JUMAPILI: 30 NOVEMBER 2014 - UFUFUO NA UZIMA MOROGORO
Utangulizi: Somo la leo linaitwa “Waliokufa Kwenye
Mazingira ya Kutatanisha”. Imeandikwa katika WARUMI 14:7-9….[Kwa sababu hakuna mtu miongoni mwetu aishiye
kwa nafsi yake, wala hakuna afaye kwa nafsi yake. 8 Kwa maana kama tukiishi,
twaishi kwa Bwana, au kama tukifa, twafa kwa Bwana. Basi kama tukiishi au kama
tukifa, tu mali ya Bwana. 9 Maana Kristo alikufa akawa hai tena kwa sababu hii,
awamiliki waliokufa na walio hai pia.]… Yesu ndiye mmiliki wa walio hai na waliokufa. Biblia inaongelea kwa habari ya kifo. Lakini Je, kifo ni kitu gani? Kifo (au mauti) ni 'roho', tena kimsingi ni ule utengano kati ya mwili na roho. Kutoka kwenye mavumbi ya ardhi, Mungu
alimuumba mtu, na akampulizia puani mwake pumzi ya uhai, na mtu huyu akawa ‘nafsi-hai’. Kwa hiyo mtu anapokufa, ni ishara ya
ule uhai kutoka ndani ya mwili wake.
 |
| RP Adriano akifundisha Somo leo 30/11/2014 katika Nyumba ya Ufufuo na Uzima - Bonde la Maono Morogoro |
 |
| Children Ministry wakiimba na kumchezea Bwana Yesu leo 30/11/2014 katika Bonde la Maono - Morogoro. |
Katika YOHANA 6:63…[Roho
ndiyo itiayo uzima, mwili haufai kitu; maneno hayo niliyowaambia ni roho, tena
ni uzima.]… Kwa hiyo,
unapoona biashara yako haiendi, kwa mfano, ujue ipo roho nyuma ya hiyo roho ya
hasara. Katika mahusiano ukiona mambo
yameharibika, ujue ipo roho kinyume na hayo mahusiano yenu. YAKOBO
2:26…[ Maana kama vile mwili pasipo roho umekufa,
vivyo hivyo na imani pasipo matendo imekufa….Hata hivyo, Uhai waweza kutolewa na
kurudishwa tena.
 |
| Majeshiya Bwana ya Bonde la Maono Morogoro wakifuatilia maaandiko ya somo la leo 30/11/2014 liitwalo "WALIOKUFA KWENYE MAZINGIRA YA KUTATANISHA" |
UFUFUKO KATIKA AGANO LA KALE
Kibiblia, katika 1
WAFALME 17:17…[ Ikawa, baada ya hayo, mwana wake yule
mwanamke, bibi wa nyumba ile, akaugua; ugonjwa wake ukazidi hata akawa hana pumzi
tena. 18 Akamwambia Eliya, Nina nini nawe, Ee mtu wa Mungu? Je! Umenijia ili
dhambi yangu ikumbukwe, ukamwue mwanangu? 19 Akamwambia, Nipe mwanao. Akamtoa
katika kifua chake, akamchukua juu chumbani mle alimokaa mwenyewe, akamlaza
kitandani pake. 20 Akamwomba Bwana, akanena, Ee Bwana, Mungu wangu, je!
Umemtenda mabaya mjane huyu ninayekaa kwake hata kumfisha mwanawe. 21
Akajinyosha juu ya mtoto mara tatu, akamwomba Bwana, akanena, Ee Bwana, Mungu
wangu, nakusihi, roho ya mtoto huyu imrudie ndani yake tena. 22 Bwana akaisikia
sauti ya Eliya; na roho ya mtoto ikamrudia, akafufuka.]…. Lengo la shetani kuweka ugonjwa ndani
ya mtu ni ili kuutoa uhai wa huyo mtu. Mtu kufa siyo jambo rahisi kihivyo.
Mungu anapokuwa amemuumba mtu, anakuwa amempangia maisha marefu ya kuishi.
Mungu hajamuumba mtu asiishi kwa muda mrefu. Wafu wanafufuka. Yeyote anayekataa
kuwa wafu hawafufuki ujue huyo ni mchawi kwa sababu atakuwa na misukule wake na anaogopa endapo wakifufuka, itakuwa je wale misukule wake?
MAOMBI:
Natangaza ndoa iliyoparaganyika irudi tena kwa Jina la Yesu.
