GLORY OF CHRIST TANZANIA CHURCH
UFUFUO NA UZIMA - MOROGORO
JUMAPILI: 12 JUNE 2016
Shetani asili yake ni kuwaonea watu.
Shetani huifyatua mishale ya kuwapiga watu, inayokuwa imetegwa na wachawi na
waganga wa kienyeji wakishirikiana na shetani katika kuwaonea watu. Hiyo mishale
hawakupigi eti kwa sababu umekosea lolote,
lahasha, bali ni kwa sababu kiasili shetani huwaonea watu, kama ilivyoandikwa
katika MATENDO 10: 38
...“habari za Yesu wa Nazareti, jinsi Mungu
alivyomtia mafuta kwa Roho Mtakatifu na nguvu naye akazunguka huko na huko,
akitenda kazi njema na kuponya wote walioonewa na Ibilisi; kwa maana Mungu
alikuwa pamoja naye”.
Mauti ni nini? Mauti ni roho ambayo
inaweza ikatumwa na ikimwingia mtu inaweza kumsababishia kifo.Mauti sio tukio
bali ni roho ambayo hata katika kazi, ikiingia humo husababisha kifo cha hiyo
kazi. Mauti inaweza kupanda farasi, au bodaboda, au gari n.k.
Imeandikwa katika UFUNUO 6:8 ... “Nikaona,
na tazama, farasi wa rangi ya kijivujivu, na yeye aliyempanda jina lake ni
Mauti, na Kuzimu akafuatana naye. Nao wakapewa mamlaka juu ya robo ya nchi,
waue kwa upanga na kwa njaa na kwa tauni na kwa hayawani wa nchi.”
Roho ya mauti huweza kutengeneza
tukio. Mathalani yapo magonjwa ya mlipuko
ambayo nyuma yake ni roho za mauti zinazogeuka na kuwa ugonjwa fulani kama vile
kipindupindu na mwishowe kuishia kuwa tukio la kifo. Mauti yaweza kuingia
katika masomo, na kusababisha ukosefu wa ada ili kuua kile ambacho Mungu
alikiweka kwa ajili ya hatima ya huyo mtu ya kusoma na kuwa mtu mkubwa sana
katika jamii. Biblia inasema kuwa, mauti ndiyo silaha ya pekee anayoitegemea
shetani. Imeandikwa katika 1WAKORINTHO
15:26...”Adui wa mwisho atakayebatilishwa ni mauti.” Shetani huwafanya
watu waanze kumiliki baadhi ya magonjwa, na hata kusikika akisema “pumu yangu,
malaria yangu, kifaduro changu n.k.
Katika Biblia, zipo aina 2 kuu za mauti:
1.
Mauti
ya Mwili na Mauti ya Roho. Mwili unapotengana na roho, mauti ya mwili hutokea. YAKOBO 2:26... “Maana kama vile mwili pasipo roho umekufa,
vivyo hivyo na imani pasipo matendo imekufa.”. Ni kweli kuwa imani
pasipo matendo imekufa, na pale Roho ikitoka ndani ya mwili ndiyo watu tunasema
mtu fulani amekufa. Imeandikwa katika YOHANA
6:63 ... “Roho ndiyo itiayo uzima, mwili
haufai kitu; maneno hayo niliyowaambia ni roho, tena ni uzima.”. Hii inamaanisha kuwa Mwili pasipo roho hakuna
kitu.
2.
Mauti ya pili ni
pale roho itakapotupwa Ziwa la Moto (Jehanamu). UFUNUO 20:14... “Mauti
na Kuzimu zikatupwa katika lile ziwa la moto. Hii ndiyo mauti ya pili, yaani,
hilo ziwa la moto.”.... Tumeona kuwa Mauti siyo tukio, na ndiyo maana
mauti na kuzimu vyaweza kukamatwa na kutupwa katika Ziwa la Moto.
Imeandikwa katika MATHAYO 10:28 ... ”Msiwaogope wauuao mwili, wasiweze kuiua na
roho; afadhali mwogopeni yule awezaye kuangamiza mwili na roho pia katika
jehanum.”........ Hao watu wenye kuweza kuua mwili ni wachawi,
wafuga majini, wasoma nyota,
waganga wa kienyeji n.k. hawa wanaweza kuua mwili, kwa maana
yakutenganisha mwili na roho. ZABURI 124:7.... “Nafsi yetu imeokoka kama ndege
Katika mtego wa wawindaji, Mtego umevunjika, nasi tumeokoka.”. Hii
mitego ianweza kutegwa na hawa wasoma nyota na wenzao, ili kumwingia mtu kama
mshale, na mwishowe kusababisha tukio.
