Somo: MWENYE NGUVU WA MAISHA YANGU ~ UFUFUO NA UZIMA

GLORY OF CHRIST TANZANIA CHURCH

UFUFUO NA UZIMA - MOROGORO

JUMAPILI: 07 AUGUST 2016

Na: STEVEN NAMPUNJU – (RP MOROGORO)

&

Dr. GODSON ISSA ZACHARIA – (SNP MOROGORO)

Askofu wa Ufufuo na Uzima Morogoro (Bonde la Maono - Mkundi), Dr. Godson Issa Zacharia akifafanua juu ya "Somo la Mwenye Nguvu", kabla ya kumkaribisha Mnenaji wa Somo hilo RP Steven Nampunju, Jumapili 7/8/2016.

GLORY OF CHRIST TANZANIA CHURCH

UFUFUO NA UZIMA - MOROGORO

JUMAPILI: 07 AUGUST 2016

Na: STEVEN NAMPUNJU – (RP MOROGORO)

Dr. GODSON ISSA ZACHARIA – (SNP MOROGORO)

Somo: MWENYE NGUVU WA MAISHA YANGU

Mwenye nguvu wa maisha yako ni viumbe vya rohoni ambavyo vina uwezo wa kuzuia mtu asipate kitu fulani anachokitafuta. Mathalani washirikina wanapotaka kumtia mtu utasa, hutafuta katika ulimwengu wa roho na kulipata jini lenye uwezo wa kuzuia mtoto asikae tumboni mwa mama.

Mwenye nguvu “ni aliye na uwezo wa kufanya jambo fulani”. Hii haimaainishi kwa wandamu peke yake. Lahasha. Ndiyo maana hata wanyamakazi huchaguliwa wale wenye nguvu na kujaribishwa kama wanaweza kulima au la. Maana ingine ya “mwenye nguvu”, ni mtu yeyote ambaye anatumia nguvu zake kupata haki fulani ijapokuwa siyo mara zote hiyo haki ni haki yake. Mathalani, majambazi hutumia nguvu zao kupora, na hivyo anachopora siyo halali yake. Katika LUKA 11:21-22 Imeandikwa...(Mtu mwenye nguvu aliyejifunga silaha zake, alindapo nyumba yake, vitu vyake vi salama; 22 lakini mtu mwenye nguvu kuliko yeye atakapomwendea na kumshinda, amnyang'anya silaha zake zote alizokuwa akizitegemea, na kuyagawanya mateka yake.). Tunajifunza kumbe yupo mwenye nguvu ambaye ameyatesa maisha yako (wachawi, majini, waganga wa kienyeji, n.k). Mwenye nguvu anakuwa amevaa silaha na hataki mchezo. Ili uweze kuchukua chochote ndani mwake sharti umfunge kwanza.

RP Steven Nampunju akifundisha somo la Mwenye Nguvu wa Maisha Yangu,
katika ibada ya Jumapili 7/8/2016 Bonde la Maono - Mkundi, Ufufuo na Uzima Morogoro.

Imeandikwa katika 2SAMWELI 22:17-20... (Alipeleka kutoka juu, akanishika; Akanitoa katika maji mengi; 18 Akaniokoa na adui yangu mwenye nguvu, Na wale walionichukia; Maana walikuwa na nguvu kuliko mimi. 19 Walinikabili siku ya msiba wangu; Lakini Bwana alikuwa tegemeo langu. 20 Akanitoa akanipeleka panapo nafasi; Aliniponya kwa kuwa alipendezwa nami.). Daudi aligundua kuwa adui zake walikuwa na nguvu kuliko yeye. Daudi alijua kuwa nguvu za adui zake kama akina Goliathi na Mfalme Sauli zilikuwa kubwa kumzidi lakini hata hivyo Bwana alimsaidia kuwashinda. Nataka nikuambie siku ya leo kuwa yupo Yesu aliyewashinda wenye nguvu naye atakushindia katika jaribu lako kwa Jina la Yesu. Wenye nguvu walinikabili nisiolewe, Wenye nguvu walinikabili nisifanikiwe, Wenye nguvu walinikabili nisisome n.k. lakini Yesu anazo nguvu kuwashinda hawa wote.

