JUMAPILI: 01 FEBRUARY
2015 - UFUFUO NA UZIMA MOROGORO
Utangulizi: Jumapili ya leo 01/02/2015 Somo letu linaitwa “Kipawa Hufungua Mlango”. Ipo milango ya aina nyingi sana hapa
duniani. Ipo milango kuhusiana na ndoa,
uchumba,
 |
| RP Adriano akifundisha kwa mifano Somo la 'Kipawa hufungua Mlango' |
MITHALI 17:8….[Kipawa ni kama kito
cha thamani machoni pake yeye aliye nacho; Kila kigeukapo hufanikiwa.]… Kipawa kinaweza kumuingiza mtu mahali
ambapo hakutarajia Kufika.
MITHALI 18:16…[Zawadi ya mtu humpatia
nafasi; Humleta mbele ya watu wakuu.]… Unahitaji kuwa na kipawa ili kuingia katika nafasi
ambayo ulikuwa unaifuatilia. Katika Biblia,
Daudi ingawa alikuwa mchunga
kondoo wa baba yake, lakini alikuwa na kipawa chakupiga kinubi, kiasi kwamba mapepo ya Mfalme Sauli yalikuwa
yanatimka yanaposikia sauti ya kinubi
cha Daudi.
Paulo na Silla walikuwa gerezani wakiomba na kuimba, lakini ghafla
tetemeko la nchi likatokea na misingi ya gereza ikapasuka, ‘milango ya gereza’ ikawaachia. Mwaka huu ni wa kuachilia vipawa
vya watu vilivyoshikiliwa na adui zetu
kwa Jina la Yesu.
Yusufu mwana wa Yakobo alitupwa gerezani pamoja na kwamba alikuwa
na kipawa ndani yake cha kufasiri ndoto.
Hata hivyo, haijalishi ni gereza la aina gani ambalo wanadamu wamekuweka
(gereza la mikosi, madeni, magonjwa, umaskini n.k), lakini kupitia kipawa
chako, ipo siku ya kuondoka kwa
ushindi kutoka ndani ya hilo gereza kwa
sababu Mungu anaweza kukutembelea humo gerezani kwa Jina la Yesu.
 |
| RP Adriano akiomba ibadani tarehe 1/2/2015 |
MWANZO 40:5-7….[Wakaota ndoto wote
wawili, kila mtu ndoto yake usiku mmoja, kila mtu kwa tafsiri ya ndoto yake,
mnyweshaji na mwokaji wa mfalme wa Misri waliofungwa gerezani. 6 Yusufu
akawajia asubuhi, akawaona wamefadhaika. 7Akawauliza hao maakida wa Farao,
waliokuwa pamoja naye katika kifungo, nyumbani mwa bwana wake, akisema, Mbona
nyuso zenu zimekunjamana leo? ]… Kuna wakati mwingine unaweza kuwa na kipawa lakini usijue kuwa
unacho kwa sababu hujakitendea kazi. Ukiona unaota ota ndoto sana, ujue upo
gerezani. Kwa nini? Kwa sababu unakuwa hauna muda wa kukaa na Bwana na kuzungumza
naye. Ndoto ni bayana, na yaweza kukaa muda mrefu kabla ya kutokea. Ni vizuri
kuiombea ndoto yako, endapo ni nzuri uiombee itokee lakini kama ni mbaya uikatae kwa Jina la Yesu.
