VIFUNGO VYA UFAHAMU ~ UFUFUO NA UZIMA

GLORY OF CHRIST TANZANIA CHURCH

[UFUFUO NA UZIMA MOROGORO]

JUMAPILI: 12 FEBRUARI 2017

MHUBIRI: PASTOR STEVEN NAMPUNJU (RP)

& PASTOR HAPPINESS GODSON (RP)

Pastor Happiness Godson (RP) akifungua ibada kwa Maombi kabla ya Kumkarabisha Mhubiri wa Leo Jumapili 12/2/217

Maana ya ufahamu ni ule uwezo wa mtu wa kuelewa mambo fulani fulani maishani mwake. Ufahamu na akili huendana pamoja. Akili ni ule uwezo wa kufikiri na kuamua mambo kwa ufasaha unaotakiwa. Na endapo mtu amefungwa ufahamu wake, maana yake mtun huyo hatakuwa na uwezo huo wa kufanya maamuzi. Wapo watu wanaokuwa wamefungwa katika kufanya maamuzi. Mungu akitaka kumuokoa mtu anamwekea ufahamu ndani yake wa kutaka kuokoka. Ufahamu ni kama ghala la silaha analotumia Mungu kutunza silaha zake za vita. Mtu akienda shuleni lengo lake ni kuupata ufahamu wa jambo fulani.

Shetani humwinda mtu ili kumfanya mtu huyo asiupate ufahamu wake. MITHALI 3:13-17 (Heri mtu yule aonaye hekima, Na mtu yule apataye ufahamu. 14 Maana biashara yake ni bora kuliko biashara ya fedha, Na faida yake ni nyingi kuliko dhahabu safi. 15 Yeye ana thamani kuliko marijani, Wala vyote uvitamanivyo havilingani naye. 16 Ana wingi wa siku katika mkono wake wa kuume, Utajiri na heshima katika mkono wake wa kushoto. 17 Njia zake ni njia za kupendeza sana, Na mapito yake yote ni amani.). Mtu apatapo ufahamu mtu huyo huitwa ni “heri”.

MWANZO 41:28-36….(Ndivyo nilivyomwambia Farao, ya kwamba Mungu amemwonyesha Farao atakayoyafanya hivi karibu. 29 Tazama, miaka saba ya shibe inakuja, katika nchi yote ya Misri. 30 Kisha kutakuja miaka saba ya njaa baada yake; na shibe ile yote itasahauliwa katika nchi ya Misri, na njaa itaiharibu nchi. 31 Wala shibe ile haitajulikana katika nchi kwa sababu ya njaa inayokuja baadaye, maana itakuwa nzito sana. 32 Na ndoto ya Farao kwa vile ilivyokuja mara mbili, ni kwa sababu neno hilo Mungu amelithibitisha, na Mungu atalitimiza upesi. 33 Basi, Farao na ajitafutie mtu wa akili na hekima amweke juu ya nchi ya Misri. 34 Farao na afanye hivi, tena akaweke wasimamizi juu ya nchi, na kutwaa sehemu ya tano katika nchi ya Misri, katika miaka hii saba ya kushiba. 35 Na wakusanye chakula chote cha miaka hii myema ijayo, wakaweke akiba ya nafaka mkononi mwa Farao wakakilinde kuwa chakula katika miji. 36 Na hicho chakula kitakuwa akiba ya nchi kwa ajili ya miaka hiyo saba ya njaa, itakayokuwa katika nchi ya Misri, nchi isiharibike kwa njaa.). Yusufu aliliona tatizo la njaa kupitia ndoto ya Farao, na akatafutia ufumbuzi kwa akili na nchi yote ikaweka akiba ya chakula kipindi cha miaka saba ya shibe ili ije itumike kwa kipindi cha miaka saba ya njaa iliyofuata.

Mwenye ufahamu hahitaji uangalizi wa karibu. Ndiyo maana watoto wadogo huhitajji mtu wa kuwalinda ili wasidhurike kwa sababu ya kuukosa ufahamu. Ufahamu wa mtu humfanya afanikiwe ama asifanikiwe. AYUBU 39:17..(Kwa sababu Mungu amemnyima akili, Wala hakumpa fahamu.). Kumbe kuna uwezekano wa kunyimwa akili na kuukosa ufahamu vile vile. Je, mtu asiye na akili au ufahamu huwa anafananishwa na kitu gani? Jibu la swali hili lipo katika ZABURI 49:12…(Lakini mwanadamu hadumu katika heshima, Bali amefanana na wanyama wapoteao.).

Pastor Steven Nampunju (RP) akifundisha ibadani Jumapili 12/2/2017, Ufufuo na Uzima Morogoro

MAMBO YA KUJIFUNZA KUPITIA UFAHAMU.

1. Ukiwa na ufahamu unapata hifadhi. Katika MITHALI 2:11 Imeandikwa…(Busara itakulinda; Ufahamu utakuhifadhi.). Kazi ya ufahamu maishani mwako ni kukupatia hifadhi.

2. Njia ya Ufahamu humfanya mtu kuishi. Imeandikwa pia katika MTIHALI 9:6...(Enyi wajinga, acheni ujinga, mkaishi, Mkaende katika njia ya ufahamu.) Ukikosa ufahamu maana yake umejitengenezea mazingira ya kutoishi.

