GLORY OF
CHRIST TANZANIA CHURCH,
KANISA LA UFUFUO
NA UZIMA MOROGORO
JUMAPILI -:-
18 SEPTEMBA 2016.
NA: DR.
GODSON ISSA ZACHARIA (SNP)
 |
| Dr. Godson Issa Zacharia, Askofu wa Ufufuo na Uzima - Morogoro |
Nini maana ya Kiti cha Enzi? Kiti cha enzi ni makao fulani, mahali fulani, mtu fulani. Ni makao makuu ya mtawala
fulani, awe wa hapa duniani, wa
mbinguni au kuzimu. Kiti cha enzi
chaweza kuwa mbinguni nacho kikaitwa kiti cha enzi cha Mungu au kikawa kiti cha enzi cha shetani na
ambapo ndipo akaapo. Kiti cha enzi ni maalumu sana kwa kutolea
maamuzi au kuhukumu. Hata hapa duniani, katika taifa letu la Tanzania,
kiti chake cha enzi kipo mahali panapoitwa Ikulu, au kama ni Marekani
panaitwa White House, na kama ni Uchina kinaitwa Dragon House n,k. kwenye kiti
cha enzi mambo yote mazuri au mabaya huamuliwa hapo na hayupo yeyote wa kuweza
kuyatengua.
Imeandikwa katika ISAYA
66:1…(Bwana asema hivi, Mbingu ni kiti changu cha enzi, na dunia ni mahali pa
kuweka miguu yangu; mtanijengea nyumba ya namna gani? Na mahali pangu pa
kupumzikia ni mahali gani?).
Tunaona jinsi ambavyo Mungu anahukumua akiwa mbinguni katika kiti chake
cha enzi,na hapa duniani ndipo pa kukanyagia. Shetani kama tujuavyo yeye
hajawahi kuumba chochote, ila anachokifanya ni kudurufu (copying) kwa kutumia
vile ambavyo Mungu ameviumba mwenyewe. Kwa hiyo, shetani naye akiwa hapa duniani
ametenenza kiti chake cha enzi, na kipo hapa duniani. Tunajuaje hili?
Tukisoma katika LUKA 12:5-6…(Akampandisha
juu, akamwonyesha milki zote za ulimwengu kwa dakika moja. 6 Ibilisi akamwambia,
Nitakupa wewe enzi hii yote, na fahari yake, kwa kuwa imo mikononi mwangu, nami
humpa ye yote kama nipendavyo.). Kunayo
tofauti ya uwa mmiliki wa kitu chako na kitu hicho kuwa mikononi mwako. Kwa hiyo shetani anavyo vitu ingawa
siyo vyake, na amekuwa akivigawia watu.
Imeandikwa katika UFUNUO 12:7-9…..(Kulikuwa na vita mbinguni;
Mikaeli na malaika zake wakapigana na yule joka, yule joka naye akapigana nao
pamoja na malaika zake; 8 nao hawakushinda, wala mahali pao hapakuonekana tena
mbinguni. 9 Yule joka akatupwa, yule mkubwa, nyoka wa zamani, aitwaye Ibilisi
na Shetani, audanganyaye ulimwengu wote; akatupwa hata nchi, na malaika zake
wakatupwa pamoja naye.). Kwa hiyo shetani alitupwa nje, na ambapo
ni duniani.
Shetani alipotupwa nje,
aliondooka pamoja na theluthi ya malaika waliokuwa naye mbinguni kipindi hicho.
Tunajua je haya? Tukisoma katika UFUNUO
12:4….(Na mkia wake wakokota theluthi ya nyota za mbinguni, na kuziangusha
katika nchi. Na yule joka akasimama mbele ya yule mwanamke aliye tayari kuzaa,
ili azaapo, amle mtoto wake.)
Kule mbinguni kilikuwepo kicheko na furaha kwa jinsi ambavyo
shjetani alifukuzwa mbinguni. Hata hivyo, duniani alikotupwa ni kilio.
