GLORY OF CHRIST TANZANIA CHURCH (GCTC)
{KANISA LA UFUFUO NA
UZIMA → MOROGORO}
JUMAPILI YA PASAKA: 16 APRIL
2017
MHUBIRI: PASTOR Dr. GODSON ISSA ZACHARIA (SNP)
 |
| Pastor Dr. Godson Issa Zacharia akiomba siku ya Pasaka 16/4/2017 kabla ya Kuhubiri |
Leo watu duniani kote wanaadhimisha siku ya Kufufuka kwa Yesu
Kristo. Yesu Kristo hayupo kaburini tena, kwani alifufuka siku kama hii. Tunasoma
katika MATHAYO 27:27-31 (Ndipo
askari wa liwali wakamchukua Yesu ndani ya Praitorio, wakamkusanyikia kikosi
kizima. 28 Wakamvua nguo, wakamvika vazi jekundu. 29 Wakasokota taji ya miiba,
wakaiweka juu ya kichwa chake, na mwanzi katika mkono wake wa kuume; wakapiga magoti mbele yake, wakamdhihaki,
wakisema, Salamu, Mfalme wa Wayahudi! 30 Kisha wakamtemea mate, wakautwaa ule
mwanzi, wakampigapiga kichwani. 31 Walipokwisha kumdhihaki, wakalivua lile
vazi, wakamvika mavazi yake, wakamchukua kumsulibisha.). Tunajifunza
kuwa Safari ya Yesu kuelekea Kalvari iliandamana na dhihaka, matusi,
kudharauliwa na mateso mengi. Yesu alidhihakiwa na watu wale wale aliowasaidia
na kuwaponya. Hata wewe Ukiona watu wanakudharau na kukutemea mate, ujue ushindi
wako uko karibu. Ukiona watu wanakuvua nguo zako (kukuaibisha) ujue kuwa ushindi
wako uko karibu.
 |
| Ibada ya Kusifu na Kuabudu ikiongozwa na Platform wa Ufufuo na Uzima Morogoro siku ya Pasaka 16.4.2017. |
Wale waliokuwa
wakimpiga Yesu ni wanadamu kama sisi. Imeandikwa katika MATHAYO 27:37–49 (Wakaweka juu ya kichwa chake mashitaka yake,
yaliyoandikwa HUYU NI YESU, MFALME WA WAYAHUDI. 38 Wakati uo huo wanyang'anyi
wawili wakasulibiwa pamoja naye, mmoja mkono wake wa kuume, na mmoja mkono wake
wa kushoto. 39 Nao waliokuwa wakipita njiani wakamtukana, wakitikisatikisa
vichwa vyao, wakisema, 40 Ewe mwenye kulivunja hekalu na kulijenga kwa siku
tatu, jiokoe nafsi yako; ukiwa ndiwe Mwana wa Mungu, shuka msalabani. 41
Kadhalika na wale wakuu wa makuhani wakamdhihaki pamoja na waandishi na wazee,
wakisema, Aliokoa wengine, hawezi kujiokoa mwenyewe. 42 Yeye ni mfalme wa
Israeli; na ashuke sasa msalabani, nasi tutamwamini. 43 Amemtegemea Mungu; na
amwokoe sasa, kama anamtaka; kwa maana alisema, Mimi ni Mwana wa Mungu. 44 Pia
wale wanyang'anyi waliosulibiwa pamoja naye walimshutumu vile vile. Kabla
ya haya kutokea, tukumbuke kuwa Yuda Iskariote ndiye aliyehusika kuratibu
kukamatwa kwa Yesu. Lakini Yesu alisema “Ole
wake atakayeisaliti Damu isiyo na hatia”. Alichokifanya Yesu ni kuwaonya
wanafunzi wake wasikubali kufanya usaliti ule.
Pamoja na onyo hilo, hata hivyo Yuda alidanganyika na kuchukua vipande
vya fedha ili kumsaliti Yesu. Yuda Isakriote alikuja na kumbusu Yesu. Hili ni
fundisho kwetu kuwa siyo kila atakayekubusu anafanya hivyo kwa nia njema. Hata
hivyo, Adhabu ya mtu yeyote anayefanya usaliti kwa damu isiyo na hatia ni kifo.
Imeandikwa katika MATHAYO 27:45-54 (Basi tangu saa sita palikuwa na
giza juu ya nchi yote hata saa tisa. 46 Na kama saa tisa, Yesu akapaza sauti
yake kwa nguvu akisema, Eloi, Eloi, lama sabakthani? Yaani, Mungu wangu, Mungu wangu, mbona
umeniacha? 47 Na baadhi yao waliohudhuria, waliposikia, walisema, Huyu anamwita
Eliya. 48 Mara mmoja wao akaenda mbio, akatwaa sifongo, akaijaza siki, akaitia
juu ya mwanzi, akamnywesha. 49 Wale wengine wakasema, Acha; na tuone kama Eliya
anakuja kumwokoa. 50 Naye Yesu akiisha kupaza sauti tena kwa
nguvu, akaitoa roho yake. 51 Na tazama,
pazia la hekalu likapasuka vipande viwili toka juu hata chini; nchi
ikatetemeka; miamba ikapasuka; 52 makaburi yakafunuka; ikainuka miili mingi ya
watakatifu waliolala;53 nao wakiisha kutoka makaburini mwao, baada ya kufufuka
kwake, wakauingia mji mtakatifu, wakawatokea wengi. 54 Basi yule akida, na hao
waliokuwa pamoja naye wakimlinda Yesu, walipoliona tetemeko la nchi na mambo
yaliyofanyika, wakaogopa sana, wakisema, Hakika huyu alikuwa Mwana wa Mungu.).
