SOMO: MASHUJAA WA DAUDI - Na: Pastor Godson Issa Zacharia (Snp)

JUMAPILI: 18 MAY 2014 - UFUFUO NA UZIMA MOROGORO

Utangulizi: Somo letu  ni “Mashujaa wa Daudi”. Duniani  kumejaa matatizo mengi sana yanayohitaji  mashujaa. Kawaida ya shujaa ni  mtu asiyeogopa kitu chochote. Mashujaa huweza kukatiza katikati ya  matatizo na kuleta ushindi. 1 SAMWELI 22:1-2… [Basi Daudi akaondoka huko, akakimbilia pango la Adulamu; na ndugu zake na watu wote wa mbari ya baba yake waliposikia habari hiyo, wakamwendea huko. 2 Na kila mtu aliyekuwa katika hali ya dhiki, na kila mtu aliyekuwa na deni, na watu wote wenye uchungu mioyoni mwao, wakakusanyika kwake; naye akawa jemadari wao; nao waliokuwa pamoja naye walipata kama watu mia nne.]… Daudi baada ya  kumuua Goliath, alikimbizwa na mfalme Sauli hata akaenda kujificha pangoni.  Wapo watu waliomfuata kwenda kukaa naye wakiamini kuwa Daudi anao uwezo  wa kuwahamisha kutoka hatua moja hadi nyingine na kuwaletea ushindi. Wafuasi wake hawa ni watu  wenye dhiki, madeni kukataliwa, uchungu mioyoni mwao, wapata watu 400,  naye Daudi akawa Jemedari wao. Hili ni  jambo la ajabu sana.

Swali hapa ni je, Kwa nini waatu hawa wamfuate Daudi? Jibu ni kwamba, Watu hawa waligundua kuwa, pamoja na udogo wa Daudi, lakini ndani yake kipo kibali cha kuwaondolea watu dhiki zao, madeni yao,  tabu zao, uchungu wao  n.k. Hapo ndipo watu walipoifahamu neema iliyoko ndani ya Daudi,  hata wakaziacha nyumba zao nzuri mijini na wakaenda kukaa na Daudi maporini. Kwa hiyo Daudi akaanza kuwaondolea watu dhiki zao, madeni  yao, uchungu wao, n.k. na hata wakawa mashujaa. Mashujaa wa Daudi waliweza kukaa na kusimama na Daudi hata nyakati za magumu.ni kwa sababu alianza nao wakati wana madeni, dhiki, tabu, umaskini, uchungu n.k. kitendo hiki cha Daudi kukaa nao wakati wa matatizo yao, kiliwafanya hawa watu wazidi kuambatana na Daudi. Mungu naye alifungua milango ya kuwaondolea wale watu dhiki zao,  matatizo yao,  uchungu,  umaskini  n.k.

Baba (SNP) Dr. Godson Issa Zacharia, akiomba leo
tarehe 18-05-2014 ndani ya Nyumba ya Ufufuo na Uzima, Morogoro

Ndugu yangu, wewe bila kujua umeingia ndani  ya Nyumba ya Ufufuo na Umaskini ukiwa na dhiki zako, umaskini, shida n.k. na Roho wa Bwana aliye juu yangu ni  sawasawa na ule uliokuwa juu ya Daudi ili baadae uwe Shujaa wa Daudi. Kwenye pango pana majibu ya dhiki zako, umaskini wako, uchungu, tabu n.k. zinazokukabili.

Ipo siri iliyomfanya Daudi akae muda mrefu sana madarakani. Siri kuu hapa ni kiutendo cha Daudi kukaa na watu pangoni wenye uchungu, taabu,  misiba, dhiki na walikataliwa sana na kuwachukua. Akaanza kufanya nao kazi.