Imeandikwa katika EZEKIELI 13:17-19... “Na
wewe, mwanadamu, kaza uso wako juu ya binti za watu wako, watabirio kwa akili
zao wenyewe; ukatabiri juu yao, 17 Na wewe,
mwanadamu, kaza uso wako juu ya binti za watu wako, watabirio kwa akili zao
wenyewe; ukatabiri juu yao, 18 useme, Bwana MUNGU asema hivi; Ole wao wanawake
wale, washonao hirizi katika viungo vyote vya mikono, wawekao leso juu ya
vichwa vya kila kimo, ili wawinde roho za watu; je! Mtaziwinda roho za watu
wangu, na kuzihifadhi hai roho zenu wenyewe? 19 Nanyi mmeninajisi kati ya watu
wangu, kwa ajili ya makonzi ya shayiri na vipande vya mkate, ili kuziua roho za
watu ambao haiwapasi kufa, na kuzihifadhi hai roho za watu ambao haikuwapasa
kuwa hai, kwa kuwaambia uongo watu wangu wasikilizao uongo”...
Wapo hawa wenye mishale ya mauti ndiyo hao hao wanaowinda maisha ya watu ili
kuzuia wengine wasifanikiwe. Kuna watu
walipaswa kuwa hai, lakini wamekufa. Na wapo wengine walipaswa kuwa wamekufa
lakini bado wako hai.Kuna mishale ya magonjwa inaweza ikatumwa ndani ya mtu na
mtu huyu akaugua hadi kufa,mishale inapotumwa kwa mtu inakua na sumu ikiingia
kwenye ndoa inakufa,roho ya mtu inaweza kuwindwa kuna watu wanafunga hirizi
kumbe hirizi hizo ni mishale kwa ajili ya kufunga watu na kuwinda roho za watu
Imeandikwa katika EZEKIELI 13:20 “Basi Bwana MUNGU asema hivi; Tazama, mimi ni
kinyume cha hirizi zenu, ambazo kwa hizo mnaziwinda roho za watu kama ndege,
nami nitazitoa katika mikono yenu kwa nguvu; nami nitaziachilia roho zile
mnazoziwinda kama ndege.”... Kuna kazi zilipaswa kuwa zimekwisha kufa
laknni wapo watu wanazifanya hizo kazi ziendelee kuwa hai.
Imeandikwa katika ZABURI 64:3 - 5 ... “Waliounoa
ulimi wao kama upanga, Wameielekeza mishale yao, maneno ya uchungu, 4 Wapate
kumpiga mkamilifu faraghani, Kwa ghafula humpiga wala hawaogopi. 5 Walijifanya
hodari katika jambo baya; Hushauriana juu ya kutega mitego; Husema, Ni nani
atakayeiona? 6 Hutunga maovu; husema, Tumefanya shauri kamili; Na mawazo ya
ndani ya kila mmoja wao, Na moyo wake, huwa siri kabisa.” Waganga na
kundi lao, hutega mitego kwa kutumia hirizi zao n.k. msahale wa mauti unaweza kutumwa katika
biashara yako na kugeuka kuwa majambazi wakaiba pesa zote biashara yako ikafa.
Mshale wa mauti pia waweza kutumwa katika kazi yako na kugeuka kuwa roho ya
kuacha kazi. Mshale waweza kumuingia mtu na kugeuka kuwa kifo. Mchana wa leo
tunaifyatua mishale yote kwa JIna la Yesu.
Imeandikwa katika MATHAYO 17:15-18 “Bwana,
umrehemu mwanangu, kwa kuwa ana kifafa, na kuteswa vibaya; maana mara nyingi
huanguka motoni, na mara nyingi majini. 16 Nikamleta
kwa wanafunzi wako, wasiweze kumponya. 17 Yesu akajibu, akasema, Enyi kizazi
kisichoamini, kilichopotoka, nitakaa pamoja nanyi hata lini? Nitachukuliana
nanyi hata lini? Mleteni huku kwangu. 18 Yesu akamkemea pepo, naye akamtoka;
yule kijana akapona tangu saa ile.”.... Pepo ni roho. Ndiyo maana lilimwingia huyu
kijana na kuweka mazingira hatarishi ili akifa ijulikane kilichomuua ni kifafa.
Yesu alipomuangalia akasema nakuona ewe mauti akaikemea ile mauti yule kijana
akawa mzima.Hapa tunaona Yesu hakushughulikia kifafa bali ile roho
iliyojificha nyuma ya kifafa, yaani pepo.
Katika WAEBRANIA 2:14-15 Imeandikwa... “Basi,
kwa kuwa watoto wameshiriki damu na mwili, yeye naye vivyo hivyo alishiriki
yayo hayo, ili kwa njia ya mauti amharibu yeye aliyekuwa na nguvu za mauti,
yaani, Ibilisi, 15 awaache huru wale ambao kwamba maisha yao yote kwa hofu ya
mauti walikuwa katika hali ya utumwa.” .....