UKIRI

Bwana yesu naomba ukanisaidie, ukaniokoe na adui yangu mwenye nguvu. Amen

Umati wa Watu wakimwabudu Bwana Yesu Jumapili 7/8/2016 Ufufuo na Uzima Morogoro.

MIFANO YA KIBLIA YA WALIOKABILINA NA WENYE NGUVU

Imeandikwa katika DANIELI 3:8-17....(Basi baadhi ya Wakaldayo wakakaribia, wakaleta mashitaka juu ya Wayahudi. 9 Wakajibu, wakamwambia mfalme Nebukadreza, Ee mfalme, uishi milele. 10 Wewe, Ee mfalme, ulitoa amri ya kwamba kila mtu atakapoisikia sauti ya panda, na filimbi, na kinubi, na zeze, na santuri, na zomari, na namna zote za ngoma, ni lazima aanguke na kuiabudu ile sanamu ya dhahabu; 11 na kila mtu asiyeanguka na kuabudu atatupwa katika tanuru ya moto uwakao. 12 Wako Wayahudi kadha wa kadha uliowaweka juu ya mambo ya wilaya ya Babeli, yaani, Shadraka, na Meshaki, na Abednego; watu hawa, Ee mfalme, hawakukujali wewe; hawaitumikii miungu yako, wala kuiabudu ile sanamu ya dhahabu uliyoisimamisha. 13 Basi Nebukadreza akatoa amri kwa hasira na ghadhabu, waletwe hao Shadraka, na Meshaki, na Abednego. Basi wakawaleta watu hao mbele ya mfalme. 14 Nebukadreza akajibu, akawaambia, Enyi Shadraka, na Meshaki, na Abednego, je! Ni kwa makusudi hata hammtumikii mungu wangu wala kuisujudia sanamu ya dhahabu niliyoisimamisha? 15 Basi sasa, kama mkiwa tayari wakati mtakapoisikia sauti ya panda, na filimbi, na kinubi, na zeze, na santuri, na zomari, na namna zote za ngoma, kuanguka na kuisujudia sanamu niliyoisimamisha, ni vema; bali msipoisujudia, mtatupwa saa iyo hiyo katika tanuru iwakayo moto; naye ni nani Mungu yule atakayewaokoa ninyi na mikono yangu? 16 Ndipo Shadraka, na Meshaki, na Abednego, wakajibu, wakamwambia mfalme, Ee Nebukadreza, hamna haja kukujibu katika neno hili. 17 Kama ni hivyo, Mungu wetu tunayemtumikia aweza kutuokoa na tanuru ile iwakayo moto; naye atatuokoa na mkono wako, Ee mfalme.) Meshaki, Shedraki na Abednego waliwahi kukabiliana na mfalme mwenye nguvu ambaye alitaka watu wote katika ufalme wake waisujudu sanamu ya dhahabu aliyoitengeneza. Na kwa sababu ni mwenye nguvu alitoa tishio la kuwatupa wasioabudu sanamu yake. Wenye nguvu walikuzuia usipate ajira. Wenye nguvu walikuzuia usisome lakini hata baada ya kusoma wamekuhamisha kutoka gereza lile na kukupeleka uhamishoni (gereza la kukosa ajira). Hata hivyo Mfalme Nebukadreza pamoja na vitisho vyake akina Meshaki, Shedraki na Abednego hawakumjibu. Hata wewe usijibizane na hao wenye nguvu, bali mwachie Bwana Yesu awashughulikie.

