SOMO: LAANA YA WACHAWI-Na: Dr. Godson Issa Zacharia (SNP)

JUMAPILI: 07 SEPTEMBER 2014 - UFUFUO NA UZIMA MOROGORO

Baba (SNP Dr. Godson) akifundisha somola "Laana ya Wachawi"
katika ibada Nyumba ya Ufufuo na Uzima - Morogoro 07/09/2014. 

Utangulizi: Somo la Jumapili ya leo linaitwa “Laana ya Wachawi”. Laana ni jambo  linaloagizwa lifanyike kwa mtu kwa kumletea huyo mtu  mambo mabaya. Ukiona laana inamfuata mtu, ujue ni jambo litakaloleta mambo mabaya kama vile,  magonjwa, ajali,  kufukuzwa kazi n.k. Hakuna mtu  anayemlaani mwingine ili huyo alaaniwaye apate gari. Kusudi  la laana ni kuona mambo mabaya yakitokea. Laana inasababisha mtu mambo yake yamuendee vibaya. Wakala wa laana ni ibilisi.

Zipo laana za aina mbalimbali. Zipo laana za wazazi, laana za wanadamu, laana za wachawi, laana zitokanazo na dhambi, laana ya  kutolipa fungu la kumi, laana za ukoo n.k.  Laana ya wachawi ni laana inayotolewa na wachawi wenyewe. Wachawi ni wanadamu ambao wamekubali kutimiza makusudi ya shetani hapa duniani. Shetani ni takataka kutoka kuzimu.

MAOMBI: Takataka za shimoni zibaki shimoni. Ninakataa kuingiliwa ndani ya  mwili wangu na takataka kutoka shimoni, Kwa jina la Yesu.

Majeshi ya Bwana Morogoro  wakisikiliza kwa makini somo
la "Vifo vya Kichawi" katika ibada ya Jumapili 07/09/2014.

Shetani hushirikiana na wachawi hapa duniani,  na kujenga madhabahu za uharibifu. Ili Mungu aseme na wewe,  hutumia binadamu kwenye madhabahu za Mungu.  Vivyo hivyo, hata shetani hutumia wachawi  katika madhabahu zake za uharibifu.  Zipo laana zinazoandaliwa na wachawi. Hata hivyo imeandikwa, “usimwache mwanamke mchawi kuishi”.

HESABU 22:1-3 ….[Kisha wana wa Israeli wakasafiri na kupanga katika nchi tambarare za Moabu ng'ambo ya pili ya Yordani karibu ya Yeriko. 2 Na Balaki mwana wa Sipori akaona mambo yote ambayo Israeli wamewatendea Waamori. 3 Moabu akawaogopa hao watu sana, kwa kuwa walikuwa wengi; Moabu akafadhaika kwa sababu ya wana wa Israeli.]..Unapoanza kufanikiwa katika maisha yako, au  nyota yako ikaanza kung’aa, wanakuwepo watu  ambao wanajisikia vibaya. Na hapo  ndipo watu  wa aina hii  huwatafuta wachawi ili kulaani.

HESABU 22:4-6..[ Moabu akawaambia wazee wa Midiani, Sasa jeshi hili la watu litaramba vitu vyote vinavyotuzunguka, kama vile ng'ombe arambavyo majani ya mashamba. Na Balaki, mwana wa Sipori, alikuwa mfalme wa Moabu zamani zile. 5 Basi Balaki akatuma wajumbe kwa Balaamu mwana wa Beori, hata Pethori, ulio kando ya Mto, mpaka nchi ya wana wa watu wake, kwenda kumwita, akisema, Tazama, kuna watu waliotoka Misri; tazama, wanaufunika uso wa nchi, tena wanakaa kunikabili mimi. 6 Basi, njoo wewe, nakusihi unilaanie watu hawa; maana wana nguvu kunishinda mimi. Labda nitawaweza, tupate kuwapiga,   niwafukuze watoke katika nchi yangu, kwa maana najua ya kuwa yeye umbarikiye hubarikiwa, na yeye umlaaniye hulaaniwa.]…. Kumbe wachawi wanavyo vitu vyao,  na sisi tunao uwezo wa kuagiza vitu hivyo vilambwe kwa Jina la Yesu. Mtu unapookoka ni  sawa na Israeli walipotoka Misri. Ndiyo  maana unapookoka,  na mambo yako yakaanza kunyooka, wachawi hutafuta namna ya kukulaani ili  mafanikio haya yako yasiwepo.

