SOMO: BILA VITA HAKUNA KUMILIKI-Na: ADRIANO MAKAZI (RP)

JUMAPILI: 02 NOVEMBER 2014 - UFUFUO NA UZIMA MOROGORO

Utangulizi: Somo la Jumapili ya leo linaitwa “Bila Vita Hakuna Kumiliki”. Ukiona mtu anamiliki kazi, ujue ameshapigana vita. Ukiona mtu anamiliki ndoa nzuri, ujue ameshapigana vita. Kumiliki kuna kununi yake, kama ambavyo katika  hisabati zipo kanuni za kimahesabu.

RP Adriano akihubiri kwa mara ya kwanza katika Bonde la Maono
Jumapili 02/11/2014 Nyumba ya Ufufuo na Uzima - Mkunndi,  Morogoro.

KUMBUKUMBU 2:1-37…[1 Ndipo tukageuka, tukashika safari yetu kwenda jangwani kwa njia ya Bahari ya Shamu, kama alivyoniambia Bwana; tukawa kuizunguka milima ya Seiri siku nyingi. 2 Bwana akanena, akaniambia, 3 Mlivyouzunguka mlima huu vyatosha; geukeni upande wa kaskazini. 4 Nawe waagize watu, uwaambie, Mtapita kati ya mpaka wa ndugu zenu wana wa watu,   uwaambie, Mtapita kati ya mpaka wa ndugu zenu wana wa Esau waketio Seiri; nao watawaogopa;   basi jiangalieni nafsi zenu sana; 5 msitete nao; kwa maana sitawapa katika nchi yao kamwe, hata kiasi cha kukanyaga wayo wa mguu;   kwa kuwa nimempa Esau milima ya Seiri kuwa milki yake. 6 Nunueni vyakula kwao kwa fedha, mpate kula; na maji nayo nunueni kwao kwa fedha, mpate kunywa. 7 Kwa kuwa Bwana, Mungu wako, amekubarikia katika kazi yote ya mkono wako;   amejua ulivyotembea katika jangwa kubwa hili; miaka arobaini hii alikuwa nawe Bwana, Mungu wako; hukukosa kitu. 8 Basi tukapita kando yao ndugu zetu wana wa Esau, waketio Seiri kutoka njia ya Araba,   kutoka Elathi na kutoka Esiongeberi.  Tukageuka tukapita njia ya bara ya Moabu. 9 Bwana akaniambia, usiwasumbue Wamoabi, wala usishindane nao katika mapigano;   kwa kuwa sitakupa katika nchi yake kuimiliki; kwa sababu Ari nimewapa wana wa Lutu kuimiliki. 10 (Walioketi humo hapo kale ni Waemi, nao ni watu wakubwa, wengi, warefu, mfano wa Waanaki;11 na hawa nao wadhaniwa kuwa majitu kama Waanaki; lakini Wamoabi huwaita Waemi. 12 Na Wahori nao walikuwa wakikaa Seiri hapo kale, lakini wana wa Esau waliwafuata; wakawaangamiza mbele yao, wakakaa badala yao; kama alivyofanya Israeli nchi ya milki yake aliyopewa na Bwana.) 13 Sasa basi ondokeni, mkakivuke kijito cha Zeredi. Nasi tukakivuka kile kijito cha Zeredi. 14 Na siku tulizokuwa tukienda kutoka Kadesh barnea hata tulipovuka kijito cha Zeredi,    zilikuwa ni miaka thelathini na minane; maana, hata walipokwisha kuangamizwa watu wa vita    kutoka kati ya marago, kizazi chao chote, kama walivyoapiwa na Bwana. 15 Tena mkono wa Bwana ulikuwa juu yao ili kuwaangamiza, kuwatoa kati ya marago, hata walipokoma. 