Katika ISAYA 1:18-20 Imeandikwa...(Haya, njoni, tusemezane, asema Bwana. Dhambi zenu zijapokuwa nyekundu sana, zitakuwa nyeupe kama theluji; zijapokuwa nyekundu kama bendera, zitakuwa kama sufu. 19 Kama mkikubali na kutii mtakula mema ya nchi; 20 bali kama mkikataa na kuasi mtaangamizwa kwa upanga; maana kinywa cha Bwana kimenena haya.). Mwenye mamlaka ana uwezo wa kuamuru nini kifanyike. Kumbe hata Mungu wetu ambaye ni mwenye nguvu sana kuppita wote anaweza kuwanagamiza kwa upanga wale wasiotii kwa kuwa Yeye ni Mwenye Nguvu.

Imeandikwa katika 1WAFALME 20:16-22... (Mfalme akamwambia, Mara ngapi nikuapishe usiniambie neno ila yaliyo kweli, kwa jina la Bwana? 17 Akasema, Naliwaona Waisraeli wote wametawanyika milimani, kama kondoo wasio na mchungaji. Bwana akasema, Hawa hawana bwana; na warudi kila mtu nyumbani kwake kwa amani. 18 Mfalme wa Israeli akamwambia Yehoshafati, Je! Sikukuambia, hatanibashiria mema, ila mabaya? 19 Mikaya akasema, Sikia basi neno la Bwana; Nalimwona Bwana ameketi katika kiti chake cha enzi, na jeshi lote la mbinguni wamesimama upande wa mkono wake wa kuume na wa kushoto. 20 Bwana akasema, Ni nani atakayemdanganya Ahabu, ili akwee RamothGileadi akaanguke? Basi huyu akasema hivi; na huyu hivi. 21 Akatoka pepo, akasimama mbele za Bwana, akasema, Mimi nitamdanganya. 22 Bwana akamwambia, Jinsi gani? Akasema, Nitaondoka, na kuwa pepo wa uongo kinywani mwa manabii wake wote. Akasema, Utamdanganya, na kudiriki pia; ondoka ukafanye hivyo. 23 Basi angalia, Bwana ametia pepo wa uongo kinywani mwa manabii wako hawa wote; naye Bwana amenena mabaya juu yako. 24 Ndipo akakaribia Zedekia, mwana wa Kenaana, akampiga Mikaya kofi la shavu, akasema, Roho ya Bwana alitokaje kwangu ili aseme na wewe? 25 Mikaya akamwambia, Angalia, utaona siku ile utakapoingia katika chumba cha ndani ili ujifiche. 26 Mfalme wa Israeli akasema, Mchukueni Mikaya, mkamrudishe kwa Amoni mkuu wa mji na kwa Yoashi mwana wa mfalme; 27 mkaseme, Mfalme asema hivi, Mtieni mtu huyu gerezani, mkamlishe kwa chakula cha shida, na maji ya shida, hata nitakaporudi kwa amani. 28 Mikaya akasema, Ukirudi kabisa kwa amani, Bwana hakusema kwa mimi. Akasema, Sikieni, enyi watu wote.). Mungu alikusudia kumwangamiza Ahabu na familia yake. Mfalme Ahabu ambaye ni mwenye nguvu wa nchi, anaamuru Mikaya akamatwe na kulishwa chakula cha shida. Chanzo cha haya yote ni mwenye nguvu.

Je, maisha unayoishi ni ya shida? Ukiona hivyo, yupo mwenye nguvu aliyeamuru uishi jinsi unavyoishi. Leo kataa huyo mwenye nguvu wa maisha yako, amuru mwenye nguvu wako akafie huko huko vitani alikoelekea na asikusumbue tena kwa Jina la Yesu.

