Somo: VIZUIZI VYA KISHETANI

GLORY OF CHRIST TANZANIA CHURCH

UFUFUO NA UZIMA - MOROGORO

JUMAPILI:  24 JULY 2016

 

Na: Dr. GODSON ISSA ZACHARIA (SNP - MOROGORO)

 

Askofu Dr.Godson Issa Zacharia (Kulia), akimhoji Mariamu (Katikati) jinsi Yesu alivyomponya
na ugonjwa wa BP ya kupanda Jumapili 24/7/2016. Kushoto ni RP Steven Nampunju

Adui wa maisha ya kila mmoja wetu hapa ni shetani. Ijulikane kuwa hapo awali, shetani alikuwa MALAIKA huko mbinguni, ila pale alipomuasi Mungu alitupwa nje duniani na kuwa SHETANI. Kwa  kawaida, shetani ni ROHO na hufanya kazi kupitia watendakazi wake ambao ni wachawi, wasoma nyota, waganga wa kienyeji, wasihiri n.k. Shetani kupitia watendakazi wake hawa wanakuwa na uwezo wa kuzuia masomo yako, elimu, kazi yako, maendeleo yako, kauli yako n.k.

 

 

Shetani  huyu huyu kuna wakati  alimzuia Paulo asiifanye kazi aliyotaka kuifanya. Katika ITHESALONIKE 2:18 imeandikwa....(Kwa hiyo tulitaka kuja kwenu, naam, mimi Paulo, mara ya kwanza, na mara ya pili, na Shetani akatuzuia). Inabidi ujue kuwa Paulo alikuwa mtumishi mkubwa sana wa Bwana, lakini hata hivyo shetani alimzuia, yeye na wenzake. Shetani anaweza kukuzuia kwa kuingia ndani ya mtu ili kufanya akuzuie kufanya jambo fulani. Kumbuka shetani ni roho, na hivyo ili atende kazi lazima aingie katika kiumbe chenye mwili.

 

 

Wakati ule Yesu akiwa kwenye merikebu kuelekea Mji wa Wagerasi, shetani akitambua ujio wa Yesu mjini humo na akasababisha upepo mkubwa sana kiasi cha kutaka kuzamisha ile merikebu ila Bwana Yesu baadae aliutuliza ule upepo usiendelee kuvuma.  Vipo vizuizi vya kishetani kabisa vyenye kuzuia kule unapotaka kwenda ili usifike.

 

 

Imeandikwa katika ISAYA 43:4.....(Kwa kuwa ulikuwa wa thamani machoni pangu, na mwenye kuheshimiwa, nami nimekupenda; kwa sababu hiyo nitatoa watu kwa ajili yako; na kabila za watu kwa ajili ya maisha yako.). Mungu anasema ataandaa watu kwa ajilli ya maisha yako. Kabila za watu humaainsha wale watu ambao siyo wa faimilia yako. Swali la kujiuliza hapa ni hili: Mbona sijaona hao watu wa kunisaidia, wawe ndani au nje ya kunisa? Jibu  ni kuwa wapo wanaozuia ili yale watu wanayokuahidi yasianze kutokea. Kuna watu wameshaandaliwa na Bwana ili wakusaidie wewe lakini shetani amewazuia ili wasikusaidie.

 

Mamia ya Watendakazi wa Ufufuo na Uzima Morogoro wakiomba Jumapili 24/7/2016

 

 

 

UKIRI Watu wote na makabila yote waliotumwa kwangu ili wanisaidie ninawita wote njoo kwa Jina la Yesu. Amen.

 

 

 

ISAYA 43:6.....(nitaiambia kaskazi, Toa; nayo kusi, Usizuie; waleteni wana wangu kutoka mbali, na binti zangu kutoka miisho ya dunia.). Kumbe kaskazi ilishapewa ruhusa ya kukusaidia wewe, lakini  kusi imekaa na kujipanga ili kuzuia. Hawa ndio  tunaowaita "wazuiaji".

 

Imeandikwa katika MATHAYO 8:28.......(Naye alipofika ng'ambo, katika nchi ya Wagerasi, watu wawili wenye pepo walikutana naye, wanatoka makaburini, wakali mno, hata mtu asiweze kuipitia njia ile.). Hii ilikuwa ni njia pekee, na Yesu alipoipita hii  njia alikutana na hawa watu wawili wakali sana na wenye pepo wanaozuia njia ya kuiendea Mji huu.