Natangaza biashara iliyoharibika irudi tena kwa Jina la Yesu. Natangaza kwa
Jina la Yesu, afya iliyodhoofika ikurudoe tena kwa Jina la Yesu. Amen
|
2 WAFALME 4:18-20 …[Hata yule mtoto
alipokua, ikawa siku moja alitoka kwenda kwa baba yake kwenye wavunao. 19
Akamwambia baba yake, Kichwa changu! Kichwa changu! Naye akamwambia mtumishi
wake, Mchukue kwa mama yake. 20 Akamchukua, akampeleka kwa mama yake, naye
akakaa magotini mwake hata adhuhuri, kisha akafa….Elisha naye anafufua kama ambavyo boss wake Eliya naye
alifufua. Ikumbukwe kuwa, mtoto huyu alipatikana kwa miujiza, baada ya
wazazi kukaa muda mrefu bila kuwa na
watoto, na sasa baada ya kupata mtoto, anakufa muda si mrefu. Mungu akeshakupa
kitu hakunyang’anyi, na hiyo ni kanuni yake. Hata Lucifer, vile alivyopewa na
Mungu alienda navyo shimoni, hakunyang’anywa na Mungu.
2 WAFALME 4:21-37…[Mamaye
akapanda juu, akamlaza juu ya kitanda cha yule mtu wa Mungu, akamfungia mlango,
akatoka. 22 Kisha akamwita mumewe, akasema, Tafadhali, uniletee mtu mmoja wa
watumishi, na punda mmoja, ili nimwendee
yule mtu wa Mungu kwa haraka, nikarudi tena. 23 Akasema, Kwa nini kumwendea
leo? Sio mwandamo wa mwezi, wala sabato. Akasema, Si neno. 24 Akatandika punda,
akamwambia mtumishi wake, Mwendeshe, twendelee mbele. Usinipunguzie mwendo,
nisipokuambia. 25 Basi akaenda, akafika kwa yule mtu wa Mungu, katika mlima wa
Karmeli. Ikawa, yule mtu wa Mungu alipomwona kwa mbali, akamwambia Gehazi
mtumishi wake, Tazama, Mshunami yule kule. 26 Tafadhali piga mbio sasa kwenda
kumlaki, ukamwambie, Hujambo? Mume wako hajambo? Mtoto hajambo? Akajibu,
Hawajambo. 27 Naye alipofika kwa yule mtu wa Mungu kilimani, alimshika miguu.
Gehazi akakaribia amwondoe; lakini mtu wa Mungu akamwambia, Mwache; maana roho
yake ndani yake ina uchungu; na Bwana amenificha, wala hakuniambia. 28 Yule
mwanamke akasema, Je! Naliomba mwana kwa bwana wangu? Mimi sikusema,
Usinidanganye? 29 Ndipo Elisha
akamwambia Gehazi, Jikaze viuno, ukachukue fimbo yangu mkononi mwako, ukaende
zako; ukikutana na mtu, usimsalimu; na mtu akikusalimu, usimjibu; ukaweke fimbo
yangu juu ya uso wa mtoto. 30 Na mama yake yule mtoto akasema, Kama Bwana
aishivyo, na roho yako iishivyo, sitakuacha. Basi akaondoka, akamfuata. 31 Na
Gehazi akawatangulia, akaiweka ile fimbo juu ya uso wa mtoto; lakini hapakuwa
na sauti, wala majibu. Basi akarudi
ili kumlaki, akamwambia, akisema, Mtoto hakuamka. 32 Basi Elisha alipofika
nyumbani, tazama, mtoto amekwisha kufa, amelazwa kitandani pake. 33 Basi akaingia
ndani, akajifungia mlango, yeye na yule mtoto wote wawili, akamwomba Bwana. 34
Akapanda juu ya kitanda, akajilaza juu ya mtoto, akaweka kinywa chake juu ya
kinywa chake, na macho yake juu ya
macho yake, na mikono yake juu ya mikono yake; akajinyosha juu yake; mwili wake yule mtoto ukaanza kupata moto.
35 Kisha akarudi, akatembea nyumbani, huko na huko mara moja; akapanda,
akajinyosha juu yake; na yule mtoto
akapiga chafya mara saba, na mtoto akafumbua macho yake.
36 Akamwita Gehazi, akasema, Mwite yule Mshunami. Basi akamwita.
Na alipofika kwake, Elisha akasema, Haya! Mchukue mwanao. 37 Ndipo akaingia,
akamwangukia miguu akainama mpaka nchi; kisha akamchukua mwanawe, akatoka.]… Mara 7 ni utimilifu wa Mungu. Biblia
inasema kuwa huyu mtoto alipiga chafya mara 7 na ndipo akafufuka.
