JUMAPILI: 09 NOVEMBER 2014 - UFUFUO NA UZIMA MOROGORO
 |
| Mtoto Kelvin akiwekwa wakfu tarehe 09/11/2014, na RP Adriano, mbele ya mama yake Clara Kautipe (kushoto) na MP wa Watoto Rehema Amos (katikati) Bonde la Maono. Huyu ni mtoto wa kwanza kuwekwa wakfu katika Bonde la Maono. |
Utangulizi: Somo la leo linaitwa “Kafara ya Madhabahu”. Kafara ni sadaka ya kuteketezwa waliyoagizwa wana wa Israeli na Bwana kwa ajili ya kufanya upatanisho, wakichukua kondoo, njiwa au ndama. Jambo hili shetani naye ameliigiza kwa kuwatumia wachawi na waganga wa kienyeji ili kufanya kafara. Zamani watu walikuwa wakitoa sadaka za aina hii aidha kwa Mungu au kwa mashetani. Madhabahu kwa hiyo, ni kiunganishi kati ya ulimwengu wa mwili na ulimwengu wa roho.
 |
| RP Adriano akihubiri somo "Kafara ya Madhabahu" Jumapili ya tarehe 09/11/2014 Bonde la Maono - Morogoro. |
KUMBUKUMBU 32:17…[Walitoa sadaka kwa
pepo, si Mungu, Kwa miungu wasiyoijua, Kwa miungu mipya iliyotokea siku zilizo
karibu, Ambayo baba zenu hawakuiogopa.]….Kumbe wachawi wanapotoa sadaka zao, hawazitoi kwa
Jehovah, Mungu tunayemwabudu. Huzitia sadaka hizo kwa majini ili yawatie nguvu
ya kufanya uharibifu kwa wanadamu wenzao.
ZABURI 106:37…[Naam, walitoa wana wao
na binti zao Kuwa dhabihu kwa mashetani.]….Jamii hii ilikuwa na kawaida ya kuwatoa watoto wao kwa mashetani. Kila mtu
husimama kwa kutumia nguvu ya madhabahu iliyoko nyuma yake. Mchungaji anatiwa
nguvu na madhabahu ya Jehovah, wakati ambapo wachawi nao hutiwa nguvu na madhabahu
ya mashetani.
Kuhani wa madhabahu husimama kati
ya wanadmu na Mungu, kwa kupokea
shida na matatizo ya wanadamu na kuyapeleka kwa Bwana. Watu wanapokuja mbele za
Bwana, lengo ni kupokea majibu ya shida zao, na siyo kwenda kuombewa na
makuhani. Hana alichokozwa sana na Penina kwa habari ya kukosa watoto.
Alichokifanya Hana ni kwenda mbele za Bwana huko Shilo na kujimimina mbele za
Bwana ili kupokea mtoto, na Bwana akamjibu kwa kumpatia mzaliwa wake wa kwanza
aitwae Samweli.
MAOMBI:
Kwa jina la Yesu, asubuhi hii ya leo ni asubuhi ya kuwashughulikia
walionichokoza. Kwa Jina la Yesu,
Amen.
|
Watu wa kale kabla ya
kufanya jambo lolote waliijenga madhabahu kwanza kisha wakazitoa kafara.
MWANZO 12:7…[Bwana akamtokea
Abramu, akasema, Uzao wako nitawapa nchi hii. Naye huko akamjengea madhabahu
Bwana aliyemtokea.]…
Kumbe madhabahu hujengwa mahali ambapo ni pako, na kwamba ukeshaijenga ni
mahali pako kwa ajili ya kutolea sadaka…MWANZO
13:17…[Ondoka, ukatembee katika nchi hii katika
mapana yake, na marefu yake, maana nitakupa wewe nchi hiyo. 18 Basi Abramu
akajongeza hema yake, akaja akakaa kwenye mialoni ya Mamre, nayo ni miti
iliyoko Hebroni, akamjengea Bwana madhabahu huko.]… Kumbe hapa tunajifunza kuwa, Mtu yeyote
kabla ya kufanya jambo lolote, ni muhimu kuijenga madhabahu.
