GLORY OF
CHRIST TANZANIA CHURCH,
KANISA LA UFUFUO
NA UZIMA MOROGORO
JUMAPILI -:- 27
NOVEMBA 2016.
MHUBIRI: STEVEN NAMPUNJU (RP - MOROGORO) &
Dr. GODSON
ISSA ZACHARIA (SNP - MOROGORO)
 |
| "Na Mataifa yote Watahubiriwa Injili kabla ya ule mwisho kuwapo"!! Pichani ni baadhi ya watu waliompa Yesu Kristo Maisha yao kwa Kuokoka katika Nyumba ya Ufufuo na Uzima Mkundi - Morogoro, hapo Jumapili 27/11/2016. |
Kimsingi Roho ndiyo iletayo uhai maishani
mwetu. Imeandikwa katika YOHANA 6:63…
(Roho
ndiyo itiayo uzima, mwili haufai kitu; maneno hayo niliyowaambia ni roho, tena
ni uzima.). Kumbe roho ndiyo itiayo uzima ndani mwetu. Roho ikiingia
ndani ya maisha ya mtu inawezesha atembee, afanye kazi, afanye mambo yote, na
endapo roho ya usingizi ikiingia ndani ya mtu itamfanya ashindwe kufanya hayo
yote. Roho ya usingizi ina nguvu ya kumlaza mtu asiweze kufanya jambo lolote.
Kwa kawaida mtua wapo usingizini hawezi kufanya maamuzi yoyote, na ili aweze
kufanya kazi lazima kwanza aitwe.
Usingizi ni "nusu ya kifo". Imeandikwa katika LUKA 8:52…(Na watu wote walikuwa wakilia na
kumwombolezea; akasema, Msilie, hakufa huyu, bali amelala usingizi tu.).
Hata sasa Yesu anasema usilie kwa sababu matumaini yako yaliyopotea jibu lake lipo kwa
Yesu pekee anayeweza kukuamsha tena ili utoke usingizini kwa Jina la Yesu.
 |
| Mhubiri wa ibada ya Jumapili, 27/11/2016 - RP Steven Nampunju akifundisha kuhusu ROHO YA USINGIZI |
Kila penye usingizi, nyuma yake kuna malengo.
Madaktari hutoa dawa za usingizi kwa wagonjwa wao ili waweze kumtibu na mgonjwa akeshaamka kutoka
usingizini anajikuta tayari kidonda cha operation ile kipo. Ni kweli ulilazwa lakini Yesu
amekuja kuyaponya majeraha yako ili
uendelee na shughuli zako. Adui zako wanafanya hivyo hivyo, kwamba wanawalaza watu usingizini
kwanza ili waweze kufanya uharibifu wao. Yu wapi aliyetoka katika upasuaji na
kuanza kubeba zege? Hawezi kwa sababu ya mshono uliopo. Adui ili wapate baadhi
ya vitu kutoka kwako hukulaza usingizini kwanza. Baada ya kuamka kutoka usingizini huwezi
kufanya baadhi ya shughuli ulizokuwa unazifanya kipindi cha nyuma.
 |
| Baba na Mama Dr. Godson Issa Zacharia katika ibada ya Jumapili 27/11/2016. |
JE,
KATIKA BIBLIA WAPO WATU WALIOWAHI KULAZWA USINGIZINI?
Ipo mifano mingi ya Kibiblia ya watu waliowahi
kulazwa usingizini. Mifano hiyo ni kama ifuatavyo:
1.
Adamu
Imeandikwa katika MWANZO 2:18-23…(Bwana Mungu akasema, Si vema huyo mtu awe
peke yake, nitamfanyia msaidizi wa kufanana naye. 19 Bwana Mungu akafanyiza
kutoka katika ardhi kila mnyama wa msituni, na kila ndege wa angani, akamletea
Adamu ili aone atawaitaje; kila kiumbe hai, jina alilokiita Adamu likawa ndilo
jina lake. 20 Adamu akawapa majina yao kila mnyama wa kufugwa, na ndege wa
angani, na kila mnyama wa mwituni; lakini hakuonekana wa kumsaidia Adamu
aliyefanana naye. 21 Bwana Mungu akamletea Adamu usingizi mzito, naye akalala;
kisha akatwaa ubavu wake mmoja, akafunika nyama mahali pake, 22 na ule ubavu
alioutwaa katika Adamu Bwana Mungu akaufanya mwanamke, akamleta kwa Adamu. 23
Adamu akasema, Sasa huyu ni mfupa katika mifupa yangu, na nyama katika nyama
yangu, basi ataitwa mwanamke, kwa maana ametwaliwa katika mwanamume.).