UFUFUKO KATIKA AGANO JIPYA
Matukio hayo mawili hapo
juu ni ya Agano la Kale. Katika Agano Jipya, Yesu alifufua wafu wanne kama kielelezo, na wanafunzi
wake pia walifanya hivyo hivyo.
LUKA 8:40-42;49-55….[Basi
Yesu aliporudi mkutano ulimkaribisha kwa furaha, maana walikuwa wakimngojea
wote. 41 Na tazama, mtu mmoja akaja, jina lake Yairo, naye ni mtu mkuu wa
sinagogi, akaanguka miguuni pa Yesu, akamsihi aingie nyumbani kwake; 42 kwa
kuwa binti yake yu katika kufa, ambaye ni mwana pekee, umri wake amepata miaka
kumi na miwili. Na alipokuwa akienda makutano walimsonga….49.Alipokuwa akinena
hayo, alikuja mtu kutoka nyumbani kwa yule mkuu wa sinagogi, akamwambia, Binti yako amekwisha kufa; usimsumbue
mwalimu. 50 Lakini Yesu aliposikia hayo, alimjibu, Usiwe na hofu, amini tu,
naye ataponywa. 51 Alipofika nyumbani hakuacha mtu kuingia pamoja naye ila
Petro, na Yohana, na Yakobo, na babaye yule mtoto na mamaye. 52 Na watu wote
walikuwa wakilia na kumwombolezea; akasema, Msilie, hakufa huyu, bali amelala
usingizi tu. 53 Wakamcheka sana, maana walijua ya kuwa amekwisha kufa. 54
Akamshika mkono, akapaza sauti, akisema Kijana, inuka. 55 Roho yake ikamrejea,
naye mara hiyo akasimama. Akaamuru apewe chakula.]…..Kama ambavyo waombolezaji hawa walikuwa 'wakilia' na baadaye 'kucheka', hata katika maisha ya kawaida,
wapo wanaoijifanya wanakuhurumia
lakini kumbe wanakucheka. Ole wake
akuchekaye leo, kwa sababu siku yake ya kulia nayo inakuja katika Jina la
Yesu.
LUKA 7:11-18…[Baadaye kidogo
alikwenda mpaka mji mmoja uitwao Naini, na wanafunzi wake walifuatana naye
pamoja na mkutano mkubwa. 12 Na alipolikaribia lango la mji, hapo palikuwa na
maiti anachukuliwa nje, ni mwana pekee wa mamaye ambaye ni mjane, na watu wa
mjini wengi walikuwa pamoja naye. 13 Bwana alipomwona alimwonea huruma, akamwambia,
Usilie. 14 Akakaribia, akaligusa jeneza; wale waliokuwa wakilichukua
wakasimama. Akasema, Kijana, nakuambia, Inuka. 15 Yule maiti akainuka, akaketi,
akaanza kusema. Akampa mama yake. 16 Hofu ikawashika wote, wakamtukuza Mungu,
wakisema, Nabii mkuu ametokea kwetu; na, Mungu amewaangalia watu wake. 17
Habari hii yake ikaenea katika Uyahudi wote, na katika nchi zote za kando
kando. 18 Wanafunzi wa Yohana wakamletea
habari za hayo yote.]…
Wale waliokuwa wamelibeba jeneza walisimama na msafara wao‼
MAOMBI
Naamuru kwa Jina la Yesu, msafara wa watu waliojiandaa kuchukua
akili, msafara wa watu waliojiandaa kuchukua damu nyakati hizi za Krismasi tunazoziendea, msafara wa watu
waliojiandaa kuchukua nyota, msafara wa watu waliojiandaa kuchukua ufahamu, msafara
wa watu waliojiandaa kuchukua akili yako, wote wasimame kwa Jina la Yesu. Naagiza
katika nchi, bahari na anga waliojiandaa kuchukua wanao wasimame kwa Jina la Yesu. Anayetumia nyota
kwa shughuli zake, leo nasimamisha msafara wake kwa Jina la Yesu. Naamuru mkono wa Bwana uguse biashara yako, ndoa yako, elimu yako, uzima wako kwa
Jina la Yesu. Amen
|
YOHANA 11:1-44, Biblia inazungumzia Ufufuo wa Lazaro. Kumbe yapo mambo yanaweza kukushika lakini kumbe siyo ya mauti bali ni kwa utukufu wa
Mungu. Aliyelala sharti aamshwe.
