JUMAPILI: 04 JANUARY 2015 - UFUFUO NA UZIMA MOROGORO
 |
| RP Adriano akifundisha tarehe 4/1/2015 katika Bonde la Maono - Morogoro. |
Utangulizi: Somo la leo linaitwa “Msingi wa Utawala wa Dunia”. Dunia hii tunayoishi na kuikalia ina mtawala wake, ambaye ameweka
misingi ya aina fulani ili awe mfalme wake kwa wakaao ndani yake. Huyu mtawala si mwingine bali ni 'shetani'.
Leo ni siku ya kutoka kwenye hiyo misingi ya mtawala wa dunia hii ili kutuwezesha kutawala, kumiliki
na kutiisha kwa Jina la Yesu.
Mungu naye ana msingi wa utawala wake. Imeandikwa katika ZABURI 89:14…[Haki
na hukumu ndio msingi wa kiti chako, Fadhili na kweli zahudhuria mbele za uso
wako.].. Hata shetani
naye alitamani kukikalia kiti cha Mungu ambaye ndiye alimuumba. Mungu Baba
ameweka kiti chake cha enzi katika mbingu ya tatu. Shetani hakuwahi kuingia katika mbingu ya
tatu hata mara moja. ISAYA 11:1-4…[Basi
litatoka chipukizi katika shina la Yese, na tawi litakalotoka katika mizizi
yake litazaa matunda. 2 Na roho ya Bwana atakaa juu yake, roho ya hekima na
ufahamu, roho ya shauri na uweza, roho ya maarifa na ya kumcha Bwana; 3 na
furaha yake itakuwa katika kumcha Bwana; wala hatahukumu kwa kuyafuata ayaonayo
kwa macho yake, wala hataonya kwa kuyafuata ayasikiayo kwa masikio yake; 4 bali
kwa haki atawahukumu maskini, naye atawaonya wanyenyekevu wa dunia kwa adili;
naye ataipiga dunia kwa fimbo ya kinywa chake, na kwa pumzi ya midomo yake
atawaua wabaya.]….
Sisi wanadamu tunatoa hukumu kwa kuona au kwa kusikia au kuambiwa tu taarifa ya
mtu mhusika. Lakini Mungu wetu hahukumu kwa namna hizi za kibinadamu, bali kwa haki
yake.
Wokovu wa mtu una watu
watatu ambao wanaweza kuujua, bila hata kujificha.
Wa kwanza ni mtu mwenyewe, wa pili ni
shetani na wa tatu ni Mungu mwenyewe. Mungu anapokuangalia hakuoni
wewe, bali humuona Yesu Kristo ambaye wewe umejificha ndani yake.
 |
| Makutano makubwa ya majeeshi ya Bwana Bonde la Maono Morogoro wakifuatilia Maandiko Jumapili ya terehe 4/1/2015 - Somo la Msingi wa Utawala wa Dunia. |
Samsoni katika Biblia alipokamatwa na Wafilisti walimng'oa macho yake mawili na wakawa wanasherehekea. Wachawi na waganga wa kienyeji hufanya sherehe za kufurahia namna
walivyokung’oa macho yako mawili ya
kiroho. Yamkini kuna mambo unayaona na kudhani
kuwa ndivyo ilivyo au ni ya kawaida lakini sivyo. WAAMUZI 16:25-26 …[Ikawa
mioyo yao iliposhangilia, wakasema, Mwiteni Samsoni, ili atufanyie michezo.
Basi wakamwita Samsoni atoke gerezani, akacheze mbele yao wakamweka katikati ya
nguzo mbili. 26 Samsoni akamwambia yule kijana aliyemshika mkono, Niache
nizipapase nguzo ambazo nyumba hii inazikalia, nipate kuzitegemea.]… Leo tunataka kijana aliyewekwa
kukushika mkono akuache ili uzipapase nguzo mbili ambazo nyumba ya maisha yako inazitegemea.
