GLORY
OF CHRIST TANZANIA CHURCH (GCTC)
KANISA
LA UFUFUO NA UZIMA MOROGORO
PASTOR
DR. GODSON ISSA ZACHARIA
JUMAPILI:
25 MACHI, 2018
 |
| Mchungaji Kiongozi Dr. Godson Issa Zacharia akifundisha somo la vikao vya uharibifu katika ibada ya leo. |
Utangulizi: Vikao
ni mikutano ya wanadamu wanapokutana ili kuamua jambo liwe kwa wema au kwa
ubaya. Katika kila
maisha mtu anapoenda chini au juu
panakuwa na kikao cha kumpandisha au kumshusha katika ngazi. Maamuzi
ya vikao ndio yanayosababisha mtu apande au ashuke kutoka ngazi Fulani. Pia hata
katika maisha ya kawaida huwa kuna vikao. Hata mbinguni huwa kuna vikao. Kwa
mfano, kabla Yesu hajatumwa kuwaokoa wanadamu duniani, kwanza kilikaa kikao
mbinguni.
AINA 3 YA VIKAO
- VIKAO VYA MBINGUNI
- VIKAO VYA BINADAMU
- VIKAO VYA KISHETANI
·
VIKAO VYA KIMBINGU.
Hivi ni vikao vya utatu Mtakatifu kule
mbinguni. Hivi ni vikao kati ya Mungu baba kama kiongozi, Yesu Kristo na Roho
Mtakatifu. Pia kinaweza kuwa kikao baina ya malaika watakatifu kwa ajili ya
utekelezaji wa majukumu ya ufalme. Mungu aliwahi kukaa kikao ili kuwachafulia
usemi watu wale waliokusudia kujenga mnara wa Babeli. “Bwana akashuka ili auone mji na mnara waliokuwa wakiujenga wanadamu.
Bwana akasema, Tazama, watu hawa ni taifa moja, na lugha yao ni moja; na haya
ndiyo wanayoanza kuyafanya, wala sasa hawatazuiliwa neno wanalokusudia
kulifanya. Haya, na tushuke huko, tuwachafulie usemi wao ili wasisikilizane
maneno wao kwa wao.” Mwanzo 11:5-7
Pia
kuna wakati ambao Ahabu aliwatenda udhalimu wana wa Israeli Mungu akapanga
kumwangusha. Kabla ya anguko lake kwanza kilifanyika kikao kule mbinguni. Baada
ya kikao akatokea pepo akasema ataenda na kuingia vinywani mwa Manabii na kuwa
uongo. 1 Wafalme 22:19-22
Ili
vita ipiganwe lazima kuwe na kikao. Kwa hiyo kabla ya vita lazima kulikuwa na
kikao kwa ajili ya vita hiyo. Ufunuo wa Yohana 12:7
·
VIKAO VYA KIBINADAMU.
Hivi
ni vikao vya wanadamu kabisa. Hivi hufanyika kulingana na taratibu za kitaifa,
mashirika, mikoa, familia au ukoo. Hivi hufanyika kwa ajili ya ustawi wao.
Kwenye vikao hivi huwa vinapanga nani afanikiwe au asifanikiwe. Kupitia vikao
hivi watu ufukuzwa kazi au apate kazi. Vikao hivi vinaweza kuwa halali au
visiwe halali. Vikao hivi vinaweza kupitisha mipango ya kumwangamiza mtu
Fulani. Wanaweza kuweka mikakati ili kumwondoa mtu kwenye nafasi yake ili
waingie wao. Hivi vikao vinaweza kumpa mtu kitu asichostahili. Matokeo ya vikao
hivi kwa desturi huwa ni mtu mmoja akalia na mwingine akacheka.
 |
| Platform Ministry wakioongoza sifa na kuabudu katika ibada ya leo. |
·
VIKAO VYA KISHETANI.
Hivi
ni vikao vilivyovuviwa na nguvu ya shetani. Vinaweza kuwa vikao vya wanadamu
lakini vina nguvu ya shetani nyuma yake. Shetani Anaishi kuzimu na ana mawakala
wake duniani. Anatumia wasihiri, wasoma nyota, wachawi na waganga ili kujadili
maisha ya watu. Baada mijadala maamuzi ya mabaya ufuatia ili mtu aangamie.
Wachawi hawa huwa na maeneo maalum ya kukutania na kupanga uharibifu wao. Vikao
vya Kishetani ndio
“Nami
nikiinuliwa juu ya nchi, nitawavuta wote kwangu.” Yohana 12:31
·
LENGO LA VIKAO VYA UHARIBIFU
Lengo mama la vikao vya uharibifu ni
kuhakikisha kwamba mtu anaharibikiwa katika maisha yake au kuhakikisha mtu
anakufa.