Mungu alikuwa na malengo ya kumtengeneza msaidizi wa Adamu, na ndipo akamlaza
Adamu usingizini. Hilo ndilo lilikuwa lengo la Mungu la kumlaza Adamu usingizini.
Tunajifunza kuwa, USINGIZI unaweza kutumwa kutoka sehemu moja
kwenda nyingine. Kama Mungu anaweza kuuleta usingizi kwa mtu, maana yake
ni kwamba hata adui yetu shetani anaweza kufanya hivyo hivyo. Cha kufanya ni
kumruhusu Mungu leo akulaze usingizini ili baadae utakapoamka uifanye kazi yake
katika Jina la Yesu. Wapo watu ambao ukiwaambia waokoke hawataki na hujitetea kuwa
wanazo dini zao nzuri. Ni kweli, lakini hata hivyo watu wa aina hii mambo yao yakeshaumana huko
ulimwenguni walipo hujikuta wanarudi kwa spidi kubwa wakiomba msaada ili
waokoke.
 |
| Umati wa Watendakazi wakisikiliza kwa makini somo la ROHO YZ USINGIZI katika ibada ya Jumapili 27/11/2016. |
2.
Sauli
Imeandikwa katika 1SAMWELI 26:7-12…(Basi Daudi na Abishai wakawaendea watu
usiku; na tazama, Sauli alikuwapo kati ya magari amelala usingizi, na fumo lake
limechomekwa chini, karibu na kichwa chake; naye Abneri na watu wake wamelala
wakimzunguka. 8 Ndipo Abishai akamwambia Daudi, Mungu amemtia adui yako
mikononi mwako leo; basi, niache nimpige kwa hilo fumo hata nchi kwa pigo moja,
sitampiga mara ya pili. 9 Lakini Daudi akamwambia Abishai, Usimwangamize; kwani
ni nani awezaye kuunyosha mkono wake juu ya masihi wa Bwana, naye akawa hana
hatia?10 Daudi akasema, Aishivyo Bwana, Bwana atampiga; au siku yake ya kufa
itampata; atashuka kwenda vitani na kupotea. 11 Hasha! Nisiunyoshe mkono wangu
juu ya masihi wa Bwana; lakini sasa tafadhali twaa hili fumo lililo kichwani
pake, na hili gudulia la maji, nasi twende zetu. 12 Basi Daudi akalitwaa lile
fumo, na lile gudulia la maji, kichwani pa Sauli; nao wakaenda zao, wala hapana
mtu aliyeliona jambo hili wala kulijua, wala kuamka; maana wote walikuwa
wamelala; kwa kuwa usingizi mzito kutoka kwa Bwana umewaangukia.).
Tunajifunza kwamba 'Usingizi waweza kumwangukia mtu'. Kama upo usingizi kutoka kwa Bwana unaoweza
kumwangukia mtu, basi ujue kuwa hata adui zetu (mashetani) wanaweza kufanya
hivyo hivyo. Ukilazwa usingizi, unaweza
kunyang’anywa fumo lako (Vitu ulivyopaswa kuvitumia ili kujikinga). Wale wote
waliochukua vitu vyetu tutawalaza usingizini, nakuchukua fumo zetu walizo nazo kwa Jina la
Yesu. Leo usingizi ukija, hata wale waliokuwa majemedari watalazwa tu katika Jina la Yesu. Kwa mtu aliyelazwa, pigo lake ni mara moja tu,
kama alivyosema Abishai.
Wachawi wanachokifanya ni kuwalaza usingizini
watu wote na kuyatesa maisha yao. Wanachokifanya ni kuituma roho la usingizi kwa
waombaji kuwafanya wasiombe tena na matokeo yake kazi ya Bwana inakuwa haifanyiki tena.
UKIRI
Leo nakataa kwa Jina la Yesu. Nayaamsha
maisha yangu kutoka kwenye mikono ya Iblisi anayelaza watu usingizini kwa Jina la Yesu. Amen
|
3.
Sisera
Huyu alikuwa shujaa na amiri jeshi wa jeshi
lake, ni shujaa aliyekuwa anashinda vita
siku zote. Hata hivyo kupitia usingizi aliweza kuangushwa.
WAAMUZI
4:1-3….(Hata
alipokufa Ehudi, wana wa Israeli wakafanya yaliyo maovu tena mbele za macho ya
Bwana. 2 Bwana akawauza na kuwatia katika mkono wa Yabini, mfalme wa Kanaani,
aliyetawala huko Hazori; na Sisera, aliyekaa katika Haroshethi wa Mataifa,
alikuwa amiri wa jeshi lake. 3 Wana wa Israeli wakamlilia Bwana; kwa kuwa
Sisera alikuwa na magari ya chuma mia kenda; naye akawaonea wana wa Israeli kwa
nguvu muda wa miaka ishirini.). Sisela alikuwa na magari ya chuma (Kwa
sasa ni kama Vifaru) mia tisa, na
aliwaonea wana wa Israeli kwa miaka 20 nao wakaendelea kumlilia Bwana ili
awasikie. Je, kilio chako kimedumu miaka mingapi? Yamkini unacho kilio cha
miezi michache tu na umeanza kukata tamaa ya kumlilia Bwana. Hupaswi kufa moyo
kwa sababu yupo Mungu mwenye uwezo. Daudi aliwahi kumwambia Goliath kuwa
"unanijia kwa silaha kali lakini mimi ninakujia kwa Jina la Bwana wa Majeshi
Mungu wa Israeli ambaye unayatukana majeshi yake".
