USHAHIDI WA KIBIBLIA KUWA WAFU WANAFUFUKA

GLORY OF CHRIST TANZANIA CHURCH

UFUFUO NA UZIMA - MOROGORO

JUMAPILI:  05 JUNE 2016

 

Na: Dr. GODSON ISSA ZACHARIA (SNP)

 

 

Kufa maana yake ni nini? Kufa ni "Utengano kati  ya Roho na Mwili". Twajua ya kuwa mwanadamu ni roho inayokaa ndani ya nyumba inayoitwa mwili. Mwanadamu siyo mwili kwa sababu ingekuwa hivyo mtu asingekufa nasi tukasema kuwa ‘fulani ametutoka au  fulani amekufa’ wakati mwili wake huyo mtu bado tunauona.


Katika  YOHANA 6:63 imeandikwa “Roho ndiyo itiayo uzima, mwili haufai kitu; maneno hayo niliyowaambia ni roho, tena ni uzima”.  Kwa hiyo kufa ni pale utengano wa hii roho na mwili unapotokea. Je, Kufufua maana yake ni ipi? Kufufua ni kuirejesha ile roho iliyoondoka katika ule mwili (yaani nyumba au hekalu lake). Zipo Shahidi takribani 13 hivi za KIBIBLIA kuthibitisha kuwa, watu waliokufa wanaweza kufufuka:

 

1.     ELISHA ALIMFUFUA KIJANA ALIYEKUWA TAYARI AMESHAKUFA. 

Imeandikwa katika 2WAFALME 4:18-19......(Hata yule mtoto alipokua, ikawa siku moja alitoka kwenda kwa baba yake kwenye wavunao. 19 Akamwambia baba yake, Kichwa changu! Kichwa changu! Naye akamwambia mtumishi wake, Mchukue kwa mama yake. )....Kumbe unapofikia wakati wa kuvuna wapo wengine ambao hawafurahii kuona mavuno yako, na hivyo husababisha hali za vifo kutokea ili wewe usifurahie mavuno ya kazi zako.

 

Imeandikwa katika 2WAFALME 4:20-21 ....(Akamchukua, akampeleka kwa mama yake, naye akakaa magotini mwake hata adhuhuri, kisha akafa. 21 Mamaye akapanda juu, akamlaza juu ya kitanda cha yule mtu wa Mungu, akamfungia mlango, akatoka.)...... Hapa tunamuona huyu baba bado yupo mavunoni, kana kwamba habari ya mtoto kuugua na kulalamika 'kichwa changu kichwa changu' wala haimhusu, ni baba anayewaza pesa tu. Baba hapa pengine ndiye anaanza kuandaa mazishi, wakati huo huo mamaye yule mtoto hakubaliani na kifo cha mwanae,  ila anataka mtoto afufuliwe.

 

Imeandikwa katika 2WAFALME 4:22-23 ....(Kisha akamwita mumewe, akasema, Tafadhali, uniletee mtu mmoja wa watumishi, na punda mmoja,  ili nimwendee yule mtu wa Mungu kwa haraka, nikarudi tena. 23 Akasema, Kwa nini kumwendea leo? Sio mwandamo wa mwezi, wala sabato. Akasema, Si neno. 24 Akatandika punda, akamwambia mtumishi wake, Mwendeshe, twendelee mbele. Usinipunguzie mwendo, nisipokuambia. 25 Basi akaenda, akafika kwa yule mtu wa Mungu, katika mlima wa Karmeli.  Ikawa, yule mtu wa Mungu alipomwona kwa mbali, akamwambia Gehazi mtumishi wake, Tazama, Mshunami yule kule. 26 Tafadhali piga mbio sasa kwenda kumlaki, ukamwambie, Hujambo? Mume wako hajambo? Mtoto hajambo? Akajibu, Hawajambo. 27 Naye alipofika kwa yule mtu wa Mungu kilimani, alimshika miguu. Gehazi akakaribia amwondoe; lakini mtu wa  Mungu akamwambia, Mwache; maana roho yake ndani yake ina uchungu; na Bwana amenificha, wala hakuniambia.).... Wenye shida wanapomkimbilia Yesu, wapo wengine ambao hutokea kuwazuia. Hata Bartmayo yalimkuta mambo kama haya. Ni maombi yangu leo kuwa, asiwepo hata mmoja wa kuwazuia watumishi wa Bwana kumkimbilia Yesu katika Jina la Yesu.

