SOMO: KUIVUNJA ROHO YA MAPANZI - Pastor Dr. Godson Issa Zacharia (SNP)

JUMAPILI: 03 AUGUST 2014 - UFUFUO NA UZIMA MOROGORO

Utangulizi: Somo la Jumapili ya leo  linaitwa “Kuivunja Roho ya Mapanzi”. 

Mdudu aitwae Panzi

Mapanzi ni viumbe / wadudu waharibifu wakaao kwenye nyasi na majani. Wadudu hawa ni  waoga sana, kiasi kwamba hata upepo kidogo tu ukipuliza huwafanya hawa wadudu waruke na kukimbia.  




Imeandikwa katika HESABU 13:33….. [Kisha, huko tuliwaona Wanefili, wana wa Anaki, waliotoka kwa hao Wanefili; tukajiona nafsi zetu kuwa kama mapanzi; nao ndivyo 

Baba SNP Dr. Godson Issa Zacharia akihubiri somo la "Kuivunja  Roho ya
Mapanzi, katika Nyumba ya Ufufuo na Uzima - Morogoro, leo 03 /08 / 2014.

walivyotuona sisi.]… kwa nini hawa watu waseme hivyo? Ni nini asili ya nafsi ya mwanadamu?

Mwanadamu anazo sehemu kuu tatu: mwili ambao ulitolewa udongoni, roho ambayo asili yake ni mbinguni ilikotoka, na nafsi ambayo ni muunganiko wa mwili na roho. Nafsi ni bora kuliko mwili, na roho ni bora kuliko vyote (mwili na nafsi). Asili ya nafsi ni hapa hapa duniani.

MWANZO 2:7…[Bwana Mungu akamfanya mtu kwa mavumbi ya ardhi, akampulizia puani pumzi ya uhai; mtu akawa nafsi hai.]… Neno nafsi linaanza kuonekana kwa mara ya kwanza hapa. Miili yetu imetokea kwenye udongo. Tofauti yake na udongo wa kawaida ni kuwa, udongo  uliopo kwenye mwili  uliwahi kuguswa na mikono ya Mungu.

LUKA 9:24… [Kwa kuwa mtu atakaye kuiponya nafsi yake ataiangamiza, na mtu atakayeiangamiza nafsi yake kwa ajili yangu ndiye atakayeisalimisha.]… Tamaa na kiburi ni matunda ya nafsi, kwa sababu ilitoka hapa hapa duniani.

1 JOHN 2:15… [Msiipende dunia, wala mambo yaliyomo katika dunia. Mtu akiipenda dunia, kumpenda Baba hakumo ndani yake.].. Nafsi ya mtu ikiharibika na huyo mtu  anaharibikiwa kwa sababu nafsi ni  muunganiko. Utu wa mtu (personality) inatokana na nafsi. Nafsi ndiyo utambulisho wa mtu,  na kiini cha utu wa mtu.  

Huwezi kuvuna roho. Kwa Wazungu hawasemi wanavuna roho,  bali nafsi “soul winining”. Ukitaka kuibadilki tabia ya mtu lazima kwanza uanze na nafsi yake. Mtu anapokufa, nafsi nayo hutoweka. Hayupo mtu ambaye ni  profesa ambaye pindi  akifa ataendelea kuwa professa huko mbinguni,kwa sababu kinachoenda mbinguni siyo mwili na nafsi bali ni roho. Ijulikane kuwa, ndani  ya nafsi ya mtu ndimo elimu, hukaa.

Ndani ya nafsi zipo  idara tatu:-

Nafsi ina idara ya kwanza inayoitwa NIA. Ni idara ya fikra (Deprtment of mind / thoughts). Ndiyo idara inayoruhusu mtu kufikiria,  kufanya mipango mbali mbali (mfano: Mwaka huu nisome, nilime, nioe /niolewe n.k.). hii idara haipitishi mambo ovyo  ovyo. Endapo  mashetani wataivamia nia yako, hapo ndipo panapoleta shida‼!. Ndiyo maana imeandikwa katika WARUMI 12:2..[Wala msiifuatishe namna ya dunia hii; bali mgeuzwe kwa kufanywa upya nia zenu, mpate kujua hakika mapenzi ya Mungu yaliyo mema, ya kumpendeza, na ukamilifu.]...