Wanadamu wanaiogopa mauti kuliko vitu vyote. Yesu aliinyausha nguvu ya mauti
tokea shinani. Yesu angeweza kuiepuka ile mauti,tunaona Bwana Yesu
walivyomsulubisha msalabani alikua kwenye hatua ya kwenda kuikabili mauti,baada
ya kufa msalabani alitoka ndani ya mwili akashuka hata kuzimu akamnyang,anya
shetani ufunguo wa mauti na kuzimu.Kristo alishinda mauti baada ya kukaa
kaburini siku tatu, lakini alitaka afe
msalabani ili baadae aingie mahali anapokaa shetani, na kuangamiza silaha
yake ya mauti na kumharibu tokea kwenye
chimbuko lake. Kwa siku zote tatu,
kaburi la Yesu lililindwa na maaskari wengi wenye silaha, wakizuia wanafunzi wake wasije kumuiba,na
wakitaka kumzuia Yesu asifufuke. hata hivyo, malaika aliposhuka mahali pale, wale maaskari
walitetemeka, na kuwa kama wafu, na Yesu akatoka kaburini mzima.
|
UKIRI
Mchana wa leo tunawatuma malaika
kuvitoa vyote vilivyofungwa katika maisha yako kwa Jina la Yesu. tunamtuma
malaika akaliondoe jiwe lililozuia masomo yako. Waliofungwa kaburini, katika
jina la Yesu kila mishale wa mauti uliotumwa kwenye maisha yangu, mishale ya
magonjwa,kushindwa naing,oa kwa jina la Yesu,nakanyaga nguvu ya mauti,mauti
kwa ajali naifunga kwa jina la Yesu…….Amen.
|
Mauti ilishindwa pale msalabani. ZAURI
38:12 ...’” 12 Nao wanaoutafuta uhai wangu hutega
mitego; Nao wanaotaka kunidhuru hunena mabaya; Na kufikiri hila mchana kutwa.”
YEREMIA
5:26 - 27 .... “Maana katika watu wangu
wameonekana watu waovu; huotea kama vile watu wategao mitego; hutega mtego, na
kunasa watu. 27 Kama tundu lijaavyo ndege, kadhalika nyumba zao zimejaa hila;
kwa hiyo wamekuwa wakuu, wamepata mali. 28 Wamewanda sana, wang'aa; naam,
wamepita kiasi kwa matendo maovu; hawatetei madai ya yatima, ili wapate
kufanikiwa; wala hawaamui haki ya mhitaji. 29 Je! Nisiwapatilize kwa mambo
hayo? Asema Bwana; na nafsi yangu, je! Nisijilipize kisasi juu ya taifa la
namna hii? ”... Mungu anajiuliza, hivi kwa hali kama hii nisijipatilize kwa watu wa
aina hii?
ZABURI
91:3-4... “Maana Yeye atakuokoa na mtego wa mwindaji,
Na katika tauni iharibuyo.4 Kwa manyoya yake atakufunika, Chini ya mbawa zake
utapata kimbilio; Uaminifu wake ni ngao na kigao.”... Mtego wa mauti ni
ule ambao adui anakutumia, akijua tayari una sumu ili apate kukuangamiza au
kukuua. Wapo watu hata sasa hivi, ameshategwa tayari. Kila mtego huwa na mtu
ambaye aliutega. Iwe ni mitego ya magonjwa, iliyotegwa njiani, iliyotegwa katika
vyakula, na mahali popote pale, leo tunaing,oa kwa Jina la Yesu.
WAEFESO 6:11-15 ...“Vaeni silaha zote za Mungu, mpate
kuweza kuzipinga hila za Shetani. 12 Kwa maana kushindana kwetu sisi si juu ya
damu na nyama; bali ni juu ya falme na mamlaka,
juu ya wakuu wa giza hili, juu ya majeshi ya pepo wabaya katika
ulimwengu wa roho. 13 Kwa sababu hiyo twaeni silaha zote za Mungu, mpate kuweza
kushindana siku ya uovu, na mkiisha kuyatimiza yote, kusimama. 14 Basi
simameni, hali mmejifunga kweli viunoni, na kuvaa dirii ya haki kifuani, 15 na
kufungiwa miguu utayari tupatao kwa Injili ya amani; 16 zaidi ya yote mkiitwaa
ngao ya imani, ambayo kwa hiyo mtaweza kuizima mishale yote yenye moto ya yule
mwovu.”....
Adui anaweza kukuvamia na mishale hii ya
moto pindi akikukuta hauna Roho wa Kristo ndani mwako. Leo ni vyema kumpa Yesu
maisha yako, kwa wewe ambaye hujaokoka.
|
© MEDIA &
INFORMATION MINISTRY,
GLORY OF CHRIST (T) CHURCH
MOROGORO CHURCH
|