 

Imeandikwa katika 2WAFALME 4:28-30...(Yule mwanamke akasema, Je! Naliomba mwana kwa bwana wangu? Mimi sikusema, Usinidanganye?  29 Ndipo Elisha akamwambia Gehazi, Jikaze viuno, ukachukue fimbo yangu mkononi mwako, ukaende zako;    ukikutana na mtu, usimsalimu; na mtu akikusalimu, usimjibu; ukaweke fimbo yangu juu ya uso wa mtoto.).... Kwa nini Elisha atoe masharti kama haya? Ni kwa sababu katika wafu kufufuliwa, wapo watu wengine na hasa wasioamini, hujitokeza na kuwa wazuiaji. Hawa hujaribu kuzuia kile  walichokiua kisipate uhai tena. 

 

Imeandikwa katika 2WAFALME 4:30.... (Na mama yake yule mtoto akasema, Kama Bwana aishivyo, na roho yako iishivyo, sitakuacha. Basi akaondoka, akamfuata. 31 Na Gehazi akawatangulia, akaiweka ile fimbo juu ya uso wa mtoto; lakini hapakuwa na sauti, wala majibu.  Basi akarudi ili kumlaki, akamwambia, akisema, Mtoto hakuamka.  32 Basi Elisha alipofika nyumbani, tazama, mtoto amekwisha kufa, amelazwa kitandani pake. 33 Basi akaingia ndani, akajifungia mlango, yeye na yule mtoto wote wawili, akamwomba Bwana. 34 Akapanda juu ya kitanda, akajilaza juu ya mtoto, akaweka kinywa chake juu ya kinywa chake, na macho yake juu ya macho yake, na mikono yake juu ya mikono yake; akajinyosha juu yake;  mwili wake yule mtoto ukaanza kupata moto. 35 Kisha akarudi, akatembea nyumbani, huko na huko mara moja; akapanda, akajinyosha juu yake;  na yule mtoto akapiga chafya mara saba, na mtoto akafumbua macho yake.  36 Akamwita Gehazi, akasema, Mwite yule Mshunami. Basi akamwita. Na alipofika kwake, Elisha akasema, Haya! Mchukue mwanao)... Kumbe yawezekana mtu akafa na mtumishi wa Bwana akaitwa na kuomba na baadae mtu huyo aliyekufa akafufuka (maana yake kurudiwa na uhai tena).

 

2.     ELIYA ALIMFUFUA MTOTO.

Imeandikwa katika 1WAFALME 17:17-20....(Ikawa, baada ya hayo, mwana wake yule mwanamke, bibi wa nyumba ile, akaugua; ugonjwa wake ukazidi hata akawa hana pumzi tena. 18 Akamwambia Eliya, Nina nini nawe, Ee mtu wa Mungu? Je! Umenijia ili dhambi yangu ikumbukwe, ukamwue mwanangu? 19 Akamwambia, Nipe mwanao. Akamtoa katika kifua chake, akamchukua juu chumbani mle alimokaa mwenyewe, akamlaza kitandani pake. 20 Akamwomba Bwana, akanena, Ee Bwana, Mungu wangu, je! Umemtenda mabaya mjane huyu ninayekaa kwake hata kumfisha mwanawe)... .... Unaona kuwa, kifo kinaanzia katika ugonjwa. Na kwamba, kufufua lazima kuandamane na kumuomba Mungu, na si vinginevyo.

