GLORY OF CHRIST TANZANIA CHURCH (GCTC)
{KANISA LA UFUFUO NA
UZIMA → MOROGORO}
JUMAPILI: 07 MAY 2017
MHUBIRI: PASTOR KELVIN MWAIPOPO (SNP NZEGA, TABORA)
 |
| Mchungaji Kelvin Mwaipopo akifundisha neno la Mungu, Morogoro. leo 7. May.2017. |
1.
MILANGO YA
KIMWILI KATIKA BIBLIA
Katika MWANZO 19:1-2 (Basi, wale malaika wawili wakaja
Sodoma jioni; na Lutu alikuwa amekaa mlangoni pa Sodoma. Lutu akawaona
akaondoka akaenda kuwalaki, akainama kifudifudi. 2 Akasema, Bwana zangu,
karibuni nawasihi mwingie nyumbani mwa mtumwa wenu, mkalale, mkanawe miguu
yenu, hata asubuhi mwondoke na mapema mkaende zenu. Wakasema, Sivyo, lakini
tutakaa uwanjani usiku kucha.). Hawa ni malaika lakini ili waweze
kufanya kazi iliwapasa wavae miili ya kibinadamu na Lutu akaweza kuwaona
kimwili. Malaika hawa wanatumia mlango wa kimwili wa mji wa Sodoma. Mlango
mwingine ni ule aliotumia Ibrahmu, kama ilivyoandikwa katika MWANZO 18:1 (Bwana akamtokea Ibrahimu karibu
na mialoni ya Mamre, alipokuwa ameketi mlangoni pa hema yake mchana wakati wa
hari.)
 |
| baadhi ya makutano wakimsikiliza mchungaji na kuandika neno la Mungu. leo 7. May.2017 |
Katika KUTOKA 12:22-23 imeandikwa (Nanyi
twaeni tawi la hisopu, mkalichovye katika ile damu iliyo bakulini na kukipiga
kizingiti cha juu, na miimo miwili ya mlango, kwa hiyo damu iliyo katika
bakuli; tena mtu ye yote miongoni mwenu asitoke mlangoni mwa nyumba yake hata
asubuhi. 23 Kwa kuwa Bwana atapita ili awapige hao Wamisri; na hapo atakapoiona
hiyo damu katika kizingiti cha juu, na katika ile miimo miwili, Bwana atapita
juu ya mlango, wala hatamwacha mwenye kuharibu aingie nyumbani mwenu kuwapiga
ninyi.). Kuanzia kipindi hiki cha Musa, Yesu alikuwa akitabiriwa hapa kwa
kuwa alama ya msalaba iliwekwa kwenye milango hii kwa kutumia damu ili
Bwana atakapopitakuwapiga Wamisri, wana
wa Israeli wao wasidhuriwe.
KUTOKA 33:8-10
(Hata
Musa alipotoka kuiendea ile hema, watu wote waliondoka wakasimama, kila mtu
mlangoni pa hema yake, akamtazama Musa, hata alipokwisha kuingia hemani. 9
Ikawa Musa alipoingia humo hemani, ile nguzo ya wingu ikashuka, ikasimama
mlangoni pa ile hema; naye Bwana akasema na Musa. 10 Watu wote wakaiona nguzo
ya wingu ikisimama penye mlango wa hema; watu wote wakaondoka wakasujudu, kila
mtu mlangoni pa hema yake.). je uliwahi kujiuliza swali kwa nini
washirikina huweka mitego yao katika milango? Hii ni kwa sababu katika mlango ndipo mtu huingia
na kutoka. Katika baraka, Mungu ameahidi atakubariki uingiapo na uondokapo. Kwa
hiyo ndiyo maana wachawi hutegesha mitego yao milangoni, ili mtu alaaniwe
aondokapo na alaaniwe aingiapo. Mchana wa leo Bwana amesimama mlangoni ili
kukubariki katika Jina la Yesu.
Katika YOSHUA 6:1-3 imeandikwa (Basi
Yeriko ulikuwa umefungwa kabisa kwa sababu ya wana wa Israeli; hapana mtu
aliyetoka wala hapana mtu aliyeingia. 2 Bwana akamwambia Yoshua, Tazama,
nimeutia Yeriko katika mkono wako, na mfalme wake, na mashujaa wake. 3 Nanyi
mtauzunguka mji huu, watu wote wa vita, mkiuzunguka mji mara moja.Fanya hivi
siku sita.). Sisi hatupaswi kuogopa kitu tena. Tayari tumeshaivuka
Bahari ya Shamu kwa ushindi, na sasa ni muda wetu kuingia Yeriko na kuimiliki sawasawa na ahadi za Bwana wetu.