Katika WAAMUZI
4:17-21 imeandikwa….( Lakini Sisera akakimbia kwa miguu, akaifikilia
hema ya Yaeli mkewe Heberi, Mkeni; kwa maana palikuwa na amani kati ya Yabini,
mfalme wa Hazori, na nyumba ya Heberi, Mkeni. 18 Yaeli akatoka kwenda kumlaki
Sisera, akamwambia, Karibu Bwana wangu, karibu kwangu; usiogope. Akakaribia
kwake hemani, naye akamfunika kwa bushuti. 19 Akamwambia, Tafadhali nipe maji
kidogo ninywe; maana nina kiu. Akafungua chupa ya maziwa, akampa kunywa,
akamfunika. 20 Naye akamwambia, Simama mlangoni pa hema; kisha itakuwa mtu awaye
yote akija na kukuuliza, akisema, Je! Yupo mtu hapa, basi, mjibu, La, hapana.
21 Ndipo Yaeli, mkewe Heberi, akatwaa kigingi cha hema, akashika nyundo mkononi
mwake, akamwendea polepole, akamtia kile kigingi katika kipaji chake, nacho
kikapenya, hata kuingia mchangani; kwa maana usingizi mzito ulikuwa umemshika;
basi akazimia, akafa.). Kumbe usingizi unaweza kumshika mtu na kumlaza.
Aliyelazwa usingizi haendewi haraka, anaendewa polepole. Shujaa aliyekuwa
akiogopwa sana ameuawa na mwanamke kwa kutumia kigingi cha hema. Leo hii utakitoa
kigingi cha hema (ambacho kwetu ni Kitabu cha Maombi ya Kushindana / Kitabu cha Damu ya Yesu,
n.k.) na kumwendea polepole adui yako na hakika utamuua kwa Jina la Yesu.
Usimuogope yeyotoe ambaye ni shujaa. Wachawi wamegundua kuwa usingizi ndiyo silaha kwao ya kuwalaza watu. Wapo watu ambao
zamani walikuwa washuhudiaji wazuri sana
lakini kwa sasa hiyo huduma hawaifanyi tena, kwa sababu wamelazwa usingizini.
Waliolazwa rohoni tayari na wapo tayari kufundisha washirika wapya kwa sababu
hawapo macho tena.
UKIRI
Kuanzia leo
maisha yangu lazima yaamke kwa Damu ya Yesu. Ninaamuru kila roho
zilizotumwa kuyalaza maisha yangu, nawapiga wachawi walionilaza
usingizini, ninawashinda wote kwa Jina
la Yesu. Amen
|
4.
Samsoni
Imeadikwa katika WAAMUZI 16:15-20 …(Mwanamke akamwambia, Wawezaje kusema,
Nakupenda; na moyo wako haupo pamoja nami? Umenidhihaki mara hizi tatu, wala
hukuniambia asili ya nguvu zako nyingi. 16 Ikawa, kwa vile alivyomsumbua kwa
maneno yake kila siku, na kumwudhi, roho yake ikadhikika hata kufa. 17 Ndipo
alipomwambia yote yaliyokuwa moyoni mwake, akamwambia, Wembe haukupita juu ya
kichwa changu kamwe; maana mimi nimekuwa Mnadhiri wa Mungu, tangu tumboni mwa
mama yangu; nikinyolewa, ndipo nguvu zangu zitanitoka, nami nitakuwa dhaifu,
nitakuwa kama wanadamu wenzangu. 18 Delila alipoona ya kuwa amemwambia yote
yaliyokuwa moyoni mwake, akatuma mtu akawaita wakuu wa Wafilisti, akisema,
Njoni huku mara hii tu, maana ameniambia yote aliyo nayo moyoni mwake. Ndipo wakuu
wa Wafilisti wakamwendea wakachukua ile fedha mikononi mwao. 19 Naye akamlaza
usingizi magotini pake. Kisha akamwita mtu akavinyoa vile vishungi saba vya
nywele za kichwa chake; akaanza kumsumbua, nguvu zake zikamtoka. 20 Kisha
akasema, Samsoni, Wafilisti wanakujia. Akaamka katika usingizi wake, akasema,
Nitakwenda nje kama siku nyingine, na kujinyosha. Lakini hakujua ya kuwa Bwana
amemwacha.). Mwanamke huyu Delila alitumia silaha ya usingizi na
kuweza kumshinda Samsoni. Nywele za Samsoni zilizomtoka baadae alijikuta hana
nguvu tena. Samsoni hakujua kuwa baada
ya kulazwa usingizi, vipo vitu vilimtoka pale pale. Mwanzoni ulikuwa unafunga
mara kwa mara, lakini leo hii umebaki na hoja kuwa unaogopa kupata vidonda vya
tumbo. Ulikuwa muombaji mzuri lakini leo hii maombi hakuna tena.
