GLORY OF CHRIST TANZANIA CHURCH (GCTC)
{KANISA LA UFUFUO NA UZIMA → MOROGORO}
JUMAPILI: 14 MAY 2017
MHUBIRI: PASTOR DR. GODSON ISSA ZACHARIA (SNP)
 |
| Mch. Dr. Godson Issa Zacharia akifundisha katika ibada ya leo 14/05/2017 |
Unapoyaona matukio
mbalimbali yakitokea hapa duniani, ujue kuwa kipo chanzo chake. Mengi ya matukio haya ni ya kichawi. Mathalani uonapo ajali zinazochukua uhai wa
watu wengi kwa pamoja, hupaswi kukimbilia kusema eti huo ni uzembe wa dereva.!!!
La hasha. Mengi ya matukio hayo ni yale ya kutengenezwa. Hata hivyo, Watu wa
dunia hii husema ni matukio ya kawaida, lakini kumbe sivyo ilivyo. Dunia
imekuwa kama vile imevishwa nguo, na kuipofusha macho yake, na kuwafanya watu waliomo
duniani wasielewe ukweli wa kinachoendelea. Ni Bahati mbaya kuwa haya matukio
yanaonekana kama ya kawaida, na hata mtu ukijaribu kuwafundisha watu
wa dunia hii hawaamini ukweli halisi
wa haya matukio haya ya kichawi.
Ndiyo maana
imeandikwa katika 2KORINTHO 4:3-4 (Lakini
ikiwa injili yetu imesitirika, imesitirika kwa hao wanaopotea; 4 ambao ndani
yao mungu wa dunia hii amepofusha fikira zao wasioamini, isiwazukie nuru ya
injili ya utukufu wake Kristo aliye sura yake Mungu.). Dunia hii ina mungu wake ambaye ni shetani, ambaye
anapofusha fikra za watu ili wasiamini. Ukiwaambia watu kuwa haya ni matukio ya
kutengenezwa na shetani, wanadamu wa leo hawaamini kabisa. Endapo wewe utapatwa
na matukio ya ajabu ajabu, usikimbilie kuungana na watu wa dunia kuyashabikia.
Mathalani pindi upwatapo na ugonjwa fulani, ingia kwanza magotini kufanya
maombi kabla ya kukimbilia hospitalini. Hatusemi kuwa mtu uuguapo usiende
hospitalini, la hasha. Unapoomba kabla ya
kukimbilia matibabu hospitalini inakuwa ni njia nzuri ya kulijaribu hilo tukio la
ugonjwa kujua kama ni la kutengeneza au la!!!
Imeandikwa katika MATHAYO 7:15 (Jihadharini na manabii wa uongo,
watu wanaowajia wamevaa mavazi ya kondoo, walakini kwa ndani ni mbwamwitu
wakali.). Kama wanadamu wanaweza kuvaa mavazi ya uongo, ujue kuwa hata dunia nayo inao uwezo huo huo pia. Kama dunia imevaa mavazi
ya mbwa mwitu, leo lazima tuivue dunia nguo zake ili tujue ukweli wa kilichomo
ndani yake katika Jina la Yesu.
 |
| Umati wa watu wakisikiliza neno la Mungu mapema leo. 14/5/2017 katika nyumba ya Ufufuo na Uzima Morogoro. |
1.
MAFURIKO YA KISHETANI
Katika Biblia,
yapo matukio kadhaa ya kutengenezwa, yakiwemo mafuriko. Imeandikwakatika
UFUNUO 12:1- (1 Na ishara kuu ilionekana
mbinguni; mwanamke aliyevikwa jua, na mwezi ulikuwa chini ya miguu yake, na juu
ya kichwa chake taji ya nyota kumi na mbili. 2 Naye alikuwa ana mimba, akilia,
hali ana utungu na kuumwa katika kuzaa. 3 Ikaonekana ishara nyingine mbinguni;
na tazama, joka kubwa jekundu, alikuwa na vichwa saba na pembe kumi, na juu ya
vichwa vyake vilemba saba. 4 Na mkia wake wakokota theluthi ya nyota za
mbinguni, na kuziangusha katika nchi. Na yule joka akasimama mbele ya yule
mwanamke aliye tayari kuzaa, ili azaapo, amle mtoto wake. 5 Naye akazaa mtoto
mwanamume, yeye atakayewachunga mataifa yote kwa fimbo ya chuma. Na mtoto wake
akanyakuliwa hata kwa Mungu, na kwa kiti chake cha enzi. 6 Yule mwanamke
akakimbilia nyikani, ambapo ana mahali palipotengenezwa na Mungu, ili wamlishe
huko muda wa siku elfu na mia mbili na sitini.). Huyu ni mwanamke aliyekuwa anajiandaa kujifungua
mtoto. Joka (ambaye ni shetani) alikuwa karibu ili kummeza mtoto huyu
akeshazaliwa. Ndicho kinachotokea hata leo mahospitalini. Wamama wanapoteza
watoto wao, na watu wanaanza kusema, BAHATI
MBAYA.!!! Hiyo siyo bahati mbaya, bali ni matukio ya majoka (mashetani)
kumeza watoto wale wanaoonekana kuwa watakuwa maarufu sana duniani endapo wangezaliwa
na wakawa watu wazima. Tunajifunza kuwa, mashetani wanaweza kula watoto, au kula
biashara, kula ndoa, kula kazi n.k, lakini ukimtegemea Bwana atakuvusha kama
alivyofanya kwa usalama wa mtoto huyu aliyezaliwa na huyu mwanamke. Hata Yesu Kristo
pia wakati wa kuzaliwa, Yusufu alipewa jukumu la kumtorosha hadi Misri ili asiuliwe
na Herode.
