DAMU YA YESU JUU YA WATESI WANGU - Na Pastor Godson Issa Zacharia (Snp)

JUMAPILI: 04 MAY 2014 - UFUFUO NA UZIMA MOROGORO

Utangulizi: Somo la leo ni  Damu  ya Yesu juu ya Watesi wangu. Tangia Agano la Kale, kila aina ya kafara iliyofanyika Damu ilitumika. Ndiyo maana hata sasa, wachawi na waganga wa kienyeji  wakitaka kufanya kazi zao za uharibifu huhitaji damu, aidha ya wanyama kama kondoo, mbuzi, kuku n.k.

WAEBRANIA 9:22….[Na katika Torati karibu vitu vyote husafishwa kwa damu, na pasipo kumwaga damu hakuna ondoleo.]… Pasipo kumwaga damu hakuna ondoleo lolote. Katika damu ndio kuna ukombozi wote. Damu inatakiwa imwagike ili mtu awe salama. Adamu na Eva walipotenda dhambi, Mungu mwenyewe alimchinja mnyama na kufanya ile ngozi ya yule mnyama iwe vazi kwa ajili yao.

Makuhani waliagizwa pia kuchinja wanyama kwa ajili  ya kuwapatansiha watu na Mungu baada ya watu kutenda dhambi. Damu ilipomwagika, iliwapa uwezo wa kusogea mbele za Bwana. Jambo hili endapo lingeendelea, si ajabu leo hii wanyama wasingekuwepo tena, kwani wanadamu wanatenda dhambi mara kwa mara. Ndiyo maana Yesu alimwaga damu yake mara moja tu ili kafara zote za kumwaga damu za wanyama zikome mara moja.

Katika dunia hii wanasayansi wamekuwa na uwezo mkubwa sana kufantaya tafiti na kugundua mambo mengi sana. Hata  hivyo hayuop hata mmoja aliyeweza kugundua DAMU au kutengeneza DAMU.

TABIA ZA DAMU

1. Damu ina uhai ndani yake. WALAWI 17:11….[Kwa kuwa uhai wa mwili u katika hiyo damu; nami nimewapa ninyi hiyo damu juu ya madhabahu, ili kufanya upatanisho kwa ajili ya nafsi zenu; kwani ni hiyo damu ifanyayo upatanisho kwa sababu ya nafsi.]…. MWANZO 9:4… [Bali nyama pamoja na uhai, yaani, damu yake, msile. 5 Hakika damu yenu ya uhai wenu nitaitaka; na kwa mkono wa kila mnyama nitaitaka; na kwa mkono wa mwanadamu, kwa mkono wa ndugu ya mtu nitataka uhai wa mwanadamu.]… Hii ina maanisha kwamba, kwa kuwa uhai u ndani ya  damu, ndiyo maana wanasayansi wameshindwa kutengeneza damu, la sivyo wangeweza kutengeneza uhai  pia.
2. Damu ina Sauti.
3. Damu inanena / au  ina uwezo wa kuongea. WAEBRANIA 12:24…[na Yesu mjumbe wa agano jipya, na damu ya kunyunyizwa, inenayo mema kuliko ile ya Habili.]
4. Damu inaweza kulia…. MWANZO 4:10…[Akasema, Umefanya nini? Sauti ya damu ya ndugu yako inanililia kutoka katika ardhi.]… Kwa hiyo Mungu alisikia sauti ya damu ya Habili ikilalamika, “Mungu nimeuawa bila sababu”. Yawezekana uliwahi kumwaga damu ya mtu,  kwa kujua  au kujua. Damu hiyo inalia hata sasa. Yawezekana uliwahi kutoa ujauzito kipindi Fulani. Yawezekana ulishiriki kumpa binti ujauzito na wewe ukatoa fedha ili afanye abortion (kutoa mimba). Damu zote hizo zinalia hata leo. Yawezekana ulikuwa  na cheo na ukakitumi hicho cheo kwa naman ambayo mtu fualni alipoteza maisha yake kwa sababu yake.m damu ile inalia hata leo. Kwa sababu ulimwaga damu ambayo Mungu alisema nitaitaka.
5. Damu inaweza kutamka laana. MWANZO 4:11…[Basi sasa, umelaaniwa wewe katika ardhi, iliyofumbua kinywa chake ipokee damu ya ndugu yako kwa mkono wako; 12 utakapoilima ardhi haitakupa mazao yake; utakuwa mtoro na mtu asiye na kikao duniani.]… Yamkini zipo laana zinaendelea kukupata wewe kwa sababu ya damu za aina hii. Au ipo damu iliyomwagwa na wachawi ili  kukulaani wewe.
6. Damu ina uwezo wa kufuata. Damu yaweza kufuatilia kutoka  ukoo mmoja hadi mwingineie, familia moja  hadi nyingine, kizazi kimoja hadi kingine au hata taifa moja  hadi jingine. MATHAYO 27:24….[Basi Pilato alipoona ya kuwa hafai lo lote, bali ghasia inazidi tu, akatwaa maji, akanawa mikono yake mbele ya mkutano, akasema, Mimi sina hatia katika damu ya mtu huyu mwenye haki; yaangalieni haya ninyi wenyewe.]…