WAAMUZI 16:27-31 …[Basi
nyumba ile ilikuwa imejaa watu waume kwa wake; na wakuu wote wa Wafilisti
walikuwamo humo, na juu ya dari palikuwa na watu elfu tatu waume kwa wake
waliokuwa wakitazama, wakati Samsoni alipocheza. 28 Samsoni akamwita Bwana,
akasema, Ee Bwana MUNGU, unikumbuke, nakuomba, ukanitie nguvu, nakuomba, mara
hii tu, Ee Mungu, ili nipate kujilipiza kisasi juu ya Wafilisti kwa ajili ya
macho yangu mawili. 29 Kisha Samsoni akazishika nguzo mbili za katikati ambazo
nyumba ile ilikaa juu yake, akazitegemea, moja kwa mkono wake wa kuume na moja
kwa mkono wake wa kushoto. 30 Samsoni akasema; Na nife pamoja na hawa
Wafilisti. Akainama kwa nguvu zake zote; ile nyumba ikawaangukia hao wakuu, na
watu wote waliokuwa ndani yake. Basi wale watu aliowaua wakati wa kufa kwake
walikuwa wengi kuliko wale aliowaua wakati wa uhai wake. 31 Ndipo ndugu zake,
na watu wote wa nyumba ya baba yake wakatelemka, wakamtwaa wakamchukua,
wakamzika kati ya Sora na Eshtaoli, katika kiwanja cha kuzikia cha Manoa baba
yake. Naye alikuwa mwamuzi wa Israeli muda wa miaka ishirini.]… Shetani anaitwa mungu wa dunia hii.
Maandiko yanasema katika 1 YOHANA 5:19...[Twajua
ya kuwa sisi tu wa Mungu; na dunia yote pia hukaa katika yule mwovu.]… Maana yake,wewe unayempiga piga huyu
ambaye dunia hii iko chini yake, kuna vitu atakunyima tu.
YOHANA 17:11-15…[Wala mimi simo tena
ulimwenguni, lakini hawa wamo ulimwenguni, nami naja kwako. Baba mtakatifu, kwa
jina lako ulilonipa uwalinde hawa, ili wawe na umoja kama sisi tulivyo. 12
Nilipokuwapo pamoja nao, mimi naliwalinda kwa jina lako ulilonipa, nikawatunza;
wala hapana mmojawapo wao aliyepotea, ila yule mwana wa upotevu, ili andiko
litimie. 13 Na sasa naja kwako; na maneno haya nayasema ulimwenguni, ili wawe
na furaha yangu imetimizwa ndani yao. 14 Mimi nimewapa neno lako; na ulimwengu
umewachukia; kwa kuwa wao si wa ulimwengu, kama mimi nisivyo wa ulimwengu.15
Mimi siombi kwamba uwatoe katika ulimwengu; bali uwalinde na yule mwovu.]…. Unapoona ulimwengu unakuchukia, au
akiwepo mtu anayekuchukia, ujue wewe siyo kama wale, wa ulimwengu huu, na kwamba wewe upo ulimwenguni lakini umetengwa na huo ulimwengu wenye watu ambao hawajaokoka.
Ulimwengu huu mfano wake ni wa 'mtu mbabe' anayeingia kwenye nyumba ya mtu
mwingine na kuikalia hiyo nyumba, kufanya mambo yote apendayo sebuleni kwake na mwenye nyumba hawezi kumfanya jambo lolote‼!
2 KORINTHO 4:4…[ambao ndani yao mungu wa dunia hii amepofusha
fikira zao wasioamini, isiwazukie nuru ya injili ya utukufu wake Kristo aliye
sura yake Mungu.]…
YOHANA 12:31…[Sasa hukumu ya
ulimwengu huu ipo; sasa mkuu wa ulimwengu huu atatupwa nje.]… Mkuu wa ulimwengu huu yupo.