WAJUMBE
WA VIKAO; lazima wawe watu wanaokufahamu vizuri. Hawa huwa watu wa karibu sana
na wewe, mzazi, ndugu, rafiki au mke/ mume wako. Wajumbe hawa wanayafahamu
vizuri maisha yako. Kwa hiyo kupitia hawa ni rahisi sana kukuangamiza. Wajumbe
huwa wanakujua kwa undani zaidi. Vikao hivi hufanywa na watu wanaokufahamu
vizuri.
·
AGENDA ZA VIKAO.
Agenda
za vikao hivi haziko mbali na lengo mama. Agenda zao zinalenga uharibifu juu ya
maisha ya mtu. Hizi huwa ni agenda ambazo misingi yake ni kuharibikiwa. Agenda
zinaweza kuwa mtu apate ajali, kazi iharibike, elimu, uchumi udolole. Agenda
zote nyuma yake zimejaa chuki na wivu. Walikuwepo watu wa dini walioona wivu
juu ya kazi walioifanya mitume wa Yesu Kristo. “Akaondoka Kuhani Mkuu na wote waliokuwa pamoja naye, (hao ndio walio wa
madhehebu ya Masadukayo), wamejaa wivu, wakawakamata mitume wakawaweka ndani ya
gereza;” Matendo ya Mitume 5:17
Agenda
za vikao hivi hujadiliwa na wajumbe wanaokufahamu vizuri. Wajumbe wa vikao vya
uharibifu lazima wawe watu wanaokufahamu. Kwa desturi mtu wa kukuangamiza lazima
awe mtu wako wa karibu. Kumbuka Ibilisi alikuwa Kerubi afunikaye kule mbinguni
lakini akamwasi Mungu. Absalomu alimwasi baba yake Daudi lakini alikuwa baba
yake. Samsoni alifungwa kamba na ndugu zake wa karibu. Kama haitoshi Yuda
alikuwa mwanafunzi wa karibu sana na Yesu lakini ndiye aliyemsaliti Yesu.
Kwenye
vikao hivi mabaya huamuliwa na kuwekewa mikakati. Kwenye vikao hivi wachawi hupeleka
mashitaka. Wachawi wanaandika majina ya watu kwa damu za wanyama,ndege na
wanadamu na kuyaweka kwenye madhabahu zao. Jina likipelekwa kwenye kikao chao
lazima lijadiliwe ili upatwe na mabaya. Mtu anapojadilika kwenye kikao utaanza
kusikia misiba, mimba imeharibika, hawezi kuoa lakini alikuwa anajiandaa,
anasoma lakini hawezi kufaulu, biashara inadolola, ndoa na uchumi vinayumba.
Leo lazima uwavunje wajumbe wa vikao hivi kwa jina la Yesu. Yeye aliyejadili
ili usiolewe, usipate kazi, ndoa, mitaji nawashambulia kwa jina la Yesu. Unayo
damu na jina la Yesu ambavyo ni silaha za kuvunja vikao vya uharibifu.
Jifunze
jambo kwamba hakuna kinachotokea ambacho hakikupangwa mahali. Hakuna
kilichotokea kwenye maisha yako ambacho hakikupangwa mahali. Huzuni, hasara,
majuto, matatizo na hasara zinazokupata zote zinatokana na vikao vya uharibifu.
Wao wamekaa kikao cha uharibifu lakini mbingu imekaa kikao cha uzima kwa jina
la Yesu. Hakuna mabaya yanayotokana na Mungu tunayemtumikia. Maombolezo 3:33
 |
| Maelfu ya watu wakiabudu katika ibada ya leo katika nyumba ya Ufufuo na Uzima Morogoro. |
·
MIFANO YA VIKAO KWENYE BIBLIA
Kikao
cha uharibifu dhidi ya Danieli. Danieli aliwekewa kikao cha uharibifu kwa
sababu ya Sifa zake. Danieli alikuwa amepata sifa kwa Mfalme kwa sababu ya Roho
aliyekaa ndani yake. Danieli alikuwa na hekima ya Mungu ndani yake. Lakini
kikao cha kumwangamiza kilikaa kwa sababu walisikia tetesi kuwa mfalme Dario
anakusudia kumwinua Danieli. “Ilimpendeza Dario kuweka juu ya ufalme maliwali
mia na ishirini, wawe juu ya ufalme wote; na juu yao akaweka wakubwa watatu, na
Danieli alikuwa mmoja wao; ili maliwali hawa watoe hesabu kwao, mfalme asipate
hasara. Basi Danieli huyo alipata sifa kuliko wakubwa na maliwali, kwa kuwa
roho bora ilikuwa ndani yake; naye mfalme akaazimu kumweka juu ya ufalme wote.”