     Katika Biblia zimetajwa damu za aina kubwa mbili tu (WAEBRANIA 12:24):-

 (a)DAMU INENAYO MABAYA…. Hii hulinganishwa na ile damu ya Habili.  Ni damu inayomwagika pasipo haki. Inatamka mambo mabaya. Damu ya aina hii inmmwagwa na wandamu katika madhabahu za kichawi. Jina la kitu ni kiyu chenyewe.  Endapo hii damu inaitwa damu ineneayo mabaya basi ujkue kuwa ni damu iletayo mabaya. Mteja wa mganga wa kienyeji akienda na shitaka  lake, huambiwa atoe kafara ya mnyama. Damu ya mnyama huyu ikeshamwagika mashetani huitumia kutimiza dhamira ya kumwagika kwake (Labda, Fulani asizae/asiolewe/akataliwe/asipate kazi n.k). Katika Biblia, adui wa mtu ni wale wa nyumbani kwake. Kumbuka Yesu alisalitiwa na Yuda Iskariote. Daudi alisalitiwa na Absalom mtoto wake wa kuzaa. Mungu alisalitiwa na Lucifer,  aliyekuwa mwimbaji wa sifa maarufu mbinguni.

 (b) DAMU INENAYO MEMA….. Hii ni damu ya Yesu iliyomwagika kwa ajili yako na mimi.

Baba (SNP) Dr. Godson Issa Zacharia akihubiri Jumapili hii
 tarehe 4/5/2014 katika Nyumba ya Ufufuo na Uzima-Morogoro.

Kama mtu  uliyeokoka, hakikisha kila siku  unaiitia damu ya mwanakondoo inene mema katika maisha yako, kwa sababu unaweza kufunguliwa leo, na wachawi wakaenda kufuatilia kwa nini ile damu waliyomwaga kwa ajili yako haiendelei kunena mabaya tena kwa ajili yako. Ndiyo maana wachawi wanaweza kuongeza dau kwenye kafara zao, badala ya kuku waliyemtoa hapo awali, mara hii wanaweza kumtoa ngo’mbe au watoto wao wenyewe ili wewe usifanikiwe na azma yao itimie. Njia ya kudumu ya kuwa salama ni  kuwa ndani ya Yesu.  Ndiyo maana Yesu alisema yeye ni mzabibu na ninyi ni  matawi.  

YOHANA 15:5-6. [Mimi ni mzabibu; ninyi ni matawi, akaaye ndani yangu nami ndani yake, huyo huzaa sana; maana pasipo mimi ninyi hamwezi kufanya neno lo lote. 6 Mtu asipokaa ndani yangu, hutupwa nje kama tawi na kunyauka; watu huyakusanya na kuyatupa motoni yakateketea.]…

MAOMBI: Kwa Damu ya Yesu, ewe damu yoyote iliyomwagwa kwa ajili yangu, damu inayotaja uharibifu na mabaya juu yangu, leo nakushinda kwa Damu ya Yesu.

