AMEKUJA KUWAWEKA HURU MATEKA ~ UFUFUO NA UZIMA

GLORY OF CHRIST TANZANIA CHURCH

[KANISA LA UFUFUO NA UZIMA]

MOROGORO

JUMAPILI: 12 MARCH 2017

MHUBIRI: PASTOR Dr. GODSON ISSA ZACHARIA (SNP MOROGORO)

Pastor Dr. Godson Issa Zacharia akihubiri katika Nyumba ya Ufufuo na Uzima Morogoro 12/3/2017

Imeandikwa katika YOHANA 1:1, 14 “Hapo mwanzo kulikuwako Neno, naye Neno alikuwako kwa Mungu, naye Neno alikuwa Mungu. Naye Neno alifanyika mwili, akakaa kwetu; nasi tukauona utukufu wake, utukufu kama wa Mwana pekee atokaye kwa Baba; amejaa neema na kweli”.

Huyo mwanzo alikuwako kwa Mungu. Yesu ni Mungu aliyekuja kwa namna ya mwili. Yesu wetu ni Mungu aliyeamua kuja duniani akaishi kama wanadamu kwa namna zote. Alizaliwa na Mariamu na akalelewa pamoja na babaye wa kufikia Yusufu. Akalelewa na kukua kwa kimo na hekima. Na baada ya miaka 33 akaanza kuifanya kazi ya ukombozi.

Bwana Yesu alikuja mahsusi ili kuwaweka huru mateka, na watu waliofungwa na nguvu za giza. Ndiyo maana katika utangulizi wa utambulisho wa kazi zake, Yesu alisema yafuatayo kama ilivyoandikwa katika LUKA 4:16-18 “Akaenda Nazareti, hapo alipolelewa; na siku ya sabato akaingia katika sinagogi kama ilivyokuwa desturi yake, akasimama ili asome. 17 Akapewa chuo cha nabii Isaya, akakifungua chuo, akatafuta mahali palipoandikwa, 18 Roho wa Bwana yu juu yangu, Kwa maana amenitia mafuta kuwahubiri maskini habari njema. Amenituma kuwatangazia wafungwa kufunguliwa kwao, Na vipofu kupata kuona tena, Kuwaacha huru waliosetwa,”. Baada ya kusoma maaandiko haya, Yesu alikirudisha kitabu na kuwaaambia makutano kwamba maneno haya yametimia baada ya kusikika masikioni mwao. Huwezi kuifanya kazi ya Bwana kama hauna Roho wa Bwana. Na hii ni saa ya waliotekwa kurudishwa katika Jina la Yesu.

Unapotangaza kuwaweka huru mateka ujue kuwa umetangaza vita, na watakuwepo watu wengi wa kukuzuia. Ndivyo ilivyotokea hata kwa Yesu. Imeandikwa katika LUKA 4:.29-30.. .(Wakaondoka wakamtoa nje ya mji, wakampeleka mpaka ukingo wa kilima ambacho mji wao umejengwa juu yake, wapate kumtupa chini; 30 lakini yeye alipita katikati yao, akaenda zake.). Ni wakati wako pia kupita katikati ya wanaukuzuia.

Katika ISAYA 14:12-17 imeandikwa…(Jinsi ulivyoanguka kutoka mbinguni, Ewe nyota ya alfajiri, mwana wa asubuhi! Jinsi ulivyokatwa kabisa, Ewe uliyewaangusha mataifa! 13 Nawe ulisema moyoni mwako, Nitapanda mpaka mbinguni, Nitakiinua kiti changu juu kuliko nyota za Mungu; Nami nitaketi juu ya mlima wa mkutano, Katika pande za mwisho za kaskazini. 14 Nitapaa kupita vimo vya mawingu, Nitafanana na yeye Aliye juu. 15 Lakini utashushwa mpaka kuzimu; Mpaka pande za mwisho za shimo. 16 Wao wakuonao watakukazia macho, Watakuangalia sana, wakisema, Je! Huyu ndiye aliyeitetemesha dunia, Huyu ndiye aliyetikisa falme; 17 Aliyeufanya ulimwengu ukiwa, akaipindua miji yake; Asiyewafungua wafungwa wake waende kwao? ). Huyu anayeongelewa hapa ni SHETANI. Ulimwengu huu wote umefanywa UKIWA. Maana yake, kama ni mtu aliyoea, mwenza wake anapotwaliwa, anabaki na ukiwa. Unaweze kujiuliza, inakuwa je sasa Biblia kusema ulimwengu umekuwa ukiwa ilhali dunia inao watu wapatao bilioni saba? UKIWA unoazungumziwa katika maandiko haya ni kwa sababu hao watu tunaowaona barabarani leo hii, wengi wao HAWAPO. Wengi wa watu tunaowaona leo hii wameiibiwa na shetani, na kwa maana hiyo hawapo katika hali ile ya asili ambayo Mungu aliwaumba ili waishi. Wapo watu wengi sana wapo mashimoni, wametekwa na muovu shetani. Ndiyo maaana watu misukule wanapoombewa hapa Kanisani na Kurudishwa, ukiwauliza huko mashimoni ulipokuwa umeacha watu wengine wangapi, huwa wanajibu kuwa wameaacha watu wengi sana wakiwa humo mashimoni au pengine misituni au makaburini, watu wasiohesabika.