Imeanidkwa katika UFUNUO 12:12…(Kwa
hiyo shangilieni, enyi mbingu, nanyi mkaao humo. Ole wa nchi na bahari! Kwa
maana yule Ibilisi ameshuka kwenu mwenye ghadhabu nyingi, akijua ya kuwa ana
wakati mchache tu.). huyu ibilisi ameshuka hapa hapa duniani, na muda wake ni mchache sana. Akiingia katika
biashara, huyu ibilisi anaharibu kila kitu kupitia majini yanayotumwa kutokea
katika kiti cha enzi. Akiingia katika elimu, huyu ibilis anaharibu kila kitu
kupitia majini yanayotumwa kutokea katika kiti cha enzi. Akiingia katika ndoa,
huyu ibilisi anaharibu kila kitu kupitia majini yanayotumwa kutokea katika kiti
cha enzi. Akiingia katika biashara, huyu ibilisi anaharibu kila kitu kupitia
majini yanayotumwa kutokea katika kiti cha enzi. Leo kazi yetu ni kukifuata kiti cha enzi na
kukibinua na kukivunja kwa Jina la Yesu. Ndiyo
maana hayupo hakimu anayetoa hukumu bila kuwa amekalia kiti chake cha enzi. Spika wa Bunge, vivyo
hivyo anapotoa maamuzi yake utamsikia akisema “Kiti kimeamua yafuatayo!!!!”
UKIRI
Ewe kiti cha enzi cha kishetani nakukabili na kuanzia sasa
ninakukamata na kukuvunja kwa Jina la Yesu. Ewe kiti cha enzi uliyewekwa
ndani yangu, ninakubomoa kwa Jina la Yesu. Amen.
|
 |
| Mamia ya watendakazi wa Ufufuo na Uzima Morogoro katika ibada ya Jumapili 18/09/2016 |
Kwa kuwa kiti cha enzi
cha shetani kipo hapa duniani, basi
anakuwa anatawala afya ya watu, ndoa zao, biashara, elimu
n.k. Leo tukivamie na kukibomoa kiti cha enzi cha Yule anayekuzuilia
usisonge mbele kwa Jina la Yesu.
Imeansikwa mimi ni rungu la Bwana, na kwa mimi nitavunja vunja farasi na
mapanda farasi. Simama uende kama silaha na kukivunja kiti cha enzi kilicholeta
taabu katika maisha yako kwa Jina la Yesu. Leo tutaviafuata viti vya enzi
vilivyomo ndani ya watu. Hawa ni wale wanaotesa maisha yaw engine, kwa kutoa maamuzi yanaoyathiri wengine kwa
Jina la Yesu. Huwezi kupata ushindi kama
hujakivunja kiti cha enzi.
Wapo waliouza mali zao ili kuwasomesha watoto wao, na baadhi
wameweka waalimu wa ‘tuition’ ila matokeo yanapokuja unamkuta mtoto anaambulia
3% kwa mia. Tunavikusanya viti vyote vya enzi, view vimekaliwa au kama havina
mkaliaji, leo tunavovunja vyote kwa Jina la Yesu. Viti vya enzi vya kishetani
vimewekwa ili kutesa maisha ya watu.
Imeandikwa katika UFUNUO
2:13….(Napajua ukaapo, ndipo penye kiti cha enzi cha Shetani; nawe walishika
sana jina langu, wala hukuikana imani yangu, hata katika siku za Antipa shahidi
wangu, mwaminifu wangu, aliyeuawa kati yenu, hapo akaapo Shetani.). Hii
ni kudhihirisha kuwa, hata Mungu anapajua pale
akaapo shetani, penye kiti cha enzi cha kishetani. Mungu anasema pamoja
na yote, Kanisa la Pergamo ingawa lipo
katikati ya hicho kiti cha enzi cha shetani, lakini watu wameendelea kuwa
waaminifu. Yaani watu wamepigwa, wameteswa, wameumizwa lakini bado wameendelea
kuwa waaminifu katikati ya shida kama alizopata Antipa. Kuna wengine mnasema, watoto wapo vizuri,
wanasoma shule na haipo shida yoyuote ila kwenye ndoa ni vurugu vurugu!!! Maana
yake ni kuwa, penye hizo vurugu, ndipo penye kiti cha enzi cha kishetani, mni
sharti ukivunje kwanza hicho kiti cha enzi cha shetani ili uweze kuwa na ndoa
yenye amani.