 |
| Baadhi ya makutano wakifuatilia kwa umakini mafundisho ya neno la Mungu. leo 7. .May.2017. |
Imeandikwa katika WAAMUZI 16:3 (Basi Samsoni akalala hata usiku
wa manane, akaondoka katikati ya usiku, akaishika milango ya lango la mji, na
miimo yake miwili, akaing'oa pamoja na komeo lake, akajitwika mabegani,
akavichukua hata kilele cha mlima ule unaokabili Hebroni). Ndivyo itakavyokuwa
kwako siku ya leo. Endapo wachawi watakuzuia, leo uamke usiku na kuyang’oa
mageti yao yote ya kuzimu waliyokuwekea katika Jina la Yesu. Mageti ya utasa,
mageti ya umaskini, mageti ya magonjwa n.k. yapo katika uwezo wako, kama
alivyofanya Samsoni, nawe leo uamue kuyang’oa yote kwa Jina la Yesu.
Lakini wewe unapaswa
kujua kuwa MWANADAMU NI LANGO. Katika
ZABURI 24:1-10 imeandikwa hivi (Nchi
na vyote viijazavyo ni mali ya Bwana, Dunia na wote wakaao ndani yake. 2 Maana
ameiweka misingi yake juu ya bahari, Na juu ya mito ya maji aliithibitisha. 3
Ni nani atakayepanda katika mlima wa Bwana? Ni nani atakayesimama katika
patakatifu pake? 4 Mtu aliye na mikono safi na moyo mweupe, Asiyeiinua nafsi
yake kwa ubatili, Wala hakuapa kwa hila.5 Atapokea baraka kwa Bwana, Na haki
kwa Mungu wa wokovu wake.6 Hiki ndicho kizazi cha wamtafutao, Wakutafutao uso
wako, Ee Mungu wa Yakobo. 7 Inueni vichwa vyenu, enyi malango, Inukeni, enyi
malango ya milele, Mfalme wa utukufu apate kuingia. 8 Ni nani Mfalme wa
utukufu? Bwana mwenye nguvu, hodari, Bwana hodari wa vita. 9 Inueni vichwa
vyenu, enyi malango, Naam, viinueni, enyi malango ya milele, Mfalme wa utukufu
apate kuingia. 10 Ni nani huyu Mfalme wa utukufu? Bwana wa majeshi, Yeye ndiye
Mfalme wa utukufu.). Katika
Agano la Kale kabla ya Yesu jkjuzaliwa, mwanadamu alikuwa ni lango ambalo Mungu laiweza kuingia nakutoka.Mungu aliweza
kuingia ndani na kuleta afya, utajiri, mapato, n.k. Kwa upande mwingine wachawi
nao kwa kulitambua hili waliweza pia kuingiza magonjwa, umaskini, utasa n.k.
kwa mwanadamu.
Katika ISAYA 60:11 Imeandikwa (Malango
yako nayo yatakuwa wazi daima; Hayatafungwa mchana wala usiku; Ili watu wapate
kukuletea utajiri wa mataifa, Na wafalme wao wakiongozwa pamoja nao.).
Malango yako yakiwa wazi Bwana ataingia na kuupitisha utajiri wa mataifa. Je,
wewe uliyeokoka, unamiliki biashara gani? Hivi uliwahi kujiuliza swali kwa nini
biashara zote kubwa kubwa kama za vituo vya mafuta ya petroli hazimilikiwi na
walokole? Ni wakati umefika ili utajiri wa mataifa uje kwetu kwa Jina laYesu
pale tutakapoachia milango yetu wazi ili Bwana aingie ndani mwetu.
Imeandikwa katika YOHANA 10:7-9 (Basi Yesu aliwaambia tena, Amin,
amin, nawaambieni, Mimi ndimi mlango wa kondoo. 8 Wote walionitangulia ni wevi
na wanyang'anyi; lakini kondoo hawakuwasikia. 9 Mimi ndimi mlango; mtu akiingia
kwa mimi, ataokoka; ataingia na kutoka, naye atapata malisho.). Yesu
ametuahidi kwamba atakaeingia katika Mlango ambao ni Yesu Kristo, atapata MALISHO. Ni mamombi yetu
leo kwamba umruhusu Yesu akupe malisho ya ndoa, malisho ya afya, malisho ya kazi, biashara, elimu
n.k. kwa Jina la Yesu.
2.
MILANGO YA ROHONI IKOJE?
Mifano hii ya
Kibiblia hapo juu yote inazungumzia malango ya kimwili. Sasa ni wakati pia wa
kuyatazama malango ya Rohoni.
Tunasoma katika ZABURI 78:23 tunakutana na neno la
Mungu likisema (Lakini aliyaamuru mawingu juu; Akaifungua milango ya mbinguni).