Shetani huwameza
pia watoto nyakati za kuzaliwa kwao. Imeandikwa katika UFUNUO 12:13–16 (Na joka yule alipoona ya kuwa ametupwa
katika nchi, alimwudhi mwanamke yule aliyemzaa mtoto mwanamume. 14 Mwanamke
yule akapewa mabawa mawili ya tai yule mkubwa, ili aruke, aende zake nyikani
hata mahali pake, hapo alishwapo kwa wakati na nyakati na nusu ya wakati, mbali
na nyoka huyo. 15 Nyoka akatoa katika kinywa chake, nyuma ya huyo mwanamke,
maji kama mto, amfanye kuchukuliwa na mto ule. 16 Nchi ikamsaidia mwanamke;
nchi ikafunua kinywa chake, ikaumeza mto ule alioutoa yule joka katika kinywa
chake.). Tunamuona shetani akimuudhi mwanamke aliyemzaa mtoto, kwa
sababu kilichozaliwa kina mamlaka ya kumponda shetani kichwa. Tunajifunza kuwa
kumbe shetani anaweza kutapika maji ya mafuriko kama mto, na watu wakayaona ni
mafuriko ya maji, kumbe ni mpango wa kishetani. Hata leo hii, mafuriko
yanayoonekana kila mahali hapa nchini siyo kwamba yote ni matukio ya kawaida ya
kijiografia. Baadhi ya Mafuriko yameandaliwa na yule muovu shetani, na
kupumbaza akili za wanadamu ili wayaone kuwa ya kawaida. Na mbaya zaidi, ni
pale baadhi ya Wakristo huyapokea kwa mikono miwili na kujifariji kwa kusema “BWANA ALITOA NA BWANA AMETWAA”. Ni
kweli kuwa, Bwana ndiye aliyetoa lakini lazima tuhoji YULE ANAYETWAA, tusiamini
amini sana anayetwaa, kwa sababu siyo mpango wa Mungu
kutwaa kila akupacho.!!
2.
UPEPO WA
KISHETANI
Katika AYUBU 1:1-12 tunasoma simulizi ya Ayubu
na matukio mbali mbali yaliyompata. Mfano
ni katika AYUBU 1:18-19 (Huyo
alipokuwa akali akinena, akatokea na mwingine, na kusema, Wanao na binti zako
walikuwa wakila na kunywa divai katika nyumba ya ndugu yao mkubwa; 19 mara,
tazama, upepo wenye nguvu ukatoka pande za jangwani, ukaipiga hiyo nyumba pembe
zake nne, nayo ikawaangukia hao vijana, nao wamekufa; na mimi peke yangu
nimepona, mimi tu, kukuletea habari.). Tunaliona tukio la upepo
ulioipiga nyumba ya Ayubu pande zote 4 (Mashariki, Magharibi, Kusini na
Kaskazini) na kusababisha vifo vingi, wakiwemo watoto 10 wa Ayubu. Kwa kawaida,
upepo hutokea upande mmoja kwenda upande
mwigine. Siyo jambola kawaida upepo kutokea pande zote nne. Lakini katika
mazingira haya, shetani ndiye aligeuka na kuwa upepo. Ndiyo maana tunasema huu
ulikuwa upepo wa kishetani.