WAAMUZI 6:22-24 …[Gideoni akaona ya kuwa
ni malaika wa Bwana; Gideoni akasema, Ole wangu, Ee Bwana MUNGU! Kwa kuwa
nimemwona Bwana uso kwa uso. 23 Bwana akamwambia Amani iwe pamoja nawe;
usiogope; hutakufa. 24 Ndipo Gideoni akamjengea Bwana madhabahu hapo, akaiita
jina lake, YehovaShalomu; hata hivi leo iko huko katika Ofra ya Waabiezeri.]… Watu wa kale walipoijenga madhabahu
waliipa madhabahu ‘jina’ pia. Wamidiani wa siku za leo ni wale wote wanaoharibu
kila kitu kizuri ulichokusudia. Leo hii
lazima tuwachakaze watu wa aina hiyo kwa Jina la Yesu. Wale wote
wanaokosesha amani ndoa yako, au wanaokosesha amani kazi yako, n.k tunahitaji
amani ipatikane hapo kwa Jina la Yesu. Ulimwengu waweza kutoa amani, lakini amani ya Bwana Yesu ni tofauti sana na
aina zingine zote za amani. Katikati ya matatizo, watu wakuone unayo
amani, na watu wakitaka kuijua siri ya
amani yako uwaambie ‘ninaye Bwana wa Amani’
WAAMUZI 6:25-26...[Ikawa usiku uo huo
Bwana akamwambia, Mtwae ng'ombe wa baba yako, yaani ng'ombe wa pili, wa miaka
saba, ukaiangushe madhabahu ya Baali, aliyo nayo baba yako, ukaikate Ashera ile
iliyo karibu nayo; 26 ukamjengee Bwana, Mungu wako, madhabahu juu ya ngome hii,
kwa taratibu zake; ukamtwae yule ng'ombe wa pili na kumtoa awe sadaka ya
kuteketezwa, kwa kuni za ile Ashera uliyoikata.]….Kwenye familia ya akina Gideoni, baba
yake alikuwa na madhabahu lakini haikuwa
ya Bwana, bali ya Baali. Madhabahu hii ya familia ya Gideoni, ndiyo ilimfanya Gideoni
ajione ‘mnyonge’, wakati mbinguni
wanamjua yeye ni ‘shujaa’. Wapo watu wengine katika familia nyingine hata
leo hii kila wapatapo fedha za mshahara,
matatizo ya kuhitaji fedha hujitokeza ili
kwamba pesa yao isifanye jambo lolote la maendeleo. Kwenye ulimwengu wa
roho watu wa kusababisha aina hii ya matatizo wapo na ambao hufanya hayo
matatizo yakusonge ili usiendelee. Kumbe katika ujenzi wa madhabahu, kuna
taratibu zake, ili iweze kuwa imara na
yenye nguvu.
Baada ya Gideoni kuijenga
madhabahu ya ‘Jehovah Shalom’, Bwana
alimwambia sasa ili upate ushindi kamili,
ni lzima ukaibomoe ile ‘madhabahu
ya Baali’. Maana yake ni kuwa, ‘huwezi
kuwa na madhabahu mbili kwa wakati mmoja’. Huwezi kuwa mzinzi, huku umeokoka. Huwezi kuwa na Yesu, huku unamfuata sangoma akutabirie. Huwezi
kuwa na boy friend / au girl friend na huku unataka Mungu akubariki ili kuwa na
ndoa njema. Kwa Mungu hakuna
michanganyo.
 |
| Baada ya Majeshi ya Bwana kuijua siri ya "Kafara ya Madhabahu" hatimaye waliinua mikono yao kwa furaha!!! |
MAOMBI:
Kwa Jina la Yesu, Kama ipo madhabahu mahali ya kunifanya niwe
mtu wa kushindwa; Kama ipo madhabahu mahali kunifanya niwe mgonjwa; Kama ipo madhabahu mahali kunifanya niwe nisiwe
na fedha, naisambaratisha kwa Jina la
Yesu. Na kila kuhani yeyote, makuhani majini, majoka, mapepo, mnaponyunyizia
uvumba kunifanya nishindwe, nawateka nyara, makuhani wote, ninawachinja
katika Jina la Yesu. Amen.
|
Baba yak e Gideoni alikuwa
na madhabahu ya Baali. Inawezekana hata
wewe, ipo madhabahu aliyo nayo baba yako, au mjomba wako, au ndugu yako;
na wanatoa sadaka kwa hiyo madhabahu ili kuvuvia matatizo kwako. Ndiyo maana
matatizo ya ukoo wako ni ya kufanafana.