Idara ya pili ndani ya nafsi huitwa UTASHI (Will). Hii idara hufanya maamuzi. Ndiyo maana Mungu ametupa uhuru wa kufanya maamuzi ya mtu kuokoka au la‼

YASHUA 15:24…[Nanyi kama mkiona ni vibaya kumtumikia Bwana, chagueni hivi leo mtakayemtumikia; kwamba ni miungu ile ambayo baba zenu waliitumikia ng'ambo ya Mto, au kwamba ni miungu ya wale Waamori ambao mnakaa katika nchi yao; lakini mimi na nyumba yangu tutamtumikia Bwana.]…

Idara ya tatu katika nafsi huitwa HISIA (Emotions). Ni idara ambayo nafsi ya mtu hujidhihirisha. Hapa mtu hhuwa na majonzi au furaha.  Unamuona mtu anakuwa na jazba kali sana hata kwa mambo madogo. Mtu aweza kufanya maamuzi ghafla na baada ya muda hujishangaa imekuwa je hata nikafanya maamuzi ya aina hii.

HESABU 13:33….. [Kisha, huko tuliwaona Wanefili, wana wa Anaki, waliotoka kwa hao Wanefili; tukajiona nafsi zetu kuwa kama mapanzi; nao ndivyo walivyotuona sisi.]… Hapa ni kwamba kila mmoja wao alijiona kama panzi. Jambo la ajabu ni kuwa pamoja na kuona uzuri wa ile nchi  na mazoa yake,  lakini hawa wapelelezi wa Israeli walizileta taarifa mbaya (HESABU 13:1-33). Biblia  haijasema wale wakazi wa ile nchi waliwaona wapelelezi kama mapanzi, bali wapelelezi hawa kwanza walijiona mapanzi, na wale wenyeji hawakuwahi kusema kuwa wapelelzi walikuwa  kama mapanzi. Jinsi unavyojiona wewe ndivyo ambavyo wengine nao watakavyokuona.

ROHO YA MAPANZI INAPATIKANA JE?

Shetani ni roho  na anao  mashetani wenzake wa kuweza kupanda hizi roho. Shetani hupanda roho ya kukufanya ujione huwezi  chochote.  Kwa lugha nyingine huitwa kifungo cha nafsi. Shetani huweza kupanda ndani ya nafsi yako pepo moja la kukufanya UJIONE huwezi chochote au  hufai  kwa jambo lolote, na ukawa hujikubali hata kidogo.

Wapo watu huwaendea waganga wa kienyeji ili wawape dawa ya kuinamisha wengine wajione hawafai kwa kuwaingizia roho ya mapanzi. Ndiyo maana unaweza kumkaribisha mtu ndani ya nyumba yako lakini badala ya kukaa kwenye kiti/kochi, mtu huyo hauomba akae chini kwenye mkeka!!!. Kuna mtu hataki kabisa kupanga nyumba mitaa mizuri, mjini lakini hupendelea kutafuta vyumba maeneo ya Manzese au  Uswahilini kwa sababu ya roho hizi za mapanzi.

MAOMBI: Katika Jina la Yesu, naifuta roho ya mapanzi ndani yako. Ugeuzwe kuanzia leo kwa Jina la Yesu.

ISAYA 43:4...[Kwa kuwa ulikuwa wa thamani machoni pangu, na mwenye kuheshimiwa, nami nimekupenda; kwa sababu hiyo nitatoa watu kwa ajili yako; na kabila za watu kwa ajili ya maisha yako.]…. Mungu ametufanya kuwa wa thamani.  Wapo watu ambao hata sura zao  huzikataa kwa sababu tu ya roho za mapanzi. Wapo watu wengine hata biashara hawawezi kuzifanya, na kutokana na roho  za mapanzi huleta kisingizio tu kwamba aina hii ya biashara huwafaa watu wa kabila fulani.  

JE ROHO YA MAPANZI ITANG’OLEWA JE?

