GLORY OF CHRIST TANZANIA CHURCH
UFUFUO NA UZIMA - MOROGORO
JUMAPILI: 11/09/
2016
Na: PASTOR DR GODSON ISSA ZACHARIA (SNP)
Viwanda ni majengo ambayo ndani yake kuna mashine na mitambo
ya kutengeneza bidhaa mbali mbali.
Kuna viwanda ambavyo vinapika uharibifu
Hivi sio viwanda vya kawaida,ni viwanda ambavyo vinapika
uharibifu kwenye maisha ya mtu ,kazi ya mtu ,biashara ya mtu katika ulimwengu
wa roho
kila unachokiona leo kiwe kizuri au kibaya iwe ni kazi
uliyoianza,iwe ni biashara na mengine yote unayoyaona kwenye maisha yako yawe mazuri au mabaya
yameanzia kwenye ulimwengu wa roho ,Kila
unachokiona mwilini kimeanzia rohoni
,iwe mafanikio,Baraka n.k yameundwa kwenye ulimwengu wa roho ,tunataka leo tukifuatilie hicho kiwanda
na tukibomoe kwa jina la Yesu.
Kuna ulimwengu wa
aina mbili
1. Ulimwengu wa roho
2. Ulimwengu wa mwili
 |
| Umati wa Watendakazi Ufufuo na Uzima Morogoro |
Ulimwengu wa roho maana yake ni ulimwengu usioonekana kwa
macho ya mwilini. Ulimwengu wa roho pia umegawanyika mara mbili yaani ulimwengu
wa roho wa kishetani ,na ulimwengu
wa roho wa kimungu
Lolote linalokupata leo hata kama uliota katika ndoto yote
hayo yamekupata yameanzia rohoni.Kuna viwanda ambavyo vinazalisha
magonjwa,mateso,shida, leo tunakifuatilia
pale kilipo tunakiharibu.Kuna mfalme mmoja kwenye Biblia aliandaa sanamu
na kuwataka watu wote wa mji ule waisujudie ile sanamu,lakini wakatokea vijana
watatu Meshack ,Shadrack na Abednego wakaweka msimamo kwa Mungu wao wakakataa
kuisujudia ile sanamu ndipo walipoitwa kwa mfalme lakini walikataa kuiabudu
ile sanamu .
Imeandikwa katika Danieli 3:29-30
Basi mimi naweka amri ya kuwa kila kabila ya watu, na kila taifa, na
kila lugha, watakaonena neno lo lote lisilopasa juu ya huyo Mungu wa Shadraka,
na Meshaki, na Abednego, watakatwa vipande vipande, na nyumba zao zitafanywa
jaa; kwa kuwa hakuna Mungu mwingine awezaye kuokoa namna hii.
Kisha mfalme akawakuza Shadraka,
na Meshaki, na Abednego, katika wilaya ya Babeli.
Jaa maana yake ni vitu vilivyokusanywa pamoja,ili tubomoe
hivyo viwanda tunahitaji tuwe na silaha,na ukitaka ushinde ni kuhakikisha vile
viwanda tunavifunga,kwenye maisha ili viwanda vibomolewe kuna mchakato kwanza
wanafunga wanaweka alama ya x kuonyesha kwamba hakitakiwi eneo hilo .Leo
tunageuka kuwa greda la kiroho tutavivunja viwanda vyote kwa jina la Yesu.
Imeandikwa katika Yeremia 1:10
angalia, nimekuweka leo juu ya mataifa na juu ya falme, ili kung'oa, na
kubomoa, na kuharibu,
na kuangamiza; ili kujenga na
kupanda.
Imeandikwa katika Waefeso 1:20
aliotenda katika Kristo alipomfufua katika wafu, akamweka mkono wake wa
kuume katika ulimwengu wa roho;
Yapo mashetani,majini,majoka yanayotenda kazi katika viwanda
hivyo katika ulimwengu wa roho na yanahakikisha maisha yako yanaharibika.
Imeandikwa katika Waefeso 2:6
Akatufufua pamoja naye, akatuketisha pamoja naye katika ulimwengu wa
roho, katika Kristo Yesu;
Imeandikwa katika Waefeso 3:10
ili sasa, kwa njia ya kanisa, hekima ya Mungu iliyo ya namna nyingi
ijulikane na falme na mamlaka katika ulimwengu wa roho;
Kwenye ulimwengu wa roho kuna viwanda vinatengenezwa na
baadae vinadhihirika katika mwili.
Imeandikwa katika Waefeso 6:12
Kwa maana kushindana kwetu sisi si juu ya damu na nyama; bali ni juu ya
falme na mamlaka, juu ya wakuu wa giza hili, juu ya majeshi ya pepo wabaya
katika ulimwengu wa roho.