Watu walioko kuzimu ni wengi kuliko waliopo hapa duniani. Kuna mtu anaweza kujjiuliza swali, iweje waliokufa wawe wengi zaidi yetu wakati katika jamii yake pengine wapo watu zaidi ya saba na hakuna aliyekufa? Hebu tuanze kwa kusoma kitabu cha ISAYA 42:22 (Lakini watu hawa ni watu walioibiwa na kutekwa; wote wamenaswa katika mashimo, wamefichwa katika magereza; wamekuwa mawindo, wala hapana aokoaye; wamekuwa mateka, wala hapana asemaye, Rudisha.). Kwa kuyachambua maandiko haya, utaona kuwa, wanaoitwa watu hapa ni wanadamu kabisa, ambao kwa lugha nyingine tunawaita MISUKULE (watu walioibiwa). Msukule Ni tofauti na tunaposema MIZIMU, kwa sababu Mizimu ni roho za mashetani zilizopo ndani ya watu waliokufa zamani. Yaani endapo shetani alikuwa ndani ya mtu fulani kabla hajafa, na mtu huyo akifa, zile roho za mashetani zilizokuwa ndani mwake, hujigeuza na kufanya kazi kwa niaba ya huyo mtu aliyekufa. Majeshi ya Wafu ni roho za hii mizimu.

Kumbe basi, mtu anaweza KUIBIWA, AKATEKWA na kisha AKANASWA katika mashimo. Ipo tofauti kati ya kuibiwa na kutekwa. Tukumbuke kuwa Mtu anazo sehemu tatu: Mtu ni ROHO, yenye NAFSI inayokaa kwenye nyumba, na hiyo nyumba inaitwa MWILI. Ndiyo kusema kuwa Roho ya mtu inaweza ikaibiwa kutoka ndani ya mwili wake. Inapofanyika hivyo, mwili wa mtu Yule unaobaki pale unakuwa na mauzauza mengi, mara magonjwa, mara tabia zisizoeleweka. Na ROHO ile iliyobiwa inakuwa imetekwa na kulindwa na mashetani kiasi kwamba roho hii haiwezi tena kuurudia ule mwili wake. Hata hivyo, mtu aliyeibiwa aina hii akiletwa kanisani, na watu wakianza kuomba maombi ya kushindana, na kumuita NJOO mtu huyu hurudi tena katika asili yake ya awali.

Umati wa Watendakazi na Waumini wa Ufufuo na Uzima Morogoro wakimwabudu Bwana katika Roho na Kweli Jumapili 12/3/2017.

Zipo aina kama tatu za watu walioibiwa (misukule):-

1. Mtu anakuwa amechukuliwa mzima mzima na kufichwa. Inawezekana akaletewa ugonjwa wa kumfanya aonekane amekufa ghafla. Watu wakienda kuzika mtu huyu inakuwa kuwa wamezika kitu mithili ya gogo tu, waa siyo Yule Mtu. Na wachawi wakeshaona lile gogo limezikwa, huondoka na ule mtu waliyemeka na kumficha na kwenda kumtumia kwa kazi mablimbali akiwa msukule.

2. Aina nyingine ya mtu aliyeibiwa (msukule) ni ile ambayo mtu anaibiwa akiwa mzima mzima na kupotea kwa mazingira tata. Mtu huyu hutafutwa na watu kwa njia zote, ziwe za kipolisi na vyombo vya habari lakini mtu huyo hapatikani kamwe. Hata hivyo, wakiwepo majeshi ya Bwana wakianza kuomba, mtu wa aina hii hurudi tena kwa Jina la Yesu, na hata kuweza kusimuliwa mahali alipokuwa ametekwa na kuwekwa.

3. Aina ya tatu ni ya kitaaalamu zaidi. Hii ni ile ambayo watu huiba roho na kwenda kuziuza. Kwa kuwa mtu ni roho, na maandiko yanasema “Roho ndiyo itiayo uzima na mwili haufai kitu”, humaanisha kuwa mtu wa aina hii roho yake hutolewa ndani na kuipanda roho ya kitu kingine, ili asionekane amekufa na watu wa pembeni wasifahamu kuwa alishaibiwa. Mtu ambaye roho yake ilishaibiwa na kuwekewa roho ingine (iwe ya majini, mapepo, majoka n.k). Na mtu wa aina hii anakuwa na mikosi, balaa, magonjwa na matatizo yasioyisha. Tabia zake pia hubadiliaka ghafla. Pengine Mtu alikuwa na bidii sana lakini kwa sasa hawzi tena kuwa kama mtu yule wa zamani. Hii ni kwa sababu mtu aliyeko ndani mwake siyo Yule roho wake wa asili. Endapo utakutana na mtu wa aina hii, maombi yako yawe ya kumuita NJOO KWA JINA LA YESU, naye atarudi katika asili yake tena kwa Jina la Yesu.

