SOMO: VIFUNGO VYA KICHAWI

GLORY OF CHRIST TANZANIA  CHURCH

UFUFUO NA UZIMA MOROGORO

 

JUMAPILI: TEREHE 15 JANUARI 2017

 

MHUBIRI: ADRIANO MAKAZI (RP DAR ES SALAAM)

 

RP Adriano Makazi wakati akihubiri Jumapili 15/01/2017

Vipo vifungo kabisa vyenye asili ya kichawi. Na Kwanini vifungo hivi vinaitwa vifungo vya kichawi? Hii ni kwa sababu kila kifungo cha kichawi ni cha kishetani na kila kifungo cha kishetani ni cha kichawi. Ukumbuke kuwa  Wachawi wanaweza kumfunga mtu.  Akili ya mtu, maendeleo ya mtu, macho ya mtu, mafanikio ya mtu

Baba (Dr. Godson Issa Zacharia) akiomba kabla ya kumkaribisha Mhubiri RP Adriano Jumapili 15/01/2017

 

Imeandikwa katika LUKA 13:10-16… (Siku ya sabato alikuwa akifundisha katika sinagogi mojawapo.  11 Na tazama, palikuwa na mwanamke aliyekuwa na pepo wa udhaifu muda wa miaka kumi na minane, naye amepindana, hawezi kujinyosha kabisa. 12 Yesu alipomwona alimwita, akamwambia, Mama, umefunguliwa katika udhaifu wako.  13 Akaweka mikono yake juu yake, naye akanyoka mara hiyo, akamtukuza Mungu. 14 Basi mkuu wa sinagogi alikasirika kwa sababu Yesu amemponya mtu siku ya sabato, akajibu, akawaambia mkutano, Kuna siku sita zifaazo kufanya kazi, basi njoni mponywe katika siku hizo, wala si katika siku ya sabato. 15 Lakini Bwana akajibu akasema, Enyi wanafiki, kila mmoja wenu, je! Hamfungui ng'ombe wake au punda wake siku ya sabato katika zizi, aende naye kumnywesha? 16 Na huyu mwanamke, aliye wa uzao wa Ibrahimu, ambaye Shetani amemfunga miaka kumi na minane hii, haikupasa afunguliwe kifungo hiki siku ya sabato?).

Yesu alipoingia ndani ya sinagogi alimuona mtu  huyu aliyekuwa na pepo la udhaifu kwa muda wa miaka 18. Mtu huyu alikuwa anaenda kwenye sinagogi kila siku, na pengine alikuwa anatoa fungu la kumi , lakini hapakuwa na mtu wa kumtoa udhaifu huu, na watu waliona kuwa ana kibiongo tu cha kawaida, kumbe alikuwa na nyuma yake kuna pepo la udhaifu. Kila nyuma ya tatizo kuna roho nyuma yake.  Saa yako ikifika ya kufunguliwa uwe unajua kuomba au hujui, Yesu atakufungua tu. Yesu Yule Yule aliyemfungua huyu mama na leo pia atakufungua wewe kwa Jina la Yesu. Huyu mama alikuwa amefungwa na shetani kwa miaka 18, akiwa na pepo la udhaifu.