MWANZO 40:8-14…[Wakamwambia,
Tumeota ndoto wala hapana awezaye kuifasiri. Yusufu akawaambia, Kufasiri si
kazi ya Mungu? Tafadhalini mniambie. 9 Mnyweshaji mkuu akamhadithia Yusufu
ndoto yake; akamwambia, Katika ndoto yangu nimeota, uko mzabibu mbele yangu. 10
Na katika mzabibu mlikuwa na matawi matatu, nao ulikuwa kana unamea, unachanua
maua, vishada vyake vikatoa zabibu zilizoiva. 11 Na kikombe cha Farao kilikuwa
mkononi mwangu, nikazitwaa zabibu, nikazikamua katika kikombe cha Farao,
nikampa Farao kikombe mkononi mwake. 12 Yusufu akamwambia, Tafsiri yake ndiyo
hii. Matawi matatu ni siku tatu. 13 Baada ya siku tatu Farao atakiinua kichwa
chako, atakurudisha katika kazi yako; nawe utampa Farao kikombe mkononi mwake,
kama desturi ya kwanza, ulipokuwa mnyweshaji wake. 14 Ila unikumbuke mimi,
utakapopata mema, ukanifanyie fadhili, nakuomba, ukanitaje kwa Farao, na
kunitoa katika nyumba hii. 15 Kwa sababu hakika naliibiwa kutoka nchi ya
Waebrania, wala hapa sikutenda neno lo lote hata wanitie gerezani.]… Ni vizuri kumtaja taja Yule
aliyekusaidia, usifunge vioo vyote hata kutomtendea mema mtu huyo.
MWANZO 40:16-17…[Mkuu
wa waokaji alipoona ya kwamba hiyo tafsiri ni ya mema, akamwambia Yusufu, Mimi
kadhalika nilikuwa katika ndoto yangu, na tazama, ziko nyungo tatu za mikate
myeupe juu ya kichwa changu. 17 Na katika ungo wa juu, mlikuwa na kila namna ya
chakula kwa Farao, kazi za mwokaji; ndege wakavila katika ungo juu ya kichwa
changu. 18 Yusufu akajibu, akasema, Tafsiri yake ndiyo hii Nyungo tatu ni siku
tatu. 19 Baada ya siku tatu Farao atakiinua na kukuondolea kichwa chako, na kukutundika
juu ya mti, na ndege watakula nyama yako.]…. Kwa mkuu wa waokaji,yeye alifuata tu mkumbo kwa kuiga
mwenzake alivyokuwa ametafsiriwa ndote yake na ambayo ilionnekana njema. Hukumu
ya hawa maakida ilikuwa ifanyike baada ya siku tatu zijazo na ndoto wakaota
siku moja wote kwa pamoja. Hata hivyo, Mkuu wa waokaji alitundikwa kwenye mti na akafa.
MWANZO 41:1-7….[Ikawa, mwisho wa miaka
miwili mizima, Farao akaota ndoto; na tazama, amesimama kando ya mto. 2 Na
tazama, ng'ombe saba wazuri, wanono, walipanda kutoka mtoni, wakajilisha
manyasini. 3 Na tazama, ng'ombe saba wengine wakapanda nyuma yao kutoka mtoni,
wabaya, wamekonda, wakasimama karibu na wale ng'ombe wengine ukingoni mwa
mto. 4 Kisha hao ng'ombe wabaya
waliokonda wakawala wale ng'ombe saba wazuri, wanono. Basi Farao akaamka. 5
Akalala, akaota ndoto mara ya pili. Tazama, masuke saba yalimea katika bua
moja, makubwa, mema. 6 Na tazama, masuke saba membamba, yamekaushwa na upepo wa
mashariki, yakatokeza baada yao. 7 Kisha hayo masuke membamba saba yakayala
yale masuke saba makubwa yaliyojaa. Basi Farao akaamka, kumbe! Ni ndoto tu.]…. Wale wanaoharibu maisha au afya au
ndoa na kudhoofisha hutokea chini na kupanda. Mara zote ubaya hula kizuri (UFUNUO 13:1….[Kisha
nikaona mnyama akitoka katika bahari, mwenye pembe kumi, na vichwa saba, na juu
ya pembe zake ana vilemba kumi, na juu ya vichwa vyake majina ya makufuru.])…
MWANZO 41:8……[Hata
asubuhi roho yake ikafadhaika; akapeleka watu kuwaita waganga wote wa Misri, na
watu wote wenye hekima walioko. Farao akawahadithia ndoto yake, wala hakuna
aliyeweza kumfasiria Farao mambo hayo.]… Mungu alilenga kuwa, akosekane mtu wa
kuweza kufasiri ndoto, ili hatimaye amtoe Yusufu gerezani. Mawazo ya Mungu si
sawa na ya wanadamu, kwani Mungu humwazia mema mwanadamu.