 

Imeandikwa katika 1WAFALME 17:21-22...(Akajinyosha juu ya mtoto mara tatu, akamwomba Bwana, akanena, Ee Bwana, Mungu wangu, nakusihi, roho ya mtoto huyu imrudie ndani yake tena. 22 Bwana akaisikia sauti ya Eliya; na roho ya mtoto ikamrudia, akafufuka.  23 Eliya akamtwaa mtoto, akamchukua toka orofani mpaka chini ya nyumba ile, akampa mama yake.   Eliya akanena, Tazama, mwanao yu hai.)..   Tunaona kuwa roho ya mtoto inaurudia mwili ule ambao ilitengana nao. Hii ndiyo tumesema kuwa kifo ni  utengano wa roho na mwili. Imeandikwa katika YOHANA 5:25....(Amin, amin, nawaambia, Saa inakuja, na sasa ipo, wafu watakapoisikia sauti ya Mwana wa Mungu, na wale waisikiao watakuwa hai.).... Eliya aliomba maombi na Bwana akairejesha roho ya yule mtoto aliyekuwa amekwisha kufa. Hii ndiyo maana ya wafu kuisikia sauti ya Mwana wa Mungu.

 

3.     MIFUPA YA ELISHA INAMFUFUA MTU ALIYEKUWA AMEKUFA

Imeandikwa katika 2WAFALME 13:20-21...(Elisha akafa, nao wakamzika. Basi vikosi vya Wamoabi wakaingia katika nchi mwanzo wa mwaka. 21 Ikawa, walipokuwa wakimzika mtu, angalia, waliona kikosi; wakamtupa yule mtu kaburini mwa Elisha; mara yule maiti alipoigusa mifupa ya Elisha, alifufuka, akasimama kwa miguu.)... Kama mifupa ya mtumishi wa Bwana Elisha, iliweza kumfufua mtu, je, siyo Zaidi wewe mtendakazi katika Nyumba ya Bwana, hili huwezi? Thamani yako ni kuu kuliko mifupa ya Elisha. Watu wasikutishe, wanaokuambia kuwa utamfufua mtu, wewe ni  nani?

 

4.     YESU ALIMFUFUA BINTI YAIRO

Yairo alikuwa mkuu wa Sinagogi, na mwanae alipougua alipewa taarifa kuwa kuna mtu  mmoja aitwae Yesu anayeponya magonjwa. Hata hivyo alisahau kuwa Yesu siyo wa kuponya magonjwa peke yake, bali hata kufufa watu waliokufa. Ndiyo maana watu wale “WAVUNJA MOYO” walijitokeza na kumwambia Yairo, "Msismsumbue Mwalimu kwa sababu binti yako ameshakufa".

 

Imeandikwa katika LUKA 8:49-56...(Alipokuwa akinena hayo, alikuja mtu kutoka nyumbani kwa yule mkuu wa sinagogi, akamwambia, Binti yako amekwisha kufa; usimsumbue mwalimu. 50 Lakini Yesu aliposikia hayo, alimjibu, Usiwe na hofu, amini tu, naye ataponywa. 51 Alipofika nyumbani hakuacha mtu kuingia pamoja naye ila Petro, na Yohana, na Yakobo, na babaye yule mtoto na mamaye. 52 Na watu wote walikuwa wakilia na kumwombolezea; akasema, Msilie, hakufa huyu, bali amelala usingizi tu. 53 Wakamcheka sana, maana walijua ya kuwa amekwisha kufa. 54 Akamshika mkono, akapaza sauti, akisema Kijana, inuka. 55 Roho yake ikamrejea, naye mara hiyo akasimama. Akaamuru apewe chakula. 56 Wazazi wake wakastaajabu sana, lakini akawakataza wasimwambie mtu lililotukia..)... Bwana Yesu anasema usiogope, hatra kama nyumba yako imelegalega imeshakufa, USIOGOPE, pengine biashara yako imeshakufa au kazi yako, Yesu anasema USIOGOPE maana atayafufua hayo yote tena.  Hii nayo ni kanuni ingine ya kufufua wafu. Inabidi uangalie sana watu unaoambatana nao kwa kazi ya kuufufua wafu,  maana yake yamkini wewe unaomba kurudisha, lakini wale ulioambtatana nao, wale wasioamini wapo kinyume na maombi yako wewe.