3. Ufahamu utakuepusha na mapigo. Imeandikwa pia katika MITHALI 10:13…(Hekima hupatikana midomoni mwa mwenye ufahamu; Bali fimbo hufaa kwa mgongo wake asiye na ufahamu..). Ukiwa na ufahamu unajiepusha na mapigo mbalimbali (mfano: balaa, magonjwa, umaskini, laana, mikosi n.k). Haya mapigo yameamriwa kwa mtu asiye na ufahamu. Nikiupata ufahamu maana yake najiepusha na fimbo na mapigo ya ulimwenguni humu.

UKIRI

Kuanzia leo, nakjuanzia sasa, endapo ipo taabu iliyokaa maishani mwangu kwa sababu ya kuukosa ufahamu leo nakataa kwa Jina la Yesu. Ewe uliyeshika ufahamu wangu rudisha kwa Jina la Yesu. Amen.

Platform wa Ufufuo na Uzima Morogoro wakimwabudu Bwana, Jumapili 12/2/2017

4. Ukikosa ufahamu unaweza kufa. Imeandikwa katika MITHALI 10:21… (Midomo ya mwenye haki hulisha watu wengi; Bali wapumbavu hufa kwa kuwa hawana ufahamu.). Kumbe Chanzo cha vifo vya watu wengi hutokana na ukosefu wa ufahamu. Kupitia ufahamu, hutaogopa chochocte kwa sababu ufahamu utakuwa unatembea na wewe.

5. Ufahamu huleta upendeleo. Imeandikwa katika MITHALI 13:15…(Ufahamu mwema huleta upendeleo; Bali njia ya haini huparuza.). Kumbe ukiwa kazini na ukaona upendeleo ukiwa juu ya mtu fulani ni kwa sababu ya jufahamua alio nao huo mtu. Ufahamu mwema kama unaleta upendeleo, maana yake ufahamu mbaya hauwezi kuleta upendeleo wowote. Upendeleo katika afya njema, maisha mazuri n,k hupatikana tu kwa kuwa na ufahamu mwema. Ndiyo maana shetani huiba ufahamu ili kusababisha mtu asipate upendeleo mahali popote pale. Hata kwenye biashara, utakuta duka moja lina wateja wengi zaidi ya maduka mengine ni kwa sababu ya tofauti za ufahamu. Yamkini mwenye duka mwenye fahamu zake ameweka TV ya kuonesha habari na kwa hivyo wateja hupendelea kupata huduma mahali hapo kwa sababu wakati wa kuapata huduma zao pia wanazijua pia habari mbalimbali za dunia hii.

6. Mwenendo wa mtu huvyoonshwa kwa njia ya ufahamu. Imeandikwa katika MITHALI 15:21…(Upumbavu ni furaha kwake aliyepungukiwa na akili; Bali mwenye ufahamu huunyosha mwenendo wake.). Kumbe mtu mwenye ufahamu anaweza kuunyoosha mwenendo wake. Biblia inasema kuwa Ufahamu ni chemchemi ya uzima. MITHALI 16: 22 …(Ufahamu ni chemchemi ya uzima kwake aliye nao; Bali kufundishwa kwa wapumbavu ni upuzi wao). Kanisani tunafundishwa maarifa mbalimbali ili yawe chemchemi ya uzima kwa uzao wetu, familia zetu n.k. Katika MITHALI 19:8 Imeandikwa….(Apataye hekima hujipenda nafsi yake; Ashikaye ufahamu atapata mema.). Kumbe ufahamu unaweza kukamatwa ama kushikwa. Leo tutaita fahamu zetu ili popote zinaposhikiliwa ziachiliwe kwa Jina la Yesu.

Ili uweze kumsaidia mtu aliyefungwa katika ufahamu wake, kwanza umsaidie kwa kuufungua ufahamu wake umrudie. Ili kumkabili mwenye nguvu yeyyote, kwanza ni kwa kumfunga kisha kunnyng’anya silaha zake. Imeandikwa katika 2TIMTHEO 2:26.. (wapate tena fahamu zao, na kutoka katika mtego wa Ibilisi, ambao hao wametegwa naye, hata kuyafanya mapenzi yake). Tunjaifunza kuwa kumbe kuna uwezekano wa ufahamu wa mtu kuchukuliwa, na anayeuchukua ufahamu wa mtu ni ibilisi shetani.

Kwa wewe ambaye hujaokoka leo mpe Yesu maisha yako, ili Mungu aweze kukusaidia tena na kuupata ufahamu wako kwa Jina la Yesu. Imeandikwa katika KUMBUKUMBU 32:29…(Laiti wangekuwa na akili, hata wakafahamu haya, Ili watafakari mwisho wao.) pengine unaweza kuwa uliokoka hapo awali kisha ukarudi nyuma, leo hii Mungu akupe akili na ufahamu tena na kumpokjea upya Yesu kuwa Bwana na Mwokozi wa maisha yako. Amen.

========== M W I S H O ========

KWA MSAADA ZAIDI NA MAOMBEZI WASILIANA NA NASI KIPITIA:

FACEBOOK: Pastor Dr Godson Issa Zacharia

SIMU: 0719 798778 (Sms only)

BLOG: Ufufuo na Uzima Morogoro
http://ufufuonauzimamorogoro.blogspot.com/?m=0

GLORY OF CHRIST TANZANIA CHURCH,

(Kanisa la Ufufuo na Uzima)

Mkundi - Morogoro

Tel: +255719612874 / +255713459545

Tuesday, February 14, 2017

VIFUNGO VYA UFAHAMU

Pages