HESABU 14:1-9 …..[ Mkutano wote wakapaza sauti zao wakalia; watu wakatoka machozi usiku ule. 2 Kisha wana wa Israeli wote wakamnung'unikia Musa na Haruni; mkutano wote wakawaambia, Ingekuwa heri kama tungalikufa katika nchi ya Misri, au, ingekuwa heri kama tungalikufa katika jangwa hili. 3 Mbona Bwana anatuleta mpaka nchi hii ili tuanguke kwa upanga? Wake zetu na watoto wetu watakuwa mateka; je! Si afadhali turudi Misri? 4 Wakaambiana, Na tumweke mtu mmoja awe akida, tukarudi Misri. 5 Ndipo Musa na Haruni wakaanguka kifudifudi mbele ya mkutano wa kusanyiko la wana wa Israeli. 6 Na Yoshua mwana wa Nuni, na Kalebu mwana wa Yefune, waliokuwa miongoni mwao walioipeleleza nchi, wakararua nguo zao; 7 wakanena na mkutano wote wa wana wa Israeli wakasema, Nchi ile tuliyopita kati yake ili kuipeleleza, ni nchi njema mno ya ajabu. 8 Ikiwa Bwana anatufurahia, atatuingiza katika nchi hii atupe iwe yetu, nayo ni nchi yenye wingi wa maziwa na asali. 9 Lakini msimwasi Bwana, wala msiwaogope wale wenyeji wa nchi, maana wao ni chakula kwetu; uvuli uliokuwa juu yao umeondolewa, naye Bwana yu pamoja nasi; msiwaogope.]… Walikuwepo wanaume wawili wasiokuwa na roho ya mapanzi (Yoshua na Kalebu). Kuna namna ya kuiondoa  roho hii ya mapanzi nayo ni kubadilishwa jina. Wapo watu walishakuita majina: Mfano; wewe ni mgonjwa, taabu, asiyeweza, maskini, kilema, asiyefaa, .... n.k.

YOSHUA mwana wa Nuni, kabla ya kutumwa na Musa alikuwa akiitwa HOSHEA (Maana yake; Yahwe ni mwokozi wangu. Imeandikwa YOSHUA 13:16…[Hayo ndiyo majina ya hao watu waliotumwa na Musa waende kuipeleleza nchi. Na huyo Hoshea mwana wa Nuni, Musa akamwita jina lake Yoshua.]…Musa alimbadilisha Jina Ili  Roho ya Mapanzi isiwe ndani yake. Jina kubadilishwa hufanywa pale mtu anapohama kwa kuookolewa na kuondolewa kwenye ufalme wa ibilisi.

HESABU 14:6-9…[Na Yoshua mwana wa Nuni, na Kalebu mwana wa Yefune, waliokuwa miongoni mwao walioipeleleza nchi, wakararua nguo zao; 7 wakanena na mkutano wote wa wana wa Israeli wakasema, Nchi ile tuliyopita kati yake ili kuipeleleza, ni nchi njema mno ya ajabu. 8 Ikiwa Bwana anatufurahia, atatuingiza katika nchi hii atupe iwe yetu, nayo ni nchi yenye wingi wa maziwa na asali. 9 Lakini msimwasi Bwana, wala msiwaogope wale wenyeji wa nchi, maana wao ni chakula kwetu; uvuli uliokuwa juu yao umeondolewa, naye Bwana yu pamoja nasi; msiwaogope.]…Ukiivua roho ya mapanzi, waliokuteka watarudisha vitu vyako vyote kwa Jina la Yesu.  Unatakiwa kubadilishwa Jina na Kuhama kwa Jina la Yesu. Roho hii ya mapanzi imefanya baadhi ya watu kushindwa kuthubutu kufanya hata maendeleo yao binafsi. 

Leo ni siku ya kuwaponda wote waliokuonea kwa Jina la Yesu. Kumbuka kuwa, yalikuwepo makabila 12 kuwakilisha upelelezi wa ile nchi ya ahadi, lakini ni Yoshua na Kalebu tu (makabila mawili) waliyoweza kuikataa roho ya mapanzi na hivyo kuokoka na wasifie jangwani. Wale wapelelzi wengine wote walioasi  walifia jangwani kutokana na roho hii ya mapanzi.

Baba SNP Dr. Godon Issa Zacharia akimhoji Hadija, binti ambaye aliwahi kufa na kisha kufufuka baada ya
zaidi ya saa 12 huko Tungi-Morogoro. Kushoto ni mama wa Hadija,  akishuhudia jinsi alivyokaa katika msiba
huo, huku Sanda ikiwa imeandaliwa tayari. (Ushuhuda huu utawekwa kwenye hii Blog muda mfupi ujao).

MAOMBI: Katika Jina la Yesu, leo ninakataa roho ya mapanzi iliyopandwa ndani yangu. Imeandikwa “kila pando asiloopanda baba wa mbinguni litango’oloewa” , Nami nayang’oa mapando yote ya adui  shetani niliyopandiwa kwa Jina la Yesu. Leo ninasimama kinyume na roho ya mapanzi  waliiyoniwekea ndani yangu kwa Jina la Yesu.  Kuanzia leo,  nionekane vile vile kama ambavyo Bwana alikusudia kwa Jina la Yesu.

==Information Ministry (Ufufuo Na Uzima - Morogoro)==

==(Cellphone: (+255) 713 45 95 45)==