Danieli 6:1-3
Kikao
cha uharibifu kinakaa kwa sababu maalum. Wakuu hawa walitafuta sana namna ya
kumpata. Waliangalia wapi katenda makosa wala hawakupata. Lakini kutokuwa na
hatia au kosa sio sababu ya wajumbe kuacha kumpangia mabaya mtu. Mawaziri na
maamiri waliamua kutafuta njia mbadala ya kumwangamiza. Hata Danieli alitafutwa
kupitia mambo ya Mungu wake. Unaweza kutafutwa kwa sababu ya Imani yako. Lakini
yupo Yesu upande wako kukupigania. ”Basi
mawaziri na maamiri wakatafuta sana kupata sababu za kumshitaki Danieli kwa
habari za mambo ya ufalme; lakini hawakuweza kuona sababu wala kosa; kwa maana
alikuwa mwaminifu, wala halikuonekana kosa wala hatia ndani yake. Ndipo wale
watu wakasema, Hatutapata sababu ya kumshitaki Danieli huyo, tusipoipata katika
mambo ya sheria ya Mungu wake. Basi wale mawaziri na maamiri wakakusanyika
pamoja mbele ya mfalme, wakamwambia hivi, Mfalme Dario, uishi milele.”
Danieli 6:4-6
Wajumbe
wa kikao cha uharibifu wanaanzia watu wawili na kuendelea. Kupitia vikao vyao
maazimio mbalimbali upitishwa na kuwekewa namna ya kutekelezwa. Wajumbe wa
vikao lazima wafanye (shauri) maamuzi kwa pamoja. Na kwa desturi wajumbe wa
vikao hivi hukutana kwa siri. Mfano hapa Danieli alikuwa miongoni mwa Mawaziri
lakini hakushirikishwa kwenye kikao. Maana yake Danieli hakuwa kwenye kikao
lakini yawezekana jina lake lilikuwa kwenye orodha ya waliohudhuria. Huu ulikuwa
kama mtego ambao umewekewa muda maalum. “Mawaziri
wote wa ufalme, na manaibu, na maamiri, na madiwani, na maliwali wamefanya
shauri pamoja ili kuweka amri ya kifalme; na kupiga marufuku, ya kwamba mtu ye
yote atakayeomba dua kwa Mungu awaye yote, au kwa mtu awaye yote, katika muda
wa siku thelathini, ila kwako, Ee mfalme atatupwa katika tundu la simba. Sasa,
Ee mfalme, piga marufuku, ukatie sahihi maandiko haya, yasibadilike, kama
ilivyo sheria ya Wamedi na Waajemi, isiyoweza kubadilika.” Danieli 6:7-8
Lakini
kumbuka maadui zako watakusanyana kwa ajili yako lakini hawatafanikiwa. Na wote
watakao kusanyana juu yako wataanguka kwa ajili yako kwa jina la Yesu. “Tazama, yamkini watakusanyana; lakini si kwa
shauri langu. Watu wo wote watakaokusanyana juu yako wataanguka kwa ajili yako.”
Isaya 54:15
 |
| Maelfu ya watu wakisikiliza somo la vikao vya uharibifu katika ibada ya leo. |
Ni
vizuri umjue Mungu unayemtumikia. Hata mfalme Dario alitambua uwezo wa nguvu za
Mungu wa Danieli. Wewe unaye Mungu anayeweza kuokoa yuko upande wako. Kuna
matatizo yanayokukabili lakini Yehova anajua namna utakavyookolewa kwa jina la
Yesu. “Basi mfalme aliposikia maneno haya
alikasirika sana, akakaza moyo wake ili kumponya Danieli; akajitaabisha
kumwokoa hata jua likachwa. Ndipo watu wale wakakusanyika pamoja mbele ya
mfalme, wakamwambia mfalme, Ee mfalme, ujue ya kuwa ni sheria ya Wamedi na Waajemi,
lisibadilike neno lolote lililo marufuku, wala amri yoyote iliyowekwa na
mfalme. Basi mfalme akatoa amri, nao wakamleta Danieli, wakamtupa katika tundu
la simba. Mfalme akanena, akamwambia Danieli, Mungu wako unayemtumikia daima,
yeye atakuponya.” Danieli 6: 14-16
MADHARA
YANAYOWAPATA WAFALME WALIODANGANYWA NA WAPITISHA SHERIA
- Kukosa Usingizi
- kufunga mfungo wa lazima yaani hakuna
kula.