 

 

5.     YESU AKAMFUFUA KIJANA KATIKA LANGO LA NAINI

Imeandikwa katika LUKA 7:11-13...(Baadaye kidogo alikwenda mpaka mji mmoja uitwao Naini, na wanafunzi wake walifuatana naye pamoja na mkutano mkubwa. 12 Na alipolikaribia lango la mji, hapo palikuwa na maiti anachukuliwa nje, ni mwana pekee wa mamaye ambaye ni mjane, na watu wa mjini wengi walikuwa pamoja naye. 13 Bwana alipomwona alimwonea huruma, akamwambia, Usilie).... Huyu mama ni mjane  na ana mtoto mmoja tu. Maana yake ni kuwa, huyu kijana ndiye msaada pekee alio nao huyu mama.

 

Imeandikwa katika LUKA 7:14-15 ...(Akakaribia, akaligusa jeneza; wale waliokuwa wakilichukua wakasimama. Akasema, Kijana, nakuambia, Inuka. 15 Yule maiti akainuka, akaketi, akaanza kusema. Akampa mama yake.)... Simamisha msafara wa mauti. Naagiza waliopanga muda wa kuzika masomo, kibali, biashara yako, Bwana Yesu akaviguse vyote hivyo kuanzia sasa. 

 

 

UKIRI Ewe masomo uliyekufa naamuru inuka. Ewe biashara uliyekufa, nasema inuka tena katika Jina la Yesu. Yupo Bwana Yesu anayeturudishia vyote vilivyokufa katika Jina la Yesu. Amen.

 

6.     YESU AKAMFUFUA LAZARO

Imeandikwa katika YOHANA 11:1-41 kwamba, Lazaro alikuwa hawezi,maanfa yake alikuwa mgonjwa. Kuanzia mstari wa 9-13, mauti ya Lazaro inazungumziwa.(Yesu akajibu, Je! Saa za mchana si kumi na mbili? Mtu akienda mchana hajikwai; kwa sababu aiona nuru ya ulimwengu huu. 10 Bali akienda usiku hujikwaa; kwa sababu nuru haimo ndani yake. 11 Aliyasema hayo; kisha, baada ya hayo, akawaambia, Rafiki yetu, Lazaro, amelala; lakini ninakwenda nipate kumwamsha. 12 Basi wale wanafunzi wakamwambia, Bwana, ikiwa amelala, atapona. 13 Lakini Yesu alikuwa amenena habari ya mauti yake; nao walidhania ya kuwa ananena habari ya kulala usingizi.)....

 

YOHANA 11:25-27....... (Yesu akamwambia, Mimi ndimi huo ufufuo, na uzima. Yeye aniaminiye mimi, ajapokufa, atakuwa anaishi; 26 naye kila aishiye na kuniamini hatakufa kabisa hata milele. Je! Unayasadiki hayo? 27 Akamwambia, Naam, Bwana, mimi nimesadiki ya kwamba wewe ndiwe Kristo, Mwana wa Mungu, yule ajaye ulimwenguni.)... Yesu ndoye huo ufufuo na uzima. Hakuwa na wasiwasi wowote alipoingia ndani ya nyumba hii ya Martaha na Mariamu kwa sababu, pamoja na idadi ya siku kuwa nne (4).