Kunapoenda 'utukufu', na 'aibu' iende huko huko. Kwa maana hiyo, hatuna sababu ya
kuogoopa kuombea ‘maiti’ kwa sababu maiti akifufuka, huo ni ‘utukufu’ kwa
Yesu, na asipofufuka, ‘aibu’ pia ni kwa Yesu. Yesu anakuambia
leo mwanaume kwa mwanamke, ya kwamba “Ndugu
yako atafufuka”…..
Ukimwamini Yesu, mambo yako yaliyokufa yatafufuka. Ukimwamini Yesu, Ndoa yako iliyokufa, itafufuka. Ukimwamini
Yesu, biashara yako iliyokufa itafufuka.
Yesu akitaka kuja kufufua hukutaka uliondoe jiwe kwanza. YOHANA 11:39…[Yesu
akasema, Liondoeni jiwe.]… Leo ni siku ya kuondoa jiwe ili Yesu afufue mambo yako kwanza. Liondoe jiwe la mashaka na hofu,
liondoe jiwe lile la kutoamini kwa Jina la Yesu. wengine wanalamika kwamba
hawaolewi, hawapati kazi, hawafanikiwi n.k. Ujue kwamba lipo jiwe lenye kuzuia, na ni muhimu hayo mawe
yaondolewe kwanza. Lipo jiwe wamekuwekea waganga wa kienyeji katika maisha
yako. Kuondoa jiwe siyo kazi ya Yesu. hilo ni jambo lililo juu yako. Kazi ya Yesu ni ya kufufua
tu.
MAOMBI:
Naliondoa jiwe
lililowekwa lilinizuia nisifanikiwe, Aliyekaa kama jiwe, nakuondoa kwa Jina
la Yesu. Leo naponda mawe yote yaliyokaa mbele yangu kunizuia kwa Jina la Yesu. Amen
|
Kufufua ni mpango wa Mungu, wala huhitaji maombi mengi sana
kusababisha ufufuo. YOHANA 11:41-43…[Basi
wakaliondoa lile jiwe. Yesu akainua macho yake juu, akasema, Baba, nakushukuru
kwa kuwa umenisikia. 42 Nami nalijua ya kuwa wewe wanisikia sikuzote; lakini
kwa ajili ya mkutano huu wanaohudhuria nalisema haya, ili wapate kusadiki
kwamba ndiwe uliyenituma. 43 Naye akiisha kusema hayo, akalia kwa sauti kuu,
Lazaro, njoo huku nje.]…Kumbe
waliochukuliwa siyo wa kuombewa bali ni
wa kuitwa. Waliokufa wanasikia. Aliyekufa anasikia. YOHANA 11:44…[Akatoka nje yule aliyekufa, amefungwa sanda
miguuni na mikononi, na uso wake amefungwa leso. Naye Yesu akawaambia,
Mfungueni, mkamwache aende zake.]…
Katika MATENDO 9:36-41... [Na mwanafunzi mmoja
alikuwako Yafa, jina lake Tabitha, tafsiri yake ni Dorkasi (yaani paa);
mwanamke huyu alikuwa amejaa matendo mema na sadaka alizozitoa. 37 Ikawa siku
zile akaugua, akafa; hata walipokwisha kumwosha, wakamweka orofani. 38 Na kwa
kuwa mji wa Lida ulikuwa karibu na Yafa, nao wanafunzi wamesikia ya kwamba
Petro yuko huko, wakatuma watu wawili kwake, kumsihi na kusema, Usikawie kuja
kwetu. 39 Petro akaondoka akafuatana nao. Alipofika, wakampeleka juu orofani
wajane wote wakasimama karibu naye, wakilia na kumwonyesha zile kanzu na nguo
alizozishona Dorkasi wakati ule alipokuwa pamoja nao. 40 Petro akawatoa nje
wote, akapiga magoti, akaomba, kisha akaelekea yule maiti, akanena, Tabitha,
ondoka. Naye akafumbua macho yake, na alipomwona Petro akajiinua, akaketi. 41
Akampa mkono, akamwinua; hata akiisha kuwaita wale watakatifu na wajane
akamweka mbele yao, hali yu hai.]….Petro ambaye ni
mwanafunzi wa Yesu, ndiye alihusika katika kufufua Dorkasi.