16 Basi ikawa, walipokwisha angamizwa kwa kufa watu wote wa vita kati ya watu, 17 Bwana aliniambia, akasema, 18 Hivi leo ivuke Ari, mpaka wa Moabu;19 na utakaposongea kuwaelekea wana wa Amoni, usiwasumbue wana wa Amoni, wala usishindane nao;    kwa kuwa sitakupa katika nchi ya hao wana wa Amoni kuwa milki yako;    kwa sababu nimewapa wana wa Lutu iwe milki yao. 20 (Nchi hiyo nayo yadhaniwa kuwa ni nchi ya Warefai, hapo kale Warefai walikaa humo;    lakini Waamoni huwaita Wazamzumi; 21 nao ni watu wengi, wakubwa, warefu, kama Waanaki; lakini Bwana aliwaangamiza mbele yao;   wakawafuata wakakaa badala yao; 22 kama vile alivyowafanyia wana wa Esau, waliokaa Seiri, alipowaangamiza Wahori mbele yao;   wakawafuata, wakakaa badala yao hata hivi leo; 23 na Waavi waliokuwa wakikaa katika vijiji mpaka Gaza waliangamizwa na Wakaftori waliotoka Kaftori,    na hawa wakakaa badala yao.) Ondokeni, mshike safari yenu, mvuke bonde la Arnoni; tazama, nimemtia Sihoni Mwamori    mfalme wa Heshboni mkononi mwako, na nchi yake; anzeni kuimiliki, mshindane naye katika mapigano. 25 Hivi leo nitaanza mimi kutia utisho wako na kuhofiwa kwako juu ya watu walio chini ya mbingu kila mahali,    watakaosikia uvumi wako, na kutetemeka, na kuingiwa na uchungu kwa sababu yako. 26 Nikatuma wajumbe kutoka bara ya Kedemothi kwenda kwa Sihoni mfalme wa Heshboni na maneno ya amani, kusema. 27 Nipishe katikati ya nchi yako; nitakwenda kwa njia ya barabara, sitageuka kwenda mkono wa kuume wala wa kushoto. 28 Nawe uniuzie chakula kwa fedha nile; unipe na maji kwa fedha, ninywe; ila unipishe katikati kwa miguu yangu, hayo tu; 29 kama walivyonifanyia hao wana wa Esau waketio Seiri, na hao Wamoabi waketio Ari;    hata nivuke Yordani niingie nchi tupewayo na Bwana, Mungu wetu. 30 Lakini Sihoni mfalme wa Heshboni hakutuacha kupitia kwake; kwa kuwa Bwana, Mungu wako, alimfanya mgumu roho yake, akamtia ukaidi moyoni mwake, apate mtia mkononi mwako kama alivyo hivi leo. 31 Kisha Bwana akaniambia, Tazama, nimeanza kumtoa Sihoni na nchi yake mbele yako; anza kuimiliki, upate kuirithi nchi yake. 32 Ndipo Sihoni alipotutokea juu yetu yeye na watu wake wote, kupigana huko Yahasa. 33 Bwana, Mungu wetu, akamtoa mbele yetu, tukampiga yeye na wanawe, na watu wake wote. 34 Tukatwaa miji yake yote wakati huo, tukaharibu kabisa kila mji uliokuwa na watu, pamoja na wanawake na wadogo; tusimsaze hata mmoja; 35 ila ng'ombe zao tuliwatwaa kuwa mawindo yetu, pamoja na nyara za miji tuliyoitwaa. 36 Kutoka Aroeri iliyo katika ukingo wa bonde la Arnoni, na huo mji ulio ndani ya bonde, mpaka kufika Gileadi, hapakuwa na mji uliokuwa mrefu kutushinda; Bwana, Mungu wetu, aliiweka wazi yote mbele yetu; ila nchi ya wana wa Amoni hukuisongelea; 37 upande wote wa mto wa Yaboki, na miji ya nchi ile ya milimani, na kila mahali alipotukataza Bwana, Mungu wetu.]… Baada ya Wana  wa Israeli kumkosea  Mungu wakiwa jangwani kuelekea nchi ya Ahadi, Mungu alisababisha waikose njia. Walikaa sana Kadeshi, wakazunguka sana,  kiasi kwamba Bwana aliwaambia "yatosha"‼. nyakati  nyingine wapo watuambiao  baada ya kuokoka wamepitia sehemu iitwayo Kadeshi. Kwamba mambo yameharibika sana baada ya wokovu,  na mambo hayaendi. 

Showers of Glory wakimchezea Bwana katika Bonde la Maono - Mkundi - Morogoro. Viwanja hivi ni mali ya Kanisa la Ufufuo na Uzima Morogoro, tunakojenga Kanisa kubwa kuliko yote kwa sababu Mungu wetu ni Mkuu kuliko  miungu yote!