- Hakuna starehe wala furaha
 |
| Mamia ya watu waliompokea Yesu kama Bwana na Mwokozi wa masiha yao. |
“Kisha mfalme akaenda nyumbani
kwake, akakesha usiku kucha, akafunga; na vinanda havikuletwa mbele yake; na
usingizi wake ukampaa. Asubuhi mfalme akaondoka mapema, akaenda kwa haraka
mpaka penye lile tundu la simba. Naye alipolikaribia lile tundu, akamlilia
Danieli kwa sauti ya huzuni; mfalme akanena; akamwambia Danieli, Ee Danieli,
mtumishi wa Mungu aliye hai, je! Mungu wako, unayemtumikia daima, aweza
kukuponya na simba hawa? Ndipo Danieli akamwambia mfalme, Ee mfalme, uishi
milele. Mungu wangu amemtuma malaika wake, naye ameyafumba makanwa ya simba,
nao hawakunidhuru; kwa kuwa mbele zake mimi nalionekana kuwa sina hatia; tena,
mbele yako, Ee mfalme, sikukosa neno.” Daniel 6:18 – 22
Hawawezi kula kwa hiyo wanalazimika kufunga
bila kupenda. Kabla Danieli hajafika kwenye shimo mfalme akalia kwa huzuni.
Maana yake alihuzunika kwa sababu alijua amedanganywa na mawaziri wake.
HUKUMU
YA WAJUMBE WA KIKAO.
Wajumbe
wa kikao au mshtaki lazima ahukumiwe. Na mshtaki wa ndugu ni shetani anayeshitaki
usiku na mchana. Na hukumu ni kwamba yaleyale mabaya waliyokusudia juu yako
ndio yatakayowapata. Kumbuka mawaziri ndio walioamua kwamba asiyemwabudu mfalme
lazima atupwe kwenye tundu la Simba. Lakini tundu lilelile ndilo walikotupwa wao
na wakaangamizwa kwa vinywa vya simba. Leo naagiza wale walipanga mabaya juu
yako yawapate wao kwa jina la Yesu. “Basi
mfalme akafurahi sana, akaamuru wamtoe Danieli katika lile tundu. Ndipo Danieli
akatolewa katika lile tundu, wala dhara lo lote halikuonekana mwilini mwake,
kwa sababu alikuwa anamtumaini Mungu wake. Mfalme akaamuru, nao wakawaleta wale
watu waliomshitaki Danieli, wakawatupa katika tundu la simba, wao, na watoto
wao, na wake zao; na wale simba wakawashinda wakaivunja mifupa yao vipande
vipande, kabla hawajafika chini ya tundu. Ndipo mfalme Dario akawaandikia watu
wa kabila zote, na taifa zote, na lugha zote, waliokaa juu ya uso wa dunia;
Amani na iongezeke kwenu. Mimi naweka amri, ya kwamba katika mamlaka yote ya
ufalme wangu watu watetemeke na kuogopa mbele za Mungu wa Danieli; maana yeye
ndiye Mungu aliye hai, adumuye milele, na ufalme wake ni ufalme usioharibika,
na mamlaka yake itadumu hata mwisho. Yeye huponya na kuokoa, hutenda ishara na
maajabu mbinguni na duniani, ndiye aliyemponya Danieli na nguvu za simba. Basi
Danieli huyo akafanikiwa katika enzi ya Dario, na katika enzi ya Koreshi,
Mwajemi. ” Danieli 6:23-28
Kuna
watu waliokaa kikao ili uangamie lakini wataangamia wao kwa jina la Yesu. “Achimbaye shimo atatumbukia mwenyewe; Naye
abingirishaye jiwe litamrudia.” Mithali 26:27
 |
| Mtu akifunguliwa kutoka katika vifungo vya uharibifu. |
Kila
mauti iliyopangwa juu yako itampata aliyeipanga kwa jina la Yesu. Na waovu huchimba
shimo kwenda chini sana. Kuna mabaya ambayo yanaandaliwa kwa ustadi mkubwa. Wengine
wamechimba mashimo tena wamechimba sana kwenda chini. “Wawe kama makapi mbele ya upepo, Malaika wa Bwana akiwaangusha chini.”
Zaburi 35:5
“Amechimba shimo, amelichimba chini sana,
Akatumbukia katika handaki aliyoifanya!
16 Madhara yake yatamrejea kichwani
pake, Na dhuluma yake itamshukia utosini.” Zaburi 7:15-16
“Wameweka wavu ili kuninasa miguu; Nafsi
yangu imeinama; Wamechimba shimo mbele yangu; Wametumbukia ndani yake!” Zaburi
57:6
 |
| Showers of Glory wakicheza kwa Bwana katika ibada ya leo. |
KWA MSAADA ZAIDI NA MAOMBEZI WASILIANA
NASI KUPITIA
FACEBOOK:
Pastor Dr Godson Issa Zacharia
Follow
us on INSTAGRAM: pastordrgodson
Follow
us on YOUTUBE: Pastor Dr. Godson Zacharia
TEL:
+255 719 798 778