Imeandikwa katika YOHANA 11:38-44.. (Basi Yesu, hali akiugua tena nafsini mwake, akafika kwenye kaburi. Nalo lilikuwa ni pango, na jiwe limewekwa juu yake. 39 Yesu akasema, Liondoeni jiwe. Martha, dada yake yule aliyefariki, akamwambia, Bwana, ananuka sasa; maana amekuwa maiti siku nne. 40 Yesu akamwambia, Mimi sikukuambia ya kwamba ukiamini utauona utukufu wa Mungu? 41 Basi wakaliondoa lile jiwe. Yesu akainua macho yake juu, akasema, Baba, nakushukuru kwa kuwa umenisikia. 42 Nami nalijua ya kuwa wewe wanisikia sikuzote; lakini kwa ajili ya mkutano huu wanaohudhuria nalisema haya, ili wapate kusadiki kwamba ndiwe uliyenituma. 43 Naye akiisha kusema hayo, akalia kwa sauti kuu, Lazaro, njoo huku nje. 44 Akatoka nje yule aliyekufa, amefungwa sanda miguuni na mikononi, na uso wake amefungwa leso. Naye Yesu akawaambia, Mfungueni, mkamwache aende zake). 

 

7.     PETRO AKAMFUFUFA DORKAS

Imeandikwa katika MATENDO 9:36-39....(Na mwanafunzi mmoja alikuwako Yafa, jina lake Tabitha, tafsiri yake ni Dorkasi (yaani paa); mwanamke huyu alikuwa amejaa matendo mema na sadaka alizozitoa.37 Ikawa siku zile akaugua, akafa; hata walipokwisha kumwosha, wakamweka orofani. 38 Na kwa kuwa mji wa Lida ulikuwa karibu na Yafa, nao wanafunzi wamesikia ya kwamba Petro yuko huko, wakatuma watu wawili kwake, kumsihi na kusema, Usikawie kuja kwetu.. 39 Petro akaondoka akafuatana nao. Alipofika, wakampeleka juu orofani wajane wote wakasimama karibu naye, wakilia na kumwonyesha zile kanzu na nguo alizozishona Dorkasi wakati ule alipokuwa pamoja nao. 40 Petro akawatoa nje wote, akapiga magoti, akaomba, kisha akaelekea yule maiti, akanena, Tabitha, ondoka. Naye akafumbua macho yake, na alipomwona Petro akajiinua, akaketi. 41 Akampa mkono, akamwinua; hata akiisha kuwaita wale watakatifu na wajane akamweka mbele yao, hali yu hai.)....

 

Kuna sababu zilizomfaanya Petro amfufue Dorkas. Yamkini kuna nguo alizowagawaia watu wa Mungu ili kuwabariki.  Kanuni ile ile ya kuwatoa watu nje anaitumia Petro mahali hapa pia. Kwa nini? Kwa sababu zipo nguzo mbili (2) ambazo shetani anapenda sana kuzitumia:

 (a)          Nguzo  ya Mauti, na

 (b)          nguzo ya kuzimu.

Dorkas alikufa, lakini amejaaa matendo na sadaka njema anazozitoa. Petro aliomba, kwa sababu kikanuni, lazima kufufua wafu kuendane na maombi.

 

8.     PAULO ALIMFUFUA KIJANA JINA LAKE YUTIKO

Imeandikwa katika MATENDO 20:7-12.....(Hata siku ya kwanza ya juma, tulipokuwa tumekutana ili kumega mkate, Paulo akawahutubu, akiazimu kusafiri siku ya pili yake, naye akafuliza maneno yake hata usiku wa manane. 8 Palikuwa na taa nyingi katika orofa ile tulipokuwa tumekusanyika. 9 Kijana mmoja, jina lake Eutiko, alikuwa ameketi dirishani, akalemewa na usingizi sana; hata Paulo alipoendelea sana kuhubiri, akazidiwa na usingizi wake akaanguka toka orofa ya tatu; akainuliwa amekwisha kufa. 10 Paulo akashuka, akamwangukia, akamkumbatia, akasema, Msifanye ghasia, maana uzima wake ungalimo ndani yake. 11 Akapanda juu tena, akamega mkate, akala, akazidi kuongea nao hata alfajiri, ndipo akaenda zake. 12 Wakamleta yule kijana, yu mzima, wakafarijika faraja kubwa sana.).... Biblia haisemi  maombi aliyofanya Paulo,  lakini bila shaka alimuombe a Yetiko.