MWANZO 41:9-15…[Basi mkuu wa
wanyweshaji akamwambia Farao akisema, Nayakumbuka makosa yangu leo. 10 Farao
aliwakasirikia watumwa wake, akanitia nifungwe nyumbani mwa mkuu wa askari,
mimi na mkuu wa waokaji. 11 Tukaota ndoto usiku mmoja, mimi na yeye; kila mtu
kwa tafsiri ya ndoto yake tukaota. - 12 Na huko pamoja nasi palikuwa na kijana;
Mwebrania, mtumishi wa mkuu wa askari, tukamhadithia, naye akatufasiria ndoto
zetu; akamfasiria kila mtu kama ilivyokuwa ndoto yake. 13 Ikawa, kama vile
alivyotufasiria ndivyo ilivyotokea; mimi nalirudishwa katika kazi yangu, na
yeye alitundikwa. 14 Ndipo Farao akapeleka watu, akamwita Yusufu, wakamleta
upesi kutoka gerezani. Akanyoa, akabadili nguo zake, na kuingia kwa Farao. 15
Farao akamwambia Yusufu, Nimeota ndoto, wala hakuna awezaye kunifasiria; nami
nimesikia habari zako, ya kwamba, usikiapo ndoto, waweza kuifasiri.]…. Wapo mashetani ambao hugeuza mambo
ili habari mbaya zisikike kutoka kwako. Farao alisikiahabari za Yusufu. Je,
ni habari gani zako watu wanazisikia ukiwa
nyumbani na ukiwa kanisani? Mitaani kwetu hata waliookoka huweza kukosa bahati
zao za kuoa / kuolewa kutokana na taarifa zinazosikika juu yao. Ni vizuro kumpendeza
Mungu pamoja na wanadamu. Wapo wapeleka
habari kwa boss wako,
UKIRI
Kwa jina la Yesu, Nawakamata watu wote wapeleka habari,
wanaofautailia njia zangu, nawakamata kwa damu ya mwanakondoo, leo
ninawapiga, nawashambulia enyi mashetani, enyi majoka, enyi miziumu mliokaa
kuniharibia maisha yangu, mnaogeuza
maneno ili nionekane sifai, nawashabulia kwa Damu ya Yesu….Amen.
|
 |
| Showers of Glory wa Bonde la Maono Morogoro wakiimba na kumcezea Bwana Jumapili 1/2/2015 |
2 PETRO 2:11…[Wenye ushupavu, wenye
kujikinai, hawatetemeki wakiyatukana matukufu; ijapokuwa malaika ambao ni wakuu
zaidi kwa uwezo na nguvu, hawaleti mashitaka mabaya juu yao mbele za Bwana.]…. Mungu katika idara za utendaji wake
ameweka idara mbali mbali. Shetani naye
ameigiza vivyo hivyo. Wapo malaika wa kupeleka taarifa mbaya, ili uonekane
tofauiti. Ndiyo maana hata Yesu
aliwauliza wanafuzni wake kujua kule nje
huwa watu wanamuita kuwa yeye ni nani.
Baadhi ya watu wanavyo vipawa vyao lakni vimezuiliwa. Yamkini
waweza kuwa na kipawa lakini anayekijua hicho kipawa chako ni wewe na mke wako
tu. Yesu alisema hayupo mtu mwenye kuwasha taa na kuiweka chini ya kiango, bali
hiweka juu ya paa ili iangaze ndani kote. Kataa kubaki pale ulipo kwa Jina la
Yesu.
Kipawa cha Yusufu cha kufasiri ndoto kilimpeleka kwenye hatima
yake. Ukeshafasiri ndoto ya Mfalme huwezi kurudi gerezani tena. Ukeshaitwa kuifasiri
ndoto, utapewa majukumu ya kusimamia, na
ndiyo maana Yusufu alifanyika kuwa Waziri Mkuu wa nchi ya Misri baada ya kutumia vizuri kipawa chake, na
kuichukua nafasi ya Potifa, yule
aliyemshtaki. Kipawa hutengeneza njia ya kuifikia ndoto yako. Daudi alipoitwa
kwa Mfalme kupiga zeze, alipewa na jukumu lingine la kuwa mbeba silaha za
Mfalme.