Bwana akeshakupa Baraka yako na mahali pa kwenda, hata kama yapo majitu, bado utakatiza tu kwa Jina la Yesu. Mfalme Sihoni wa Heshboni ni yule ambaye katika Baraka zako hujitokeza na kutaka kuzuia hizo Baraka zisitokee. Mungu alimfahamu mfalme Sihoni kuwa hatowaruhusu  Israeli kupita katika nchi yake. Mungu anaweza kutia moyo wa ukaidi  kwa adui zako kama alivyofanya kwa mfalme Sihoni wa Heshboni. 


Mungu anataka watu wake wamiliki,  na ili  umiliki  lazima upigane vita. “Kama haumiliki, ujue unamilkiwa”. Mungu alimuumba mwanadamu ili amiliki, atawale na kutiisha.

Majeshi ya Bwana yakiliteka Viwanja vya Mkundi kwa Maombi ili kumiliki, huku baadhi ya  mbao za ujenzi  zikionekana

MWANZO 1:26-27….[Mungu akasema, Na tumfanye mtu kwa mfano wetu, kwa sura yetu; wakatawale samaki wa baharini, na ndege wa angani, na wanyama, na nchi yote pia, na kila chenye kutambaa kitambaacho juu ya nchi. 27 Mungu akaumba mtu kwa mfano wake, kwa mfano wa Mungu alimwumba, mwanamume na mwanamke aliwaumba.]…. Lazima upigane,  kwa sababu shetani aliiba ile asili  ya kutawala. Wachawi hawapaswi kututawala, na badala yake sisi  ndio tunapaswa kuwatawala wachawi. Adamu na Eva walinyang’anywa ule  uwezo wa kutawala,  pale walipokula tunda walilokatazwa wasile. Mungu aliwatoa nje ya bustani ya Edeni, kwa sababu angewaacha pale wangekula tunda la uzima na matokeo  yake wangeishi na dhambi zao milele na milele. Admau wa Pili (Yesu Kristo) aliturudishia uweza wa kumiliki kwa njia ya damu yake msalabani.

2 KORINTHO 10:3-4….[Maana ingawa tunaenenda katika mwili, hatufanyi vita kwa jinsi ya mwili; 4 (maana silaha za vita vyetu si za mwili, bali zina uwezo katika Mungu hata kuangusha ngome;)]… Kabla askari hajaenda vitani hupewa mafunzo ya  kijeshi. Awali ya yote, huondolewa ile 'hali ya uraia'. Ukiwa Ufufuo na Uzima, unaondolewa ile hali ya ‘uraia’  kwanza,  kwa kufundishwa namna ya kupigana kuelekea kwenye Baraka zako. Sihoni anapokuzia kama alivyofanya kwa Israeli, unapaswa kupigana naye.  Sihoni  ni yeyote anayekuzuia wewe usiingie kwenye afya yako,  badala yake akitaka uendele kukaa katika ugonjwa  wako siku hadi siku.