Kwa Maana nyingine ni: Unapotaka kutafuta bidii ya kusoma ili usonge mbele kimasomo, wapo wanaozuia njia hiyo isipitike. Unapokuwa unaelekea katika mambo mazuri, wapo wanaojitokeza kukuzuia usifanikiwe kufikia malengo yako.

 

 

Hebu jiulize:

Ø  Mbona wengine wakianza kulima mashamba wao hufanikiwa lakini mimi sifanikiwi?

Ø  Mbona wengine wakiposwa hufikia  kuolewa lakini mimi  sifanikiwi kuolewa?

Ø  Mbona wengine wakianza biashara, mambo yao hukua lakini mimi hata mtaji wa biashara huisha kabla sijafanikiwa?

 

Wapo wanaozuia, na Biblia inasema ni wakali mno na hawaruhusu mtu kuipita hiyo njia ya mafanikio: Leo Bwana atawakomesha wote kwa Jina la Yesu.

 

 

Imeandikwa katika DANIELI 10:11-14.....(Akaniambia, Ee Danieli, mtu upendwaye sana, yafahamu maneno nikuambiayo, ukasimame kiwimawima; maana kwako nimetumwa sasa. Na aliponiambia neno hili, nalisimama nikitetemeka. 12 Ndipo akaniambia, Usiogope, Danieli; kwa maana tangu siku ile ya kwanza ulipotia moyo wako ufahamu, na kujinyenyekeza mbele za Mungu wako, maneno yako yalisikiwa; nami nimekuja kwa ajili ya maneno yako. 13 Lakini mkuu wa ufalme wa Uajemi alinipinga siku ishirini na moja; bali, tazama, huyo Mikaeli, mmoja wa hao wakuu  wa mbele, akaja kunisaidia; nami nikamwacha huko pamoja na wafalme wa Uajemi. 14 Sasa nimekuja kukufahamisha mambo yatakayowapata watu wako katika siku za mwisho; maana maono hayo ni ya siku nyingi bado.). Kumbe Mungu hutoa majibu yake kadiri unavyomuomba kwa uaminifu. Danieli alipoomba alijibiwa tokea siku ya kwanza lakini majibu ya maombi yake yakazuiliwa na "Mkuu wa Uajemi" (ambaye ni shetani) kwa muda wa siku 21, bila yeye Danieli kujua hadi alipoletewa taarifa hii na malaika Gabrieli.

 

 

Yapo mambo  mengi umemuomba Mungu na ameshakupatia. Hata hivyo yupo  anayekuzuia usiapate majibu ya  maombi yako:

Ø  Ni mkali mno hataki uanzishe biashara

Ø  Ni mkali mno na hataki ndoa yako  itokee furaha na amani.

 

Inawezekana umefanya maombi sana. Wapo watu ambao wanahama kanisa moja kwenda jingine kwa sababu hawajapata majibu ya maombi yao. Ikitokea hivyo watu wa aina hii  huwalalamika wachungaji kuwa pengine hawana upako. Leo inabidi ufahamu kuwa shida siyo wachungaji, bali ni wewe binfasi. Ni wajibu wako kushindana na wale wanaozuia kwa Jina la Yesu.




Danieli alipewa kabisa jibu, lakini jibu  lake likawa limezuiliwa. Hata wewe na mimi maombi yetu yaweza kuzuiliwa na ni wajibu wetu kushindana na hao wazuiaji. Kama Danieli asingeendelea na mfungo kwa siku zote zile 21, angeweza kukata tamaa, na hata lile jibu aliloletewa na Malaika Gabrieli asingepokea kamwe.

 

 

Imeandikwa katika YOHANA 14:13....(Nanyi mkiomba lo lote kwa jina langu, hilo nitalifanya, ili Baba atukuzwe ndani ya Mwana.). Kwa neno hili “lo lote” maana yake ni jambo lo lote utakaloliomba kwa Jina la Yesu. Shetani huwa haondoki  bila kupigwa. Ndiyo maana hata mbinguni ilitokea vita kati ya Mungu na Shetani.

Showers of Glory Morogoro wakionesha umahiri wao wa kuimba na kumchezea Bwana Yesu hapo Jumapili tarehe 24/7/2016, katika Nyumba ya Ufufuo na Uzima Morogoro (Bonde la Maono)

 

Imeandikwa katika UFUNUO 12:7-8...(Kulikuwa na vita mbinguni; Mikaeli na malaika zake wakapigana na yule joka, yule joka naye akapigana nao pamoja na malaika zake; 8 nao hawakushinda, wala mahali pao hapakuonekana tena mbinguni.).  Kama Mungu mwenyewe aliamua kumpiga shetani, je siyo zaidi wewe na mimi kumpiga shetani? Hii ni kwa sababu, tunaoshindana nao wapo. Imeandikwa katika WAEFESO 6:12....(Kwa maana kushindana kwetu sisi si juu ya damu na nyama; bali ni juu ya falme na mamlaka, juu ya wakuu wa giza hili, juu ya majeshi ya pepo wabaya katika ulimwengu wa roho.).  

