D. MAPEPO YANAYOTAWALA SIKU

(i).   JUMAPILI

Kimsingi hii ni siku inayoitwa Sunday, yaani ‘siku ya jua’.  Siku hizi zilipewa majina na wanadamu. Mamlaka nyingi zikitaka kuleta jambo la kimamlaka huileta siku ya Jumapili. Hili jambo halifanyiki kwa kuzuia wakristo wasipige kura. La hasha.

 

UKIRI Kwa jina la Yesu naifyatua mipango yao ya kuipangia siku ya Jumapili kwa Jina la Yesu. Nashambulia mashetani wote wanaoitawala Jumapili yangu kwa damu ya Mwanakondoo, ninawafunga wakose nguvu juu ya maisha yangu, na Jumapili zote ninazitiisha kwa Jina la Yesu. Wanaokaa vikao vya uharibifu, vyote navisambaratisha kwa Jina la Yesu, kwa maana imeandikwa Bwana ni mtu wa vita, Bwana ndilo Jina lake. Amen

 


Bonde la Maono - Morogoro hapo Jumapili 11/1/2015

 

Mashetani wanaitawala siku ya Jumapili kwa kila saa,  kuanzia asubuhi saa moja hadi saa 12 jioni. Hii ni kuzuia hata wanaotaka kwenda kanisani washindwe lakini kuwezesha mipango ya uovu ifanyike bila kikwazo. Yanakuwepo mashetani ya kuleta ‘aibu’ kwa mtu siku hii. Ndiyo siku ambayo  hata wachawi hukusanyika. Hufanya hivyo kuiga kile ambacho wana wa Mungu wanakifanya, kama inavyoonekana pia katika AYUBU 1:1-6. Yapo mashetani ambayo hufanya ‘ahadi’ zao za kishetani siku hii.

Muda wa saa moja: yapo mapepo ya kumsahmbulia mtu  kimwili au kiroho.

Muda wa saa mbili: ni wakati mzuri kumdanganya mwanaume au mwanamke kwa jambo lolote.

Muda wa saa tatu: Mtu mwenye cheo, au mpango wa kibiashara

Muda wa saa nne: Ni saa nzuri ya mauzo lakini  ni saa mbaya kwa wanaotumia mapepo. Wahindi kwa mfano, ikifika saa nne Mhindi hukaa mwenyewe

Muda wa saa sita: Ni mzuri wa kutapeli

Muda wa saa nane: Ni saa nzuri kwa wachawi  kuongea na mtotoo aliye tumboni

Muda wa saa tisa: Ni saa nzuri ya kufunga ndoa za kishetani

Muda wa Saa kumi: Muda wa kupongezana kwa wachawi. Ni muda wa kumpa  mtu mnyonge zawadi.

UKIRI Ninafyatua masaa yote ya kishetani,  naimilikisiku ya Jumapili na masaa yake kwa Jina la Yesu. Ninaikamata Jumapili na watwala wote wanaotawala siku hii, naubomoa utawala wa mapepo wanaoitawala Jumapili kwa Jina la Yesu.  Amen.

 

© Information Ministry (Ufufuo Na Uzima - Morogoro)

Mtaa wa Nguvu Kazi, (Minara Mitatu), Mkundi-Morogoro.

 /or

Contact our Senior Pastor:

 Dr. Godson Issa Zacharia

 (Ufufuo Na Uzima – Morogoro)

Cellphone: (+255) 757 550878 / +255 719798778