MATHAYO 17:14-21…( Nao walipoufikia mkutano, mtu mmoja akamjia, akampigia magoti, akisema, 15 Bwana, umrehemu mwanangu, kwa kuwa ana kifafa, na kuteswa vibaya; maana mara nyingi huanguka motoni, na mara nyingi majini. 16 Nikamleta kwa wanafunzi wako, wasiweze kumponya. 17 Yesu akajibu, akasema, Enyi kizazi kisichoamini, kilichopotoka, nitakaa pamoja nanyi hata lini? Nitachukuliana nanyi hata lini? Mleteni huku kwangu. 18 Yesu akamkemea pepo, naye akamtoka; yule kijana akapona tangu saa ile. 19 Kisha wale wanafunzi wakamwendea Yesu kwa faragha wakasema Mbona sisi hatukuweza kumtoa? 20 Yesu akawaambia, Kwa sababu ya upungufu wa imani yenu. Kwa maana, amin, nawaambia, Mkiwa na imani kiasi cha punje ya haradali mtauambia mlima huu, Ondoka hapa uende kule; nao utaondoka; wala halitakuwako neno lisilowezekana kwenu. 21 [Lakini namna hii haitoki ila kwa kusali na kufunga.]  )… Bwana Yesu hapa anakutana na kesi nyinginne akitokea mlimani, ya kijana mwenye kifafa. Baba wa motto huyu hakujua kuwa nyuma ya hicho kifafa kuna pepo / jinni la kusababisha tatizo hilo. Na ndiyo maana pepo huyu humtafuta kijana huyu maeneo ya moto au maji ili siku akifa watu waseme kilichomuua ni huo moto au maji aliyoangukia huko. Yapo mambo matatu ya kujifunza hapa:

·        Mwanane ana kifafa

·        Jinsi wanafunzi wameshindwa kuleta ufumbuzi

·        Jinsi gani wanafunzi walivyomwendea Yesu ili kupata utatuzi wa hili tatizo.

Wanafunzi wanaonekana wakimfuata Yesu kwa faragha na kumwuliza mbona wao wameshindwa kulitoa hilo pepo? Ina maana kuna mambo kadhaa wa kadhaa ambayo wanafunzi hawa wallikuwa hawayajui. Yesu aliwaambia sababu kuu ni upungufu wa imani yenu. Kwamba unapokuwa unashughulika na matatizo Fulani kwanza anagalia imani yako. biblia inasema imani huja kwa kusikia neno la Kristo (Warumi 17:10). Imani ni mkono wa kupokwa kutoka kwa Mungu. Imani ndiyo inayodhiirisha kuwa huyu mtu ni wa Mungu au la.  Imani inakufanya uwe na ujasiri wa kufanya mambo yasiyowezekana. Yamkini wanafunzi pia walikuwa na imani bila kuwa na matendo, kwa kuwa Biblia inasema imani bila matendo imekufa. Imani ina tendo la imani. Kuna mtu ana imani lakini imani yake imejificha kwenye pochi. Itoe imani yako nje kwa Jina la Yesu. Wapo watu wanaoogopa kuwa itakuwa je yasipotokea? Kwani ingetokea au istokee, utukufu unamrudia nani? Ni saa ya mtu wa Mungu kurudi katika asili yake. Itoe imani yako uliyoiweka kwenye boksi. Akina Shedraki, Meshaki na Abednego waliitoa imani yao nje, bila kumuogopa mtu yeyote.  Hawa walikataaa kuiabudu sanamu ya mfalme, wakiwa tayari kufa kwa imani yao. Ikumbukwe kuwa imeandikwa katika WAEBRANIA 11:1 (Basi imani ni kuwa na hakika ya mambo yatarajiwayo, ni bayana ya mambo yasiyoonekana.), na hivyo Unatakiwa kuamini kwanza kana kwamba yameshatokea.

Watendakazi wakiombea watu waliofungwa na Vifungo vya Kichawi Jumapili 15/01/2017

 

MARKO 5:25-34… (Na mwanamke mmoja mwenye kutoka damu muda wa miaka kumi na miwili, 26 na kuteswa mengi kwa mikono ya matabibu wengi, amegharimiwa vitu vyote alivyo navyo, kusimfae hata kidogo, bali hali yake ilizidi kuwa mbaya 27 aliposikia habari za Yesu, alipita katika mkutano kwa nyuma, akaligusa vazi lake; 28 maana alisema, Nikiyagusa mavazi yake tu, nitapona. 29 Mara chemchemi ya damu yake ikakauka, naye akafahamu mwilini mwake kwamba amepona msiba ule. 30 Mara Yesu, hali akifahamu nafsini mwake kwamba nguvu zimemtoka, akageuka kati ya mkutano, akasema, Ni nani aliyenigusa mavazi yangu? 31 Wanafunzi wake  akamwambia, Je! Wawaona makutano wanavyokusongasonga, nawe wasema, Ni nani aliyenigusa? 32 Akatazama pande zote ili amwone yule aliyelitenda neno hilo. 33 Na yule mwanamke akaingiwa na hofu na kutetemeka, akijua lililompata, akaja akamwangukia, akamweleza kweli yote. 34 Akamwambia, Binti, imani yako imekuponya, enenda zako kwa amani, uwe mzima, usiwe na msiba wako tena.).