Kupitia sauti ya Yesu aliyoipaaza akiwa msalabani, miamba ilitikiswa, makaburi
yalipasuka, na waliokuwemo ndani wakatoka nje na kuwatokea watu wengi.
Kupitia nguvu hii,
iliyosababisha makaburi kupasuka, tunatangaza leo kuwa makaburi yanayozuia
mahitaji yako, kazi yako, upendeleo wako, ndoa yako n.k, yote yapasuke mara
moja kwa Jina la Yesu. Tunakutangazia wewe kuwa yupo mmoja tu aliyeishinda
mauti, huyu ni YESU KRISTO. Wale watu walimchoma Yesu Kristo mkuki ubavuni,
Damu na Maji yakamwagika. Kwa nini
walimchoma mkuki ubavuni? Hii ilikuwa njia ya kuthibitisha kuwa Yesu amekufa au
la. Na kwa hiyo, kwa maji na damu ile, ni dhahiri kuwa siku ile Yesu alikufa
kweli kweli.
Yesu akisema kitu
lazima kinakuwa. Kwa kufufuka kwa Yesu, roho za mauti nazo tunazishinda. Pamoja
na kuwa Yesu tayari alikuwa keshazikwa kaburini, lakini bado askari waliwekwa
pale kaburini ili kuulinda mwili wa Yesu ili asifufuke. Katika MATHAYO 27:63-66 tunasoma (wakasema,
Bwana, tumekumbuka kwamba yule mjanja alisema, alipokuwa akali hai, Baada ya
siku tatu nitafufuka. 64 Basi amuru kwamba kaburi lilindwe salama hata siku ya
tatu; wasije wanafunzi wake wakamwiba, na kuwaambia watu, Amefufuka katika
wafu; na udanganyifu wa mwisho utapita ule wa kwanza. 65 Pilato akawaambia, Mna
askari; nendeni mkalilinde salama kadiri mjuavyo. 66 Wakaenda, wakalilinda
kaburi salama, kwa kulitia lile jiwe muhuri, pamoja na wale askari walinzi).
Ndiyo kusema kuwa, hata wewe wapo watu walioweka askari wa kishetani ili
kukulinda usifanikiwe. Lengo la hao watu ni kuona kuwa ahadi za Mungu kwako hazitimii
kamwe.
Katika MATHAYO 28:1-5 tunasoma maneno haya: (Hata
sabato ilipokwisha, ikipambazuka siku ya kwanza ya juma, Mariamu Magdalene, na
Mariamu yule wa pili, walikwenda kulitazama kaburi.2 Na tazama, palikuwa na
tetemeko kubwa la nchi; kwa sababu malaika wa Bwana alishuka kutoka mbinguni,
akaja akalivingirisha lile jiwe akalikalia. 3 Na sura yake ilikuwa kama umeme,
na mavazi yake meupe kama theluji. 4 Na kwa kumwogopa, wale walinzi
wakatetemeka, wakawa kama wafu. 5 Malaika akajibu, akawaambia wale wanawake,
Msiogope ninyi; kwa maana najua ya kuwa mnamtafuta Yesu aliyesulibiwa.).
Kwa mara nyingine tena tunajifunza kuwa Yesu akisema jambo lazima linakuwa. Hapa
tunamuona MALAIKA anawakumbusha
wanafunzi wa Yesu kuwa waelekee Galilaya ili wakutane na Yesu kama
alivyowaahidi hapo awali aliposema katika MATHAYO
26:32 kwamba “Lakini baada ya kufufuka kwangu, nitawatangulia kwenda Galilaya.”.
 |
| Pichani ni sehemu tu ya umati wa watendakazi na waumini waliojitokeza siku hiyo ya Pasaka 16.4.2017 - Ufufuo na Uzima Morogoro |
Leo ni siku ya
kukumbuka kuwa YESU WETU YUPO HAI, na
kaburi lake lipo wazi. Kila kitu chako kilichokuwa makaburini lazima leo kiwe wazi
kwa Jina la Yesu.
========== AMEN ========
KWA MSAADA
ZAIDI NA MAOMBEZI WASILIANA NASI KIPITIA:
FACEBOOK: Pastor Dr Godson Issa Zacharia
Follow
us on INSTAGRAM: pastordrgodson
Follow
us on YOUTUBE: pastor:dr.godson
TEL: 0719 798778 (Sms
only)
BLOG: Ufufuo na Uzima Morogoro http://ufufuonauzimamorogoro.blogspot.com/