WARUMI 8:19…[ Kwa maana viumbe vyote pia vinatazamia kwa shauku nyingi kufunuliwa kwa wana wa Mungu. 20 Kwa maana viumbe vyote pia vilitiishwa chini ya ubatili; si kwa hiari yake, ila kwa sababu yake yeye atiyevitiisha katika tumaini; 21 kwa kuwa viumbe vyenyewe navyo vitawekwa huru na kutolewa katika utumwa wa uharibifu, hata viingie katika uhuru wa utukufu wa watoto wa Mungu. 22 Kwa maana twajua ya kuwa viumbe vyote pia vinaugua pamoja, navyo vina utungu pamoja hata sasa.]… Damu za wanyama hata kama ni kuku, mbuzi n.k ikimwagwa katika madhabahu za kichawi, huendelea kulia kwa sababu ilimwagwa BILA HATIA. Ndiyo maana Mungu  mwenyewe akateremka duniani na kumwaga damu yake mwenyewe. Hii ndiyo inaitwa Damu ya Agano Jipya / Damu ya Mwanakondoo. Ilimwagika msalabani na inanena mema.  Damu hii hata leo itamwagika kwa ajili yako kwa Jina la Yesu. Ni  damu inayosikia, inaishi, inanenna mema, inafuata, ni kiboko wa Ibilisi na inanyamazisha damu zingine zote.

UFUNUO 12:11… [Nao wakamshinda kwa damu ya MwanaKondoo, na kwa neno la ushuhuda wao; ambao hawakupenda maisha yao hata kufa.]..

i.    Damu ilimwagika pale Gethsemane. Damu hii huwashinda mashetani yote yanayopindisha mapenzi ya Mungu ili yatimie maishani mwako.

ii.  Damu ilimwagika mgongoni mwake.  Ina uwezo wa kushinda aina zote za magonjwa yote yaliyopo duniani, yale ya kuambukiza na yasiyoambukiza, familia na yasiyo ya kifamilia.

iii. Damu iliyomwagika mikononi  mwake. Kupitia damu hii unaweza kuweka mikono yako mwahali popote na afya iaktoea.

iv.Damu  iliyomwagika miguuni mwa Yesu. Damu humfanya mtu awakanyage majoka na nge kwa kuwa tunao uwezo na mamlaka hiyo tulikabidhiwa.

v. Damu iliyomwagika kichwani mwa Yesu. MWANZO 3:16… [Akamwambia mwanamke, Hakika nitakuzidishia uchungu wako, na kuzaa kwako; kwa utungu utazaa watoto; na tamaa yako itakuwa kwa mumeo, naye atakutawala. 17 Akamwambia Adamu, Kwa kuwa umeisikiliza sauti ya mke wako, ukala matunda ya mti ambao nalikuagiza, nikisema, Usiyale; ardhi imelaaniwa kwa ajili yako; kwa uchungu utakula mazao yake siku zote za maisha yako; 18 michongoma na miiba itakuzalia, nawe utakula mboga za kondeni; 19 kwa jasho la uso wako utakula chakula, hata utakapoirudia ardhi, ambayo katika hiyo ulitwaliwa; kwa maana u mavumbi wewe, nawe mavumbini utarudi.]… Laana ya kukosa, uchungu, umaskini n.k.  ilianzia hapa. Laana ya uchungu ilianzia hapa. Ndiyo maana akina mama wanapata uchungu kila  wakati. Ikumbukwe kuwa siyo  ule uchungu wa kuzaa (labour pain). Yesu ilibidi avalishwe taji ya miiba ili kuifuta laana hii.

vi. Damu ya Yesu iliyotoka ubavuni  mwake na maji. Ni damu pekee ya Yesu iliyomwagika baada ya Yesu kufa msalabani. Damu hii ilishinda mauti. Imeandikwa "Ku wapi  kushinda kwako ewe mauti".

MATHAYO 27:24-25…[Basi Pilato alipoona ya kuwa hafai lo lote, bali ghasia inazidi tu, akatwaa maji, akanawa mikono yake mbele ya mkutano, akasema, Mimi sina hatia katika damu ya mtu huyu mwenye haki; yaangalieni haya ninyi wenyewe. 25 Watu wote wakajibu wakasema, Damu yake na iwe juu yetu, na juu ya watoto wetu.]… Pilato tofauti na watesi wa Bwana Yesu, alijua kuwa damu yamtu ina uwezo wa kufuata. Ndiyo maana alinawa mikono yake, ili damu  hii isiyo na hatia isimfuate yeye wala watoto wake.  