Kwenye ulimwengu wa roho kuna wafalme wanaotengeneza viwanda
,kuna mamlaka zinazotengeneza uharibifu ,wanatengeneza virus,bacteri kwa ajili
ya kuleta magonjwa kwa watu,ni mashetani wanatengeneza vitu baadae
wanaviachilia kwa watu ili viwapate.Kila unachokiona leo duniani kimetengenezwa rohoni,kukataliwa ,mateso
,matatizo yote unayoyaona yanawapata
wanadamu yote yametengenezwa rohoni .Ugonjwa
wa Ukimwi unaouona unamaliza watu leo umetengenezwa rohoni,kuna dr mmoja
anaitwa Robert Charles Gallo ni mzungu alishatamka mwenyewe na kusema yeye
mwenyewe aliutengeneza ukimwi mnamo mwaka 1984.
Mwaka 1962 ndipo alipoanza kutengeneza tafiti hizi , akaandika kabisa
hatimiliki ya ukimwi . leo lazima tusimame kama shujaa wa Bwana tutavivunja
viwanda vyote vilivyotengeneza taabu na mateso katika maisha yetu.panakuwepo na
kikundi cha watu kuna technician huko ndani,kuna messenger wanakaa na wanaplani wanaanza kutengeneza
kiwanda.
Imeandikwa katika Yohana 10:10
Mwivi haji ila aibe na kuchinja na kuharibu; mimi nalikuja ili wawe na
uzima, kisha wawe nao tele.
Kazi ya Mungu sio kuharibu ni kubariki,bali shetani kazi
yake ni kuua, kuchinja, na kuharibu
Imeandikwa katika Ayubu 1:19
Palikuwa na mtu katika nchi ya Usi, jina lake alikuwa akiitwa Ayubu;
mtu huyo alikuwa mkamilifu na mwelekevu, ni mmoja aliyemcha Mungu, na kuepukana
na uovu.
Kisha walizaliwa kwake wana
saba, na binti watatu.
Mali yake nayo yalikuwa ni
kondoo elfu saba, na ngamia elfu tatu, na jozi za ng'ombe mia tano, na punda
wake mia tano, na watu wa nyumbani wengi sana; basi hivi mtu huyo alikuwa ni
mkuu sana kuliko watu wote wa upande wa mashariki.
Nao wanawe huenda na kufanya
karamu katika nyumba ya kila mmoja wao kwa siku yake; nao wakatuma na kuwaita
maumbu yao watatu ili waje kula na kunywa pamoja nao.
Basi ilikuwa, hapo hizo siku za karamu zao zilipokuwa zimetimia, Ayubu
hutuma kwao akawatakasa, kisha akaamka asubuhi na mapema, na kusongeza sadaka
za kuteketezwa kama hesabu yao wote ilivyokuwa; kwani Ayubu alisema, Yumkini
kwamba hawa wanangu wamefanya dhambi, na kumkufuru Mungu mioyoni mwao. Ndivyo
alivyofanya Ayubu sikuzote.
Ilikuwa, siku moja ambayo hao
wana wa Mungu walikwenda kujihudhurisha mbele za Bwana, Shetani naye akaenda
kati yao.
Bwana akamwuliza Shetani,
Umetoka wapi wewe? Ndipo Shetani akamjibu Bwana, na kusema, Natoka katika
kuzungukazunguka duniani, na katika kutembea huku na huku humo.
Kisha Bwana akamwuliza Shetani,
Je! Umemwangalia huyo mtumishi wangu Ayubu? Kwa kuwa hapana mmoja aliye kama
yeye duniani, mtu mkamilifu na mwelekevu, mwenye kumcha Mungu na kuepukana na
uovu. Ndipo Shetani akamjibu Bwana, na
kusema, Je! Huyo Ayubu yuamcha Bwana bure?
Wewe hukumzingira kwa ukigo
pande zote, pamoja na nyumba yake, na vitu vyote alivyo navyo? Kazi za mikono
yake umezibarikia, nayo mali yake imeongezeka katika nchi.
Lakini nyosha mkono wako sasa,
uyaguse hayo yote aliyo nayo, naye atakukufuru mbele za uso wako.
Bwana akamwambia Shetani,
Tazama, yote aliyo nayo yamo katika uwezo wako; lakini usinyoshe mkono wako juu
yake yeye mwenyewe. Basi Shetani akatoka mbele za uso wa Bwana.
Ilitukia siku moja hao wanawe na
binti zake walipokuwa wakila na kunywa divai katika nyumba ya ndugu yao mkubwa,
mjumbe akamfikilia Ayubu na
kumwambia, Hao ng'ombe walikuwa wakilima, na punda walikuwa wakilisha karibu
nao;
mara Waseba wakawashambulia,
wakawachukua wakaenda nao; naam, wamewaua hao watumishi kwa makali ya upanga,
mimi peke yangu nimepona, mimi tu, kukuletea habari.
Huyo alipokuwa akali akinena,
akatokea na mwingine, na kusema, Moto wa Mungu umeanguka kutoka mbinguni na
kuwateketeza kondoo, na wale watumishi, na kuwaangamiza; mimi peke yangu
nimepona, mimi tu, kukuletea habari.