 

9.     YESU  ALIPOFUFUKA WALE WALIOKUWA WAMEKUFA MIAKA MINGI WALIFUFUKA NAYE

Imeandikwa katika MATHAYO 27:50-54.....(Naye Yesu akiisha kupaza sauti tena kwa nguvu, akaitoa roho yake.  51 Na tazama, pazia la hekalu likapasuka vipande viwili toka juu hata chini; nchi ikatetemeka; miamba ikapasuka; 52 makaburi yakafunuka; ikainuka miili mingi ya watakatifu waliolala; 53 nao wakiisha kutoka makaburini mwao, baada ya kufufuka kwake, wakauingia mji mtakatifu, wakawatokea wengi. 54 Basi yule akida, na hao waliokuwa pamoja naye wakimlinda Yesu, walipoliona tetemeko la nchi na mambo yaliyofanyika, wakaogopa sana, wakisema, Hakika huyu alikuwa Mwana wa Mungu.)....

 

10. MAANA KAMA WAFU HAWAFUFULIWI, KRISTO NAYE HAKUFUFUKA

Imeandikwa katika 1WAKORITHO 15:12-17...... (Basi, ikiwa Kristo anahubiriwa ya kwamba amefufuka katika wafu, mbona baadhi yenu husema kwamba hakuna kiyama ya wafu? 13 Lakini kama hakuna kiyama ya wafu, Kristo naye hakufufuka; 14 tena kama Kristo hakufufuka, basi, kuhubiri kwetu ni bure na imani yenu ni bure. 15 Naam, na sisi tumeonekana kuwa mashahidi wa uongo wa Mungu; kwa maana tulimshuhudia Mungu ya kuwa alimfufua Kristo,   ambaye hakumfufua, ikiwa wafu hawafufuliwi. 16 Maana kama wafu hawafufuliwi, Kristo naye hakufufuka. 17 Na kama Kristo hakufufuka, imani yenu ni bure; mngalimo katika dhambi zenu.)..... Akiwepo mtu yeyeote mwenye cheo cha utume, uaskofu, mchungaji n.k. anaye endelea kukataa kuwa wafu hasawafufuliwi, basi maana yake mtu huyo angali kwenye dhambi kwa sababu dhambi zetu ziliondolewa pale mnsalabani na kwa njia ya ufufuo wa Bwan wetu Yesu Kristo.

 

11. KUFUFUKA KWA WAFU KULITABIRIWA

Imeandikwa katika ISAYA 26:19..... (Wafu wako wataishi, maiti zangu zitafufuka; amkeni, kaimbeni, ninyi mnaokaa mavumbini, kwa maana umande wako ni kama umande wa mimea, nayo ardhi itawatoa waliokufa.).....Ardhi ni mahali au makazi ya mwisho wanapowekwa watu wanapokufa. Utabiri wa watu kufufuliwa ulitolewa na Mungu, kuonesha kuwa ipo siku wafu watafufuliwa kutokea ardhini.

 

Imeandikwa katika HOSEA 6:2... (Baada ya siku mbili atatufufua; siku ya tatu atatuinua, nasi tutaishi mbele zake.)... Ni ushahidi tosha hapa kwamba baada ya siku mbili zilizonenwa na Nabii Hosea, maana yake ni baada ya miaka 2,000 kupita, na kwa sababu imeandikwa katika 2PETRO (Lakini, wapenzi, msilisahau neno hili, kwamba kwa Bwana siku moja ni kama miaka elfu, na miaka elfu ni kama siku moja.).... Ni dhahiri kuwa kwa sasa Dunia tumeanza siku ya tatu baada ya mwaka 2,000 kuanza, kudhirisha zilke nyakati za 'baada ya siku mbili' ndizo hizi, na zimeshaanza, kama alivyonena Nabii Hosea.

 

12.  YESU MWENYEWE ALIFUFUKA

Kaburi lilimwachia Yesu, mauti ikashindwa. Yesu ni limbuko  la wale  waliolala katika wafu.