MATENDO 4:1-2…[ Hata walipokuwa wakisema na watu wale, makuhani na akida wa hekalu na Masadukayo wakawatokea, 2 wakifadhaika sana kwa sababu wanawafundisha watu na kuhubiri katika Yesu ufufuo wa wafu. 3 Wakawakamata, wakawaweka gerezani hata asubuhi; kwa kuwa imekwisha kuwa jioni. 4 Lakini wengi katika hao waliosikia lile neno waliamini; na hesabu ya watu waume ikawa kama elfu tano. 5 Hata asubuhi wakubwa na wazee na waandishi wakakusanyika Yerusalemu, 6 na Anasi Kuhani Mkuu, na Kayafa pia, na Yohana na Iskanda, na wote wale waliokuwa jamaa zake Kuhani Mkuu. 7 Walipowaweka katikati wakawauliza, Kwa nguvu gani na kwa jina la nani ninyi mmefanya haya? 8 Ndipo Petro, akijaa Roho Mtakatifu, akawaambia, Enyi wakubwa wa watu na wazee wa Israeli, 9 kama tukiulizwa leo habari ya jambo jema alilofanyiwa yule mtu dhaifu, jinsi alivyoponywa, 10 jueni ninyi nyote na watu wote wa Israeli ya kuwa kwa jina la Yesu Kristo wa Nazareti, ambaye ninyi mlimsulibisha, na Mungu akamfufua katika wafu, kwa jina hilo mtu huyu anasimama ali mzima mbele yenu. 11 Yeye ndiye jiwe lile lililodharauliwa na ninyi waashi, nalo limewekwa kuwa jiwe kuu la pembeni. 12 Wala hakuna wokovu katika mwingine awaye yote, kwa maana hapana jina jingine chini ya mbingu walilopewa wanadamu litupasalo sisi kuokolewa kwalo. 13 Basi walipoona ujasiri wa Petro na Yohana, na kuwajua ya kuwa ni watu wasio na elimu, wasio na maarifa, wakastaajabu, wakawatambua ya kwamba walikuwa pamoja na Yesu. 14 Na wakimwona yule aliyeponywa akisimama pamoja nao hawakuwa na neno la kujibu. 15 Wakawaamuru kutoka katika baraza, wakafanya shauri wao kwa wao, 16 wakisema, Tuwafanyie nini watu hawa? Maana ni dhahiri kwa watu wote wakaao Yerusalemu ya kwamba ishara mashuhuri imefanywa nao, wala hatuwezi kuikana. 17 Lakini neno hili lisije likaenea katika watu, na tuwatishe wasiseme tena na mtu awaye yote kwa jina hili. 18 Wakawaita, wakawaamuru wasiseme kabisa wala kufundisha kwa jina la Yesu. 19 Petro na Yohana wakawajibu wakawaambia, Kwamba ni haki mbele za Mungu kuwasikiliza ninyi kuliko Mungu, hukumuni ninyi wenyewe; 20 maana sisi hatuwezi kuacha kuyanena mambo tuliyoyaona na kuyasikia.]… Ndiyo  maana Nyumba ya Ufufuo na Uzima tunaamini katika ufufuo wa wafu hata sasa. Kwamba aliyekufa na kuzikwa au  kabla ya  ya kuzikwa anafufuliwa mahali  hapa katika Jina la Yesu.

MATENDO 5:28…[akisema, Je! Hatukuwaamuru ninyi kwa nguvu, msifundishe kwa jina hili? Nanyi, tazameni, mmeijaza Yerusalemu mafundisho yenu, na mnataka kuileta damu ya mtu yule juu yetu.]…Utaona kuwa, wachawi, wasoma  nyota, waganga wa kienyeji wanaogopa sana kulitaja  Jina la Yesu. Haikuwepo sababu ya kuuliza “kwa jina hili?” bila kulitaja ni jina la nani.

Leo tunalipeleka Jina la Yesu kokote kwenye madhabahu za kichawi, wasoma nyota, waganga wa kienyeji n.k ambako damu  ya wanyama iliwahi kumwagwa kwa ajili  yako ili  kukulaani.

  

==Information Ministry (Ufufuo Na Uzima - Morogoro)==