YOHANA 14:30…[Mimi sitasema nanyi
maneno mengi tena, kwa maana yuaja mkuu wa ulimwengu huu, wala hana kitu kwangu.]… Yesu anamtambua shetani kama mkuu wa
ulimwengu huu.
YOHANA 16:11….[kwa habari ya hukumu,
kwa sababu yule mkuu wa ulimwengu huu amekwisha kuhukumiwa.]…. Shetani nin mtawala wa ulimwengu huu. Na kwa sababu
hiyo, kuna misingi ambayo sheetani
ameiweka ya utawala wake.
 |
| RP Adriano aakimuombea mmoja wa watu waliohudhuria ibada ya tarehe 4/1/2015 |
WARUMI 12:2…[Wala msiifuatishe
namna ya dunia hii; bali mgeuzwe kwa kufanywa upya nia zenu, mpate kujua hakika
mapenzi ya Mungu yaliyo mema, ya kumpendeza, na ukamilifu.]… Dunia hii ina namna yake, jinsi ya kupata mali au umaarufu. Sisi
tuliookoka, tunaonywa tusifuatishe namna ya dunia hii kwa sababu kuna
hatari ya nia zetu kugeuzwa au kuwa
kinyume na mapenzi ya Mungu yenye kukuelekeza katika uharibifu.
Usitamani utajiri wa wandamu unaokutana nao,
bali msubiri Bwana naye atakubariki. Usiambatane na watu ambao siri ya
utajiri wao wala hauijui. Ndiyo maana baadhi ya watu ambao walinaswa na njia hizi za
kishetani, wanapotaka kutoroka kwenye
hiyo mitego hufa vifo vya ghafla na huo huwa mwisho wa maisha yao.
Biblia pia inatukataza tusiipende dunia. I YOHANA 2:15-17…[Msiipende dunia, wala mambo yaliyomo katika
dunia. Mtu akiipenda dunia, kumpenda Baba hakumo ndani yake. 16 Maana kila
kilichomo duniani, yaani, tamaa ya mwili, na tamaa ya macho, na kiburi cha
uzima, havitokani na Baba, bali vyatokana na dunia. 17 Na dunia inapita, pamoja
na tamaa zake, bali yeye afanyaye mapenzi ya Mungu adumu hata milele.]… Hapa haimaanishi kuwa usivipende vile
vilivyopo duniani (mathalani magari au majumba). Lakini, usihamishe upendo wako kwa Mungu na kuweka katika
vitu vya dunia hii. Upendo wako na moyo wako usiweke kwenye vile vitu alivyokupa Mungu, bali upendo na moyo wako weka kwa Mungu wako.
Biblia haisemi tusivitumie vya duniani, bali 'tunavyovitawala tusiviruhusu
vikatutawala'. Vitu vya dunia hii vinayo nguvu ya kumtoa mtu kwenye kumpenda Mungu.
YAKOBO 4:4…[Enyi wazinzi, hamjui
ya kwamba kuwa rafiki wa dunia ni kuwa adui wa Mungu? Basi kila atakaye kuwa
rafiki wa dunia hujifanya kuwa adui wa Mungu.]…. Unapotaka kuwa rafiki wa dunia
unafanyika adui wa Mungu.
ZABURI 18:15….[Ndipo ilipoonekana
mikondo ya maji, Misingi ya ulimwengu ikafichuliwa, Ee Bwana, kwa kukemea
kwako, Kwa mvumo wa pumzi ya puani mwako.]… Mtawala wa dunia anajenga misingi kwa lengo la kuwanasa
wengi. Maji yalipopita, ile misingi iliyokuwa imejificha, ikawekwa wazi. Maji
yanapopita mahali hukangua udongo na kufichua vitu vilivyomo ndani ya ardhi.
Endapo shetani amejenga msingi imara, kuubomoa si jambo rahisi.