 

Bila kupigana hauwezi kumiliki. Wana wa Israeli walimiliki Nchi ya Ahadi kwa kupigana. Wale waliojaribu kuwazuia wana wa Israeli wasipite, walipigwa na kuangamizwa kabisa. Mikaeli yule yule aliyepigana na Mkuu wa Uajemi, ndiye huyo huyo aliongoza vita ya kupigana na shetani  Kitabu cha  Ufunuo 12:7-8.

 

 

Unapoona yale uliyoomba hujapokea, fahamu kuwa MUNGU AMESHAKUPATIA, ILA WEWE HUJAPIGANA VITA KUDAI VITU VYAKO KUTOKA KWA SHETANI ANAYEKUZUIA. Kwa kawaida shetani ana uwezo wa kugeuka na kuwa kitu chochote. Usipopigana huwezi kumiliki.

 

 

UFUNUO 12:1-5...(Na ishara kuu ilionekana mbinguni; mwanamke aliyevikwa jua, na mwezi ulikuwa chini ya miguu yake, na juu ya kichwa chake taji ya nyota kumi na mbili. 2 Naye alikuwa ana mimba, akilia, hali ana utungu na kuumwa katika kuzaa. 3 Ikaonekana ishara nyingine mbinguni; na tazama, joka kubwa jekundu, alikuwa na vichwa saba na pembe kumi, na juu ya vichwa vyake vilemba saba. 4 Na mkia wake wakokota theluthi ya nyota za mbinguni, na kuziangusha katika nchi. Na yule joka akasimama mbele ya yule mwanamke aliye tayari kuzaa, ili azaapo, amle mtoto wake.). Unaona jinsi ambavyo shetani amekaa kujiandaa mtoto azaliwe ili ammeze? Shetani anaweza kumeza. Anaweza kusubiria biashara yako ili  aimeze. Anaweza kusubiria ajira au kazi au masomo yako pale yanapotaka kutokea ili ayameze. Leo tutampiga yule aliyetaka kumeza vitu vyako kwa Jina la Yesu Kristo Mwana wa Mungu aliye hai.

 

 

Shetani ni Joka. Anao uwezo wa kujua mambo ya rohoni haraka sana kuliko hata wanadamu kwa kuwa yeye ni roho. Imeandikwa katika UFUNUO 12:4-6....(Na mkia wake wakokota theluthi ya nyota za mbinguni, na kuziangusha katika nchi. Na yule joka akasimama mbele ya yule mwanamke aliye tayari kuzaa, ili azaapo, amle mtoto wake. 5 Naye akazaa mtoto mwanamume, yeye atakayewachunga mataifa yote kwa fimbo ya chuma. Na mtoto wake akanyakuliwa hata kwa Mungu, na kwa kiti chake cha enzi. 6 Yule mwanamke akakimbilia nyikani, ambapo ana mahali palipotengenezwa na Mungu, ili wamlishe huko muda wa siku elfu na mia mbili na sitini.).

 

 

Imeandikwa pia katika UFUNUO 12:14-16...(Mwanamke yule akapewa mabawa mawili ya tai yule mkubwa, ili aruke, aende zake nyikani hata mahali pake, hapo alishwapo kwa wakati na nyakati na nusu ya wakati, mbali na nyoka huyo. 15 Nyoka akatoa katika kinywa chake, nyuma ya huyo mwanamke, maji kama mto, amfanye kuchukuliwa na mto ule. 16 Nchi ikamsaidia mwanamke; nchi ikafunua kinywa chake, ikaumeza mto ule alioutoa yule joka katika kinywa chake.). Shetani katika maandiko haya anajigeuza kuwa mto mkubwa wa maji. Mito ya aina hii huweza kuleta mafuriko na kuua watu wengi, na kwa akili za kibinadamu watu hufikiria kuwa ni mafuriko tu ya kawaida. Hata hivyo Mungu alisababisha ardhi  iyameze mafuriko ya maji ya ule mto wa kishetani.