Tatizo la huyu mama liliongezeka siku hadi siku. Kwa kusikia habari za Yesu, huyu mama alijenga imani na kuweka mkakati wa jinsi ya kumfikia Yesu kwa uponyaji wake. Yawezekana mwanamke huyu alitangatanga sana kutafuta upenyto wa kumuona Yesu kwa muda mrefu. Inawezekana huyu mama amemwendea Yesu siku ya kwanza, nay a pili na hata wiki nzima lakini akashindwa kumpata. Unajua kumtafuta Yesu siyo kazi ya kuamka na kumwendea. Mimi nakushangaa wewe ambaye umetafuta uponyaji kwa siku mbili au tatu na umeanza kukata tamaa. Imeandikwa katika WAGALATIA 4:4 (Hata ulipowadia utimilifu wa wakati, Mungu alimtuma Mwanawe ambaye amezaliwa na mwanamke, amezaliwa chini ya sheria,) Hata kama zipo tatratibu zilizowekwa na ulimwengu huu, au na wagganga wa kienyeji, lakini siku au saa yako ikifika imefika na hakuna wa kuweza kuizuia kwa Jina la Yesu.

 

Elisha alipokuwa anaambatana na Eliya, wale wana wa manabii walikuwa wakimtahadharisha kuhusu kutwaliwa kwa bwana wake, lakini akawajibu kuwa anajua wanyamaze. Wapo watu walipokuona umeanguka walishangilia wakijua utabakia hapo hapo. Cha kufanya simamam tena na uanze safari yako tena hata ufike unapoelekea kwa Jina la Yesu.

 

UKIRI Ninaamuru kuanzia vifungo vyote vya kichawi ninavikata, naviharibu vifungo vya umaskini, vifungo vya utasa, leo naviharibu vyote kwa Jina la Yesu. Amen

 

Watendakazi wakifuatilia kwa makini Maandiko ya Biblia Jumapili 15/01/2017

Kwa habari za Hamani, jemedari mkuu wa jeshi la Syria, alimwendea Elisha akitaka uponyaji. Hata alipomfikia Gehazi na kumweleza shida zake, Gehazi alimwendea Elisha na kupata maelekezo kuwa aende kujichovya katika mto Yordani mara 7. Jambo hili lilimuudhi sana Hamani, kwa sababu alikuja na misimamo yake. Ukiwa na ukoma hupaswi kuwa na hasira, unapswa kuwa mtulivu na kutii maelekezo.  Hamani aliingia na tarratibu zake, lakini akaambiwa hatufanyi hivyo. Kila nyumba ina taratibu zake, usitumie taratibu za nyumba yako kuzileta kwa nyumba ya watu wengine. Inawezekana hata wewe una tatizo lakini unaliwekea taratibu za jinsi ya kulitoa. Ukiendelea hivyo Mungu atakuacha ubaki hivyo hivyo, na wala hata kusemesha.