1 KORINTHO 3:10…[Kwa kadiri ya neema ya
Mungu niliyopewa, mimi, kama mkuu wa wajenzi mwenye hekima, naliuweka msingi,
na mtu mwingine anajenga juu yake. Lakini kila mtu na aangalie jinsi
anavyojenga juu yake.]…
Inategemea wewe umejenga kwenye msingi wa
nani? Wakati wa ujenzi, msingi hutangulia kwanza. Shetani ambaye ni
'mungu wa dunia hii' naye ni 'mjenzi lakini wa uharibifu'. Kila
kilichojengwa katika msingi wa Mungu
hakiwezi kubomoka katika Jina la Yesu.
 |
| Majeshi ya Bwana Bonde la Maono - Morogoro wakifuatilia somo 'Msingi wa Utawala wa Dunia' |
MATHAYO 16:13-18...[Basi Yesu akaenda
pande za KaisariaFilipi, akawauliza wanafunzi wake akasema, Watu hunena Mwana
wa Adamu kuwa ni nani? 14 Wakasema, Wengine hunena u Yohana Mbatizaji, wengine
Eliya, wengine Yeremia au mmojawapo wa manabii. 15 Akawaambia, Nanyi mwaninena
mimi kuwa ni nani? 16 Simoni Petro akajibu akasema, Wewe ndiwe Kristo, Mwana wa
Mungu aliye hai. 17 Yesu akajibu, akamwambia, Heri wewe Simoni Baryona; kwa
kuwa mwili na damu havikukufunulia hili, bali Baba yangu aliye mbinguni. 18
Nami nakuambia, Wewe ndiwe Petro, na juu ya mwamba huu nitalijenga kanisa
langu; wala milango ya kuzimu haitalishinda.]… Je, kanisa limejengwa juu ya mwamba
upi? Yaani juu ya maneno ya Petro kuwa ‘Wewe
ndiwe Kristo, Mwana wa Mungu aliye hai’. Kanisa limejengwa juu
ya yale maneno, na siyo juu ya Petro kama Wakatoliki wanavyofikiri, kwani Petro ni mwanadamu
kama wanadamu wengine. Leo jenga ndoa yako, biashara yako, kazi yako na masomo yako - juu ya mwamba ambaye ni Yesu Kristo.
UKIRI
Katika Jina la Yesu, Kanisa limejengwa juu ya Mwamba, na malango
ya kuzimu hatalishinda. Nami leo Bwana najenga maisha yangu katika mwamba
ambaye ni Yesu Kristo. Hakuna umaskini kwangu, hakuna
ajali kwangu, hakuna vifo vya kutatanisha kwangu kwa kuwa nimejengwa juu ya mwamba ambaye ni Yesu
Kristo, na malango ya kuzimu hayatanishinda. Amen
|
Kama ni kujenga kila mtu anaweza kujenga. Cha muhimu, je, umejenga
katika msingi gani? LUKA 6:46-49…[Na
kwa nini mnaniita, Bwana, Bwana, walakini hamyatendi nisemayo? 47 Kila mtu
ajaye kwangu, na kuyasikia maneno yangu na kuyatenda, nitawaonyesha mfano wake.
48 Mfano wake ni mtu ajengaye nyumba, na kuchimba chini sana, na kuweka msingi
juu ya mwamba; na kulipokuja gharika, mto uliishukia nyumba ile kwa nguvu,
usiweze kuitikisa; kwa kuwa imejengwa vizuri. 49 Lakini yule aliyesikia ila
hakutenda, mfano wake ni mtu aliyejenga nyumba juu ya ardhi pasipokuwa na
msingi, mto ukaishukia kwa nguvu, ikaanguka mara; na maangamizi yake nyumba ile
yakawa makubwa.]… Mfano
wa kwanza ni kwamba ukijenga vizuri nyumba yako na msingi ukauweka juu ya
mwamba, mito na gharika zikija, hiyo
nyumba haiwezi kuanguka. Mfano wa pili ni wa watu ambao wanajenga nyumba
juu ya udongo. Yesu katika mifano hii miwili alikuwa akiongea na wale watu wake
ambao tayari wameshaokoka (wanafunzi wake). Hii ina maana kuwa,
hata kama umeokoka, gharika na
mito kutokea ni mambo ya kawaida. Kataa ‘wokovu wa spana
mkononi’ – yaani
haiishi siku wewe bila kutenda dhambi.