SIFA ZA MASHUJAA WA DAUDI ---- (C.V ZA MASHUJAA WA DAUDI):

1.      YASHOBEAMU, ELEAZARI NA SHAMA: ….. 2 SAMWELI 23:8-14…[Haya ndiyo majina ya mashujaa aliokuwa nao Daudi; Yashobeamu Mhakmoni, mkuu wa maakida; huyo aliliinua shoka lake juu ya watu mia nane waliouawa pamoja. 9 Na baada yake kulikuwa na Eleazari, mwana wa Dodai, Mwahohi, mmojawapo wa wale mashujaa watatu waliokuwa pamoja na Daudi; walipowatukana Wafilisti waliokuwa wamekusanyika huko ili kupigana, na watu wa Israeli walikuwa wamekwenda zao; 10 huyo aliinuka, akawapiga Wafilisti hata mkono wake ukachoka, na mkono wake ukaambatana na upanga; naye Bwana akafanya wokovu mkuu siku ile; nao watu wakarudi nyuma yake ili kuteka nyara tu. 11 Na baada yake kulikuwa na Shama, mwana wa Agee, Mharari; nao Wafilisti walikuwa wamekusanyika huko Lehi, palipokuwapo konde lililojaa midengu; nao watu wakawakimbia Wafilisti; 12 ila huyo alisimama katikati ya konde lile, akalipigania, akawaua Wafilisti; naye Bwana akafanya wokovu mkuu.13 Tena, watatu miongoni mwa wale thelathini waliokuwa wakuu wakashuka, wakamwendea Daudi wakati wa mavuno mpaka pango la Adulamu, na kikosi cha Wafilisti walikuwa wamefanya kambi katika bonde la Warefai.14 Naye Daudi wakati ule alikuwako ngomeni, na jeshi la Wafilisti wakati ule walikuwako Bethlehemu.]…

2. ABISHAI ….. 2 SAMWELI 23:18…. [Tena, Abishai, nduguye Yoabu, mwana wa Seruya, alikuwa mkuu wa wale watatu. Huyo aliuinua mkuki wake juu ya watu mia tatu, akawaua, akawa na jina kati ya wale watatu.]…

3. BENAYA….. 2SAMWELI 23:20-22… [Tena Benaya, mwana wa Yehoyada, mtu hodari wa Kabseeli aliyekuwa amefanya mambo makuu; aliwaua simba wakali wawili wa Moabu, k pia akashuka akamwua simba katikati ya shimo wakati wa theluji; 21 huyo naye akamwua Mmisri, mtu mrefu; naye huyo Mmisri alikuwa na mkuki mkononi; lakini yeye alimshukia na gongo, akamnyakulia Mmisri mkuki mkononi mwake, akamwua kwa mkuki wake mwenyewe. 22 Hayo ndiyo aliyoyafanya Benaya, mwana wa Yehoyada, akawa na jina kati ya wale mashujaa watatu.]…

Kawaida ya mashujaa wa Daudi, siyo watu matajiri. Daudi huanza na wale wenye taabu ili  baadae wakikumbuka walikotoka,  basi kuambatana kunakuwa kukubwa zaidi.

MAOMBI:  Bwana Yesu, Nimekanyaga katika pango mahali hapa, ambako hapana uzuri wowote, lakini Bwana Yesu umenipatia Daudi wa Kizazi hiki  ili kuniondolea dhiki, taabu,  kukataliwa,  madeni na umaskini ulionisonga kwa Jina la Yesu.

Leo ikiwa ndiyo siku ya kumalizia mfungo wa siku 21, tumuendee Bwana ili atuondolee zile dhiki na matatizo ya maisha yetu katika Jina la Yesu. 

MAOMBI:  Bwana Yesu,  leo hii nimnyang'anye adui silaha zake, nimchinje kwa silaha yake mwenyewe.

Shujaa hupigana kwanza ili  kupigania kile kitu anachokitaka. Mtu yeyote anayetaka kitu bila kukifanyia kazi ni mwizi. 

Leo ikiwa ni siku ya  21 ya maombi yetu ya kufunga na kuomba, tungependa kukuona wewe mtu uliyekuwa nasi kwa kipindi hiki cha Mfungo, Bwana akakufanye shujaa kama wale mashujaa wa Daudi katika Jina la Yesu. Yesu anaenda kukutengeneza na kukuondolea zile dhiki zako, uchungu wako, umaskini, tabu, misiba yako  n.k. kwa Jina la Yesu.

==Information Ministry (Ufufuo Na Uzima - Morogoro)==