Huyo alipokuwa akali akinena,
akatokea na mwingine, na kusema, Wakaldayo walifanya vikosi vitatu,
wakawaangukia ngamia, wakaenda nao, naam, wamewaua wale watumishi kwa makali ya
upanga; mimi peke yangu nimepona, mimi tu, kukuletea habari.
Huyo alipokuwa akali akinena, akatokea na mwingine, na kusema, Wanao na
binti zako walikuwa wakila na kunywa divai katika nyumba ya ndugu yao mkubwa;
mara, tazama, upepo wenye nguvu
ukatoka pande za jangwani, ukaipiga hiyo nyumba pembe zake nne, nayo
ikawaangukia hao vijana, nao wamekufa; na mimi peke yangu nimepona, mimi tu,
kukuletea habari.
Mungu anaweza kukuwekea kingo,hapa tunaona jinsi shetani
alivyojihudhurisha kwenye kikao mbinguni na kuomba ruhusa kuyaharibu mafanikio ya Ayubu, Mungu alikua akijadili na shetani
bila Ayubu kujua,baada ya shetani kuruhusiwa akageuka akawa kiwanda katika
ulimwengu wa roho,akaanza kutengeneza matukio
katika ulimwengu wa mwili. Ayubu alikua
mtumishi wa Bwana mwenye kila kitu watoto ,mali n.k . lakini ni kikao kilikaliwa na kiwanda kikatengeneza uharibifu,shetani
akiruhusiwa matatizo yanakuja mtiririko,matukio yanaanza kutokea lakini yanakua
yametokea kiwandani,wewe unawaza ni matukio ya kawaida tu lakini yametokea
kiwandani.
Ukianza kusoma kitabu cha Ayubu ule mstari wa kumi na tatu
utaanza kuona matukio yanaanza kutokea kwa Ayubu jozi za ng,ombe,punda,kondoo
na watoto wake wote waliteketea kabisa hakikupona hata kimoja .Kuna watu
wanaweza kuja kwako leo kukuletea taarifa wengine sio watu wametokea
viwandani,wametumwa kukuletea taarifa za matukio ya uharibifu,ni kweli
wamekuletea taarifa mbaya zikakuvunja moyo lakini leo Bwana anakuja na taarifa
njema ya mbinguni ,taarifa ya ushindi ya kukomboa maisha yako. Kuna viwanda vinavyotengeneza matatizo ya familia utashangaa kizazi chenu wote mnakua na
matatizo ya kufanana . Wewe utaona ni matukio ya kawaida kumbe kuna kiwanda cha
rohoni kinachotengeneza matatizo hayo,tunamuona Ayubu ambaye shetani amegusa
maisha yake na baadaye akamletea taarifa mbaya lakini hakumkufuru Bwana
Hatua za kukiteketeza viwanda katika ulimwengu wa roho
1.Kwanza unavifunga
2.Unampiga mbunifu,mchoraji na mjenga kiwanda
3.Unakivunja
Yeremia 51:22-23
na kwa wewe nitawavunjavunja mwanamume na mwanamke; na kwa wewe
nitawavunjavunja mzee na mtoto; na kwa wewe nitawavunjavunja kijana mwanamume
na kijana mwanamke;
na kwa wewe nitamvunjavunja
mchungaji na kundi lake; na kwa wewe nitamvunjavunja mkulima na jozi yake ya
ng'ombe; na kwa wewe nitawavunjavunja maliwali na maakida.
Bwana amekufanya wewe kuwa rungu ,ingia katika ulimwengu
wa roho bomoa viwanda vyote ambavyo vimeshikilia maisha
yako,familia yako,ukoo wako,kazi yako ,huduma yako,bomoa na kuwateketeza
wamiliki wa viwanda ili wasiweze kujenga viwanda hivyo tena
|
UKIRI:
Katika jina la Yesu kristo
ninakifuatilia kiwanda kilicholeta mateso,magonjwa kwenye maisha yangu,napiga
viwanda vyote ,viwanda vya wachawi naitikisa misingi naikabili misingi ambayo
majini wameitumia ili kuzalisha magonjwa kwenye maisha yangu,naifunga kuzimu
yote ambayo imezalisha taabu kwenye maisha yangu.Ninawaachisha kazi watenda
kazi wote mnaofanya kazi kwenye viwanda ,ninawafyeka wote achia maisha
yangu,nateketeza viwanda vyote vilivyozalisha uharibifu katika maisha,naharibu
kiwanda chenu hamtatenda kazi,nakifuata kiwanda cha mateso ,kiwanda cha
utasa,kiwanda cha magonjwa leo naviteketeza kwa jina la Yesu. Amen
|
©MEDIA & INFORMATION MINISTRY
GLORY OF CHRIST TANZANIA CHURCH,
KANISA LA UFUFUO NA UZIMA
MKUNDI – MOROGORO (TANZANIA)
TEL: +255765979866
+255713459545