 

 

Askofu Dr. Godson Issa Zacharia akiomba Baraka kwa Watendakazi wa Ufufuo na Uzima
Morogoro (Bonde la Maono) Siku ya Jumapili 24/7/2016.  

 

UKIRI Ewe unayezuia, msoma nyota, uwe mchawi uwe mganga wa kienyeji,  imeandikwa “Nao wakamshinda kwa Damu ya Mwanakondoo” nami kwa leo ninawashinda wote kwa Jina la Yesu. Amen

 

 

Kama Paulo alizuiliwa, mtume mkubwa sana aliyeandika zaidi ya nusu ya Biblia (Agano Jipya), wewe je umemzidi Paulo? Danieli alikuwa Nabii aliyetafsiri ndoto, na aliyewekwa ndani ya tundu lenye simba wakali na wenye njaa, yeye pia alizuiliwa maombi yake. Wewe je umemzidi Danieli? Ni sharti upigane ili  uweze kupata haja zako mbele za Mungu.

 

 

WAEBRANIA 4:12....(Maana Neno la Mungu li hai, tena lina nguvu, tena lina ukali kuliko upanga uwao wote ukatao kuwili, tena lachoma hata kuzigawanya nafsi na roho, na viungo na mafuta yaliyomo ndani yake; tena li jepesi kuyatambua mawazo na makusudi ya moyo. 13 Wala hakuna kiumbe kisichokuwa wazi mbele zake, lakini vitu vyote vi utupu na kufunuliwa machoni pake yeye aliye na mambo yetu.)... Kumbe vipo pia viumbe vinavyotumika kuzuia maombi. Kama kiumbe kinakuja kwako kama mjusi, au kuku, au njiwa au paka, ni  maombi yetu leo kuwa wabaki katika maumbile haya haya milele kwa Jina la Yesu, na watu wawatafute ila wasionekane tena kwa kuwa hawatarudi  katika miili yao ya asili tena milele kwa Jina la Yesu.

 

 

Katika Biblia yupo mtu aitwae Samsoni, Mnadhiri Mkuu wa Bwana ambaye alizuliwa na lango la mji. Hata hivyo Samsoni alipozuiliwa na lile lango la mji aliamua kuling’oa na kulitupilia mbali. Watu waliokuzia kwa mageti ili usifikie hatima yako, leo ni siku maalumu kuyang’oa mageti yao kama alivyofanya Samsoni katika Jina la Yesu.

 

 

MATENDO 10:6-9...(Walipokwisha kupita katikati ya kisiwa chote mpaka Pafo, wakaona mtu mmoja, mchawi, nabii wa uongo, Myahudi jina lake BarYesu; 7 mtu huyu alikuwa pamoja na liwali Sergio Paulo, mtu mwenye akili. Yeye liwali akawaita Barnaba na Sauli waje kwake, akataka kulisikia neno la Mungu. 8 Lakini Elima, yule mchawi (maana ndiyo tafsiri ya jina lake), akashindana nao, akitaka kumtia yule liwali moyo wa kuiacha ile imani. 9 Lakini Sauli, ambaye ndiye Paulo, akijaa Roho Mtakatifu, akamkazia macho). Huyu liwali alikuwa  anataka kuokoka, lakini mchawi aitwae Elima akaanza kumzuia. Wachawi wana uwezo wa kuingiza roho za kuzuia mafanikio ya mtu yasitokee. Ni sawa na kwamba

Ø  Ulitaka mkopo lakini yule aliyekuwa tayari kukusaidia akabadilisha mawazo

Ø  Ulitaka kuoa au kuolewa lakini akatokea mama katika uo ukoo na kuzuia ndoa ile isitokee

 

 

Paulo alipogundua kuwa Elima Mchawi anataka kuzuia, alimkemea kwa kumkazia macho. Hata sasa, wapo watu ambao hawataki kuokoka

 

 

Watendakazi wakifuatilia kwa makini mahubiri ya Jumapili 24/7/2016
"VIZUIZI VYA KISHETANI" lililofundishwa na Askofu Dr. Godson Issa Zacharia.