Kumbe basi mbinguni nako yapo malango. Kwa hiyo ni sharti ujiunganishe na haya
malango ya mbinguni ili upate afya, upate kazi, upate ndoa nzuri n.k.
Imeandikwa katika UFUNUO 1:1-2 (Baada
ya hayo naliona, na tazama, mlango ukafunguka mbinguni, na sauti ile ya kwanza
niliyoisikia kama sauti ya baragumu ikinena nami, ikisema, Panda hata huku,
nami nitakuonyesha mambo ambayo hayana budi kuwako baada ya hayo. 2 Na mara
nalikuwa katika Roho; na tazama, kiti cha enzi kimewekwa mbinguni na mmoja
ameketi juu ya kile kiti;).
Imeandikwa katika 1WAKORINTHO 16:9 (kwa maana nimefunguliwa mlango
mkubwa wa kufaa sana, na wako wengi wanipingao). Paulo anazungumzia
mlango tena mkubwa, siyo wa kimwili, bali wa kiroho ulikuwa mbele yake. Hata
hivyo wapo waliompinga ili asiupite. Katika UFUNUO
3:8 imeandikwa (Nayajua matendo yako. Tazama, nimekupa mlango uliofunguliwa mbele yako,
ambao hapana awezaye kuufunga, kwa kuwa unazo nguvu kidogo, nawe umelitunza
neno langu, wala hukulikana jina langu.). Hata sasa, yamkini upo mlango
mkubwa sana mbele yako lakini wanaokupinga ni wengi na ambao ni watu kabisa:
Pengine ni mashangazi zako, mababu, mabibi, majirani n.k. ndiyo wamkea
kukuzuia. Leo tutaomba na kuwafyeka wote wanaotupinga, kwaJina la Yesu.
Tunapoonglea
kuzimu, inafaa tufahamu kuwa KUZIMU NI
ROHO. Na hivyo kuzimu ina tumbo, na
pia ina kinywa. Ndiyo maana Yona alisema alikuwa katika tumbo la kuzimu katika zile siku tatu alizomezwa na samaki. Tumbo la Kuzimu linameza vitu na kuvihifadhi, na
ndiyo maana inabidi tuamuru kuzimu kuvitapika
vitu vyetu vyote ilivyomeza kwa Jina la
Yesu. Imeandikwa ISAYA 5:13-14 (Kwa
sababu hiyo watu wangu wamechukuliwa mateka, kwa kukosa kuwa na maarifa; na
watu wao wenye cheo wana njaa, na wengi wao waona kiu sana. 14 Kwa hiyo kuzimu
kumeongeza tamaa yake, kumefunua kinywa chake bila kiasi; na utukufu wao, na wingi
wao, na ghasia yao, naye pia afurahiye miongoni mwao, hushuka na kuingia humo.).
Asili ya kutawala
ni yetu sisi wanadamu wala siyo ya shetani. Yesu aliturudishia tena asili hii ya utawala iliyokuwa imeibiwa na shetani, na
kwa kuanzia ndiyo maana siku moja Yesu
katika kuivuka Bahari, alitembea juu ya maji kinyume na kanuni za kibinadamu. Yesu
anatufundisha kuwa tunayo MAMLAKA JUU YA
BAHARI na vilivyomo ndani yake. Yesu huyo huyo siku ile alipokufa msalabani
alienda kuzimu na kumnyang’anya shetani funguo za kuzimu na mauti. Siku ya tatu
Yesu alipofufuka, alidhihirisha kwamba tumbo la kuzimu haliwezi kumzuia, na
ndiyo maana akafufuka na kuishinda mauti. Kaburi lilishindwa kumzuia Yesu
asifufuke, ili kutufundisha sisi kuwa ardhi tuliyo nayo imeshakombolewa na
Bwana Yesu, na tunapaswa KUIMILIKI ARDHI
vile vile. Siku 40 baada ya Yesu kufufukailipofika, Yesu alipaa mbinguni na
wingu la angani likampokea kudhihirisha kuwa tunayo mamlaka pia ya KULITAWALA ANGA lote, na kwamba hakuna
cha kutuzuia.
Imeandikwa katika ZABURI 49:15 (Bali Mungu atanikomboa nafsi yangu, Atanitoa
mkononi mwa kuzimu, maana atanikaribisha.). Kumbe tunajifunza kuwa kuzimu inayo mikono. Kama ndivyo, ujue wazi kuwa
mikono ya kuzimu inaweza kuzuia mambo yako yasifanikiwe. Saa imetimia kuizuia
mikono ya kuzimu inayotuzuia ili mikono hiyo isifanikiwe kwetu kwa Jina la Yesu.