Balaam alikuwa nabii aliyepakwa mafuta na Bwana, na alikuwa akitamka kitu kinakuwa. Hata hivyo,kutokana na tamaa yake,  alianza kufanya kazi ya uganga, na kupata ujira wa  uganga kama ilivyoandikwa katika HESABU 22:7…[Wazee wa Moabu, na wazee wa Midiani, wakaenda, wakichukua ujira wa uganga mikononi mwao; wakamfikilia Balaamu,  wakamwambia maneno ya Balaki.]

Uwaogope sana watu ambao wanaopenda sana kuombea watu na kudai fedha kama malipo. MATHAYO 10:8….[Pozeni wagonjwa, fufueni wafu, takaseni wenye ukoma, toeni pepo; mmepata bure, toeni bure.]….. Endapo ukikumbana na watu au viongozi wa dini wakihimiza utoaji wa fedha ili  wakufanyie maombi ya tatizo lako, unapaswa kuwakimbia mara moja kwa sababu siyo wa kweli.

HESABU 22: -20…[ 8 Akawaambia, Kaeni hapa usiku huu, nami nitawaletea jawabu kama Bwana atakavyoniambia; wakuu wa Moabu wakakaa na Balaamu. 9 Mungu akamjia Balaamu, akasema, Ni watu gani hawa ulio nao pamoja nawe? 10 Balaamu akamwambia Mungu, Balaki mwana wa Sipori, mfalme wa Moabu, amewatuma kwangu, akisema, 11 Tazama, kuna watu waliotoka Misri, wanaufunika uso wa nchi; basi njoo unilaanie watu hawa; labda nitaweza kupigana nao, na kuwafukuza. 12 Mungu akamwambia Balaamu, Usiende pamoja nao; wala usiwalaani watu hawa, maana wamebarikiwa. 13 Balaamu akaondoka asubuhi akawaambia wakuu wa Balaki, Enendeni zenu hata nchi yenu; kwa maana Bwana amekataa kunipa ruhusa niende pamoja nanyi. 14 Wakuu wakaondoka wakaenda kwa Balaki, wakasema, Balaamu, anakataa kuja pamoja nasi.  15 Basi Balaki akatuma wakuu mara ya pili, wengi zaidi, wenye cheo wakubwa kuliko wale wa kwanza. 16 Wakamfikilia Balaamu, wakamwambia, Balaki mwana wa Sipori asema hivi, Nakusihi, neno lo lote lisikuzuie usinijie; 17 maana nitakufanyizia heshima nyingi sana, na neno lo lote utakaloniomba nitalitenda; basi njoo, nakusihi, unilaanie watu hawa. 18 Balaamu akajibu akawaambia watumishi wa Balaki, Kama Balaki angenipa nyumba yake imejaa fedha na dhahabu, siwezi kupita mpaka wa neno la Bwana, Mungu wangu, kulipunguza au kuliongeza. 19 Basi sasa nawasihi, kaeni hapa tena usiku huu, nipate kujua Bwana atakaloniambia zaidi. 20 Mungu akamjia Balaamu usiku, akamwambia, Kwa kuwa watu hawa wamekuja kukuita, enenda pamoja nao; lakini neno lile nitakalokuambia ndilo utakalolitenda, basi.]… Hata Danieli mwenyewe, baada ya wale washtaki wake kuona haipo njia ya kumkamata Danieli kupitia utendaji wake wa kazi, waliamua kutunga sheria yenye kupingana na imani yake kwa Mungu wake. Watu wengi wanapoona unafanikiwa zaidi, hudhani kuwa wewe una mganga wako anayekusaidia. Wapo watu wenye vinywa vya kutamka mambo nayo yakawa.  Wapo wachawi ambao vinywa vyao ni maalum  kutamka laana na laana hizo zikatimia.

MAOMBI: Kwa jina la  Yesu leo ninakataa laana yoyote iliyotamkwa kwenye madhabahu za kichawi,  ili mimi nipate madhara,  nakataa kwa Jina la Yesu. Laana za kichawi, ninazifuta kwa jina la Yesu.

Endapo mchawi wa aina hii akatumiwa kutamka laana za kichawi  kwenye madhabahu zao, mashetani hulinda zile  damu za kafara walizomwaga. Wajumbe wa utekelezaji huamriwa kwenda na kusababisha ule uharibifu  uliotamkwa kwenye zile  madhabahu za kichawi.