MATENDO 20:7-12…[ Hata siku ya kwanza ya
juma, tulipokuwa tumekutana ili kumega mkate, Paulo akawahutubu, akiazimu
kusafiri siku ya pili yake, naye akafuliza maneno yake hata usiku wa manane. 8
Palikuwa na taa nyingi katika orofa ile tulipokuwa tumekusanyika. 9 Kijana
mmoja, jina lake Eutiko, alikuwa ameketi dirishani, akalemewa na usingizi sana;
hata Paulo alipoendelea sana kuhubiri, akazidiwa na usingizi wake akaanguka
toka orofa ya tatu; akainuliwa amekwisha kufa. 10 Paulo akashuka, akamwangukia,
akamkumbatia, akasema, Msifanye ghasia, maana uzima wake ungalimo ndani yake.
11 Akapanda juu tena, akamega mkate, akala, akazidi kuongea nao hata alfajiri,
ndipo akaenda zake. 12 Wakamleta yule kijana, yu mzima, wakafarijika faraja
kubwa sana.]… Ni
mbaya kusinzia wakati neno la Mungu linahubiriwa. Hii ilikuwa ni ajali ya kuanguka toka kwenye
jengo lakini Paulo akamfufua.
EBRANIA 9:35…[Wanawake walipokea
wafu wao waliofufuliwa. Lakini wengine waliumizwa vibaya hata kuuawa, wasikubali
ukombozi, ili wapate ufufuo ulio bora;]…Hapa ni idadi kubwa tu ya wanawake, Biblia haisemi ni
mwanamke mmoja, bali wanawake, na kwamba siyo
mfu mmoja, bali ni wafu wengi walifufuliwa.
1 KORINTHO 15:12-19...[Basi, ikiwa Kristo
anahubiriwa ya kwamba amefufuka katika wafu, mbona baadhi yenu husema kwamba
hakuna kiyama ya wafu? 13 Lakini kama hakuna kiyama ya wafu, Kristo naye
hakufufuka; 14 tena kama Kristo hakufufuka, basi, kuhubiri kwetu ni bure na
imani yenu ni bure. 15 Naam, na sisi tumeonekana kuwa mashahidi wa
uongo wa Mungu; kwa maana tulimshuhudia Mungu ya kuwa alimfufua Kristo, ambaye
hakumfufua, ikiwa wafu hawafufuliwi. 16 Maana kama wafu
hawafufuliwi, Kristo naye hakufufuka. 17 Na kama Kristo hakufufuka, imani yenu
ni bure; mngalimo katika dhambi zenu. 18 Na hapo wao nao waliolala katika
Kristo wamepotea. 19 Kama katika maisha haya tu tumemtumaini Kristo, sisi tu
maskini kuliko watu wote.]…. Mtume Paulo anasisitiza kwamba kama wafu hawafufuki, basi
kuhubiri kwetu kote ni bure.
 |
| Showers of Glory wa Bonde la Maono - Morogoro wakionesha vipaji vya vya kumuimbia Bwana Yesu leo 30/11/2014 |
Wapo wanaoamini kuwa wafu wanafufuliwa siku ile ya mwisho. YOHANA 5:25…[Amin,
amin, nawaambia, Saa inakuja, na sasa ipo, wafu watakapoisikia sauti ya Mwana
wa Mungu, na wale waisikiao watakuwa hai.]… Neno hili limesimama kwa 'nyakati mbili', zile zijazo (nyakati za parapanda) na nyakati
za sasa hivi.
YOHANA 5:28-29…[Msistaajabie
maneno hayo; kwa maana saa yaja, ambayo watu wote waliomo makaburini wataisikia
sauti yake. 29 Nao watatoka; wale waliofanya mema kwa ufufuo wa uzima, na wale
waliotenda mabaya kwa ufufuo wa hukumu.]… Aina hii ya ufufuo unahusu wakati wa parapanda ya mwisho Yesu atakapokuja
kuhukumu wazima na wafu.
MATHAYO 10:8...[Pozeni
wagonjwa, fufueni wafu, takaseni wenye ukoma, toeni pepo; mmepata bure, toeni
bure.]….Wengi wa wahubiri duniani
leo hii, hawazungumzii kabisa habari ya kufufua wafu. Wengi hufanya kazi ya
kupoza wafu, lakini huruka mambo ya
ufufuo, na kurukia ukoma na kutoa pepo. Neno hili la kufufua wafu siyo la
wahubiri au mitume tu, ni kwa kila mtu amwaminiye Yesu Krsito maishani mwake anaweza kufanya hivyo.
© Information Ministry
(Ufufuo Na Uzima - Morogoro)
Mtaa wa Nguvu Kazi,
(Minara Mitatu), Mkundi-Morogoro.
/or
Contact our Senior
Pastor:
Dr. Godson Issa Zacharia
(Ufufuo Na Uzima – Morogoro)
Cellphone: (+255) 757
550878 / +255 719798778