Kumbe madhabahu inaweza kujengwa na mtu binafsi. Wakati mwingine, madhabahu
inakuwa kwenye begi la boss wako, siyo lazima iwe kubwa sana. Kama moyo wa mtu haujatahiriwa, mambo ya
kujichanganya yatakuwepo tu.
MWANZO 22:1-10…[Ikawa baada ya mambo
hayo Mungu alimjaribu Ibrahimu, akamwambia, Ee Ibrahimu! Naye akasema, Mimi
hapa. 2 Akasema, Umchukue mwanao, mwana wako wa pekee, umpendaye, Isaka,
ukaende zako mpaka nchi ya Moria, ukamtoe sadaka ya kuteketezwa huko juu ya
mlima mmojawapo nitakaokuambia. 3 Ibrahimu akaondoka alfajiri, akatandika punda
wake, akachukua vijana wawili pamoja naye, na Isaka mwanawe, akachanja kuni kwa
ajili ya hiyo sadaka ya kuteketezwa, akaondoka, akaenda mpaka mahali
alipoambiwa na Mungu. 4 Siku ya tatu Ibrahimu akainua macho yake, akapaona
mahali pakali mbali. 5 Ibrahimu akawaambia vijana wake, Kaeni ninyi hapa pamoja
na punda, na mimi na kijana tutakwenda kule, tukaabudu, na kuwarudia tena. 6
Basi Ibrahimu akazitwaa kuni za hiyo sadaka, akamtwika Isaka mwanawe; akatwaa
moto na kisu mkononi mwake, wakaenda wote wawili pamoja. 7 Isaka akasema na
Ibrahimu baba yake, akinena, Babangu! Naye akasema, Mimi hapa, mwanangu.
Akasema, Tazama! Moto upo, na kuni zipo, lakini yuko wapi mwana-kondoo kwa
sadaka ya kuteketezwa? 8 Ibrahimu akasema, Mungu atajipatia mwana-kondoo kwa
hiyo sadaka, mwanangu. Basi wakaendelea wote wawili pamoja. 9 Wakafika mahali
pale alipoambiwa na Mungu, Ibrahimu akajenga madhabahu huko, akaziweka tayari
kuni, kisha akamfunga Isaka mwanawe, akamweka juu ya madhabahu, juu ya zile
kuni. 10 Ibrahimu akanyosha mkono wake, akakitwaa kisu ili amchinje mwanawe.]… Mungu alikuwa na nia nzuri tu ya kumwambia
Ibrahimu maneno haya, kwamba amtoe kafara
mwanae wa pekee Isaka (ni mwana wa pekee kwa Sarai na Ibrahimu, kwa kuwa
hakuwepo mwingine tena aliyezaliwa kati ya Sara na Ibrahimu). Kumbuka kuwa ‘Isaka alikuwa mfano wa Yesu Kristo’. Kitendo
cha wachawi cha kutoa kafara watoto wao,
kilianzia hapa‼ Pengine mtu mwingine anagekutana na jambo kama hili angemwambia
Bwana, ‘acha mimtoe Ishamaeli’ kwa kuwa
umemkataa.
MWANZO 22:11-12…[Ndipo malaika wa Bwana
akamwita kutoka mbinguni, akasema, Ibrahimu! Ibrahimu! Naye akasema, Mimi hapa.
12 Akasema, Usimnyoshee kijana mkono wako, wala usimtendee neno; kwa maana sasa
ninajua ya kuwa unamcha Mungu, iwapo hukunizuilia mwanao, mwanao wa pekee ]…
hebu jiulize swali, hivi muda wote wa Ibrahimu kuwa na Bwana miaka yote
toka aondoke Uru wa Wakaldayo, je, Mungu
hakujua kuwa Ibrahimu amcha Bwana!? Katika maamuzi magumu unapofanya kwa ajili
ya Bwana, ndipo Bwana anajua kuwa wewe
‘wamcha Bwana’. Wakati wa dhiki,
unapoona wapo wanaoendelea kukupenda,
ujue hao ni wa kweli, na wanakupenda kweli kweli. Mungu hakuachi hata mara moja.