Toka katikati ya uovu. Shetani haogopi kuwa wewe umeokoka au unakuja kanisani.
Shetani anachoogopa kwako ni ule ‘utakatifu
wako’. Ni heri leo kufanya maamuzi ama ya kuwa 'baridi' au 'moto' na siyo kuwa 'vugu vugu'.
UKIRI
Leo Ninakataa wokovu wa
vuguvugu kwa Jina la Yesu. Ninakataa dhambi isinizinge mimi kwa Jina la Yesu.
Ninaomba neema ili kwamba ninapoyasikia maneno yako Yesu niyatende, ili niijenge
nyumba yangu katika mwamba ambaye ni Yesu Kristo. Amen
|
Meshaki, Shedraki na Abednego walisimamia imani yao hata mbele ya
Mfalme alipowahoji uso kwa uso kuhusu dhamira yao ya
kutoiabudu ile sanamu aliyoisimamisha Mfalme. Katika nchi nzima, walipatikana hawa
vijana watatu tu ambao imani yao ilijengwa katika mwamba, ambaye ni Yesu
Kristo.
1 WAFALME 16:34…[Katika siku zake,
Hieli Mbetheli akajenga Yeriko; akatia misingi yake kwa kufiwa na Abiramu
mzaliwa wake wa kwanza, na kuyaweka malango yake kwa kufiwa na mwana wake mdogo
Segubu; sawasawa na neno la Bwana alilolinena kwa Yoshua mwana wa Nuni.]… Tatizo la mtu mmoja na mwingine laweza
kufanana. Hata hivyo, kufunguliwa kati ya watu hawa wawili hutofautiana, kwani kafara iliyopelekea kifungo chao nayo pengine imetofautiana. Mathalani watu wapo wawili wenye 'shida ya kutozaa'. Lakini mmoja wao hazai kwa sababu alifungwa kwa kafara ya ng'ombe hamsini na mwenzake alifungwa kwa kafara ya kuchinja kuku. Ni dhahiri kuwa, huyu ambaye kuku alichinjwa kisha akafungwa asizae atakapo ombewa kufunguliwa kwake ni rahisi zaidi kuliko yule wa ng'ombe hamsini!!! Na mbaya zaidi, wapo waliofunga wengine kwa kutoa kafara za damu za wanadamu!! Hiyo huwa na ugumu zaidi kufunguliwa kwake, lakini kwa Yesu Kristo hakuna jambo lisilowezekana.
UKIRI
Kwa Damu ya Yesu Baba Mungu wa Mbinguni naomba unitakase kwa
Damu yako ya thamani. Naamuru misingi yote ya umaskini na misingi ya balaa inayoshikilia
akili yangu, inayoshikilia nyota yangu, kule niliponaswa
kwa kutokujua, ninaomba Damu ya Yesu
initoe kwenye balaa nilizowekewa, leo nitoke mahali popote nilipofungwa. Kwa maana imeandikwa 'Bomoeni bomoeni hata
msingini', leo naibomoa msingi uliojengwa kwenye kazi yangu, na
kwenye ukoo wangu kwa Jina la Yesu. Amen
|
© Information Ministry
(Ufufuo Na Uzima - Morogoro)
Mtaa wa Nguvu Kazi,
(Minara Mitatu), Mkundi-Morogoro.
/or
Contact our Senior
Pastor:
Dr. Godson Issa Zacharia
(Ufufuo Na Uzima – Morogoro)
Cellphone: (+255) 757
550878 / +255 719798778