Ushuhuda: Mtoto Lucas Aliyepotea Kimaajabu Morogoro 11/09/2014

THIS IS MY STORY   - JUMAPILI  14.09.2014

Lucas akihojiwa na Baba (SNP Dr. Godson), akishuhudia
jinsi ambavyo alipotea na kwenda hadi Kuzimu. Kushoto
aliyesimama ni mama mzazi wa Lucas (Maria Jumamos).

Utangulizi: Mtoto Lukas ana umri miaka 8, yupo darasa la pili, alipotea jioni ya saa kumi na moja siku  ya Alhamisi wiki hii (11/09/2014)  baada ya kwenda kuchota maji  na dada yake, lakini maajabu dada alirejea nyumbani bila  kuwa na mdogo wake.  

Nyumbani walimsubiri kidogo na kuanzia saa moja  usiku msako  wa kumtafuta ukaanza rasmi. Msako huu uliongozwa na Mama mzazi wa Lucas aitwae Maria Jumamos (Potential Shepherd) kwa kupita na kuuliza majirani zake, nyumba hadi nyumba na kutoa taarifa ili kama wapo watu waliomuona huyu mtoto wamsaidie kumjulisha lakini bila mafanikio.

Maelezo ya  mama mzazi: Alhamisi 11/09/2014

Lucas akihojiwa swali kuhusu alivyokutana na 'Kivuli Jini'

Muda wa saa tano usiku, mama huyu  alimpigia simu Baba  (SNP Dr. Godson) na  kumweleza kilichotokea,  huku akilia. Baba alimtuliza na kuyafanya maombi mafupi, kwa kuamuru malaika wafanye msako wa nyumba hadi nyumba ili kumrudisha Lucas. Baada ya maombi haya alimwambia huyu mama wa Lucas alale bila hofu na kumsubiri mwanane kwani hakika atarejea kesho yake akiwa mzima.

Kesho yake: Ijumaa 12/09.2014

Mama wa Lucas alitii maelekezo aliyoambiwa na muda wa saa kumi  na mbili alfajiri aliamka na kwenda kutoa taarifa kwa Mwenyekiti wa Kitongoji cha Kilimanjaro – Kihonda, Morogoro), kuhusu upotevu wa Lucas.

Huyu mwenyekiti (ambaye pia kitaaluma ni mganga wa kienyeji) alimuhoji mama wa Lucas baadhi ya maswali kuulizia taarifa binafsi muhimu  kama vile jina lake, kabila lake n.k. Baadae kiongozi huyu alimwambia mama wa Lucas kuwa jana yake taarifa zilimfikia za mtoto aliyeokotwa hapo mtaani, ila watu  walioleta taarifa hizo hakuwataja majina yao. Anachodai ni kuwa hao watu waliondoka zao lakini huyo  mtoto hakuachwa pale nyumbani.

Mwenyekiti wa Kitongojji alimuonesha mama wa Lucas viatu aina ya 'yeboyebo' na kumwambia huyu mama aende zake nyumbani kuendelea kumtafuta huyu mtoto na pindi akimpata azilete taarifa hizo kwake. Mama wa Lucas alimshangaa sana huyu kiongozi, kwani badala ya kumpatia jibu la wapi alipo mwanae, badala yake yeye alimpatia viatu vya  ‘yeboyebo’‼!

Mama wa Lucas (kushoto) akihadithia yaliyomkuta mwanae (aliyesimama kulia).
Katikati ni Baba (SNP Dr. Godson) wakatiwa ibada ya Jumapili 14/09/2014.

Wakati huyu mama anarudi nyumbani kwake na zile yeboyebo, ndipo alipopigiwa simu  upya na baba (SNP Dr. Godson) aliyeendelea kumsihi aendelee kupiga majeshi,  na kwamba hata yeye binafsi anamwombea na kumwamini Mungu kuwa huyo mtoto atapatikana tu  akiwa hai.

Rafiki wa mama mzazi wa Lucas (Agatha Thadey) akieleza yale
aliyoshuhudia kumhusu Lucas alipokutwa nyumba ya mwenyekiti
wa Kitongoji, leo tarehe 14/09/2014 Ufufuo na Uzima Morogoro.