KUMBUKUMBU 3:1-14…[1 Ndipo tukageuka, tukakwea njia ya Bashani; na Ogu, mfalme wa Bashani, akatutokea juu yetu, yeye na watu wake wote, kuja kupigana huko Edrei. 2 Bwana akaniambia, Usimwogope; kwa kuwa nimemtia mkononi mwako, yeye na watu wake wote na nchi yake; nawe utamtenda mfano wa ulivyomtenda Sihoni, mfalme wa Waamori, aliyekuwa akikaa Heshboni. 3 Basi Bwana, Mungu wetu, akamtia mikononi mwetu na Ogu mfalme wa Bashani, na watu wake wote; tukampiga, asisaziwe cho chote. 4 Tukatwaa miji yake yote wakati huo; hapakuwa na mji tusiotwaa kwao miji sitini, nchi yote ya Argobu, ndio ufalme wa Ogu ulio katika Bashani. 5 Miji hiyo yote ilikuwa yenye maboma marefu, na malango, na makomeo, pamoja na miji isiyokuwa na maboma, mingi sana. 6 Tukaiharibu kabisa, kama tulivyomfanya huyo Sihoni, mfalme wa Heshboni, kwa kuharibu kabisa kila mji uliokuwa na watu, pamoja na wanawake na watoto. 7 Lakini wanyama wote wa mji, na nyara za miji, tulitwaa kuwa mawindo yetu. 8 Tukaitwaa na nchi wakati huo, katika mikono ya hao wafalme wawili wa Waamori waliokuwa ng'ambo ya Yordani, tokea bonde la Arnoni mpaka kilima cha Hermoni; 9 (na hiyo Hermoni Wasidoni huiita Sirioni, na Waamori huiita Seniri); 10 miji yote ya nchi tambarare, na Gileadi yote, na Bashani yote, mpaka Saleka na Edrei, nayo ni miji ya ufalme wa Ogu katika Bashani. 11 (Kwani aliyesalia katika mabaki ya Warefai ni Ogu pekee, mfalme wa Bashani; tazama, kitanda chake kilikuwa kitanda cha chuma; kitanda hicho b je! Hakiko Raba kwa wana wa Amoni? Urefu wake ulikuwa ni mikono kenda, na upana wake mikono minne, kwa mfano wa mkono wa mtu). 12 Na nchi hiyo tuliitwaa ikawa milki yetu, wakati huo; tokea Aroeri iliyo kwenye bonde la Arnoni, na nusu ya nchi ya milima ya Gileadi, na miji iliyokuwamo, niliwapa Wareubeni na Wagadi; 13 na nchi ya Gileadi iliyobaki, na Bashani yote, maana huo ufalme wa Ogu niliwapa nusu ya kabila ya Manase; nchi yote ya Argobu, nayo ndiyo Bashani yote. (Na nchi hii yaitwa nchi ya Warefai. 14 Yairi, mwana wa Manase, alitwaa nchi yote ya Argobu, hata mpaka wa Wageshuri na Wamaaka; akaziita nchi hizo Hawothyairi, kwa jina lake mwenyewe, hata hivi leo, maana, hizo nchi za Bashani.)]…. Kwenye kila maisha ya mtu au safari yako ya Baraka,  utakutana na akina Sihoni na Ogu. Bila kupigana vita,  hakuna kumiliki. Kama mtu anahitaji kumpata mchumba/mume/mke/kazi, anapswa kupigana vita. Yamkini huyo mwenzio ameshikiliwa na hawa ‘wafalme mashuhuri’.  Hawa Wafalme ni ambao wamejipanga ili  kuona waisraeli hawamiliki.  Jinsi ile ile wamlivyopigwa wafalme Sihoni na Ogu,  ndivyo hata sisi tunaenda kupigana, na lazima tutaenda kushinda kwa Jina la Yesu.

Majeshi ya Bwana,marika yote, wakubwa kwa watoto wakiwa wametawanyika kufanya Maombi ya Kushindana ili kumiliki.

WAEFESO 6:10-12 [10 Hatimaye, mzidi kuwa hodari katika Bwana na katika uweza wa nguvu zake. 11 Vaeni silaha zote za Mungu, mpate kuweza kuzipinga hila za Shetani. 12 Kwa maana kushindana kwetu sisi si juu ya damu na nyama; bali ni juu ya falme na mamlaka, juu ya wakuu wa giza hili, juu ya majeshi ya pepo wabaya katika ulimwengu wa roho.]… Biblia inasema ‘mzidi’ maana yake, kila  iitwapo  leo lazima upige hatua ya vita vyako. Kama hakuna vita, kwa nini  tuvae silaha? Vipo vitu vinne ambavyo  vimetajwa hapa: falme,  wakuu wa giza, mamlaka na  majeshi ya pepo wabaya. Vita yako inategemea wewe  unapigana na nini. Endapo vita yako ni juu ya falme,  ujue vita yako  ni kubwa sana, kwa sababu penye mfalme lazima pana majeshi yanayomlinda huyo  mfalme‼!

Wakati  mwingine vita ya mtu inakuwa juu ya mizimu. Kawaida, mizimu ni  mashetani yanayotawala na kumiliki wanaukoo kwenye makabila ya Afrika‼! Mashetani haya huhakikisha  kuwa watu wa ukoo husika wanapitia maisha yanayofanana fanana. Mfano, endapo mama katika ukoo wa mizimu anazaa kabla ya ndoa, itakuwa hivyo hivyo hata kwa mabinti wake kuzaa kabla ya kuolewa‼ Ili  uweze kutoka  kwenye hali kama hii, inabidi upigane vita ili baadae utoke kwenye huo ukoo  na kuingia katika ukoo  wa Bwana Yesu.