Katika YONA 2:2 Imeandikwa (Akasema,
Nalimlilia Bwana kwa sababu ya shida yangu, Naye akaniitikia; Katika tumbo la
kuzimu naliomba, Nawe ukasikia sauti yangu.). Tunaona kuwa kumbe kuzimu
inalo tumbo. Na kama hali ndiyo hiyo
tujue kuwa tumbo hili linalishwa vitu mablimbali siku hadi
siku.
Imeandikwa katika UFUNUO 6:8 (Nikaona, na tazama, farasi wa rangi ya
kijivujivu, na yeye aliyempanda jina lake ni Mauti, na Kuzimu akafuatana naye.
Nao wakapewa mamlaka juu ya robo ya nchi, waue kwa upanga na kwa njaa na kwa
tauni na kwa hayawani wa nchi.). Kumbe
tunaona kuwa KUZIMU kwa kuwa ni roho inaweza kupanda farasi (au bodaboda, au basi, au gari, au meli n.k) na ikaongozana na Roho ya MAUTI, na
wawili hawa wakaleta uharibifu kwa mwanadamu.
Pia imeandikwa
katika MATHAYO 16:13-17 (Basi
Yesu akaenda pande za KaisariaFilipi, akawauliza wanafunzi wake akasema, Watu
hunena Mwana wa Adamu kuwa ni nani? 14 Wakasema, Wengine hunena u Yohana
Mbatizaji, wengine Eliya, wengine Yeremia au mmojawapo wa manabii.15
Akawaambia, Nanyi mwaninena mimi kuwa ni nani? 16 Simoni Petro akajibu akasema,
Wewe ndiwe Kristo, Mwana wa Mungu aliye hai. 17 Yesu akajibu, akamwambia, Heri
wewe Simoni Baryona; kwa kuwa mwili na damu havikukufunulia hili, bali Baba
yangu aliye mbinguni. 18 Nami nakuambia, Wewe ndiwe Petro, na juu ya mwamba huu
nitalijenga kanisa langu; wala milango ya kuzimu haitalishinda.). Sisi
kama kanisa tumejengwa katika mwamba ambao ni Yesu Kristo, na malango ya kuzimu
haitalishinda kwa Jina la Yesu.
 |
| Doughters of Abraham wakicheza kwa pamoja na SNP Dr. Godson Issa Zakaria. leo 7.May.2017. |
Katika UFUNUO 1:17-18 imeandikwa (Nami nilipomwona, nalianguka miguuni pake
kama mtu aliyekufa. Akaweka mkono wake wa kuume juu yangu, akisema, Usiogope,
Mimi ni wa kwanza na wa mwisho, 18 na aliye hai; nami nalikuwa nimekufa, na
tazama, ni hai hata milele na milele. Nami ninazo funguo za mauti, na za
kuzimu.). Leo tuyafungue malango yote ya kuzimu yaliyoficha mali na
vitu vyetu vyote kwa Jina la Yesu. Leo tuite viungo vya miili yetu vilivyoibiwa
na kuwekwa kuzimu (tuite uso, tuite mikono, miguu, sura iliyoibiwaa n.k), kwa
sababu tayari tunazo funguo za mauti na kuzimu mikononi mwetu katika Jina la
Yesu.
UKIRI
Baba Mungu
katika Jina la Yesu, nakataa, hakuna mchawi, wala mganga wa kienyeji
atakayeufunga mlango wangu wa mafanikio. Kuanzia sasa, milango yangu yote
naifunua kwa JJina la Yesu. Tumbo la Kuzimu likijaribu tena lipasuke kwa Jina
la Yesu. Kuanzia sasa, ninamiliki anga, ninamiliki ardhi na ninamiliki bahari
kwa Jina la Yesu. Amen
|
Hata hivyo hauwezi
kumpinga shetani wakati yeye bado ni baba yako. Ni lazima kuhama kwanza kutoka
katika ulimwengu wa mashetani na kumjia
YESU ili kuwa rahisi kumshinda huyu muovu shetani. Endapo katikati yetu leo
yupo mtu ambaye hajaokoka, ni fursa pekee kwako kumpa Yesu maisha yako.
========== AMEN ========
KWA MSAADA
ZAIDI NA MAOMBEZI WASILIANA NASI KIPITIA:
FACEBOOK: Pastor Dr Godson Issa Zacharia
Follow
us on INSTAGRAM: pastordrgodson
Follow
us on YOUTUBE: pastor:dr.godson
TEL: +255 719 798778 (WhatsApp & Sms only)
BLOG: Ufufuo na Uzima Morogoro http://ufufuonauzimamorogoro.blogspot.com/