MAOMBI:
Kuanzia leo ninawaangamiaza wote walionizuiakwa Jina la Yesu.
Amen
|
MWANZO 22:13-14 [Ibrahimu
akainua macho yake, akaangalia, na tazama, kondoo mume yuko nyuma yake,
amenaswa pembe zake katika kichaka. Basi Ibrahimu akaenda akamtwaa huyo kondoo,
akamtoa awe sadaka ya kuteketezwa badala ya mwanawe. 14 Ibrahimu akapaita
mahali hapo Yehova-yire (Yehova-yire maana yake ni Bwana atapata), kama watu
wasemavyo hata leo, Katika mlima wa Bwana itapatikana.]…. Madhabahu hii aliyoijenga Ibrahimu (Yehova-yire), ni
mfano wa madhabhu aliyochinjwa
Yesu, kama ilivyoandikwa katika YOHANA
3:16…[Kwa maana jinsi hii Mungu aliupenda ulimwengu,
hata akamtoa Mwanawe pekee, ili kila mtu amwaminiye asipotee, bali awe na uzima
wa milele.]…. Yesu
Kristo anafananishwa na mwanakondoo wa Mungu.
Mungu alimwambia Musa, kuwa baada ya Farao kukataa kuwaachilia kwa
kipindi chote hiki, imebakia ishara moja tu ambayo ni wazaliwa wa
kwanza wa Misri kuuawa. Kwa kuwa Yesu
alikuwa bado hajaja duniani kipindi hicho,
wana wa Israeli waliagizwa kuchinja wanakondoo na kuweka damu ya kondoo
hawa juuu ya miino ya nyumba zao ili malaika
atakapoakuja kuuwa wazaliwa wa kwanza wa Nchi ya Misri, wasiingie nyumba zozote
zenye hii damu.
Ni kitu gania kinatenda kazi kwenye madhabahu? Kimsingi
kinachofanya kazi ni ile damu ya
madhabahu. Kwa nini damu inafanya kazi? Ni
kwa sababu damu ni ‘ishara ya ukombozi’. Yesu alitukomboa kupitia damu yake (Ya
miguuni, mikononi, kichwani, mgongoni, ubavuni, Gethsemane) ni ukombozi kamili.
1 SAMWELI 30:7-8…[Kisha Daudi akamwambia
Abiathari, kuhani, mwana wa Ahimeleki, Tafadhali niletee hapa hiyo naivera.
Naye Abiathari akamletea Daudi naivera huko. 8 Daudi akauliza kwa Bwana,
akasema, Je! Nikiwafuata jeshi hili, nitawapata? Naye akamjibu, Fuata; kwa kuwa
hakika utawapata, nawe hukosi utawapokonya wote.]…. Daudi
alikuwa na hakika kuwa akimuuliza Bwana kutokea madhabahuni, atapata
kile anachoomba kwa Jina la Yesu.
 |
| RP Adriano akimuombea mmoja wa watu tarehe 09/11/2014 |
MAOMBI:
Leo nipate kwa Jina la Yesu.
leo nipate afya yangu, nipate sehemu inayoniangukia kwa Jina la Yesu.
enyi mashetani, majoka, mizumu
mliotumwa ili kunizuia nisiapate, leo
nawapiga kwa Damu ya Yesu. enyi walinzi wa kichawi, mlionizuia, leo nawapiga
kwa Jina la Yesu. nimeamriwa na Bwana nipate afya, kazi, kwa Jina la Yesu.
Amen
|
Wapo watu wanaokuzuia usipate.