Miavuli Juu, Miavuli Chini!!! Hii ndiyo staili  yetu,  tukiwa kwetu - Bonde la Maono,Mkundi - Morogoro, tarehe 02/11/2014

Mashetani yapo na yemejigeuza na kuitwa kwa majina tofauti.  Mfano, maeneo yote ambayo Waarabu walikaa au wanakaa sasa hivi, aina ya mashetani  yanayotawala maeneo hayo ni ‘majini’. Mashetani wengine aina  ya ‘majoka’, yapo na yanaijua hata Biblia kwa sababu yana asili ya mbinguni (UFUNUO 12:7-12). Mashetani aina ya majoka, yanaweza kugeuka  na kuwa kitu  chochote kwa sababu yana uwezo wa kuwa kama malaika. Ndiyo  maana, kuna nyakati ambapo tatizo la mtu haliishi haraka, kwa sababu aina hii  ya mashetani (majoka) yanapotumwa kwa mtu, humshikilia mtu yakitaka asiweze kutoka katika shida yake.

MAOMBI: Kwa Jina la Yesu, leo ni siku yangu ya kushindana na nitashinda kwa Jina la Yesu. Amen

Katika Biblia, kila aliyepigana, jina lake lilibadilika. Imeandikwa:

YEREMIA 51:20-24…[Wewe u rungu langu na silaha zangu za vita; kwa wewe nitawavunjavunja mataifa; na kwa wewe nitaharibu falme; 21 na kwa wewe nitamvunjavunja farasi, na yeye ampandaye; na kwa wewe nitalivunjavunja gari la vita, na yeye achukuliwaye ndani yake; 22 na kwa wewe nitawavunjavunja mwanamume na mwanamke; na kwa wewe nitawavunjavunja mzee na mtoto; na kwa wewe nitawavunjavunja kijana mwanamume na kijana mwanamke; 23 na kwa wewe nitamvunjavunja mchungaji na kundi lake; na kwa wewe nitamvunjavunja mkulima na jozi yake ya ng'ombe; na kwa wewe nitawavunjavunja maliwali na maakida. 24 Nami nitamlipa Babeli, na wote wakaao ndani ya Ukaldayo, mabaya yao yote, waliyoyatenda katika Sayuni mbele ya macho yenu, asema Bwana.]… Bwana akitaka ampige Ogu anakutumia  wewe. Ndiyo maana Mungu  akamwambia  Musa, mtashindana nao, siyo kwamba Mungu atafanya hivyo, lahasha, bali atamtumia Musa na Waisraeli wote kupigana na kuwashinda maadui zote‼! 


Kwa hiyo huu siyo wakati wa kumlilia Mungu  na kumuomba akupiganie au  akutetee‼! Silaha nazo hutofautiana,  nyingine ni mawe,  mishale, machine guns,  nyingine ni mabomu ya nyuklia‼! Biblia inasema, “Amelaaniwa mtu yule asiyetumia silaha yake kumwaga damu”….. Leo mashetani  yote ni saizi yetu. Kila jini linalojipitisha katikati  yetu lazima tutumie silaha zetu kumwaga damu  za hilo  jini  kwa Jina la Yesu.

Baadhi ya Majeshi ya Bwana Morogoro wakifuatillia kwa
makini somo la Jumapili  hii tarehe 02/11/2014 liitwalo
"Bila Vita Hakuna Kumili"

MAOMBI: Bwana Mungu wa Mbinugni ninakuja kwako leo  kwa Jina  la Mwanakondoo. Ninaomba msamaha kwa maovu yote niliyotenda kwa Jina la Yesu. Naomba unipe neema mchana huu wa leo  katika Jina la Yesu. Nifanye kuwa rungu lako, nifanye kuwa silaha zako kwa Jina la Yesu. Unifanye kuwa mtu wa vita katika Jinala Yesu, kwa maana bila vita hakuna kumiliki. Nahitaji kumiliki afya,  nahitaji kumiliki utajiri katika Jina la Yesu. Roho Mtakatifu uniongoze katika njia,  na mahali  pa  kupenya katika  Jina la Yesu.  Amen

© Information Ministry (Ufufuo Na Uzima - Morogoro)

Mtaa wa Nguvu Kazi, Mkundi-Morogoro.

 /or

Contact our Senior Pastor:

 Dr. Godson Issa Zacharia

 (Ufufuo Na Uzima – Morogoro)

Cellphone: (+255) 757 550878 / +255 719798778