Kiti cha enzi kikiwekwa ndani ya mwili wa mwanadamu, huyo mtu
huitwa mwenye nguvu. Watu wa aina hii huvuruga hata mambo ambayo tayari
yaliamuliwa na vikao vilivyopita, na matokeo yake mtu huyo atataka muanze upya
kufanya maamuzi mapya. Cha kufanya ni kufanya mamombi ya kushindana na mwenye nguvu huyu, kwa
kukivunja kiti cha enzi anachokikalia.
Imeandikwa katika UFUNUO 12:1-… (Na ishara kuu ilionekana mbinguni; mwanamke
aliyevikwa jua, na mwezi ulikuwa chini ya miguu yake, na juu ya kichwa chake taji
ya nyota kumi na mbili. 2 Naye alikuwa ana mimba, akilia, hali ana utungu na
kuumwa katika kuzaa). Mimba ni shara ya kuongezeka. Maana yake, mlikuwa wawili, na sasa wanakuwepo mwingine
anayeongezeka.
Imeandikwa katika UFUNUO 12:13-15...(Na joka yule alipoona ya kuwa
ametupwa katika nchi, alimwudhi mwanamke yule aliyemzaa mtoto mwanamume. 14
Mwanamke yule akapewa mabawa mawili ya tai yule mkubwa, ili aruke, aende zake
nyikani hata mahali pake, hapo alishwapo kwa wakati na nyakati na nusu ya
wakati, mbali na nyoka huyo. 15 Nyoka akatoa katika kinywa chake, nyuma ya huyo
mwanamke, maji kama mto, amfanye kuchukuliwa na mto ule.). Kwa mamlaka
ya Jina la Yesu, yeyote ambaye ni mjamzito (wa biashara, wa familia, wa kazi
n.k) hakuna atakayemezwa na majoka ya rohoni kuanzia leo. Mito ya mafuriko ya
hasara tunayakomesha kwa Jina la Yesu. Kiti cha enzi kinaweza hata kumimina
maji,kwa mafuriko ya kila aina (udhaifu wa afya, udhaifu wa maombi n.k.).
Tabia mojawapo ya mwenye nguvu wa ulimwengu huu ipo katika kutoa ushauri. Kiti cha enzi cha kwanza
ni kile cha shetani alivyompa ushauri Yesu kwamba baada ya kufunga kwa siku
zile 40 basi aligeuze jiwe liwe mkate. Yesu alishajua kuwa ukiwa umefunga kwa
siku nyingi vile na ukaanza kufungua
kinywa kwa kula mikate, lazima ufe. Na ndiyo maana akamjibu shetani kwamba “imeandikwa
Mtu
hataishi kwa mkate tu bali kwa kila neno litokalo kinywani mwa Bwana!!”
(LUKA 4:4)
UKIRI
Leo
Bwana Yesu umenijaza maarifa ya kuvivunja viti vya enzi vilivyosimama mbele
yangu. Bwana Yesu nipe kibali cha kuvunja viti vya enzi, yawezekana kiti
cha enzi kimewekwa ndani yangu, nami nakivunja sasa kwa Jina la Yesu. Amen
|
Shetani akiwa hapa duniani, na kiti chake cha enzi anayo makao
yake katika maeneo matatu:
1. Kiti cha enzi kwenye mikusanyiko ya
maji (bahari, mito, maziwa).
2. Kiti cha enzi katika nchi (duniani)
chenye uwezo wa kuzuia mapenzi ya Mungu yasifanye kazi hapa duniani. Hawa ndiyo wanaozuia
kazi ya Kanisa kusonga mbele. UFUNUO
13:11… (Kisha nikaona mnyama mwingine, akipanda juu kutoka katika nchi; naye
alikuwa na pembe mbili mfano wa MwanaKondoo, akanena kama joka.)
3. Kiti cha enzi cha Angani: Mfano wake ni
kile ambacho kilizuilia maombi ya Danieli kwa siku 21. Huko angani mwenye kiti
hicho huitwa mfalme wa anga.
Wewe ambaye hujaokoka leo unayo nafasi ya kumpokea Yesu Kristo
maishani mwako ili iwe rahisi kwako kukibomoa kiti cha enzi cha shetani,
chenye kuyatesa maisha yako.
© Media and
Information Ministry
Glory of Christ Tanzania Church,
(Kanisa la Ufufuo na Uzima)
Mkundi - Morogoro
Tel: +25571765979866 / +255713459545
|