Je, una uhakika mume unayeishi naye leo bado ni yuleyule uliyeoana naye miaka kadhaa iliyopita aliyekuwa anakupenda sana na kukuita majina yote mazuri? Je, una uhakika dereva wa daladala aliyekuendesha na basi lake leo YUMO au ni mtu wa kawaida?

Imeandikwa katika YEREMIA 50:33 33 “Bwana wa majeshi asema hivi, Wana wa Israeli, na wana wa Yuda, wameonewa pamoja; na wote waliowachukua mateka wanawashika sana; wanakataa kuwaacha”. Maelfu ya watu wameonewa sana, na ndiyo maana Biblia inasema dunia imkeuwa ukiwa. Na mbaya zaidi ni kwamba huyo aliyewachukua mateka (shetani) hataki kuwaachia.

UKIRI

Walionishikilia makaburini, mashimoni au magerezani waniachie kwa Jina la Yesu. Achia ndoa, achia afya, kwa Jina la Yesu. Leo ninaamuru kwa mamlaka ya Jina la Yesu, leo achia vyote kwa Jina la Yesu.

Platform wa Ufufuo na Uzima Morogoro, wakiwa na furaha wakiimba na Kumsifu Bwana Yesu Jumapili 12/3/2017.

Tunaposoma katika AYUBU 33:29 imeandikwa hivi (Tazama, hayo yote ni Mungu anayeyafanya, Mara mbili, naam, hata mara tatu, kwa mtu). Roho ya mtu inaweza kutoka ndani yamwili wa huyo mtu. Imeandikwa katika 2 KORINTHO 12:2-4…(Namjua mtu mmoja katika Kristo, yapata sasa miaka kumi na minne, (kwamba alikuwa katika mwili sijui; kwamba alikuwa nje ya mwili sijui; Mungu ajua). Mtu huyo alinyakuliwa juu mpaka mbingu ya tatu. 3 Nami namjua mtu huyo, (kwamba alikuwa katika mwili sijui; kwamba alikuwa nje ya mwili sijui; Mungu ajua); 4 ya kuwa alinyakuliwa mpaka Peponi, akasikia maneno yasiyotamkika, ambayo haijuzu mwanadamu ayanene.). Kumbe unaweza kumuona mtu lakini mtu huyo akawa ndani au nje ya mwili wake (HAYUMO).

TABIA ZA MTU AMBAYE HAYUMO KATIKA MWILI WAKE WA ASILI:

1. Mtu anakuwa hawezi kufanya maamuzi. Ni mtu ambaye hata ukimpa ushauri kuwa kwa umri alio nao akaoe, anashindwa kufanya maamuzi ya maisha yake mwenyewe.

2. Mtu anayefanya mambo mengine ambayo binadamu mwingine hawezi kuyafanya. Mathalani, waweza kuzisoma taarifa za kushangaza kwenye magezeti kama vile “kijana kumuoa mama yake mzazi”, au taarifa kama “baba wa miaka 70 kambaka mtoto wa miaka 8”. Tabia zingine ni kama zile za kusikia kuwa “Daktari kuacha kutoa huduma kwa mgonjwa mwenye shida ya kujifungua, na kwenda kustarehe kwenye mabaa”.

3. Mtu ambaye anasongwa na magonjwa mengi. Yaani mtu huyu anapata ugonjwa wa aina hii na huu ugonjwa ukiondoka unatokea ugonjwa mwingine na mengine bila kukoma.

4. Mtu anayesongwa na mikosi na balaa nyingi mfululizo. Mtu huyu anaweza kuomba maombi mengi sana, akitokea kanisa moja hadi jingine. Kwa kuwa mtu ni roho, basi endapo ndani yake imewekwa Roho ya mashetani, maana yake ni kuwa wachungaji wanapomuombea mtu wa aina hii ambaye hayumo, baraka wanazomuombea zinaelekea kwa ile roho iliyopandwa ndani mwake. Shetani aliyeko ndani mwake hufurahia sana kwa sababu kilichomo ndani ni roho za mashetani. Ni wajibu wa wachungaji kuwa makini sana, siyo kila mtu kumuombea baraka, bali kabla ya kjufanya hivyo ni kung’oa roho zilizopo ndani mwa mtu mwenye kuhitaji maombi. Ukiwa mchungaji unaweza kubariki lakini kumbe uliyembariki ni joka liliko ndani mwa mtu husika.