 

Wachawi wanapotaka kumtesa mtu, wanaiologa hata akili yake. Ndiyo maana katika WAGALATIA 3:1 Imeandikwa (Enyi Wagalatia msio na akili, ni nani aliyewaloga, ninyi ambao Yesu Kristo aliwekwa wazi mbele ya macho yenu ya kuwa amesulibiwa?), ikiwa na maana kuwa hata akili za watu zinaweza kulogwa. Katika nchi ya Tanzania, kuna kila aina ya fursa za kuwezesha watu kupata pesa. Kinachokosekana na akili ya kuzipata hizo fursa. Unachopaswa kufanya ni kumuomba Mungu ili akupe akili. Farao aliota ndoto na kukosa mtu wa kuitafsiri, lakini baadae aliletewa Yusufu akitokea gerezani, ambaye alimpa majibu ya ndoto zile. Farao baadae alimpa uongozi Yusufu kwa sababu katika utawala wake hakumuona mtu mwenye akili ya kuleta majibu kwa Taifa lake. Akili ni kila kitu, hata kwa wanaume Biblia inasema “Enyi wanaume ishini na wake zenu kwa Akili”, ikimaanisha kama yupo mwanaume anayeshindwa kuishi vizuri na mke wake ni dhahiri kuwa amelogwa na hana akili. Katika Biblia tunamuona Danieli akisoma vitabu na kugundua kuwa muda wa kurudi kutoka utumwani umewadia. Imeandikwa katika DANIELI 9:22..(Akaniagiza, akaongea nami, akasema, Ee Danieli, nimetokea sasa, ili nikupe akili upate kufahamu.).  Kumbe hata Mungu alimpa Danieli akili.

 
Wapo watu ambao wana matatizo yanayofanana na matatizo ya wazazi wao. Kwamba kijana ana tatizo lenye kufanana na la mzazi wake. Hii inaonesha kuwa kwenye familia kuna vitu vinapitishwa mle. Shetani aliliona tumbo la Elizabeth na kulifunga kwa sababu ndani yake angezaliwa Yohana Mbatizaji wa kuisafisha njia ya Bwana.  Ukimwangalia Hanna, naye alikuwa tasa, lakini lengo la shetani kulifunga tumbo la Hanna lilikuwa kumzuia Samweli asizaliwe. Hanna alipoenda Shilo, na kumlilia Bwana, baadae Mungu alimjibu. Ili upate ufumbuzi wa shida yako nenda nyumbani kwa Bwana. Hata hivyo katika kumtafuta Bwana, wapo wavunja moyo. Hanna alikumbana na Eli (Kuhani wa Bwana), ambaye alimuona kama mama mlevi. Yupo mmoja tu aliyekufa kwa ajili yako, Yesu Kristo. Akina Martha na Maria walipokuwa pale kaburini mwa Lazaro walimwambia Yesu kuwa ndugu yao amkeaa kaburini kwa siku nne na ananuka sasa!! Kuna nyakati nyingne matatizo yako yanakuwa mengi, yananuka na  hata kuwakera ndugu zako.

 

Yesu aliutoa mfano wa Msamaria Mwema, ambaye alimsaidia yule mtu aliyejerushiwa na majambazi. Walipopita Kuhani na Mlawi hakuna hata mmoja wao aliyekuwa tayari kwa ajili ya kutoa msaada. Ndivyo ilivyo asili ya mwanadamu, kwamba unapokuwa na maisha mazuri watakuwa karibu na wewe. Yamkini hata wewe wapo wanadamu walipokuona kuwa una maisha mazuri, wakaja kwako na kukusalimia kwa heshima zote. Lakini leo hii kwa kuwa umejeruhiwa, na maisha yamekwenda mrama na matokeo yake wote wamekukimbia na hawapo karibu na wewe tena.

 

Kwa wewe ambaye hujaokoka, maneno kama haya hayana maana kwako, kwa sababu hujapata kibali cha kuitwa “Mwana wa Mungu”. Hii ni kwa sababu endapo mtu hajaokoka, shetani na mtu wa aina hiyo wako kitu kimoja.

 

====WAWEZA PIA KUFUATILIA SOMO HILI KWA KUBONYEZA LINK HAPA CHINI ====


Vifungo vya Kichawi

 

© Media and Information Ministry Glory of Christ Tanzania Church, (Kanisa la Ufufuo na Uzima) Mkundi - Morogoro Tel: +255719612874 / +255713459545