Endapo tukio hili la
upepo nyumbani kwa watoto wa Ayubu lingetokea leo hii hapa Tanzania, ni dhahiri
kuwa vyombo vyote vya habari vingelitangaza kama kawaida yao, na kuelezea jinsi upepo ulivyokuja na
madhara yaliyotokea, na hata pengine Mamlaka
ya Hali ya Hewa wangetupatia jina
la huo upepo (wangeweza kuuita ni tsunami, au torndo n.k.). Siku moja Yesu
aliwahi kuukemea upepo walipokuwa kwenye chombo majini na mara moja ile dhoruba
ya upepo ikanyamaza kimya. Leo Mungu akupe uwezo wa kunyamazisha pepo zote
zinazofuatilia maisha yako, ndoa yako, biashara yako, masomo yako yote kwa Jina
la Yesu. Upepo wa kishetani unaweza ukafukuza watu, hata wale waliotaka
kukusaidia wasiweze. Pengine kuna mtu alikuwa akusaidie, lakini mara mtu huyo
anakufa ghafla na ule msaada uliotegemea kwake unaishia hapo hapo.
Swali la kujiuliza
hapa kuhusiana na Upepo wa nyumbani kwa Ayubu ni:- JE, KWA NINI HUYU MLETA TAARIFA
HAKUFA KWENYE HILO TUKIO? Ni wazi kuwa, mleta taarifa naye alikuwa wakala
wa shetani, aliandaliwa makusudi kwa ajili ya kupeleka taarifa mbaya. Shetani
anaweza kugeuka na kuwa kitu chochote kile apendacho. Ndiyo maana Imeandikwa
katika WAFALME 22:20-21 (Bwana
akasema, Ni nani atakayemdanganya Ahabu, ili akwee RamothGileadi akaanguke?
Basi huyu akasema hivi; na huyu hivi. 21 Akatoka pepo, akasimama mbele za
Bwana, akasema, Mimi nitamdanganya.). Shetani huyu huyu aliyehudhuria
kikao mbinguni na kusababisha matukio kwa Ayubu, ndiye anayehudhuria kikao na
kupanga kwenda kumdanganya Mfalme Ahabu.
|
UKIRI
Ewe mleta taarifa mbaya, taarifa za vifo, taarifa za
magonjwa, leo ninakufyeka kwa Jina la Yesu. Amen
|
 |
| Mchungaji Kiongozi Dr. Godson Issa Zacharia, akimfungua mtu katikati ya Ibada leo Jumapili 14/5/2017. |
3.
TUKIO LA UBUBU
NA UZIWI WA KISHETANI
Unaweza kumuona
mtu ni bubu au kiziwi ukawaza kuwa hiyo ni hali ya kawaida tu kwa wanadamu,
lakini kumbe nyuma yake yupo shetani aliyeesababisha. Imeandikwa katika MARKO 9:14-27 (Hata walipowafikia wanafunzi,
waliona mkutano mkuu wakiwazunguka, na waandishi wakijadiliana nao; 15 mara
mkutano wote walipomwona walishangaa, wakamwendea mbio, wakamsalimu. 16
Akawauliza, Mnajadiliana nini nao? 17 Mtu mmoja katika mkutano akamjibu,
Mwalimu, nimemleta mwanangu kwako, ana pepo bubu; 18 na kila ampagaapo,
humbwaga chini, naye hutoka povu na kusaga meno na kukonda; nikasema na
wanafunzi wako wamtoe pepo, wasiweze. 19 Akawajibu, akasema, Enyi kizazi
kisichoamini, nikae nanyi hata lini? Nichukuliane nanyi hata lini? Mleteni
kwangu. 20 Wakamleta kwake; hata alipomwona, mara yule pepo alimtia kifafa;
naye akaanguka chini, akagaagaa, akitokwa na povu. 21 Akamwuliza babaye,
Amepatwa na haya tangu lini? Akasema, Tangu utoto. 22 Na mara nyingi amemtupa
katika moto, na katika maji, amwangamize; lakini ukiweza neno lo lote,
utuhurumie, na kutusaidia. 23 Yesu akamwambia, Ukiweza! Yote yawezekana kwake
aaminiye. 24 Mara babaye yule kijana akapaza sauti, akasema, Naamini, nisaidie
kutokuamini kwangu. 25 Naye Yesu akiona ya kuwa mkutano unakusanyika mbio,
akamkemea yule pepo mchafu, akamwambia, Ewe pepo bubu na kiziwi, mimi
nakuamuru, mtoke huyu, wala usimwingie tena. 26 Akalia, akamtia kifafa sana,
akamtoka; naye akawa kama amekufa; hata wengi wakasema, Amekufa. 27 Lakini Yesu
akamshika mkono akamwinua naye akasimama.).