Ili ujue unacho kipawa unamhitajimtu wa kukushika mkono. Namuona
Yoshua wako anakuja kwako kwa Jina la Yesu.
namuona Musa wako anakuja kwa Jina la Yesu. Yesu aliibadilisha nafasi ya
Petro, badala ya kuwa mvuvi wa samaki na kuwa mvuvi wa roho za watu. Daudi
hakuwahi kusomea maswala ya utawala
kwani alikuwa mchungaji wa kondoo, lakini baadae alifanyika kuwa Mfalme wan chi
ya Israeli. Ndiyo maana, si jibu sahihi kujitetea eti unashindwa kufanya mambo
makubwa kwa sababu hujasoma.
Ili uweze kufanikisha mambo yako,ni vizuri utambue na kuheshimu
neema za wengine. Imeandikwa Katika GALATIA
2:9…[tena walipokwisha kuijua ile neema niliyopewa;
Yakobo, na Kefa, na Yohana, wenye sifa kuwa ni nguzo, walinipa mimi na Barnaba
mkono wa kuume wa shirika; ili sisi tuende kwa Mataifa, na wao waende kwa watu
wa tohara;]….. Tatizo
la watu wengi ni kuona kipawa au neema
yamwingine na kuanza kutaka kuishambulia. Daudi baada ya kumuua Goliathi,
wanawake walianza kuimba nyimbo za kumsifu Daudi. Matokeo yake, Sauli alitaka kumuua Daudi. Mwishowe, yuleyule aliyetaka kumuua Daudi alikuja kuuliwa. Wape
mkono wa shirika wale wanaofanya vizuri. Akina Yakobo, na Kefa, na Yohana walikuwepo
tokea awali wakati wa huduma ya Yesu Kristo,
lakini kwa kuwa waliona kipawa alicho nacho Paulo na Barnaba, ilibidi
wawaunge mkono.
NANI WALIOHESHIMU VIPAWA VYA WENGINE
KATIKA BIBLIA?
a)
POTIFA:
Mwanzo 39:1-6…[1 Basi
Yusufu akaletwa mpaka Misri naye Potifa, akida wa Farao, mkuu wa askari, mtu wa
Misri, akamnunua mkononi mwa hao Waishmaeli waliomleta huko. 2 Bwana akawa
pamoja na Yusufu, naye akasitawi; naye alikuwa katika nyumba ya bwana wake,
yule Mmisri. 3 Bwana wake akaona ya kwamba Bwana yu pamoja naye, na ya kuwa
Bwana anafanikisha mambo yote mkononi mwake. 4 Yusufu akaona neema machoni
pake, akamtumikia. Naye akamweka awe msimamizi juu ya nyumba yake, na yote
yaliyomo akayaweka mkononi mwake. 5 Ikawa tokea wakati alipomweka awe msimamizi
juu ya nyumba yake, na vyote vilivyomo, Bwana akabariki nyumba ya yule Mmisri
kwa ajili ya Yusufu. Mbaraka wa Bwana ukawa juu ya vyote alivyokuwa navyo
katika nyumba, na katika shamba. Akayaacha yote aliyokuwa nayo mkononi mwa
Yusufu; wala hakujua habari za kitu cho chote chake, ila hicho chakula
alichokula tu. Naye Yusufu alikuwa mtu mzuri, na mwenye uso mzuri.]…. Ukimweka mtu wa Bwana na ukaona
Baraka zinaongezeka kwenye nyumba yako, ujue huyo ni mtu sahihi mwenye kipawa.