Hata hivyo,  alipofika karibu na nyumbani, alikutana na rafiki yake aiwae Agatha Thadey (Potential Shepherd) mbaye pia ni majeshi majeshi wa Ufufuo na Uzima -  Morogoro. Huyu baada ya kusikia maelezo ya taarifa ya  kupatikana tu  kwa yeboyebo za Lucas bila mwenye viatu hivyo kuonekana, kwa ujasiri alimtia moyo huyu mama na  kumwambia  kuwa ‘haiwezekani, kwani aliyekupatia hizi yeboyebo ndiye mwenye  majibu ya alipo Lucas na lazima huyo mwenyekiti ahusike moja kwa moja na maelezo  ya alipo huyu mtoto . Aliongeza kusema ‘iweje viatu viwepo  lakini mwenye viatu haonekani??!’ Waliondoka pamoja na kurudi kwa huyo mwenyekiti wa kitongoji huku wakifanya maombi ya kushindana.

Taarifa za kuonekana kwa mtoto wa ajabu mtaani  - Ijumaa 12/09/2014

Walipokaribia nyumbani kwa huyu mwenyekiti, njiani, walikutana na baadhi ya majirani waliokuwa wakihadithiana kuhusu tukio la kuonekana kwa ‘mtoto wa ajabu’ hapo mtaani kwao‼! Kwa mujibu wa hao majirani, kwenye ile nyumba ya mwenyekiti wa kitongoji kuna mtoto ambaye ameonekana anapita kwenye dari, na anapanda ukuta mithili ya mjusi na kupenya kwenye vitundu vidogo vidogo sana ambayo kwa hali ya kawaida ‘mwanadamu wa kawaida’ hawezi kufanya hivyo.  

Hii ikawa fursa ya mama wa Lucas na rafiki yake kuwaeleza kuwa wanachosema ni ‘mtoto wa ajabu’ siyo kweli, bali atakuwa ni huyo mtoto wao LUCAS wanayemtafuta. Basi wakaelekea moja kwa moja kwa ile nyumba ya  mwenyekiti wa kitongoji, ambapo walikuta halaiki ya watu wakimshangaa Lucas, huku wakihadithiana yaliyotokea,na vituko vya huyo aitwae ‘mtoto wa ajabu’.

Walipofika walimuona Lucas akiwa ameshakamatwa huku amebadilika sura na amevimba usoni‼! Inasemekana kuwa  katika zile harakati za kumkamaata, walitumia fimbo. Hata hivyo,  Maajabu ni pale Lucas alivyokuwa akibadilika sura na rangi yake kila baada ya muda mithili ya kinyonga. Mama wa Lucas na rafiki yake walichochea maombi ya kushindana kuharibu nguvu za giza zilizokuwa zinamshikilia Lucas na hatimaye ufahamu  wake ukamrudia.  

Wakati hayo yakiendelea huyo mwenyekiti alikuwa keshaondoka nyumbani kwake. Alipigiwa simu na akaja mara moja. Hata hivyo, pindi alipofika alianza kugomba na kulalama kuwa ingawa huyu  mtoto ni mdogo lakini amemshinda nguvu‼!, Aliongea kwa ukali, akiwaamuru wazazi wa Lucas kumgharamia nauli ya bodaboda aliyokodi kurudi nyumbani,  na kuwataka wakeshaondoka baadae warudi kutengeneza zile sehemu za nyumba yake ambapo Lucas aliziharibu wakati akipenya na kutambaa kama mjusi kwenye kuta na dari za ile  nyumba.

Ni yapi Maelezo binafsi  ya Lucas ya kilichomtokea?

Baada ya Lucas kupatikana na kuwa na ufahamu wake, leo hii ameeleza kile kilichotokea mbele  ya mamia ya majeshi ya Bwana wa Ufufuo na Uzima Morogoro. Kwa mujibu wa maelezo yake, mambo yalianza pale alipoenda kuchota maji na dada yake. Wakati wa kurudi kutoka kisimani, Lucas alijiongoza mwenyewe kwa kupita njia tofauti na dada yake. Njiani ndipo alipokiona kivuli na alipokikanyaga tu,  hatimaye  kile kivuli kilimshika mkono na kumvuta na kumwelekeza njia hadi alipojikuta yupo kuzimu. Kwa maneno ya Lucas, kile  kivuli  kumbe kilikuwa ni “jini.”

Kile kivuli kilimpeleka Lucas hadi mahali mkuu wa sehemu ile (Shekhe Abduli) anapoishi. Huyu Shekhe alimnywesha Lucas damu ya wanadamu  kiasi cha nusu dumu wakati wakiwa wote huko kuzimu‼!!

Ni kwa nini Lucas alinyweshwa hii damu?  