 

UKIRI Kwa Jina la Yesu, leo Ninawakamata wachawi wote waliojipanga, wachawi waliojipanga kunizuia, wasoma nyota wote waliojipanga kunizuia, wasihiri wote waliojipanga kunizuia leo nawafyeka kwa Jina la Yesu. Imeandikwa “ingawa tunaenenda katika mwili, hatufanyi vita kwa jinsi ya mwili; maana silaha za vita vyetu si za mwili, bali zina uwezo katika Mungu hata kuangusha ngome;” ewe ngome unayenizuia leo nakupasua kwa Jina la Yesu, ewe ngome kizuizi cha maisha yangu leo nakuangusha kwa Jina la Yesu. Ewe ngome unayenizuia kuanzia leo nakupasua kwa Jina la Yesu, ewe ngome kizuizi cha maisha yangu leo nakuangusha kwa Jina la Yesu. Amen

 

 

NAMNA GANI WACHAWI NA MASHETANI HUMZUIA MTU?

1.      Kwa Kuingia Ndani ya mtu. Hapa shetani huingia ndani ya mtu na kumzuia kabisa. Hata ukienda hospitalini  watatumia vigezo vya kitaalamu kama vile: huwezi kuzaa kwa sababu mayai yako yanaharibika, au sperm count zako ni kidogo. Maana yake shetani amemuingia mtu ndani ya mwili wake na kujigeuza. Shetani anaweza kuingia ndani ya mwili wa mtu na kujigeuza uvimbe katika tumbo la uzazi.



Wapo waliotumwa kuzuia kwa kuingia ndani mwako. Shetani anaweza kumuingia mtu ndani hata aliyeokoka. Mbinguni kilikuwepo kikao, na shetani akapenyeza pale pale ili kutaka kufanya uharibifu. Yuda Iskariote aliyekuwa mtunza fedha wa Yesu, aliingiwa na mapepo, na kuanzia pale akawa wa tofauti. Imeandikwa katika LUKA 22:3 ...(Shetani akamwingia Yuda, aitwaye Iskariote, naye ni mmoja wa wale Thenashara. 4 Akaondoka, akaenda akasema na wakuu wa makuhani na majemadari, jinsi atakavyoweza kumtia mikononi mwao. 5 Wakafurahi, wakapatana naye kumpa fedha. 6 Akakubali, akatafuta nafasi ya kumsaliti kwao pasipokuwapo mkutano.) Wanaozuia wanaweza  kumuingia mtu na kuzuia. Shetani alimuingia Yuda Iskariote ili kazi ya Yesu ya kuhubiri Injili isiendelee.

 

 

Kumbe shetani anaweza kumuingia hata mtu wa karibu na wewe, shangazi,  au mjomba au ndugu wa karibu sana. katika Biblia shetani pia aliwahi kuingia ndani ya Manabii. Imeandikwa katika 2NYAKATI 18:20-21....(Akatoka pepo, akasimama mbele za Bwana, akasema, Mimi nitamdanganya. Bwana akamwambia, Jinsi gani? 21 Akasema, Nitaondoka, na kuwa pepo wa uongo vinywani mwa manabii wake wote. Akasema, Utamdanganya, na kudiriki pia; ondoka, ukafanye hivyo.). Hawa ni manabii 400 wa Mungu, lakini pepo waliingia vinywani mwao na wakaanza kutabiri “maneno ya uongo”.

 

 

Yumkini Unaweza kutaka kuanzisha biashara mahali fulani akatokea mtu au kiongozi wa mtaa na kukuzuia. Hata hivyo utaweza kushangaa kuona kuwa, baada ya muda fulani, eneo lile lile akatokea mtu mwingine na kufanya biashara  ya aina ile ile uliyotaka  kuifanya.

 

 

2.      Shetani anaweza kushindana na wewe akitokea nje. Hapa ni baada ya shetani kuona kuwa, uwezo wa kuingia ndani mwako hana. Atakachofanya ni kumuingia mtu mwingine na kumtumia ili kukuzuia wewe. Imeandikwa katika ZEKARIA 3:1...(Kisha akanionyesha Yoshua, kuhani mkuu, amesimama mbele ya malaika wa Bwana, na Shetani amesimama mkono wake wa kuume ili kushindana naye.).

 

 

UKIRI Imeandikwa “mimi ni rungu la Bwana la vita, na kwa mimi nitampiga farasi na mpanda farasi”, ewe Farao wa maisha yangu uliyejipanga kunizuia, leo ninakuponda kwa Jina la Yesu. Amen

Wewe ambaye hujaokoka, leo ni nafasi yako kumpa Yesu maisha yako na kuwa na uwezo wa kusindana na mashetani wanaozuia maisha yako.

 

 

 

©  MEDIA & INFORMATION MINISTRY, GLORY OF CHRIST (T) CHURCH ==GCTC== Tel: +255765979866 /   or  +255713459545 MOROGORO CHURCH