Wenye nguvu wamekuamulia usile vitu vya sukari. Chanzo cha Mikaya kukaa gerezani ni mwenye nguvu aliyeamuru hivyo. Mfalme anatumia jeshi lake kumsweka Mikaya ndani. Kumbe mwenye nguvu analo jeshi. Wanaopandwa kuzuia shida ya mtu siyo raia, ni majeshi ya pepo wachafu. Katika WAEFESO 6:12 Imeandikwa... (Kwa maana kushindana kwetu sisi si juu ya damu na nyama; bali ni juu ya falme na mamlaka, juu ya wakuu wa giza hili, juu ya majeshi ya pepo wabaya katika ulimwengu wa roho.). Hata wewe, chanzo cha taabu uliyo nayo ni mwenye nguvu wa maisha yako, na leo tutamshughulikia pamoja kwa maombi kwa Jina la Yesu.

Katika kitabu cha KUTOKA, alitokea mfalme asiyemjua Yusufu, na huyu aliamuru watoto wa kiume wa Kiebrania wanapozaliwa wauawe. Farao aliwatumikisha Israeli kwa kutumia uwezo wake nguvu za giza zikifanywa na mawakala wa shetani, yaani wachawi. Hata hivyo, pamoja na mambo yote hayo, Nyoka wa Musa ndiye aliyemeza nyoka wa wachawi wa Farao.

Imeandikwa katika LUKA 11:21...( 21 Mtu mwenye nguvu aliyejifunga silaha zake, alindapo nyumba yake, vitu vyake vi salama; 22 lakini mtu mwenye nguvu kuliko yeye atakapomwendea na kumshinda, amnyang'anya silaha zake zote alizokuwa akizitegemea, na kuyagawanya mateka yake). Huwezi kulinda nyumba yako kama hujavaa silaha. Kama hauna silaha maana yake utaonewa siku zote. Umepata mchumba lakini siku si nyingi uchumba unaisha. Umeanza biashara lakini baadae mtaji unakwisha ghafla. Hapo ujue tu kuwa yupo mwenye nguvu amevamia maisha yako. Ili mwenye nguvu aweze kusafiri na silaha zake na kuweza kumfunga mtu, lazima kuna kitu anataka aibe kil;ichoko ndani mwako. Katika YOHANA 10:10 Imeandikwa... (Mwivi haji ila aibe na kuchinja na kuharibu; mimi nalikuja ili wawe na uzima, kisha wawe nao tele.). Hayupo jambazi anayevunja nyumba ya mtu na kuondoka bila kuchukua chochote.

Mwenye nguvu mwingine akija ili kumzidi mwenzake ataanza kwa kumfunga. Kufungwa ni hatua ya kwanza. Je, wewe umefungwa? Hatua ya pili kukunyang’anya silaha zako. Mathalani ukiona huna amani kabisa kuomba. Ukiona huna amani kabisa kwenda Kanisa la Ufufuo na Uzima kwa visingizio mbalimbali, ujue tayari yupo mwenye nguvu ambaye amekufunga na kukunyang’anyua silaha. Mwenye nguvu na mwenye silaha zake anafungwa kwa magonjwa na baada ya hapo silaha ya maombi inakuwa haipo tena. Kama leo umekuwa ni mzito wa kuomba ujue tayari silaha ya maombi umeshanyang’anywa.

Mwenye nguvu akeshavamia maisha ya familia na kuwanyang’anya mateka, atasababisha wanandoa kuanza kuuza vitega uchumi vyao kama ardhi na kadhalika na kugawana pesa zake badala ya kuwekeza.

Katika MARKO 5:1-3 Imeandikwa....(Wakafika ng'ambo ya bahari mpaka nchi ya Wagerasi. 2 Na alipokwisha kushuka chomboni, mara alikutana na mtu, ambaye ametoka makaburini, mwenye pepo mchafu; 3 makao yake yalikuwa pale makaburini; wala hakuna mtu ye yote aliyeweza kumfunga tena, hata kwa minyororo;).. Huyu kijana aliingiliwa ndani na mwenye nguvu. Hata ukimletea nguo ili avae, atakachofanya ni kuzitoboa toboa ili kuviharibu. Kijana huyu alikuwa akilala makaburini ingiawa nyuumba zilikuwepo. Mungu hakumuumba asivae nguo. Mungu hakumuumba alale makaburini.