NB: Dalili zinginezo za mtu ambaye hayumo katika mwili wake wa asili tutazichambua katika Ibada za katikati ya Wiki Ijayo, kuanzia kesho Jumatatu.

Watendakazi na Waumini wa Ufufuo na Uzima Morogoro wakifuatilia Somo "Amekuja Kuwaweka Huru Mateka" 12/3/2017

UKIRI

Ninakataa kukaa kwenye kundi la shimoni kwa Jina lka Yesu.

Katika UFUNUO 18:9-13 Imeandikwa (Na hao wafalme wa nchi, waliozini naye na kufanya anasa pamoja naye, watalia na kumwombolezea; wauonapo moshi wa kuungua kwake; 10 wakisimama mbali kwa hofu ya maumivu yake, wakisema, Ole, ole, mji ule ulio mkuu, Babeli, mji ule ulio na nguvu! Kwa kuwa katika saa moja hukumu yako imekuja. 11 Nao wafanya biashara wa nchi walia na kumwombolezea, kwa sababu hapana mtu anunuaye bidhaa yao tena; 12 bidhaa ya dhahabu, na fedha, na kito chenye thamani, na lulu, na kitani nzuri, na nguo ya rangi ya zambarau, na hariri, na nguo nyekundu; na kila mti wa uudi, na kila chombo cha pembe, na kila chombo cha mti wa thamani nyingi, na cha shaba, na cha chuma, na cha marimari; 13 na mdalasini, na iliki, na uvumba, na marhamu, na ubani, na mvinyo, na mafuta ya mzeituni, na unga mzuri, na ngano, na ng'ombe, na kondoo, na farasi, na magari, na miili na roho za wanadamu.). Kwa hiyo kumbe wapo “WAFANYABIASHARA WA MIILI NA ROHO ZA WANADAMU”. Hawa kwa lugha nyinigne ni wafanyabiashara wa kichawi.

Imeandikwa katika EZEKIELI 13:18-19…(useme, Bwana MUNGU asema hivi; Ole wao wanawake wale, washonao hirizi katika viungo vyote vya mikono, wawekao leso juu ya vichwa vya kila kimo, ili wawinde roho za watu; je! Mtaziwinda roho za watu wangu, na kuzihifadhi hai roho zenu wenyewe? 19 Nanyi mmeninajisi kati ya watu wangu, kwa ajili ya makonzi ya shayiri na vipande vya mkate, ili kuziua roho za watu ambao haiwapasi kufa, na kuzihifadhi hai roho za watu ambao haikuwapasa kuwa hai, kwa kuwaambia uongo watu wangu wasikilizao uongo.). Leo tutashughulika na watu wanoiba roho za watu wengine kwa Jina la Yesu.

UKIRI

Kwa jJIna la Yesu, Leso na hirizi za wachawi leo nazichana chana kwa Jina la Yesu. Bwana Yesu naomba leo unigeuze niwe kisu cha Bwana ili niwafuatie wote walioniteka. Yamkini akili zangu zimetekwa, au mwili wangu umetekwa. Najua kwamba Bwana Yesu ni mkombozi wangu uliyekuja kuniweka huru kwa Jina la Yesu. Ninauruka ukuta kwa Jina la Yesu. Walionifunga na kunizuia kizuizini, au kwenye mashimo leo ninawafyeka. Leo nalaegeza kamba za mauti zilizoniweka shimoni kwa Jina la Yesu. Imeandikwa “Nao wakamshinda kwa Damu ya Yesu”, Wewe uliyenilinda mashimoni, niachieni leo kwa kuwa nimewashinda kwa Jina la Yesu. Amen

Inawezekana kuwa mtu uliyesikia habari hizi hujaokoka, nakushauri fanya maamuzi yako leo ya kuokoka. Cha kufanya leo ni kumkubali Yesu maishani mwako kwa maana ya kuokoka ili ukiwa upande wa Yesu ufanyike kiumbe kipya na YESU atakuweka huru wala hutakuwa mateka tena kwa Jina la Yesu.

========== AMEN ========

KWA MSAADA ZAIDI NA MAOMBEZI WASILIANA NASI KIPITIA:

FACEBOOK: Pastor Dr Godson Issa Zacharia

SIMU: 0719 798778 (Sms only)

BLOG: Ufufuo na Uzima Morogoro http://ufufuonauzimamorogoro.blogspot.com/

GLORY OF CHRIST TANZANIA CHURCH,

(Kanisa la Ufufuo na Uzima)

Mkundi - Morogoro

Tel: +255719612874 / +255713459545

Monday, March 13, 2017

AMEKUJA KUWAWEKA HURU MATEKA

Pages