Hapa tumemuona huyu kijana
ambaye ni bubu na kiziwi tokea kuzaliwa kwake. Matukio ya kishetani yaliyompata
kijana huyu mara kwa mara ni kama vile:-
·
Kubwagwa chini.
Mapepo haya yalikuwa yakimdondosha kijana kwenye moto na
maji, na lengo likiwa ni kumfanya afe, na baadae akeshakufa watu
wataliona hilo tukio kama la kifo cha maji au
moto. Yote haya ni mapepo ndani mwake yaliyokuwa yanasababisha haya.
·
Kijana kutokwa
povu na kusagasaga meno.
·
Mapepo pia yalisababisha
ukondefu kwa huyu kijana, na kumfanya mtu hata kama anakula vizuri tu lakini
asiongezeke uzito. Nyakati nyingine unapomuona mtu anatafuna vitu usingizini,
fahamu kuwa huyo ni pepo ndani mwake anayemlisha vyakula ndotoni. Unapaswa
kuomba kwa bidii na kuyaharibu mapepo ya aina hii kwa Jina la Yesu.
Hata hivyo kwa
kuwa Yesu aliliona hilo tukio katika ulimwengu wa roho, tunamuona Yesu
akimshika mkono na kumponya.
 |
| Showers of Glory Morogoro wakimwimbia na kucheza mbele za Bwana leo Jumapili 14/5/2017 |
4.
TUKIO LA
UDHAIFU WA KIPEPO KWA MIAKA 18
Katika LUKA 13:10-16 imeandikwa (Siku
ya sabato alikuwa akifundisha katika sinagogi mojawapo. 11 Na tazama, palikuwa
na mwanamke aliyekuwa na pepo wa udhaifu muda wa miaka kumi na minane, naye
amepindana, hawezi kujinyosha kabisa. 12 Yesu alipomwona alimwita, akamwambia,
Mama, umefunguliwa katika udhaifu wako. 13 Akaweka mikono yake juu yake, naye
akanyoka mara hiyo, akamtukuza Mungu. 14
Basi mkuu wa sinagogi alikasirika kwa sababu Yesu amemponya mtu siku ya sabato,
akajibu, akawaambia mkutano, Kuna siku sita zifaazo kufanya kazi, basi njoni
mponywe katika siku hizo, wala si katika siku ya sabato. 15 Lakini Bwana
akajibu akasema, Enyi wanafiki, kila mmoja wenu, je! Hamfungui ng'ombe wake au
punda wake siku ya sabato katika zizi, aende naye kumnywesha? 16 Na huyu
mwanamke, aliye wa uzao wa Ibrahimu, ambaye Shetani amemfunga miaka kumi na
minane hii, haikupasa afunguliwe kifungo hiki siku ya sabato?). Huyu pepo wa udhaifu aliingia katika mwili wa huyu
mama, na kusababisha mgongo wake kupindana kwa miaka yote 18. Tunamuona Yesu
akimfungua huyu mama kwa kuwa aliujua huo ni mpango uliokuwa wa kishetani. Hata
katika maisha yako, pengine yapo mambo yamepindisha maisha yako kwa muda mrefu.
Unapaswa kuyaona mambo haya katika ulimwengu wa roho, kwa kuwa wapo watu waovu
wanaopindisha maisha ya watu wengine.
|
UKIRI
Ewe tukio la kichawi lililoandaliwa kuniangamiza
mimi nakufyeka kwa Jina la Yesu. Tukio
la kukataliwa, Ng’ooka kwa Jina la Yesu, achia maisha yangu, achia biashara
zangu, achia ndoa yangu kwa Jina la Yesu. Amen
|
Endapo katikati
yetu yupo mtu hajampa Yesu Kristo maisha yake, kwa maana ya kuokoka, Leo Amua
kufanya hivyo ili iwe rahisi kwako kuyaharibu matukio ya kutengenezwa ya
kishetani katika Jina la Yesu.
========== AMEN ========
KWA MSAADA
ZAIDI NA MAOMBEZI WASILIANA NASI KIPITIA:
FACEBOOK: Pastor Dr Godson Issa Zacharia
Follow
us on INSTAGRAM: pastordrgodson
Follow
us on YOUTUBE: pastor:dr.godson
TEL: +255 719 798778 (WhatsApp & Sms only)
BLOG: Ufufuo na Uzima Morogoro http://ufufuonauzimamorogoro.blogspot.com/