Shetani anapouleta usingizi maishani mwako
anakuwa na malengo yake. Shetani akileta usingizi, huondoa vile vitu ambavyo ni
"vihatarishi" kwake vilivyopo maishani mwa mtu (Kuondoa hamu ya kuomba, kuondoa hamu ya
kumtumikia Mungu n.k.). Kile kilichomo ndani mwako ndicho kinachowafanya
wachawi wakuwinde kwa sababu ndicho
kinachowapa shida siku zote.
Imeandikwa katika MATHAYO 13:24-30….(Akawatolea
mfano mwingine, akisema, Ufalme wa mbinguni umefanana na mtu aliyepanda mbegu
njema katika konde lake; 25 lakini watu walipolala, akaja adui yake akapanda
magugu katikati ya ngano, akaenda zake. 26 Baadaye majani ya ngano yalipomea na
kuzaa, yakaonekana na magugu. 27 Watumwa wa mwenye nyumba wakaenda wakamwambia,
Bwana, hukupanda mbegu njema katika konde lako? Limepata wapi basi magugu? 28
Akawaambia, Adui ndiye aliyetenda hivi. Watumwa wakamwambia, Basi, wataka
twende tukayakusanye? 29 Akasema, La; msije mkakusanya magugu, na kuzing'oa
ngano pamoja nayo. 30 Viacheni vyote vikue hata wakati wa mavuno; na wakati wa
mavuno nitawaambia wavunao, Yakusanyeni kwanza magugu, myafunge matita matita
mkayachome; bali ngano ikusanyeni ghalani mwangu.). Vyanzo vya mapando
mbalimbali maishani mwa watu hutokea baada ya kulala usingizini. Mapando haya yaweza kuwa
magonjwa, mafarakano, kuchanganyikiwa, hasara, ajali, n.k. Hayupo adui
anayeweza kupanda mapando haya wakati mtu yupo macho. Ndiyo maana tunasema
usingizi ni sawa na nusu kifo. Kwa hiyo adui anaweza kufanya jambo lolote pale
anapokuwa amemlaza mtu usigizini kwa sababu aliye usingizini hawezi kufanya
maamuzi. Leo ni siku ya kuwaamsha wote waliolazwa usingizini kwa Damu ya Yesu.
UKIRI
Ninawakabili walioniletea roho ya usingizi kwenye maisha
yangu. Ewe roho wa usingizi uliyekaa katika maisha toka kwa Damu ya Yesu. Leo
nazikataa roho za usingizi zilizotumwa kutokea baharini, na kutokea angani,
ninazishinda zote kwa Jina la Yesu. Amen
|
ROHO
A USNIGIZI NI KITU GANI?
Kimsingi haya ni mashetani yanayotumwa na adui na kuufunika
kabisa ufahamu wa mtu ili kumfanya mtu huyo awaze maisha ya kukata tamaa, na kumfanya mtu wa
aina hii asifanye maamuzi sahihi katika maisha yake. Roho hizi huweza kumfanya
mtu asikubali kuoa/kuolewa, asikubali uponyaji, asikubali kuokoka, akatae kuzaa
watoto n.k. Wewe kimsingi siyo mtu wa kawaida,
ila kinachokusumbua leo hii ni ule usingizi uliowekewa na adui zako.
Wapo walazaji wanaolaza maisha yako ili
uendelee kuwa mtu wa kawaida. Leo tutaenda kudai kutoka kwa Mungu wetu ili watu
wajitambue kwa Jina la Yesu. Hata hivyo inabidi mtu kutambua kuwa ili Mungu
akuisaidie ni sharti umpokee Yesu Kristo maishani mwako kwa kuokoka. Leo
tutawaamsha wote waliolazwa usingizini, ili wakiamka waanze kumtumikia Mungu
tena kwa Jina la Yesu.
© Media and
Information Ministry
Glory of Christ Tanzania Church,
(Kanisa la Ufufuo na Uzima)
Mkundi - Morogoro
Tel: +25571765979866 / +255713459545
|