Ni vizuri ujue kitu gani kinachotenda kazi katika madhabahu: kitu hicho ni DAMU. Mtu
yeyote anapotaka kuharibu maisha yako,
ni kuchinja mnyama (kuku, mbuzi, njiwa,kondoo) katika madhabahu. Mganga
wakienyeji hawezi kuagiza kuletewa samaki,
kwa sababu shida ya huyo mganga siyo nyama. Mnyama huyu akeshachinjwa, damu humwagika. Damu
hutolewa katika madhabahu kwa sababu ‘damu ni uhai’….. WALAWI 17:10-12..[Kisha mtu awaye yote wa nyumba ya Israeli, au
miongoni mwa hao wageni wakaao kati yao, atakayekula damu, ya aina yo yote,
nitakunja uso wangu juu ya mtu huyo alaye damu, nami nitamkatilia mbali na watu
wake. 11 Kwa kuwa uhai wa mwili u katika hiyo damu; nami nimewapa ninyi hiyo
damu juu ya madhabahu, ili kufanya upatanisho kwa ajili ya nafsi zenu; kwani ni
hiyo damu ifanyayo upatanisho kwa sababu ya nafsi. 12 Kwa hiyo naliwaambia wana
wa Israeli, Hapana mtu miongoni mwenu aliye na ruhusa kula damu, wala mgeni
aketiye kati yenu asile damu.]… Kinachofanya mwili uwe
na uhai,ni damu. Damu ya mnyama huyu
ikeshamwagika, maana yake uhai wake unamwagika/unamtoka. Damu alikataza
watu kunywa damu kwa sababu damu ndiyo yenye kufanya ‘upatanisho’.
MWANZO 4:10-11… [Akasema, Umefanya
nini? Sauti ya damu ya ndugu yako inanililia kutoka katika ardhi. 11 Basi sasa,
umelaaniwa wewe katika ardhi, iliyofumbua kinywa chake ipokee damu ya ndugu
yako kwa mkono wako;]….
Unaona kuwa, damu inaweza kuachilia ‘laana’.
Kaini amelaaniwa kwa sababu ya damu ya ndugu yake Ahbili aliyoimwaga.
Damu inweza kuongea,kutoa sauti au kulia. Yamkini upo huku mjini,lakini kumbe kijijini kuna mtu alimwaga damu, nayo
inaendela kulia ili kwamba ‘usifanikiwe,usijenge nyumba, ufilisike, ufukuzwe kazi’. Ni
lazima kuinyamazisha damu za ainahii kwa Jina la Yesu.
 |
| Showers of Glory wa Ufufuo na Uzima Morogoro wakiimba na kumchezea Bwana Yesu, tarehe 09/11/2014 Bonde la Maono. |
Kulingana na kafara iliyotolewa madhabahuni, tofauti kati ya
madhabahu moja na nyingine huwa dhahiri. Katika madhabahu nyingine, mtu alichinja kuku. Mashetani
wanaokuja mahali kama hapa ni wa ngazi ndogo. Mwingine analogwa kwa kuwa
kilichochinjwa ni mbuzi, au mbuzi
wanachinjwa kila mwezi. Madhabahu ya aina hii ni ya juu zaidi kulinganisha na
ile ya kuku. Wengine wanatumia ng’ombe. Hata mashetani yanayokuja katika
madhabahu hii, ni wa ngazi ya juu zaidi. Wengine hutumia hata kafara za
wanadamu‼! Pengine ndugu zao, abiria wa
basi katika biashara zao n.k. wakeshafanya hivyo, biashara zao huongezeka.
EBRANIA 12:24…[na Yesu mjumbe wa agano jipya, na damu ya
kunyunyizwa, inenayo mema kuliko ile ya Habili.]… Taarifa nzuri nikuwa, hata sisi,
tunayo kafara ya damu ya Yesu, ambaye
alifanyika kafara – tena isiyo na mawaa, wala dhambi kwa sababu Yesu hakutenda
dhambi.
© Information Ministry
(Ufufuo Na Uzima - Morogoro)
Mtaa wa Nguvu Kazi, Mkundi-Morogoro.
/or
Contact our Senior
Pastor:
Dr. Godson Issa Zacharia
(Ufufuo Na Uzima – Morogoro)
Cellphone: (+255) 757
550878 / +255 719798778
Email: godson.issa@yahoo.co.uk