Imeandikwa katika 2NYAKATI 16:7-9 ...(Wakati ule Hanani mwonaji akamwendea Asa mfalme wa Yuda, akamwambia, Kwa kuwa umemtegemea mfalme wa Shamu, wala hukumtegemea Bwana, Mungu wako, kwa hiyo limeokoka jeshi la mfalme wa Shamu mkononi mwako. 8 Je! Hao Wakushi na Walubi hawakuwa jeshi kubwa mno, wenye magari na wapanda farasi wengi sana? Lakini, kwa kuwa ulimtegemea Bwana, aliwatia mkononi mwako. 9 Kwa maana macho ya Bwana hukimbiakimbia duniani mwote, ili ajionyeshe mwenye nguvu kwa ajili ya hao, waliokamilika moyo kuelekea kwake. Kwa hayo umetenda upumbavu; kwani tangu sasa utakuwa na vita.). Hanani mwonaji anampa mifano Mfalme Asa kwamba walipokuwepo wenye nguvu lakini Mungu akamsaidia. Hata hivyo mwishowe alikengeuka kwa kufanya makosa ya kutomtegemea Bwana.

Kuna mwanzo wa vita uiliyo nayo. Kama ilivyokuwa kwa Asa, vivyo hivyo hata wewe ukimwacha Bwana katika maisha yako, vita itainuka kwa sababu wenye nguvu wapo saa zote kukukabili.

Katika MARKO 5:5 Imeandikwa...( Na sikuzote, usiku na mchana, alikuwako makaburini na milimani, akipiga kelele na kujikatakata kwa mawe. 6 Na alipomwona Yesu kwa mbali, alipiga mbio, akamsujudia; 7 akapiga kelele kwa sauti kuu, akasema, Nina nini nawe, Yesu, Mwana wa Mungu aliye juu? Nakuapisha kwa Mungu usinitese. 8 Kwa sababu amemwambia, Ewe pepo mchafu, mtoke mtu huyu. 9 Akamwuliza, Jina lako nani? Akamjibu, Jina langu ni Legioni, a kwa kuwa tu wengi. 10 Akamsihi sana asiwapeleke nje ya nchi ile. 11 Na hapo milimani palikuwa na kundi kubwa la nguruwe, wakilisha. 12 Pepo wote wakamsihi, wakisema, Tupeleke katika nguruwe, tupate kuwaingia wao. 13 Akawapa ruhusa. Wale pepo wachafu wakatoka, wakaingia katika wale nguruwe; nalo kundi lote likatelemka kwa kasi gengeni, wakaingia baharini, wapata elfu mbili; wakafa baharini. 14 Wachungaji wao wakakimbia, wakaieneza habari mjini na mashambani. Watu wakatoka walione lililotokea. 15 Wakamwendea Yesu, wakamwona yule mwenye pepo, ameketi, amevaa nguo, ana akili zake, naye ndiye aliyekuwa na lile jeshi; wakaogopa.). Jeshi la wenye nguvu lipo ndani ya mwili wa mtu mmoja. Kijana huyu alipaswa kuwa mhubiri wa Injili, lakini badala yake mfumo wa maisha yake ukabadilishwa kabisa na mwenye nguvu. Mji wa wagerasi unaelekea kuwa ni wa kibishara zaidi. Kiasili Wayahudi walikuwa siyo wala-nguruwe, na kwa sababu hiyo ule mji watu wa mataifa mbalimbali walikuwa wakikaa humo.

Wapo wenye nguvu wanaozuia mtu asifanikiwe kabisa. Wanaweza kukaa ndani ya mtu fualni kukuzuia. Kama yule kijana alivyozuia watu wasipite ile njia, ujue hata kwako, wapo wenye nguvu wanaokuzuia usifanikiwe katika njia fulani ya maisha yako. Leo tunalazmisha wenye kukuzuia wakuachie haraka kwa Jina la Yesu.