Ushuhuda wa Mr.& Mrs. Malinga jinsi mtoto wao Naomi
alivyopata Ukichaa baada ya kufaulu form 4,  lakini Yesu
akamrudishia fahamu zake ndani ya Nyumba ya Ufufuo na
Uzima - Morogoro. (Ushuhuda huu upo kwenye hii Blog)

Wapo watu wanaotamka laana za uharibifu usiku na mchana. Mashetani  yakeshapokea ile sadaka hutekeleza laana husika mara moja. Biblia inasema “Laana isiyo na sababu haimpigi mtu”. Hata hivyo, laana ya kichawi haihitaji sababu yoyote kumpata mtu. Shetani hahitaji ruhusa kufanya  uharibifu. Imeandikwa “Achimbye shimo atadumbukia mwenyewe”.  Kuna mtu ametoa milioni moja mahali ili wewe ufukuzwe kazi ingawa hujui hilo. Leo kama Bwana aishivyo, na roho yako iishivyo,tutamchakaza huyo mtu kwa Jina la Yesu.

ISAYA 54:17…[Kila silaha itakayofanyika juu yako haitafanikiwa na kila ulimi utakaoinuka juu yako katika hukumu utauhukumu kuwa mkosa. Huu ndio urithi wa watumishi wa Bwana, na haki yao inayotoka kwangu mimi, asema Bwana.]… Kumbe kuna ndimi zinazoinuka dhidi yako.

MAOMBI: Laana ya Uchawi iliyoleta matatizo juu yangu, naifuta kwa Jina  la Yesu. Maneno yoyote yaliyotamkwa kwenye madhabahu za wachawi, nayafuta kwa Damu ya Yesu. Shetani na malaika wote mliotumwa mkae kichwani mwangu, mkae kwenye familia yangu, ili mtekeleze laana za wachawi, mtekelezaji wa laana  jini, leo nawafyeka kwa Jina la Yesu. Mtekelezaji wa laana, mtekelezaji mwanaume au mwanamke,  ng’ooka kwa Jina la Yesu. Amen.

Maneno uliyotamkiwa wewe nayafuta kwa Jina la Yesu. Msalaba wa Yesu Kristo ulifuta laana zote. Laana humfanya mtu mambo yake yasimwendee vizuri. Laana yaweza kuing’oa milango ya mafanikio yako. Kumbuka maneno  huumba, na hata Yesu aliumbwa kwa neno la Mungu.  Bwana aligeuza kinywa cha Balaam kutamka Baraka kwa Wana wa Israeli  badala ya laana.

Hata ndugu zako wanaweza kukodi waganga wa kienyeji ili wewe uharibikiwe. Wanapotamka uharibifu ule,  mashetani hunyweshwa hiyo damu ya sadaka na kukimbia mara moja kutekeleza huo uharibifu.madhabahu  zingine hujjengwa ndani yako mwenyewe, kwa kuweka “kiti cha enzi” ndani yako ili kufuatilia hatua kwa hatua maisha yako. Mtu wa aina hii,  endapo atakuja mwenza/mchumba akitaka amuoe, mara  huanza kukataa mwenyewe  kuolewa. Au endapo mtu  huyo anapata kazi, maadamu kituo kile kimo ndani mwake, huanza kujisikia kutoipenda hiyo kazi, na kutaka kuacha. Wasimamizi hufanya kituo. Na wanapokuwa wanatamka  laana, wasimamizi wa laana huteuliwa kusimamia hiyo laana.

MAOMBI: Ewe kiti cha enzi cha Ibilisi,  nakupiga kwa Jina la Yesu.leo mwili wangu naugeuza kuwa mwali wa  moto kwa Jina la Yesu.  Wageni wa baharini, wageni wa shimoni nawfyeaka kwa  Jina la Yesu. Amen.

Leo ni siku ya kuyafuta maneno yoe yaliyowahi kutamkwa kwenye madhabahu za uchawi. Maneno ya wachawi ndiyo yaliyokufikisha kwenye taabu uliyo nayo  leo hii. Yapo mambo yanayokupata, kutokana na maneno yaliyotamkwa zamani na wazazi au wachawi wa eneo lako. Leo tunavuruga damu za kishetani, kisha tuwarudishie wao kwa Jina  la Yesu. 

Dhambi ni sehemu mojwapo ambayo huwafanya wachawi waweze kukuona katika madhabahu zao. Wote waliokimbilia msalaba wa Yesu walipata heri. Ni vyema leo ufanye maamuzi ya kumfuata Yesu na kuzishinda  nguvu za wachawi kwa Jina la Yesu.

 

==Information Ministry (Ufufuo Na Uzima - Morogoro)==

==(Cellphone: (+255) 713 45 95 45)==