GLORY OF CHRIST TANZANIA CHURCH (GCTC)
KANISA LA UFUFUO NA UZIMA
{MOROGORO}
JUMAPILI: 14 MAY 2017
Mwanzoni alikuwa
anafahamu kusoma vitabu vya elimu ya awali, lakini kufikia darasa la 3 akaugua ugonjwa
wa Homa ya Degedege, akazimia kwa wiki 2.
Alizinduka wiki ya 3 muda wa saa 12:00 jioni, na pembeni yake alikuwepo
mchungaji mmoja aliyekuwa akimuombea (ingawa
haijulikani ni nani au alikotokea kanisa gani). Kuanzia pale akasahau kabisa
kusoma na akili zake zikagoma kuelewa anachofundishwa. Hali iliendelea vile, na
alipofika darasa la 5 akaacha shule mwenyewe.
 |
| Rhoda akifafanua jambo wakati akihojiwa na SNP Dr. Godson (Kulia) na RP Steven (Kushoto), Jumapili 14/5/2017 |
Huyu tunayemzungumzia
ni Rhoda William (Anayehojiwa Pichani), binti
mwenye umri wa miaka 21, anayeishi Kihonda Morogoro. Ni binti aliyechukuliwa
msukuleni na bibi mzaa baba (Jina linahifadhiwa) anayeishi kijiji cha Kinole
- Morogoro. Kazi kubwa akiwa msukuleni ilikuwa
kumsaidia bibi yake kuua watu kwa kusababisha ajali za barabarani. Anakiri kuua
watu wapatao 200 hivi kwa ajali mbalimbali za mabasi ya abiria maeneo ya
Morogoro, Mwanza na Marekani. Je, aliwahi kufika Marekani? Rhoda anasema
wanaposafiri na bibi yake, ndiye humtajia mahali walipo, ikiwemo huko Marekani!!!
Kwa ujumla
haya ni maisha ya hofu na mateso
aliyoishi Rhoda tokea achukuliwe msukule. Chakula chake kikuu akiwa huko
msukuleni kilikuwa kutafuna matofali ya ujenzi. Na pale anaposababisha ajali,
Rhoda alikuwa akipewa zawadi ya lita moja ya damu ya waliouawa ili anywe, na
endapo akikataa kunywa bibi alikuwa akimchapa kwa fimbo fulani nyeusi. Kutokana
na hali hiyo, hamu yake ya kunywa damu za watu iliongezeka siku hadi
siku.
Alikuwa
akiwaua je watu kwa ajali? Rhoda anasema Bibi yake humjia usiku, na kumpaka
dawa ya unga mweupe puani, kisha bibi hutoweka, na muda mfupi baadae bibi atarejea
upya akiwa na dawa nyingine ya unga tofauti atakayompa mjukuu wake huyu ili
awarushie usoni madereva wa mabasi yenye abiria wengi.!!! Dereva atakayelengwa, huona ukungu umetanda kwa
mbele barabarani, na ataliyumbisha basi lake, mwishowe litakosa mwelekeo na
ajali mbaya itatokea. Hapo penye tukio la ajali, bibi hutokezea mara moja na
vibuyu vyake kajifunga kiunoni tayari kujaza damu za watu (ingawa siyo rahisi watu
kumuona kwa macho haya ya nyama). Rhoda anasema, bibi anacho chombo
mithili ya vuvuzela, ambacho huinyonya damu kutoka kwa maiti mmoja hadi
mwingine na kujazilia vibuyu vyake hadi vijae. Je, bibi huipeleka wapi damu
hiyo? Rhoda anasema hajui kinachoendelea kwa sababu mara zote alikuwa akizuiwa na bibi yake kuingia huko anakoipeleka
hiyo damu. Je, aliwahi kuua watu wa familia au ndugu zake? Rhoda anajibu
hapana, hakuwahi kufanya hivyo.
Aliweza je
kutoka Kinole hadi mabarabarani ili kusababisha ajali? Rhoda anasema akiwa
amelala, Bibi yake humjia na kumpulizia dawa fulani na atajiona kama wapo Rhoda-wawili
wanaofanana wakiwa hapo kitandani. Huyo Rhoda mmoja ataondoka mithili ya kivuli
na kwenda barabarani kutekeleza mpango
wa kusababisha ajali kama bibi yake atavyomwagiza kufanya. Rhoda
mwingine hubaki kitandani akiwa katika usingizi mzito sana.
Siku moja
bibi yake alimpeleka Rhoda mahali asipopajua na kumtambulisha kikaoni kwa watu
fulani ambao pia hakuwafahamu. Rhoda akasimikwa kuwa MALKIA kuanzia pale, na kulazimishwa
kuolewa na mwanaume mmoja mwenye ngozi nyeupe (mzungu). Huyu ndiye kila mara
alimjia ndotoni na kushiriki naye unyumba nyakati za usiku. Mwanaume huyu
alikuwa akipokea maalekezo kutoka kwa bibi wa Rhoda, na kuyaleta kwa malkia
Rhoda kwa utekelezaji. Je, alipata watoto na huyu mwanaume? Kwa hilo Rhoda hakumbuki chochote.
Rhoda aliwezaje
kutoka huko msukuleni? Rhoda anasema wiki jana aliletwa Kanisani Ufufuo na
Uzima Morogoro kuombewa. Wakati anaombewa ilisikika sauti kubwa ya “NJOO KWA JINA LA YESU” iliyomfanya bibi
yake amfukuze na kumwambia hiyo sauti ya NJOO inamkera na kumuachia aondoke
zake. Hata hivyo bibi yake alimkataza asitoe siri ya mambo yake huko aendako.
 |
| Rhoda akihitimisha Ushuhuda wake, Kanisani Ufufuo na Uzima Morogoro hapo Jumapili 14/5/2017 |
Kwa sasa
Rhoda ameokoka, ameamua kuachana na mambo ya uchawi na anamtumikia Bwana Yesu katika
Kanisa la Ufufuo na Uzima Morogoro. Sifa na Utukufu ni kwa Yesu Kristo pekee.
========== AMEN ========
KWA MSAADA
ZAIDI NA MAOMBEZI WASILIANA NASI KIPITIA:
FACEBOOK: Pastor Dr Godson Issa Zacharia
Follow
us on INSTAGRAM: pastordrgodson
Follow
us on YOUTUBE: pastor:dr.godson
TEL: +255 719 798778 (WhatsApp & Sms only)