Wapo watu leo hii mmedanganywa na wenye nguvu. Katika 2WAFALME 22 tunakiona kikao cha mbinguni kikifanyika na pepo alijigeuza kuwa pepo la uongo na kusababisha manabii zaidi ya 400 kutamka uongo. Yumkini ugonjwa ulio nao ni matokeo ya pepo kuwaingia madaktari na wakatoa maelekezo ya ugonjwa huo, kumbe siyo kweli. Kama adui zako wameizika talanta yako, Ufufuo na Uzima m=tunaamni kuwa tunaye Bwana Yesu wa kutmegemea ili kwenda kufukua hazina hizo kwa Jina la Yesu.

Mwenye nguvu huondolewa na mwenye nguvu. Imeandikwa katika 1PETRO 3:8...(Kwa maana Kristo naye aliteswa mara moja kwa ajili ya dhambi, mwenye haki kwa ajili yao wasio haki, ili atulete kwa Mungu; mwili wake akauawa, bali roho yake akahuishwa, 19 ambayo kwa hiyo aliwaendea roho waliokaa kifungoni, akawahubiri;). Tunaona kuwa, mwenye nguvu shetani alipondwa kichwa chake na Bwana Yesu.

UKIRI

Bwana Yesu naomba unisaidie kuanzia leo na kuanzia sasa naomba unipake mafuta ili nishindane na wenye nguvu wa maisha yangu. Naomba uwezo na nguvu ya kuwashinda kwa JIna la Yesu. naomba unitie alama ya ushindi lwa Damu ya Yesu. Amen

Imeandikwa katika DANIEL 7:7....(Baadaye nikaona katika njozi ya usiku, na tazama, mnyama wa nne, mwenye kutisha, mwenye nguvu, mwenye uwezo mwingi, naye alikuwa na meno ya chuma, makubwa sana; alikula na kuvunja vipande vipande, na kuyakanyaga mabaki kwa miguu yake; na umbo lake lilikuwa mbali kabisa na wale wa kwanza, naye alikuwa na pembe kumi.). Wenye nguvu wana uwezo wa kutafuna. Mwenye nguvu akiingia katika afya ya mtu, ataitafuna afya yake na kukanyaga mabaki ya hiyo afya. Mwenye nguvu aweza kula biashara yako, na mwishowe kuharibu hata mabaki ya mtaji ulio nao.

ZIPO HATUA SITA ZA KUMKABILI MWENYE NGUVU

1. Kumwendea: Akiwepo mwenye nguvu mahali popote, unatakiwa umfuate. Endapo umeingia katika familia fulani, cha kufanya ni kumwendea mwenye nguvu. Daudi alipoona watoto, wakeze na mifugo imetekwa nyara na adui, alimu

2. Kumfunga: Hapa ni kuhakikisha kuwa hafurukuti wakati akiwa chini ya mamlaka na uweza wako.

3. Kumnyang'anya silaha zote anazotegemea yeye: (wengine silaha za ni majini, mahiriizi, uongo n.k)

4. Kutwaa mateka: Aliyekuwa na kazi nzuri ikaibiwa, aliyekuwa na afya njema akaugua au kufa ghafla, unatakiwa sasa urudishe mateka yote.

5. Kumfyeka na kumwangamiza: Hii ni kwa sababu atakuwa hana nguvu tena, wala hana chochote tena ni mtupu.

6. Kutapanya nyara

Kama wewe hujaokoka kwa maana ya kumwamini Yesu maishani mwako leo pokea uwezo wa kumpinga mwenye nguvu wa maisha yako kwa Jina la Yesu.

GLORY OF CHRIST (T) CHURCH

==GCTC==

Tel: +255765979866 / or +255713459545

MOROGORO CHURCH

Monday, August 8, 2016

Somo: MWENYE NGUVU WA MAISHA YANGU

Pages