Huyu shekhe Abduli alimnywesha Lucas hiyo damu ili atakapomtuma kazi apate nguvu kuwashinda maadui zake. Mmojawapo wa maadui hao waliolengwa kudhuriwa ni mwenyekiti wa kitongoji kile. Lucas alitumwa aipeleke dawa ambayo akifika tu kwa huyo mwenyekiti wa kitongoji angeimwaga kwenye ile nyumba yake, na baadae mwenyekiti huyu apende asipende lazima angekufa‼!!

Lucas aliwezaje kwenda kwa mwenyekiti wa kitongoji kutimiza lengo hili?

Lucas anasema,aliporudishwa juu akitokea kule kuzimu, alikutana na watu aliowaita ni ‘Maustaadhi wa Dukani’ pale mtaani kwao. Hawa ndio waliojifanya ‘wasamaria wema’ kwa kumpokea na kutengeneza mbinu ya kuwahadaa watu kuwa kuna mtoto wamemuokota‼

Lengo la wao ‘kumuokota’ lilikuwa ni  mtego uliotengenezwa ili kumfikisha Lucas kwa huyu kiongozi wa serikali aliyekusudiwa kudhuriwa na ile dawa kutoka kuzimu bila yeye kujua‼. Walisingizia kuwa huyu mtoto Lucas ameokotwa na haijulikani anapokaa na ndipo fursa ya kwenda kwa nyumba ya mweyekiti wa kitongoji ikatokea. Walimfikisha Lucas kwa mwenyekiti wa Kitongoji na wakatoa  maelezo ya tukio la mtoto aliyeokotwa, kisha hawa ‘maustadhi wa dukani’ ghafla waliondoka na kurudi kwao. Kumbe kuondoka kwao kulisababisha yule ‘kivuli jini’ wa kuzimu amfiche Lucas kwenye magunia ya mahindi ya ile nyumba ya mwenyekiti wa kitongoji, ili kufanikisha ule mpango wa ile dawa ya Shekhe Abduli. Ndiyo maana haikuwa rahisi  kwa mama mzazi wa Lucas au hata mwenyekiti wa kitongoji mwenyewe kuweza kumuona Lucas pale alipokuwa ameachwa au kufichwa.

Ilikuwaje hata Lucas anig’ginie kama nyoka na kupita kwenye matundu?

Lucas anasema, yule  ‘jini kivuli’ ndiye  aliuleta mwili mwingine tofauti na ambao ndio Lucas alioutumia kujificha na kupita kwenye matundu madogo madogo. Jini huyu alikuwa akimhadaa Lucas kumwambia eti ni yeye rafiki yake mpendwa.

Lucas anazungumzia je Maisha yalivyo kule Kuzimu?

Lucas anasema watu waliokuwepo huko  kuzimu ni wengi kuliko hata waliofika ibada ya hapa kanisani leo Jumapili 14/09/2014. Anasema hao watu walikuwa wamevalia vichupi tu.  

Tukio la  Lucas limetafsiriwa je  hapo mtaani?

Lucas akielezea maisha yalivyo huko  kuzimu, leo 14/09/2014
katika Nyumba ya Ufufuo na Uzima Morogoro.

Tukio hili limevuta hisia za watu wengi sana hapa Morogoro, na hasa kwenye  Kitongoji cha Kilimajaro – Kihonda. Ni watu wengi waliofika kushangaa kuonekana kwa Lucas na kuviona vituko vyake.  Hawa watu walikuwa wakisema huyo mtoto ni wa miujiza kutokana na ule uwezo  wa Lucas kupita kwenye  matundu kama mjusi, chumba hadi chumba. Pili, Majirani wengi walikuwa wakishangaa 'nguvu za kiroho' walizo nazo hawa wazazi wa Lucas. 


Majirani walikiri kuwa wapo watoto ambao wamepotea kwa mazingira ya kutatanisha siku za karibuni kwenye kitongoji hicho hicho bila kupatikana  na ndiyo maana  inawashangaza kuona mtoto huyu Lucas ameweza kupatikana akiwa salama.  Sifa na Utukufu Apewe Bwana Yesu Kristo. Amen.

MAOMBI: Kwa Jina la Yesu, Nawapiga majoka wote walionizingira katika Jina la Yesu. Ninaamuru majini wote waliokaa ndani ya mtu, au  ndani yangu waondoke,  na kuwaagiza waachie na kumkimbiza huyu mtu na kumleta mara moja, kwa Jina la Yesu. Amen.

© Information Ministry (Ufufuo Na Uzima - Morogoro)

==(Cellphone: (+255) 713 45 95 45)==