 

13. KUFUFUA WAFU NI AGIZO LA BWANA YESU

Imeandikwa katika MATHAYO 10:7-8.....( Na katika kuenenda kwenu, hubirini, mkisema, Ufalme wa mbinguni umekaribia. 8 Pozeni wagonjwa, fufueni wafu, takaseni wenye ukoma, toeni pepo; mmepata bure, toeni bure.)..... Yesu anawaagiza wanafunzi  kuhusu Ufalme wa Mbinguni. Umekuwa nani wewe unayekataa agizo la Mungu? Kwa nini katika kuponya wagonjwa, kupooza wafu na kutoa mapepo upo tayari sana, LAKINI katika KUFUFUA WAFU unakwepa?

 

KWA NINI YESU ALISISITIZA HAYO YOTE YA KUFUFUA WAFU?

(a)   Imeandikwa 1 WAKORINTHO 2:4-5....(Na neno langu na kuhubiri kwangu hakukuwa kwa maneno ya hekima yenye kushawishi akili za watu, bali kwa dalili za Roho na za nguvu, 5 ili imani yenu isiwe katika hekima ya wanadamu, bali katika nguvu za Mungu.).....

 

(b)   Imeandikwa 1 WAKORINTHO 4:20....(Maana ufalme wa Mungu hauwi katika neno, bali katika nguvu.)... Inatakiwa iwepo nguvu ya kutia changamoto teknolojia na akili za wandamu wa leo hii wasipenda kuamini kuhusu ufufuo. Wengi wao ni wale wanaokimbilia kuzika tu baada ya mtu  kufariki dunia, badala ya kutii sauti ya Bwana Yesu ya kufufua wafu.

 

(c)    Imeandikwa 1WATHESALIONIKE 1:5.....(ya kwamba injili yetu haikuwafikia katika maneno tu, bali na katika nguvu, na katika Roho Mtakatifu, na uthibitifu mwingi; kama vile mnavyojua jinsi zilivyokuwa tabia zetu kwenu, kwa ajili yenu.).....

 

(d)   Imeandikwa katika 2TIMOTHEO 1: ....(Maana Mungu hakutupa roho ya woga, bali ya nguvu na ya upendo na ya moyo wa kiasi.)

Maneno ya Mungu katika maandiko yote manne hapo juu (vifungu a-d) yanazungumza kuhusu NGUVU. Tunaihitaji hii nguvu ya ufufuo na uzima ili irudishe kila kitu kilichokufa katika maisha yetu.

 

Imeandikwa katika WAEFESO 3:20....(Basi atukuzwe yeye awezaye kufanya mambo ya ajabu mno kuliko yote tuyaombayo au tuyawazayo, kwa kadiri ya nguvu itendayo kazi ndani yetu;).... Ipo nguvu itendayo kazi ndani yetu. Hii ndiyo ya kufufua wafu kwa Jina la Yesu.

 

Imeandikwa katika MATENDO 1:8 ....(Lakini mtapokea nguvu, akiisha kuwajilia juu yenu Roho Mtakatifu; nanyi mtakuwa mashahidi wangu katika Yerusalemu, na katika Uyahudi wote, na Samaria, na hata mwisho wa nchi.)...  Ukimpokea Roho Mtakatifu, utapokea pia nguvu hizi kwa Jina la Yesu.

 

Kifo ni kitu kinachoogopwa sana na watu leo hii duniani kote.  Biblia inasema, adui wa mwisho ni Mauti. Wewe ambaye hujaokoka,  leo hii unapewa nafasi hii ili umpokee Yesu maishani mwako. Hii ni kwa sababu DHAMBI humfanya mtu awe mfu kiroho, bali pale mtu unapokubali kuokoka unafanyika tena kiumbe kipya, na ya kale yote yanakwisha.

 

©  MEDIA & INFORMATION MINISTRY, GLORY OF CHRIST (T) CHURCH MOROGORO CHURCH