Vitumie vipawa walivyopewa watu na
Mungu, vitumie ili kufanikisha ndoto zako.
 |
| Majeshi ya Bwana ya Bonde la Maono Morogoro wakiomba ibadani Jumapili tarehe 1/2/2015. |
b)
NEBUKADNEZA:
DANIEL 1:3-4…[Mfalme akamwambia
Ashpenazi, mkuu wa matowashi wake, awalete baadhi ya wana wa Israeli, wa uzao
wa kifalme, na wa uzao wa kiungwana; 4 vijana wasio na mawaa, wazuri wa uso,
wajuzi wa hekima, werevu kwa sababu ya maarifa yao, wenye kufahamu elimu,
watakaoweza kusimama katika jumba la mfalme; tena alimwambia awafundishe elimu
ya Wakaldayo, na lugha yao.]… Huyu mfalme alikuwa hajaokoka, ni mpagani lakini alijua
umuhimu wa kutafuta wenye vipawa.
c)
DARIO
DANEIL
6:1-2 …[Ilimpendeza
Dario kuweka juu ya ufalme maliwali mia na ishirini, wawe juu ya ufalme wote; 2
na juu yao akaweka wakubwa watatu, na Danieli alikuwa mmoja wao; ili maliwali
hawa watoe hesabu kwao, mfalme asipate hasara.]…. Huyu ni mfalme, aliazimu amweke
Daniel juu ya ufalme wake ili aspate hasara. Maana yake, ukitaka kufanikiwa muweke mtu mwenye kipawa ili
usipate hasara.
d)
FARAO
MWANZO 41:37-40….[ 37 Neno hilo likawa jema machoni pa Farao, na
machoni pa watumwa wake wote. 38 Farao akawaambia watumwa wake, Tupate wapi mtu
kama huyu, mwenye roho ya Mungu ndani yake? 39 Farao akamwambia Yusufu, Kwa
kuwa Mungu amekufahamisha hayo yote, hapana mwenye akili na hekima kama wewe.
40 Basi wewe utakuwa juu ya nyumba yangu, na kwa neno lako watu wangu
watatawaliwa. Katika kiti cha enzi tu nitakuwa mkuu kuliko wewe.]…. Alimchukua Yusufu awe juu ya nyumba
yake, na juu ya Misri yote ili ile ndoto yake iweze kutimizwa. Farao alimuamini
sana Yusufu, kijana Muebrania aliyewahi
kuwekwa gerezani kwa kosa la kubaka. Ni
vyema umwamini mtu ili na wewe uaminike. Mtu asiyeamini wengine ujue naye ana
tatizo. Maisha ya mke na mume vivyo hivyo, ni vizuri waamniane,kwa sababu nje
ya hapo ni kujilietea magonjwa ya presha bure.
e)
LABANI
MWANZO 30:25-27…[Ikawa Raheli alipomzaa
Yusufu, Yakobo akamwambia Labani, Nipe ruhusa niende kwetu, na kwenye nchi yangu.
26 Nipe wake zangu na watoto wangu, niliokutumikia, niende zangu, maana umejua
utumishi wangu niliokutumikia. 27 Labani akamwambia, Iwapo nimeona fadhili
machoni pako, kaa, maana nimetambua ya kwamba Bwana amenibariki kwa ajili yako.]….Aina hii ya watu kama Labani, ni wadhulumuji. Labani kwa kubarikiwa kote huku
alipaswa amsaidie Yakobo, ili naye afanikiwe lakini Labani aliikosa hiyo shukrani. Kwa wewe uliyeokoka, majumbani kwetu vivyo hivyo,
yamkini wapo wasaidizi wa ndani (house girls) na wanapaswa kupewa haki zao. Si
vyema kuwanyanyasa na kuwanyima mishahara yao pale wanapodai ujira wao. Endapo
hawa watanyanyasika, wanaweza kufanya
jambo lolote kwa wanao au hata kuweka vitu visivyofaaa kwenye vyakula
wanavyowaandalia. Ni vyema kuwa na amani na watu wote.
 |
| Maombi katika Bonde la Maono - Morogoro, Jumapili tarehe 1/2/2015 |
UKIRI
Kwa Jina la Yesu, Nakataa kuanzia leo kuishi maisha yasiyo yangu
kwa Jina la Yesu. Amen.
|
© Information Ministry
(Ufufuo Na Uzima - Morogoro)
Mtaa wa Nguvu Kazi,
(Minara Mitatu), Mkundi-Morogoro.
/or
Contact our Senior
Pastor:
Dr. Godson Issa Zacharia
(Ufufuo Na Uzima – Morogoro)
Cellphone: (+255) 757
550878 / +255 719798778